النشا
المكونات والخطوات:
عجين ذرة مخمر، عود قرفة، هبهان
رشه ملح،سكر للنحلية
يوضع العجين في اناء عميق ويضاف له مقدار من الماء
بحيث يصبح سائلا ويحرك جيدا
يترك حتي يترسب ويصفي الماء
وفي هذا الاثناء يوضع قليل من الماء والقرفة والهبهان والملح علي النار ليغلي الماء
(يمكن استعمال الزنجبيل او الغرنجال)
يضاف الجزء الصافي الي الماء الساخن مع التحريك المستمر
حتي يثقل القوام وتبدأ في الغليان
ثم يضاف السكر ويحرك وتترك لمدة 3 دقائق وترفع عن النار
تترك حتي تهدئ حراتها وتصفي
ابداااع النشا تسلمي و تسلم ها الايادي سمسماية و ما شاء الله
ربي يسلمك
تسلم ايدك
طيب لو عندى الدقيق بس وما عندى خمار كيف ممكن اخمره ولكم من الوقت رجاء افيدينى وجزاكى الله خير
دي طريقة ام اماسي في التخمير
بالنسبه لطريقة تخمير الكسره
كوب دقيق ابيض عادي
كوب دقيق كسره
2 كوب ماء (قابل للزياده) علي حسب الدقيق
نص مص خميره
م ص سكر
المقادير دي تخلطيها بمضرب السلك اليدوي تماااام( بتكون عندك عجينه زي عجينة القطايف (سائله نوعا ما) وتضعيها في اناء محكم الغلق واتركيها يومين او اكثر علي حسب الجو عندك
بعد اليومين بتضيفي م ص ملح ليمون ( لاضافة الحموضه) وممكن تزوديه علي حسب الرغبه كده بكون عندك عجين مختمر
تبدي تشيلي منه قدر كوب وتضيفيهو لمقدارك بتاع الكسره00
طريقة مضمونة
تسلم ايديك علي الابداعات اللذيذة
انا جربت كتير من وصفاتك وطلعت حاجة جميلة
يا ريت تتحفينا اكتر واكتر
تسلمى ،وشكرا على الاهتمام بالرد
لكى تحياتى وللامام دوما
سلام يااحلي سمسماية . ممكن توصفي طريقة النشا بالعرديب لانو دقيق الذرة هنا اصلا ماموجود
السلام عليكم سمسماية انا طبعا طلبت منك قبل كدا المحشي والله مع المشاغل مارديت ليك معليش لانو كم مرة عملت المحشي وطلع مظبوط ماشا الله وربنا يديك لينا الصحة والعافية وتانى عندى طلب عارفين الايام دى زنقة مع تجهيزات رمضان لكن والله نحن مع الغربة نشتهى فى الحاجات وطوالى نلجا ليك ياحبيبة بس الرقاق بحزافيره ان شا الله تقدرى وتلبى لينا طلباتنا وتحياتى
تسلمي ان شاء الله
http://www.facebook.com/notes/%D9%85%D8%B7%D8%A8%D8%AE-%D8%B3%D9%85%D8%B3%D9%85%D8%A7%D9%8A%D8%A9/%D8%A7%D9%84%D8%B1%D9%82%D8%A7%D9%82%D8%A7-%D8%A7%D9%84%D8%B3%D9%88%D8%AF%D8%A7%D9%86%D9%8A/129119667166038
مشكورة والله وجزاك الله الف خير وان شا الله تصوموا وتفطروا على الف خير
سلام سمسماية رجعت ليك تانى تعبتك معليش بس عايزة اعرف مقدار الكيلو بالكب وشكرا ليك
تسلم ايدك ياسمسماية ….مشهية جدا ممكن طريقة النشا بالكاسترد والعرديب؟ وشكرا
تسلمى يا سماسم يا مبدعة ورمضان كريم
الله يديك العافية يارب
تسلم يمناك وربنا يديك العافية