المقادير:
1 كيلو دقيق ،½1 – ¾1 كوب سمن بلدى (يعتمد علي نوع الدقيق)، قليل من الملح ،ملعقة صغيرة هبهان مسحون ،
رشة قرفة مسحونة،فنجان شاي جوزهند،1 ملعقة كبيرة باكنج بودر،4م ك زبادى
الخطوات:
تخلط المقادير الجافة جيدا
يضاف السمن الدافئ ويعجن جيدا
يضاف الزبادى مع الاستمرار فى العجن حتى تتكون عجينة متماسكة
يغطي العجين جيدا ويترك لمدة 30 دقائق ليتخمر
تفرد العجينة وتقطع بقوالب صغيرة
ونقوم بالنقش عليها بالمنقاش
ترص فى صينية فرن وتخبز تنضج ويصبح لونه ذهبي
بعد ان يبرد تماما يتمّ تغطيته بالسكر المسحون
امبييييييييييييييييييين لذيذ
بس مو كأنوو السكر زيادة ^^
السلام عليكم سمسمايه بصراحه انا ما فهمت شرحك للمقادير ممكن توضيح اكتر …………. وكمان السمن بيكون ساخن جدا ولا بس دافى لانى شفت فى التليفزيون شالت السمن وهو ساخن جدا من على النار وحطته فى الدقيق بس التوضيح لو تكرمتى
اهلا بيك ام روزي
المقادير ياستى الدقيق كيلو والسمن كباية ونص او كبايتبن الا ربع
بمعنى تجهزى كبايتبن لا ربع وتبدي تكبي السمن كباية ونص
بيفضل ربع كباية لو حسيتى الدقيق لسة محتاج سمن بتكبى باقي السمن
اما بالنسبة للسمن انا ما بخلي السمن حار
بس يدوب يبدا يسخن وطريقتى دى معتمدة
انتظر تطبيقك
امممممم مرره لذيذ .. يسلم هاليدين يارب
انا عملت بنفس الطريقه دي ؤطلعت تجنن ربي يسلمج
رائع تسلم إيدك
سلام سمسمايه
شكرا كتير على طريقة الكعك الناعم انا اول مره احاول اصنعه بس متفائله بالنتيجه انشا الله بعد التطبيق حابشرك بالنتيجه وتسلممممممممممممممممممممممملى
[…] الكعك أو الناعم […]
لازلنا فى موسم الحزن
لاجل الصغار ساحاول ان اطبق
لن اعطيك النتيجة لانى حينما اكون حزينة اصنع الاشياء خاطئة
ويصير كل شئ مالح بطعم الدموع
تدهشينى دوما بابداعاتك
تخريمة
كيف ديار ليلى الجديدة مؤكد رائعة بلماساتك
والله عملته وطلع تحفه وكمان الكعك بتاعك المحشي وكان فظيييع ربنايسهل عليك وينور دربك بالخير والعطاء
ياسمسمايه انا بديك وصفه غريبه جدا ورهيييييبه في نفس الوقت للكعك ياريت تجربيها وتديني النتيجه نبدأ بسم الله_ تلاته كوب ونصف دقيق ( ممكن تزودي شويه لانه دقيق لدقيق بختلف انا بستعمل الكويتي) مك باكنج باودر ممسوحه+ مك كافور + رشة ملح +كوب سمن + نصف كوب ثلج مجروش +ربع كوب نشأ _ يالله تختي النواشف كلها مع بعض وتخلطيها تمام بيدك حتي تندمج كل المكونات بعدها ضيفي السمن وكباية التلج وادعكي وادعكي حتي تفك العجينه من يدك بفضل ليك شوية تلجات طلعيها وقطعي بسرعه وطوالي علي الفرن بتاككلي ومابتدي معاك زول جربي واديني النتيجه لو عايزه لونه ابيض اعمليهو بالسمن النباتي ولك التحيه
انا طريقتي في الكعك لاني بحبو( كيلو دقيق+كبايه زيت+كبايه سمن+نص كبايه حليب+نص ملعقه ملح+3 م ك باكنج بودر+3 م ك سمسم+2م ك كافوره) وجربيه واديني رايك
ان شاء الله
بس انا ما بحب الكافور
بعمله بدوووون
:)
اما انا وصفتى كمان مختلفة شويه اول كيلو دقيق وكباية لبن بودره او سايل ومعاهو 2كيس خميره ورطل زيت او سمن لانى ما باكل السن لكن ممكن تعمليه مقدار رطل او زيادة شويه وذرة ملح وكافور مسحون اى كميه مثلا ملعقة للكيلو بقوم بغلى الزيت فى النار لدرج التسخين وبكب اللبن فى المباية ومعاهو الخميرة وابضربها جيد بالمعلقة وبختها على جنب برفع الزيت واكبو على الدقيق وبعلقة الخشب اخلط الدقيق كويس وارش عليه الملح واكب طبعا الحليب بالخميره واخلط جيد واتركه على جنب لمده نصف الساعة واقطعه وادخله الفرن وبعد النضج امرمقه فى السكر وبالهنا ودى طبعا طريقى انا
ح اجربها مقاديرك دي لاني من زمام نفسي اعمل كعك الخميرة دا
بس حاسة اللبن كتير شوية
واللة حيرتونى الكعك دا واحدة بالزبادى واحدة بالثلج واحدة بالحليب وانا ماحخصل عملتو لذلك مابعرف الكعك السمح طعمة كيف سالت اختى قالت لية بكون هش شديد يعنى باليد بتفتفت قلت اجرب واحد واحد جربت حق التلج طلع زى بسكويت الشاى الجاهز مقرمش من برة وهش فى الاكل بس مابتفتفت باليد
ياستي الكعك دا مدارس
الكعك البفتفت في اليد قبل ما يصل الي خشمك دا ما بيكون فيه سائل او بسيط بالاضافة الي المادة الدهنية السمن مثلا بيكون كتير
لكن احسن واحد دا البيكون بين الاتنين
كدي جربي دا وادعي لي
اخواني بسمو الكعك دا الصاقعة
لانهم بيقولوا سمح شديد
كدي انت قولي لي صاقعة ولا
:)
خلاص ياستى بشوف الصاقعة وبكلمك واللة موتينى من الضحك هههههههه
زيت بينفع ولا الا سمن
زيت كيف عاد كدا ما بيبقي صاقعة
سمن وياريت يكون بلدي
احلي حاجة نكهة السمن البلدي
سيحي الزبدة وسوي السمن
ههههههههههههه
يعنى بالزيت ببغى برق ساااااااااااااى ههههههههههههه
هلا سمسمايه وصفتك عجبتنى شديد ومؤكد حاسويها لانو انا وزوجى نمووووووووت فى الكعك انتى عارفه يا سمسمه بقيتى لى مرجع يعنى لو فى اى حاجه ما اقدر اسويها سيدا اروح للمدونه تسلم يدك وربنا يحفظك
يا ريت تجربيهو يا ام احمد
راااااااائع والله (صاقعة بس) ههههههههههه
اكيد ح تحبيهو انت وابو الشباب
:)
طبعا ياسمسماية الكعك دة ماصاقعة دة صاروخ ارض جو عجييييييييييييييييييييييييييييييب عشان كدة عمو حمادة ماادانا فيهو فرصة تسلميييييييييييييييييييييييييييييييين ياعسل ويسلمو ايديك
يا سمسمه باركى لى عملت الكعك وطلع رووووعه وطعم رهيييييييب تقولى لى صاااااااااقعه الشويه دى اقوليك ده دماااااااااااااااااااار عديل كده بشكرك جدا واكبر تحيه لاحلى سمسمه فى الدنيا
الله يبارك فيك يا ام احمد
والله مبسوطة لان الكعك طلع معاك دماااااااار
لما شعيتيني كعك بالهناء ان شاء الله
وما شاء الله تبارك الرحمن
وتحلي ليك العافية
:)
يا سمسمه ابو الشباب بيحب الكعك جدا وعجبو شديد حتى اولادى الصغار انتى عارفه احنا بنحبو مع الشاى وانا لو شكرتك من الليله لى بكره شويه عليكى
لا يا ام احمد والله ان ما عايزة شكرك
يا ستي ربنا يدك العافية وعيالك
يخليكم لبعضكم
يكفيني دعوة صادقة دمتي
سمسمه انتى تستاهلى الشكر والدعاء وربنا يحفظك ويحقق ليك كل البتتمنيهو ومزيد من التقدم يا رب.ياسمسمه كنت دايره اسالك عن المقاديربتاعت بسكويت الغريبه بى المربه وجوز الهند .
اول مره فالتاريخ افتش ويبسايت للطريقه عمل الناعم وانا مبهروه صراحه لان الوصفه دى شكلها خطيره بس انشالله تزبط معاى
والمفترض اعرف على نفسى ولا انا مافاهما شنو دا بالظبط
المهم انا فطوم عمرى 21 سنه وبس حبيت اعمل حاجه حلو لى بت عمى لانها وضعت بنت اموره وانا معاها فى البيت دا كل الفلم شكرا لسمسه شايفا الناس كلهم بشكرو فيها تحياتناا نحنا كمان يااستازه هههه سلام عليكم
يا ستي اول شي مرحب بيك
وان شاء الله تظبط معاك الوصفة
لازم تدينا تقريرك :)
وشكرا ليك
اهلين اهلين اوكى بدايه التقرير اول حاجه بت عمى مخلوعه فينى عديل كده . والعجب زوجها داخل شايل وحده وطالع شايل وحده مع التعليق المختلف انو الناعم خطيررررررر ومره فظيعععععع وطعمو حلو شديددددد وطبعا مع كلو تعليق بكون اكل وحده ههه وانا اشيل واقول نفس الكلام يازول بالهنا .. تانى واهما شى الشفع ماشالله عندنا واحد اسمو حمودى دا الله يدى العافيه جننى كل مايجى ضيف والتانى انا لازم املى الشياله ناعم وحلاوه هههه اسى هو قدامى وخشمو ملاان سكر
بالجد اشكركم كتير وربنا يديكم العافيه وسورى على البريه الفوق دى واعتقد انو كلكم سودانين لانو كلامى دا مااتخيل انو كل الناس تفهمو
وووو رمضان كريم بالمره كمان للجميع… سلام عليكم :)
فطومة مرحب بيك وشكلك عسل ودمك خفيف ياريت ماتنقطعي وياريت تجربي ليهم بسكويت الشاي
شكرا ليكى ام ساره يديك العافيه كلك زوق والله. وبمناسبه بسكويت الشاى دا وين القاهاو والله فكره برضو
انتي اول من تفتحي مطبخ سمسماية فوق بتجيك روابط الوصفات افتحيها بتلقي كل مالذة وطاب واذا ماعرفتي افتحي الرابط داhttp://simsimaya.wordpress.com/%d8%b1%d9%88%d8%a7%d8%a8%d8%b7-%d8%a7%d9%84%d9%88%d8%b5%d9%81%d8%a7%d8%aa/
http://simsimaya.wordpress.com/2008/06/19/%d8%a8%d8%b3%d9%83%d9%88%d9%8a%d8%aa-%d8%a7%d9%84%d8%b9%d9%8a%d8%af/
http://simsimaya.wordpress.com/%d8%b1%d9%88%d8%a7%d8%a8%d8%b7-%d8%a7%d9%84%d9%88%d8%b5%d9%81%d8%a7%d8%aa/
يافطوماعملي ليها مديدة حلبةهههههههه بتلقيها في الروابط
دا كلامك هههه عملتها امبارح والله اول مره اعملها والبيت كلو بقولو انى انى ماممكن اكون مابعرف لانو بقولو لى دا شغل معلمين وكده هههه انا للمعلوميه زيرووو كبير وعلى الشمال كمان فى المطبخ مابعرف كتير والايامات دى هم معتمدين على فى الاكل وانا شوياا وحاتجنن لانو من النوع البزهج بس فى نفس الوقت بتاعات مزاجااات اسى انا بفتش عن طريقه لعمل الرز اتخيلو معاى المنظر بس هههه وشكرا لك ام ساره .. الله يعدى الايامات دى على خير غايتو
صدقوا أخوانك لما سموهو صاقعة…. يا جماعة زارتني سمسماية في البيت وأهدتني كمية من الكعك أول مرة في حياتي أتذوق زي الطعم ده … حاجة ابدااااااع وصاقعة ذاتها شوية عليهو وأي ضيف جاءني تساءل عن سر الطعم اللذيذ وكنت بجاوب بكل بساطة انو ده كعك سمسماية.
تسلمي يا ام لينة
بالهنا ان شاء الله
كبرتي لي رااااااسي
:)
سلام الكعك شكلو حلو شديد وانا بحب الكعك وانشاء الله اجرب الطريقه بتاعتك وياريت تظبط معاي
تحياتي للجميع
ان شاء الله يظبط يا مني
التزمي بالمقادير
رمضان كريم كعك جميل بس تعرفوا انا عندى مشكلة فى عيونى مابقدر اعمل العك نفسى فيهوا بناتى الصغار بحبهوا جدا ازا فى واحدى فى الرياض السعودية بتعرف واحدى بتبيع كعك رهيب تكلمنى انا بتصل عليها اكون شاكرة ليكم .
ان شاء الله ربنا يشفيك يا ام ايمان
وان شاء الله ناس الرياض لو عندهم فكرة
ما بقصروا ابدا معاك
لك التحية
صباح الخير
لو ممكن اعرف مقادير الجردل الكبير عشان العيد وكدا
تحياتي للجميع
كل سنة وانتم طيبين
بالنسبة للكمية لو عايزة تمليهو تخبزي من 3- ½3 كيلو
:)
تسلمى يا سمسمة…الكعك شكلوتحففففففة وماشة اعملو. لكن عندى سؤال بخصوص الفرن..انا فرنى كهربائي اها حرارة الفرن تكون كم? واخليهو قدر شنو جوة الفرن?
طبعا حسب نوع الفرن وتوزيع حرارته
لكن في الاول خلي الفرن يكون ساخن وبعد داك خلي الحرارة
متوسطة وراقبي الخبيز عشان تحفظي المدة
بعدين الكعك اول ما يبدأ يتحمر ما بياخد بعداك وقت كتير لانو فيهو سمن كتير لازم المراقبة
وكل سنة وانت طيبة
:)
رائعة يا غالية انا غايتو اى حاجة جربتها منك ظبطت معاى جدا وبقيت ما بثق فى اى وصفة او مقادير من غيرك
علشان كده منتظرين منك بسكويتات العيد وخاصة البتفور بالقطاعات وطريقة تشكيله وتزينه ويشهد الله بيضتى وشى قدامى ضيوفى خاصة رمضان والغربة وضيوف وعزابة وتعليقات تفرح ودائما وانا بجهز فى السفرة بدعى ليك لانو المنظر بيجنن
بس للاسف الكميرا ما بتكون جاهزة بس وعد الاسبوع الجاى كمية من التطبيقات
الله يبارك فيك يا ام صفوة ولك بما دعيتي لي واكثر
وان شاء دالله دايما وشك ابيض
ننتظر التطبيقات
بالنسبة للبتفور بالقطاعات ان شاء يومين كدا واعملوا ليكم
وبالتزيين
وكل سنة وانتم طيبين
:)
يديك الف عافية ياسمسماية الظاهر عليها وصفة رهيبة وشايفة الناس جربوها وطلعت زى ماقلتى صاعقة انشاءالله تطلع لى زيكم انا وزوجى بنموت فى الكعك
ان شاء الله يطلع صاقعة
ههههههههههه
كل سنة وانتو طيبين طبعا العيد قرب عشان كدا انا دخلت معاكم عايزة اعمل بتى فور بس عملتو قبل كدا طلع ماهش المشكلة وين
لبكون الدقيق بقي كتير يا سارة
لانو هو البيأثر في هشاشة الخبير بالذات لو خفقتي السكر والسمن (الزبدة) كويس
ازيك يا سمسم ياعسل انا عملت الكعك بتاعك ماتتخيلى فظيع كيف والله عجبهم شديد الله يخليك لينا ونتعلم منك اكتر يازوق بشكرك على اهتمامك جاوبتى سوالى انا طبعا زوله جديدة فى عالم المطبخ لكن الحمد لله حادخل لى عن طريق (عالم سمسم)
ما شاء الله عليك يا سارة
الحمد لله طلع معاك مظبوط وعجبهم
وكل سنة وانت طيبة
كيفك يا سمية قريت الوصفة الاولي الفيها السمسم ودخلت علي الوصفة دي اتلخبطت اشرحي لي (في الاولي الدقيق 3ك وفي التانية 1ك لكن البودر والسمن اقل في الاولي واكتر في التانيه ليه )ولك احلي التهاني
ام عبدو المقادير متناسبة
بس انت لخبطي في الدقيق في الوصفة الاول 3 أكواب
وفي الوصفة الثانية 1 كيلو
الاولي بالكوب والثانية بالكيلو عشان كدا بتلاقي اختلاقي لانو التاني اكثر كميته من الاول
تحيتي
مشكورة علي التصحيح وما عدمناك عليك الله تسعي لعمل كتاب وصديقيني ما حا تندمي علي الخطوة دي لانو الجيل الجديد دا خبرتو قليلة ومحتاجين مساعدة
ان شاء الله طلبكم دا ح يكون موضع درااااااااسة
كل سنه والجميع بخير وربنا يديكم العافيه ويتقبل الصيام والقيام
جربت الكعك وطلع رهيب عديل كدا
شكرا سمسماية وربنا يخليك لينا.
وانت بالف خير يا مني
الحمد لله طلع معاك رهيب معناها انت ذاتك نفسك حلو في الاكل
دمتي
مساء الخير سمسمة ياعسل شكرا ليكي كتير على الحاجات الحلوة دي ، وبكره ان شاء الله اجرب الصواعق دي واديكي خبر هههههههههه
عايزة اطلب منك طلب لو مافيها تعب ، ممكن طريقة السابليه
نفسي القى طريقة مضمونة ومجربة لانو بموووت فيو
وكمان عند مناسبة نفاس قريبة وكده عشان كده عايزة اعملو
وشكرا كتير ياعسل
سمسمة ياقمر حبيت اتاكد منك اولا حاجة الكوب هو الكوب العادي ولا المعياري
وبعدين شايفة كمية السائل قليلة يعني كيلو دقيق بيتعجن بس باقل من كبايتين سمن وشوية زبادي
ومعليش تعبتك بالاسئلة
اهلا يا حنون لا السائل ما قليل انت جربيه بنص كيلو وشوفي النتيجة
السمن لحدي كوبين الا ربع كاااااااافي للكيلو
ونفس المقادير اخواتك جربوها ممكن تمري علي التعليقات
لك التحية
تسلمي ياسمسمة ياعسل انتي انسانة جدا زوووووق
شكرا كتير على الرد . وحاجربو واديكي خبر
سمسومة لو ممكن اذا عندك طريقة للسابلية
واعفي لي تعبتك معاي
el salam je viens de voire se gâteaux et il parait très bon je vais le testé inchallah merci
لم افهم شئ غير السلام والشكر ولكن نا بينهما مفقود :(
ههههههههههههههه
ربي يسلمك ان شاء الله
:)
البنت ام ايوب دي قالت ليكي عندنا بارتي وقالت حاجاتك جميلة ورهيبة وسمحة سماح شديد وانحنا بنشكرك علي المجهود الرائع وقالت ليكي كل سنة وانتي طيبة وقالت كلام كتير لكن الباقي باللغة الصينية هههههههههه والله ياسمسماية حاولت اجمع الكلام لمن احوليت ماعرفت حاجةهههههه
انت يا ام سارة عسسسسسسسسسسسسسسسسسل عديل كدا
ربنا يخليك ويديك العافية
امين ياحلوتي
.
ماشاء الله تبارك الله يا سمسمايه تشهى الزول المطبخ ………بالجد شغلك احلى من منال العالم واسامه السيد …..خطييييييييييييييره يا سمسمايه…انت من القضارف؟؟؟؟
سمسماية العزيزة….ربنا يجزيك كل خير و احسان والله سترتينا وبيضتي وشنا قدام الناس..كل ما اعمل حاجة من حاجاتك بدعي ليك..امبارح عملت الصاقعة ومازلت بندهش بالنتيجة وكل مرة يبقى لي الذ من المرة القبلها…ربنا يسهل عليك زي ما سهلتي علينا اي وصفة…تحياتي ومودتي
والله طريقه سريعه وسهله شكرا ليك
ارسل ان ترسلي لي رقم جواك ياسمسماية علي شان اقدار اتواصل معكي لو امكن
انا عملت الكعك حسب الوصفه والمقادير لكن طلع ناعم شديد ولما الواحد اشيله بتفنفن عايزة اعرف السبب شنو
مرحب مها
بتكون السمن زيادة لو تلاحظي قلت بين كوب ونص الي كوبين لا ربع في الحالة دي بتعملي في الاول كوب ونص ولو الدقيق شرب السمن بنضيف شوية شوية لحدي ما يكون العجينة مناسبة لان مقدار السمن بيعتمد علي نوع الدقيق
ارجو ان اكون افدتك
ازيك سمسماية وكيف الاخبار والله عقتنا عديل كدة بحاجاتك الرهيبة دى بس عندى سؤال ممكن بدل السمن اسيح الزبدة واستعملها عادى ولا الا سمن بس
تسلمي ام ريم
ممكن تسيحي الزبدة بس خليها لحدي ما يتبخر الماء واللوم الابيض بتاع اللبن يبقي اشقر وخبعديم صفيها
كل مرة بفشل
فى عمل الكعك المرة دى ح اجربها بالذبادى
السلام عليكم
والله وصفات حلوة اناماحصل جربت لكن بعمل للعيدالمرة دى وربنا يزيدك علم ياسمسماية
قال صلي الله عليه وسلم “خير الناس أنفعهم للناس قد أكون دخلت اليوم صدفه أبحث عن عمل الكعك وأثلج صدري عطاءك اللامحدود وسعة صدرك ودعاء الناس الاخوات لك بيض الله وجهك ورفع شأنك وفرج همك أختي ف يالله
اشكرك يا سمسماية بحرارة وبتمني ليك التوفيق ومنتظرينك دايما…ورب صدفة خير من الف ميعاد …وانشاء الله حاجربها بالزبادي….تسلمي
السلااااااااااااااام قبل الكلام اها بعد ما نعمل الكعك السكر المسحون بي فوق دا نعمل ليو شنو عشان ما يتشرب الزيت ويبقى شربان…………………. غايتو قالو لي تختي لبن بودرة ونشا مع السكر المسحون ولا كيف؟؟؟؟؟ نفسي يبقى مغطى ببياض التلج دا زي ما عندك في الصورة وشكرا للاهتمام
الكعك لازم يبرد تمام يعني تخليه لليوم التامي حتي تعملي السكر
عاوزة اجرب طريقة الكعك دي بس عندي دقيق 5 كيلو في كيس واحد وكنت عاوزة اعرف مقدار الكيلو كم كباية وتسلمي يا سمسمة
ما بين 8 – 1/2 8 كوب
بالتوفيق يا غالية
الطريقة الوحيدة الي رتحت لبها ان شاء الله بكرة بادن الله حعمل وانا نتاكدة ان حيكون روعة
جزاك الله خير في هدا الشهر العضيم
ماما حسناء المغربية
اختي سمسمه
اهنيك عالموقع الرائع ,,طبخك شكله لزيز …الله يديك العافيه
انا عجنت الكعك بس ما زال بتفتت العجينه غير متماسكه
ازيد السمن وله شنو ا ؟؟؟
تسلمي يا راقية
قليل جدا من السمن الساخن عشان ما يكون ناعم شديد
دمتي بخير
اللـْْـْ♡̨̐ـََِِه يعطيكي العافيه
انت أول مره اشارك في الموقع هذا ،، وأتمنى يوصل كلامي :(
أنـْْ♡ـْْا مره طعمت الكعك هذا في مناسبه،، ولما سألتهم عن اسمو قالو لي اسمه الناعم :) ،، حبيت الاسم ههههه
المهم ،،، مِـّ ̯͡ـنّ يومها وأنا ابحث في النت عن طريقة الناعم ،، بِْــْ̯͡سّْ للأسف مو واضحه الطرق !
مثلا: إلسمسم هل اطحنوا واخليه بودره ( أنـْْ♡ـْْا ابغئ الطريقه اللي فيها سمسم)
والكافور ايش هو، وهل ممكن أسويه بدون كافور!! يعني أختي لو كنتي نزلتي الصور حق المقادير كان أفضل وما كنا تعبناكي :)
ومتحمسه أسويه بطريقتك،، لأن الكل ما قصر مدحوكي وغنولك،،،
وشكرا
اهلا وسهلا فيك ام جني
السمسم بيكون صاحي ما بتطحنية والكافور يسمي دوا الكعك بس انا ما احب طعمه بس الهيل (الهبهان) المطحون طعمه مرررررررة حلو فياريت تجربيه اديمي خبر
مساء الورد يا سمسمايه يا عسل ربنا يحفظك ويعطيك بقدر العطاء الذي تقدميه لنا عملت الناعم بالطريقه الاولي “ثلاثه كبايه:طلع فظيييييع وعجب زوجي وكل من تذوقه .جعلك الله زخراً لنا ولكل السودانيات .عاجزة عن شكرك لاني كنت ابحث عن اشياء كثيره لا اعرفها .والحمد لله والشكر له اولا ولك ثانيا لاني وجدت كل ما اتمناه عندك .مزيدا من الابداعات .
الاخت سمساية مساء الخير متعك الله بالصحة والعافية عملت الكعك بالطريقة الثانية ” كيلو دقيق “لكن طلعت العجنة مفتتة ما عرفت اعمل شنو زدت الزبادي حتى تماسكت عايزة اعرف وين المشكلة ولماذا تفتتت وممكن ازيد شنو غير الزبادي .ارجو واتمنى ان يصلني ردك
مساك الله بالخير
لو العجينة متفتته زيدي السمن
ودا سببه الدقيق لانه الدقيق بختلف وتامي هو انواع
احسن موع متعدد الاستعمالات (النوع العادي)
السلام عليكم ورحمة الله وبركاته. والله فعلا حاجة حلوة وجربت نفس المقادير تسلم يداك وبرضو عايزة المحشى بالتفصيل الممل والله كل مرة بعملو وبكون تمام لكن ما زى محشى السودان وتسلمى
وعليكم السلام ورحمة الله
المحشي
http://simsimaya.wordpress.com/2010/12/18/%d8%a7%d9%84%d9%85%d8%ad%d8%b4%d9%8a/attachment/18122010630888/
SIMSIMA الناعم طلع حاجه فظيعه فظيعه تسلم ايدك ياعسل
ام عبدو شهيتيني ليه هسع
نيلمي وبالهنا عليكم
ازيكم يانسوان انا اختكم ام عادل والله بى صراحة تعليقاتكم تخلى الواحد يقوم اسى يجرب كعك سمسماية بس ما مشكلة تصبح الواطة وانا اعملو واوريكم النتيجة واكيد كعكك خطير ياسمسماية
سمسمايه انا
ام فاطمة من ماليزيا عجبتني المدونة جداً يديك العافيه بكره امي وفطومة بتي
حايجوني من السودان حبيت اجرب وصفتك الرائعة واكيد اكيد حا ارجع اوريك النتيجة
شكراً من هنا الى حيث انتي ياغاليه واعتبريني صديقة للمدونة
موقع مفيدربنا يجعلو فى ميزان حسناتك ياسمسماية
تسلمي كتير سمسماية والله مطبخك روعة وحاجات مفيدة شديد للمبتدئات والخبرة ربنا يديك العافية انا عايزة اعمل الكعك دة الكوب بتاعتك ياها الكوب المعياري ولا لا.وحاسة انو 8 ك دقيق و1 3/4 سمن بدوني عجينة متماسكة واذا جات مفتتة ازيد السمن ولا موية وبسمع بناس بتعمل الكورن فلور مع الدقيق رايك شنو
ربي يسلمك
المقصود 8 كوب دقيق والكوب هو المعياري وهو تقريبا 1 كيلو دقيق
بعدين في قاعدة امهاتنا كانوا بيعملوا بيها الكعك
بيقولو ا كيلو دقيق معاهو رطل سمن
بعدين لو طلع مفتت وبعد نعملي الزبادي وما اتلمّ اضيفي شوية سمن لامه الدقيق بيختلف كتير
هلا سمسماية انا مابحب الكعك لانو الواحد لو بدا ياكلو مابقيف وبعدين تلاقي نفسك بقيت فيل … لكن الصاقعة دي الا اجربا :)
عندي سؤال بتاع “براااااالمة” :) معيار الكوب دا اي مقاس بالظبط يعني 300مل ولا 250 مل ولا كم؟ انا كوب المق حقي 300مل هل ينفع اعمل بيه الكعك؟؟ وكمان الفرن يكون على درجة حرارة كم وبياخد كم دقيقة حتي يخبز؟ ………………………. معليش برلومة وكدا:)
مرحب بالنسبة للكوب 250 مل
ماشاءالله عليك مبدعه ربنا يوفقك ويحفظك يارب
السلام عليكم وشكرا ليك كتير ماشالله ربنا يحفظك بس انا قبل كدة اكلت ناعم كان تقريبا كلو جوز هند وطعمو حلوووو يعني مممكن ازيد كمية جوزالهند شوية ولو زدتها انقص الدقيق ولا كيف؟؟؟؟؟ وتشكررررررري كتييير…
وعليكم السلام ورحمة الله
زيدي الجوز لكن ما تكتريهن بس الدقيق ما ليه علاقة سيبي الكمية كما هي
انا عملته اليوم وطلع رهيييييييييب ياسمسماية انشاءالله تسلمي ولا عدمناك
تسلمي يا سمسمايه علي وصفتك الرهيبة ما قصرتي معنا وفي ميزان حسناتك إن شاء الله
دايره أسال في الوصفة الأولي قلتي 3 اكواب دقيق و ١ كوب سمن وهنا قلتي كيلو دقيق اللي هو 8 أكواب دقيق باقل من كبياتين سمن ؟؟
كل وصفة تختلف من الوصفة التانية
والطعم مختلف برضو :)
مساء الخير,,, شكلو ماشاء الله حلو شديد بس عندي سؤال,,, ممكن اعمل نص المقدار ده لانو دي اول مرة اخبز و عايزة اجرب بس وشكرا
ممكن اقسمي المقادير النص واعملي
السلام عليكم
اولا حبيت اشكرك لانك سمسمايه بقيتي لي مرجع
بعدين ماعارفه انا لقيت الدقيق شويه مفتفت فقمت ذدت الذبادي بقى لي حاجه غريبه تحسي بيهو ني ني
حأجربو تاني وإنشاء الله يظبط معاي زوجي ضحك فيني لانو شغلت الخبايز من تخصص الوالده الله يديها العافيه بس أنا عاوزه أقنعو وافهمو حاجه!!
وعليكم السلام ورحمة الله
الغلط زيادة الزبادي كان ممكن زيادة السمن بس بيبقي دسم شديد
بيكون مفتت(ودا بيعتمد علي الدقيق) بس لو شلتي كمية وضغطي عليها بيتلم وبيطلع جميل جدا لابيكون ناعم شديد ييتكسر في يدك ولا بيكون قوي اول ما تختيه في خشمك بيدوب يا ريت تجربي تاني
alsalm 3lekom simsimaya walhe garbta alna3em tala3 raheeeeeeeeeeb taslm yadk bs 3ayaza a3ref please almongash da shno momken twaren leho fe alsora emken akoon ba3refo bs ma gayla da hoo?hhhhhhhhhhhhhhhhjazak allah 3ana kl khair
انتى صراحة رووووووعة بمعنى الكلمة
سمسماية 1 كيلو دقيق وكباية ونص او كوباية و3\4 سمن طيب الكباية دى قدر شنو؟؟؟ هل هى الكوب المعيارى؟؟؟
شكراً
الكوب المعيار 250 مل
اشكرك يا رائعه ,,, انتى عارفه انا بعمل القرقوش بتاعك تقريباً يومى وطلع رهييييييييييب اديك العافيه .
يا سمسماية انا جربتو وطلع شوية قوي لكن الطعم رهييييييييب تحفة ..
شكلي غلطت في حاجة اكون زدت شنو ولا نقصت شنوووو؟؟؟
من غير مويه
مبااااااااااااااااااااااالغة انتي عجيبة طبعا اكتشتك غريب بس انتي حاجة تانية والله انتي تشرفي كل السودانين
كنت قايلة نفسي بعرف اعمل كعك لكن المثل الجديد بقول ادي الكعك لي سمسماية
ما كنت متخيلة انو بالهبهان بيطلع حلو بس بصراحة طلع رووووعة ياسمسماية
شكرا ليك كتيييير يا سمسمة
ونصيحة مني ليكم يابنات طبقو الوصفة بي حزافيرها وانتظروا المفاجأة
انا بسال عن الكعك بجبنة المثلثات عندك فكرة عنو
والله ياام نور كعك جبنة المثلثات دا انا ضقتو جابتو حماتي من السعوددية قالت بتعمل فيو زبدة ماسمن لكن فظيع عديل كدة ..لو لقيتو بنزلو ليكم ..بس اكيد المعلمة سمسم بتكون جايبة خبرو
بصراحة يانسوان انا عايشة بره من اتزوجتا وطبعا للاسف ماكنتا شاطرة في المفروكات والملاحات والكعك بس الله هداني لمطيخ سمسماية وكل مااسوي شيء وينجح ادعى الله يطول في عمرها ويذيدها بركة على الجميل ده تسسسسسسسسسسسسسسسسسسسسسسسسسسسسسسسسسسسسسسلمي ياسمسماية
يسلموااااااا كتير سمسماية
جربتو وطلع حقيقي حلو..وحبيت اشكرك.
سمسمايه ممكن اعملو بدون جوزه ؟؟!!
ممكن
السلام عليكم سمسمايه
ممكن اعجن الناعم بيدي
ولا بالاله
وجزاك الله خير
شكلوووو رهيييب لما ريقي جري عاوزةاعملو بس ماعارفة الاحلي ده ولا الوصفة التانية
الاثنين حلوين
عملتو بس هش شديد ليه؟؟؟
شكلو رهيب مشاالله :) اول ما ارجع من الشغل بادن الله علي المطبخ وداك ي الخبيز وأوريك النتيجه!!
تسلمي علي كل الحاجات الحلوه دي اتعلمته كتير منك!! كل سنه وإنتي بخير!!
رائعه ي سمسماية
رهيبة ياسميمايا
راوع
شكرًا جزيلا يا سمسماية على الوصفة ، عملت ناعم كيلو منها للعيد ، وزدت شوية زيت وماء ورد للكيلو التاني وعملت احسن معمول .تسلمي على الوصفة الجميلة . يديك العافية حبيبة .
السلام عليكم ،حابه اجرب الكعك بس دايره اسال من مقاس الكبايه بتاعه السمنه بالكوب المعياري؟وبالنسبه لفنجان الشاي قصدك كبايه الشاي الاحمر؟
كباية الملبن