بان كيك Pancake
المقادير:
1 كوب دقيق، 1 كوب حليب، 1 بيضة مفصول البياض
½1 م ص باكنج بودر، 1 م ك سكر، ¼ م ص ملح،
فانيليا، 2 م ك سمن أو (زبدة)
(قمت بمضاعفة المقدار :) )
الخطوات:
يخفق بياض البيض حتي يجمد
في وعاء عميق يوضع الدقيق والسكر والملح وصفار البيض
والباكنج بودر والسمن والحليب والفانيليا
ويخفق جيدا بمضرب السلك
يضاف بياض البيض ويقلب حتي يتجانس مع الخليط
استخدمت آلة البيتزا الصغيرة الكهربائية
يمكنك استخدام المقلاة او الصاج بوضعها علي النار
يشرفنى أكون أول المعلقين على البانكيك البفتح النفس دا…….يا سلام عليك يا ست الذوق ابدااااااااااااااع تسلمى يارب العالمين ماشاء الله تبارك الله
والله بجد ماشاء الله
حاجة كده خفيفة ودافية على الايام الباردة اللي احنا فيها
تسلم ايدك سماسم
ربي يسلم يا طقطق يديك العافية
السلام عليكم ياسمسماية استفيدت منك كثير وكلو بظبط معاى بس عايز اسال بالنسبة للبانكيك المالح نعملوا بشنو وشكرا على مجهودك الرائع والمتقن ودمتى بصحة وعافية
ربى يديكى الصحة والعافية ويديكى اللى فى بالك ، فى الصورة الفوق صفار بيضة ولا بيضتين يا سمسم وربى يسلمك من كل شر
:) يا كوثر ان عملت مقدارين لانهم بحبوها
تسلمي علي قوة الملاحظة
سؤال محرج شوية يا سمسم ، بما انك فى السودان الدقيق اللى بتستعمليهو مخصوص ولا أسمر ولا ويتا ولا اى نوع والسلام ، معليش سمسومة أعفى لينا
ولا يهمك يا كوثر
بستخدم دقيق سيقا العادي (الاخضر )
دايما الدقيق العادي يخليك تستخدميه في اكثر الاشياء
المخصوص بتلاقيه مطاط فما بحب استخدمه
شكل رهيب وشكرا على الوصفة وربنا يحفظك من كل سوء
تسلمي ام ذياد :)
السلام عليكم و شكرا جزيلا علي الوصفة الرائعة. جربتها الليلة و حازت علي اعجاب الاولاد و ابوهم. بس استعملت طوة عادية وشكلو ما طلع عمل اسطوات زى حقك ..ما شاء اللة.
برضو بجرب في الشريق بعد ما نجح المرة الفاتت بفضل اقتراحاتك للجو البارد. مستنياهو يضاعف في الصينيه علشان اخبزو. المرة دي اضيفت كربونات و انشاء اللة يطلع كويس.
الف شكر ليك وكل سنة و انت بخير و عافية.
فاطمة
وعليكم السلام ورحمة الله لنا عملت في الصاج يا فاطمة وطلع كويس ممكن تشوفيهو هنا
http://www.facebook.com/note.php?created&¬e_id=137012829691918&id=186797234669418
وبعدين جيت جربت الة البيتزا
معليش نسيت اسألك عن وصفة للمخللات السودانية الاصلية. لو عندك اكون جد شاكرة لانو البسألو كلو بيقول بيشترو الجاهز. الف شكر و معليش علي الأسئلة و الطلبات.
فاطمة
يا سلام حاجة تشهى..تسلم الايادى
يابنات انا جربتة بالصاج وطلع رهيييييييييييب وخفيف ولذيذ
تسلللللللللللللللللللللللللللللللللللمى يا سمسم وربى يمتعك دنيا وآخرة وناوية عليهو الجمعة بإذن الله
تسلمي سمسماية جد انت رووووووووووووووووووووووووعة
سلامات سمسماية
تسلم ايدك علمتني طريقة مختلفة لبان كيك افكارك جميل ومفيد في نفس الوقت تسلمي وانا في انتظار وموضوع الكيك او الجاتو حاجه خفيفه لشاي الصباح او المساء
ان شاء الله اعمل ليكم كيكة الشاي
جربتوا يا سمسمة وطلع رهييببببب تسلم الأيادى
ما عايزة أكرر الكلام اللى إتقال قبل كده وإنى أستفدت من الموقع ده كتير أكيد إنت متأكده من كده بس عايزة أشكرك على كرمك علينا وشرحك الوافى وطريقة تقديمك الرائعة
جعلها الله فى موازين حسناتك
يا مي يكفيني انه الوصفات بطلع معاكم رهييييبة
وان شاء الله ربنا يجزيكم انتم ايضا الخير
وربنا يتقبل
طيب ياغاليه حاب اسال عن وصفه المكورنه البارده الامريكيه وين راحت دورت عليها في الموقع مالقيتها ارجوك افيديني زوجي طالبها مني
بعض التدوينات فيها مشكلة لكن الوصفةك
المعكرونة الباردة
المقادير:
½ كيس معكرونة (225 جرام)، 4 م ك مايونيز، ½ م ص خردل
1 م ك كاتشب،كوب ذرة (سادة)، 1 فلفل اخض و احمر (كبير)،
1 طماطم كبيرة، كوب جبنة قشوان مقطعة مكعبات صغيرة
زيتون اسود شرائح،عبوة مارتديلا دجاج، ملح، فلفل
الطريقة:
تسلق المعكرونة كما مبين في العبوة وتصفي وتترك في مصفي
يقطع الفلفل الاخضر والاحمر مكعبات صغيرة
يقطع الطماطم الي مكعبات صغيرة
نقطع شرائح المارتديلا الي مربعات صغيرة
يضاف المايونيز والخردل والكاتشب والفلفل والملح
الي المعكرونة ويقلب جيدا حتي يمتزج الجميع
تضاف بقية المكونات الي خليط المعكرونة
وتقلب بخفة
والله انتي انسانه روووووووووووعه مشكوره جدا ح اعملها وادعيلك انشاء الله
تسلمي سارة ما بتقصري
ان شاء الله ربي يسهل امري وامرك
الله عليك يا سمسومتي
والله أنتي طباخة خطيرة .. بتمنى أكون مثلك ..
ولكنه مستحيل .. !_!
ربي يحفظك ورقي الملون ان شاء الله بتصيري طباخة ماهرة
تسلم ايدك يا سمسمايه ما شاء الله تبارك الله الصوره تجنن,,هسي ماشه اعملها..بس عندي استفسار بسيط مكنه البيتزا بتتلقي وين وسعرها في حدود كم؟؟ وشكرا ليك
اهلا تغريد بصراحة انا جبتها من الامارات لكن هنا في السودان قالوا موجودة ان شاء الله اسأل منها واكلمك هي وين وسعرها
طيب ياعسل لو ماضربتا بياض البيض بالمضرب ح يحصل شنو .ايه الفرق. ولا ده عشان تكون مرتفعه. ارجو الرد ومشكوره كتييييييييييييييييييييير
بيخليها خفيفة يا سارة زي
ميرسي خاااااالص يا جميل :)
تسلم ايدك على الوصفات الاكثر من رائعه بالتوفيق
ممكن احشيهوا خضار وادخلوا الفرن
ممكن تحشيها بس لازم تكون رهيفة شوية وبتكون ذي الكريب (الكانولي) لانه البان كيك بيكون حلو
يا حلو
سمسماية الغالية .أول زولة أشوف البان الكيك الرهيب لكن ما شفتينى اللوم دا كيف …….ههههههههه
لاحظته انو بالصاح بيحمر سريع وماعندى آلة البيتزا ماممكن أختو فى فرن منخفض
سلااامات ام مصطفي حقك علي ولك العتبي حتي ترضي
بالفرن ما ممكن يا غالية لكن بالصاج ممكن تتحكمي في الحرارة
دمتي
العفو يا غالية يا ذوق ………….بس بشاغل فيك شرف لى التعليق والاستفسار فى مدونتك ………..
مشكوووووره على الافادة
عايزة وصفة للبسبوسة لو سمحتى ياسمسماية
http://simsimaya.wordpress.com/2011/01/21/%d8%a7%d9%84%d8%a8%d8%b3%d8%a8%d9%88%d8%b3%d8%a9/
قالوا البنى ادم لساااااااااااااااااان
يسلم لسانك استمتعت اكتر بردودك اشكرك بشدة على قمة الذوق
موووووووووووووووودتى
بالمناسبة جيت اخش اشوف البان كيك ،عملت بتاعى اليوم من راسى والله ،جيت اقارن لقيت الفكرة الروعة بتاعت فصل الصفار والبياض تسلمى ………………..
اجمل وصفه تسلمى
سلام عليكم سمسماية ممكن ادخل البان كيك الفرن ولاالا بالصاج والة البيتزا
ايديك العافية ,,, انا احمد ولدى نفسو فيهو كنت بعمل ليهو الجاهز لكن هسسسسسع ماشا اعمل ليهو بتاعك, بس ياريت تورينى انتى مقاساتك دى بالكوب المعيارى والملعقة برضو؟ اشكرك ياذوق
الكوب المعياري وبرضو قياسات الملعقة معيارية
عملتو طلع رهييييييييييييييب اديك العافيه
كل سنة وانتي طيبة يا سمسماية وربنا يحقق الامنيات من فضلك اريد معرفة طريقة البان كيك المالح وشكرا
وانت طيبة
العجينة دي ذاتها بس ممكن تخبزيها ارق (رهيفة يعني) وتحشيها باي حشوة مالحة زي الكريب
عندي وصفة للكريب شوفيها
http://simsimaya.wordpress.com/2011/08/06/%D9%83%D8%B1%D9%8A%D8%A8-%D8%A8%D8%AD%D8%B4%D9%88-%D8%A8%D8%A7%D9%84%D8%AF%D8%AC%D8%A7%D8%AC/
عملتو وطلع رهيييييب الله يخليك لينا