المكونات والخطوات:
مقدار من عجين الذرة المخمر مسبقا، ملح
استخدمت كوبين من العجين وقوامة اثقل من قوام عجين الكسرة بقليل
وضعت كوبين من الماء والملح علي النار حتي تغلي
يضاف العجين مع التحريك وسوف تلاحظي بسرعة
اصبح تقيل استمري في التحريك حتي يثقل اكثر
عندها تخفض النار ويضاف ربع كوب ما بارد
(يعتمد مقدار الماء علي القوام الذي تفضلين)
وتترك لتغلي لمدة 5 دقائق ثم تحرك حتي تمتزج
وتترك حتي تستوي
ويختبر النضوج بوضع اصبعك في الماء ووضعه
علي العصيدة ان خرج نظيف دل علي النضج
يمسح قالب بالزيت او يبلل بالماء
وتصب العصيدة
تترك حتي تبرد تماما ثم تقلب في صحن
ويضاف الملاح
والبهنا
ما شاء الله تسلمى يا سمسماية … والله أنا أول عصيدة عملتها كان عندها شلل إهتزازى ولما حطيت عليها الملاح إختلط الحابل بالنابل لكن شوية شوية الواحد بقى خبرة
واللله ضحكتيني لانو دة نفس الحصل معاي وكان في رمضان كمان الا استعنتا بي صديق
سماسم جد ابدااااااااع يعني عصيدتنا نحردها و لا شنو ………….ما شاء الله تبارك الله و الدقيق ماعندك
ما شاء الله تبارك الله
عصيدة ابداع ياسماسم
ربنا يحفظكِ ان شاء الله
تسلمي يا ايمان بس من ذوقك والله
ورمضان كريم
ياسمسم يعني لو عايزة اعمل كمية كبيرة لازم مع كل 2كوب ماء احط 2 كوب عجين وللا كيف؟ ياريت تنقذينا قبل رمضان دا
: تسلمي
بيعتمد علي ثقل (قوام) العجين كل ما كان تخين الموية بتزيدانت مبدئيا اعنلي كدا واثناء النضوج بتحسي اذا تحتاج ماء ولا لا
ألمقادير غير وضح ارجو التوضيح الطريقه لاني سعوديه مش فهم الطريقه أبي اعملها السنه في رمضأن عشان زوجي سوداني ابوه جأي ضيف عندنا ابي ابيض الوجه وكون شكر لكم لو ارسالتولي طريقة ملح الشرموط
ام عبد العزيز ملاح الشرموط موجود هنا بإسم ملاح التقلية اعملي بحث وحتلقيه موضح سمسماية ما قصرت الله يديها العافية
والله لو كنت ساكنة جنبي كنت ضيفتهم ليك وريحتك هههه
تسلمي يا سمسماية على الوصفات الحلوى ربنا يجعلو في ميزان حسناتك والله العصيدة دي مجهجهاني شديد مابتظبط معاي عملت القادير دي لكن طلعت لونة داكن ما بيضاء وليييينة ياريت توريني السبب شنو
اللون يا ريفان بيكون من نوع الدقيق
ولينه لانه كترتي الموية دايما الموية دي الزول بيكبها شزية شوية عشان تظبطي القوام
تسلمي كتييييير ياسمسمايه والله انا متغرب وبحضر في ماجستير خارج البلد بس نعني موقعك ده كتييييييييييير وربنا يجعلو في ميزان حسناتك…بالنسبه للعصيده دي جهجهتني شويه وهنا مالاقي الدقيق المناسب لاني جربتها بدقيق ذره(عيش ريف لانو حقنا داك مافي :( ) وجاطت جوطه شدييييييده هههههه…في بدائل دقيق تاني ؟
السلام عليكم
اختي الفاضلة جربت الطريقة وماشاء الله النتيجة ممتازة
لكن لدي تساؤل هل عصيدة الدخن نفس الطريقة ؟