وجبة سودانية 100%
المكونات:
1/3 كوب +1 م ك بصل محمر ومدقوق، 2 م ك زيت، 2 م ك صلصة
3 م ك لحم مجفف(شرموط) (ويمكن استخدام اللحم المفروم)
2 م ك + 1 م ص ويكة ،ملح، رشة فلفل، ½ م ص كزبرة.
¼ م ص شمار،1 كوب عصير طماطم (اختياري)
الطريقة:-
يرفع الزيت والبصل والشرموط والصلصة على النار ويضاف 2 كوب ماء تقريبا
تترك على النار تغلي ثم يضاف الطماطم أو(كوب ماء)
تضاف البهارات (فلفل، كزبرة، شمار)
تترك علي نار منخفضة حتي تستوي وتتسبك
يؤخذ الزيت من سطح السبكة فى اناء (ليستخدم فيما بعد).
يضاف 2 كوب ماء الى السبكة وتترك على النار حتى تبدأ فى الغليان
تضاف الويكة بالتدريج يقلب بخفة حتى يمتزج الجميع ويبدأ فى الغليان.
تترك على نار منخفضة لمدة ثلاث دقائق وترفع عن النار
يضاف الزيت على وجه التقلية
فطيرة القمح الكامل(القراصة)
يحمى الصاج لدرجة حرارة عالية وتخبز الفطيرة باليد
تقلب الفطيرة على الوجه _ يكمل العجين بهذه الطريقة
وتقدم
الجد روعة تسلمي وتسلم الايادي
تسلم بدك ياسمسايه رفعتى راسنا والله
عندى مهرجان فى المدرسة لوصفات البلاد الشهيره وحأعمل التقليه منها عشان سودانيه اصليه انشاءالله ربنا يحفظك
[…] ان تقدم مع ملاح التقلية أو […]
مابيتختا ليها ثوم ياسمسماية؟؟
اهلا ريناد
ما بخت ليها توم لانه الثوم بيكون قوي ريحتة وطعمة
تسلمي ……… تسلمي
بعد الفطيرة العملتيها دي بتكوني ش ش شايقية عديل
اشكرك بي الجد رااااااااااااااااااااائعه لاول مره ادخل موقع اكلات ويعجبني موفقه انشاء الله
شكرا كتير موقع رايع تسلمي ……… تسلمي
اخخخخخخخخخخ من التقلية مظبوووووووووووووووووووووووطة لمان غلط جد انت رائعة تسلمي تسلمي يا غلا
تسلم الايادي وربنا يحفظك
تسلم الايادي يا جميل
بس ليه ما بتستخدمي الطماطم المخلوط بدل تضيفي صلصه وبعدين مويه؟؟؟
ربي يسلمك الطماطم بيدي طعم لذيذ بس لو بقي كتير بيكون طعمة حادق بالاضافة الي انه الصلصة بتلاقيها طوالي عكس الطماطم بيتوفر في فصل الشتاء وبقية الفصول بيكون موجود بس لوته ما بيكون احمر عشان كدا بتحتاج كمية كبيرة
Salamu Aleikum, Can you please add measurements for the fateera. Also thank you for adding the tags
تسلمي ياسمسم
سلام سمسماية ممكن مقادير محددة لأني ما قاعدة اعمل الملاح ده من زمان وعندي سؤال تاني أنا شاكة انو ملاح التقلية بتاعي بقطع وما عارفة بقطع معناها بالضبط شنو وممكن توريني الأسباب شنو عموما لقطع الملاح أنا بستعمل المقادير الجافة ومخلوط الطماطم وتسلمي شديييييد
هنا في مقادير
http://simsimaya.wordpress.com/2010/07/23/%d9%85%d9%84%d8%a7%d8%ad-%d8%a7%d9%84%d8%aa%d9%82%d9%84%d9%8a%d8%a92/
الملاح بيقطع لانه بتخليه كتير في النار بعد تلايقي الويكة
او بتصوتي كنير بعد ما يتلايق بالويكة
او لما تطفي النار بتغطي الحلة دايما ختي ملعقة فوق الحلة وبعدين غطيها
يجب ان تكون مع العصيدة السودانية
انا سويتو لكن بحس انو في الوش مويه واللحمه قاعده تحت في الحله يعني مامتجانس مع بعضو اسوي شنو
انت يا رانيا خليتيها تغلي كتير وغطيطي الحلة لازم بعد تعملي الويكة تخليها علي نار هادية وتختي الملعقةفي حافة الحلة وتختي الغطاية بعدين
سلام عليكم باسمسمايه المدونة دي روعه ربنا يجعلها في ميزان. حسناتك لأنو فيها أفكار كبيره للمبتدئين زينا كدا وكمان متغربين يعني مرات كدا الزول يحتاج يسال من حاجه ويكون مافي تلفون ولا شئ أنا طبعا بحب الطبخ لأكن دائماً مافي حاجه بتظبط معاي ونفسي اعمل حاجات كدا وتعجب المعلم كدا ويقولا ابدعتي مش أتعلم من فلأنه وتسليم كتير واقبلونى صديقه جديده أم نون من الحلفايه
روعه ربنا يجعلها في ميزان حسناتك أنا دائماً بدخل الموقع أداما سنحت لي الفرصة أعلق ونفسي اعمل حاجه تربط معاي يا محرقته ولا ماسمحه لدرجة مابقت تتآكل. ماعارفه اعمل شنو أرجوك ساعديني والأخ بحب اكل البيت وأنا بتغاص لمن يقولا أتعلمي. من فلأنه ولا وروها تعملوا كيف وأنا بكون مجتهدا خالص لأكن لاعبوا العجب ولا الصيام في رجب
تسلم ايدك وربنا يديك العافية
ربنا يديك العافية ويقويك علي عمل الخير
يا سمسم أنا عزابي، و بحب المطبخ و بشتهي الأكلات القديمة زي دي، عليك الرسول ورينا الفطيرة (القراصة الرهيفة) خطوة خطوة، و لاحظي أنو انا مع عندي صاج في امريكا، بس في طوة كبييرة. تسلمي.
اخي لا يجوز الحلف بغير الله
[…] ان تقدم مع ملاح التقلية أو […]
[…] ان تقدم مع ملاح التقلية أو […]
لك الشكر اختي سمسماية ، والله أنا سعيد واستفدت كتير منك ، ربنا يكرمك.
أنا زوجتي متوفية ( مقيم في الغربة)
لذلك أدخل المطبخ واتابع تعليماتك وأكلي
يطلع مية مية اي حاجة بفضلك . شكراً كثيفاً.
عماد