ملاح التقلية2
المكونات:
½ كوب بصل مجفف مطحون، ½ كوب ويكة مطحونة، ½ كوب شرموط مطحون
1 كوب زيت، ½ م ص توم بدرة، ½1 م ص كزبرة، ½ م ص قرفة، ملح
2 م ك صلصلة، 6-7 اكواب ماء (تعتمد علي نوعية الويكة)، مكعب ماجي (اختيار)
الخطوات:
يوضع البصل والشرموط والويكة
والزيت والثوم والقرفة والكزبرة وترفع علي النار
يقلب الجميع مع مراقبتها جيدا
توضع الصلصة والماجي والملح والماء وترفع علي النار حتي تغلي
عندما تصل البصلة وبقية المكونات الي درجة التحمير
ترفع عن النار ويضاف اليها محلول الصلصة بالتدريج مع التحريك
ترفع علي النار مرة اخري مع الاستمرار في التقليب حتي تبدأ في الغليان
تخفض النار ويمكن اضافة ماء ساخن للحصول علي القوام الذي تفضليه
وتترك حتي تستوي ويمكن اضافة سمن علي الوجه
ولتتذوقي طعمها المميز يفضل ان تقدم مع العصيدة
ورمضان كريم
سيطة خالص ثاااااانكس :-)
بسيط وطعم مبالغة
بس كمية الزيت ماكتيرة كوب كامل
وياتو كون الانتي قاصداه بس شكله خطير تسلمي
لا ما كتير الزيت لكن انا عملت الملاح كتير يعني حق اسرة كبيرة
انتى ممكن تعملي نصف المقادير
و الكوب هو الكوب المعياري (250مل)
والله انا بحيك على مجهودك لانه بالجد ماقابلني قروب سوداني زي قروبك الله يديك العافية وفي ميزان حسناتك يارب انا وحده من المبتدئين وفي بلاد غربه ماتتخيلي قروبك ساعدني كيف وبقيت ست بيت شاطره
rahyeb,jom3a mobarka
تسلمي ساره
شكلها جميل .بس الويكة لما تقعد على النار كل دا مابتقطع
اهلا اميمة
لا ما بتقطع لانو اول ما تبدأ تغلي بتخفض النار
وبعدين ما قعدت كتير في النار
شفتي الملاح بالاخر طلع كيف
اهلا سمسماية وشكرا على التوضيح
ده شكله احلي هديه لام اماسي 00لاني وبكل صراحه مابعرف اضبط ملاح الشرموط وعندي منه عقده كبيره000
طبعا البصل الناشف متوفر عندنا بكثره وده ريحني كتيييير من البصله المحمره البجيبوها جاهزه من السودان000 والله ياسمسمه فرحتيني شدييييد بملاح التقليه ده انشاءالله اعتمده 00وانشاءالله اجربه ويضبط معاي وتبقي العقده اتفكت 0000الللللللللللللللللللللللف شكر ليك ياست الكل
يا ام اماسي لو سمحتي البصل الناشف بتجيبيهو من هنا ولا من السودااااااااااان
اختي نانا هلا ومرحب بيك
البصل الناشف موجود في السعوديه في الاسواق بتاعة البهارات عندهم اسواق كبيييييره ببيعو فيها البهارات بالشوالات الكبيره 000لو انتي في الرياض بتلقيها في البطحاء 00واسواق حجاب بالقرب من السوق النسائي
ولو سالتي اي حرمه في طريق البطحاء او حجاب عن سوق البهارات بتدلك عليه 000تسلمي غاليتي
lممكن بي الحمه المفرومه
ممكن باللحم المفروم
ممكن بعد تنزلي البصل والويكة من النار تضيفي اللخم المفروم وتحركية سريع (عشان ما يكلكع) وبعد داك ترجعيه شوية في النار ثم تضيفي محلول الصلصة
او تعصجيه في الاول وتضيفيه بمع محلول الصلصة
النسوان ديل من الطهر بياكلن وانا ماجايبة خبر الملاح ابتكار خطير والوصفة رائعة والعصيدة تبارك اللة عجبتي شديد انا بحب العصيدة الناعمة ولينة بس ناس البيت بحبوها قوية
ياسمسماية ياريت تنزلي لينا العصيدة حقتك دي بالمقادير والصور شكلها مشهي جدا يمي يمي وهي لينة ولا قوية
العصيدة ان شاء الله
واوريكم كما كيف ما تخليها تكرضم بسهولة شديد
تسلمي
احب التعرف على ثقافات الشعوب واطعمتهم و احببت فكرة الصوص شكله مغري ، اغلب المقادير فهمتها لكن يبقى اليوكه هل المقصود بها الباميا المجففه ؟ والشرموط ما هو او ما اسمه الاخر ؟ وهل بالامكان اضافة الشطه والاكتفاء بالخبز في تناوله او الرز وهل ممكن كما كتب اعلاه من قبل سروره اضافة اللحم سواء مفروم او مكعبات صغيره ؟
تسلم الايادي .. وشكرا .
اهلا اخي يزيد ومرحب بيك
بالنسبة للويكة هي: البامية يتم تجفيفها وطحنها
الشرموط هو لحم مجفف مطحون ايضا ويمكن استبداله باللحم المفروم بالخطوات ك ممكن باللحم المفروم
ممكن بعد تنزلي البصل والويكة من النار تضيفي اللخم المفروم وتحركية سريع (عشان ما يكلكع) وبعد داك ترجعيه شوية في النار ثم تضيفي محلول الصلصة
او تعصجيه في الاول وتضيفيه بمع محلول الصلصة
ممكن تضاف الشطة
بالنسبة لاكله بالخبز ممكن ولكن بالارز لا
العصيدة ممكن تعملها بطريقة اخري وسهلة
شوف الرابط:
http://simsimaya.wordpress.com/2010/06/26/%d8%b9%d8%b5%d9%8a%d8%af%d8%a9-%d8%a7%d9%84%d8%b2%d8%a8%d8%a7%d8%af%d9%8a-%d9%84%d9%84%d9%85%d8%ba%d8%aa%d8%b1%d8%a8%d8%a7%d8%aa/
ياسمسمه لو باللحمه المفرومه 00 بنخت اللحمه والبصل والويكةوالزيت والثوم والبهارات وبنكمل ذي طريقتك ولا بنعمل شنو؟افيديني
اللحمة لينة يا ام اماسي ما بتخلي البصل يتحمر
لكن : ممكن بعد تنزلي البصل والويكة من النار تضيفي اللخم المفروم وتحركية سريع (عشان ما يكلكع) وبعد داك ترجعيه شوية في النار ثم تضيفي محلول الصلصة
او تعصجيه في الاول وتضيفيه بمع محلول الصلصة
تسلم ايدك يا سمسم
يا سمسم الملاح شكله رهيب واكيد الطعم حيكون كده تسلم يدك بس انا محتاره ما بعرف اعمل العصيده وعجبنى شكل العصيده دى كيف سويتيها ادينى الطريقه والله ياسمسمه مشتاقه ليك بس من زمان مادخلت المدونه لكن شكلى الايام الجايه ح ادخل كتير رمضان جاي الله يديك العافيه ويجعل العمل الجميل ده فى ميزان حسناتك
ام احمد كيفك
بالنسبة للعصيدة ان شاء الله اعملها ليكم في الايام الجاية
السلام عليكم
اناجد معجبة بكل الوصفات في الموقع..الليلة جربت التقلية 2 طعمو كويس بس فيه طعم مرارة انا عملتو باللحمة المفرومة يكون من شنو الطعم ده..ارجو الافادة
تحياتي
اهلا ريما ومرحب بيك معنا
بالنسبة للطعم المر بيكون ما ضبطي التحمير بمعتي خليتيها لما بدأت تحرق
لانو الملاح ما فيهو مرارة ولو بنسبة ضئيلة
المرة الجاية انتبهي للتحمير بالنسبة للبصل والويكة
مودتي
انا بصلتي محمرة جاهزة وريني كيف اتبع خطواتك
تحمري الويكة والشرموط لحدي ما لونها يتغير وحاسبي ما تخليها تحرق وتنزليها من النار وتضيفي البصل وبعدين محلول الصلصة
والباقي عادي
يا سلام يا سمسماية الملاح طلع ابداااااع (عملته باللحمة المفرومة) وعملت معاهو وصفتك لعصيدة الزبادي حاجة ما تخلص …. لاني كنت واثقة منك ومن المدونة ما جبت معاي عجين الخمار الناشف ولا لحم مجفف …. ربنا يدخلك الجنة ..
محيراني الويكة البنقلبها في الزيت دي كنت قايلاها ح تقطع لكن ما شاء الله تمام التمام بس عاوزة أعرف السر شنو في كده!!؟
جمعا يا ام لينة
طعمها غير يا ام لينة بتلاقي ليها نكهة كدا عجييييبة
ناس الغرب بعملوها كدا
يعني وصفة اصيلة
وانا اخدتها من جارتنا قبل سنين بعملها كل
ما يكون في مزاااج للعصيدة
مع بعض يا سلااااااام
بريتك مش؟
:)
طريقة سهلة ورايعة…دايما لما كنته اعمل التقلية ما تظبط معاى زى حقت امى (ربى يديها العافية)…جربيته حقتك باللحمة المفرومة عشان ما عندى شرموط…بلد الغربة دى غايتو…المهم طلع راييييييييييييييع شدييييييييد…انا كمان استغربته من تحمير الويكة لكن كنته واثقة منك…تسلمى
عاد مافى كلام يتقال تسلمى وتسلم أفكار يا فنانة
السلام عليكم
اها لو عندي بصلة محمرة جاهزة و عندي لحمة مفرومة الطريقة كيف مع ملاحظة اني ماحصل قبل كدا عملتها
قلبي اللحمة في شوية(ما تكتريه) زيت لحدي مويتها تجف تبدا تلصق في الحلة تضيفي البصل المحمر وبقية الخطوات
مشكوره
السلام عليكم يا ريت رابط للعصيده وجزاك الله خيرا
http://simsimaya.wordpress.com/2010/08/12/%d8%b7%d8%b1%d9%8a%d9%82%d8%a9-%d8%b9%d9%85%d9%84-%d8%b9%d8%b5%d9%8a%d8%af%d8%a9-%d8%a7%d9%84%d8%b0%d8%b1%d8%a9/
http://simsimaya.wordpress.com/2010/06/26/%d8%b9%d8%b5%d9%8a%d8%af%d8%a9-%d8%a7%d9%84%d8%b2%d8%a8%d8%a7%d8%af%d9%8a-%d9%84%d9%84%d9%85%d8%ba%d8%aa%d8%b1%d8%a8%d8%a7%d8%aa/
تسلم ايديك يا سمسماية بس معليش عشان الفهم قسم هههههه يلا لو عندي بصلة جابوها لي من السودان وشكلها ما محمرة ( نعرفها كيف محمرة ولا لا) بس افترضي انها ما محمرة وعندي نص كيلو لحمة مفرومة تفضل المقادير ده زاتها زي الفوق ولا في تغيير ؟ وحسب ما فهمت البصلة والويمة اول وبعدين اللحمة المفرومة وتاني باقي المكونات ولا كيف وسؤال تاني متعسف اللحمة بيعصجوها كيف اول..معليش كترت عليك
البصلة المحمرة بتكون ظاهرة لانه بيكون فيها زيت لكن الناشفه بدون تحمير بتكون زي الكركدي المسحون :)
بالنسبة لطريقة عملها شوفي الصفحة دي في خطوات بتساعدك
http://simsimaya.wordpress.com/%d8%b4%d8%b1%d8%ad-%d9%88%d8%aa%d9%88%d8%b6%d9%8a%d8%ad/
واللحمة المعصجو بتختي شوية زيت واللحم المفروم علي وبتقلبيها لحدي ما تجف من الموية بعداك تضيفي الملح والبهارات والصلصة اذا عايزة تعملي بيها بيتزا او فطائر لكن للملاح ح تتبهر وتتصلص مع السبكة
شكررراااااااااااا حبيبتي ما عدمناك بالجد دايما بتساعديني
معليش بس ما جاوبتيني في حتة المقادير ده او بالتحديد نص كوب شروط تعادل كم لحمة مفرومة ؟ تقريبا يعني
تقريبا بيساوي ربع كيلو لحم مفروم
Thanks Simsimaya
اذَا أنا ماعندى البصل المجفف ممكن اعملو كيف ياريت تورينى ه
ازيكم ياسودانيات ياراقيات..طبعا انا اول مرة اشارك في منتددي او موقع..ياريت تقبلوني اخت ليكم
مسافة تردو لي ال نقول ليكم حاجة..انا طبعا هسة دايرة اطير من الفرح يادااااااااااااب اكتشفت الموقع الرهيب دا وكل حاجة اشوفا اقول بس خلاص حاعمل دي..لالا حاعمل دي لغاية مالوقت فات وشكلنا حنتغدي بي سلطة دكوة..ههههه
السلام عليكم اختي ما شاء الله مبدعة . رغم اني عندي فكرة بالطبخ لكن بقيت لو ما شفت طريقتك اول ما بعمل الحاجة ودايماً طريقتك بتتطلع احلي حتي زوجي بقي بقول لي بطريقة سمسماية :) خاصة في ملاح النعيمية لكن عايزو اقول ليك يا ريت لو تدينا ملاحظاتك في أي حاجة مثلا المفروك ما بغطو الحلة عشان ما ينقطع انا شفت وحدة تبدع في مفروكة البامية وفي النهاية تقول لي ما بتظبط معاي وطلعت بتغطي الحلة والملاح بينقطع يعني حاجة بسيطة ممكن تبوظ الطبخة وشكراً.
تسلمي يا غالية
وفغلا مرات حاجات صغيرة بتخرب الحاجة
مرة عملت بعض الملاحطات في دورة صغيرة بحاول انقلها واضيف عليها
لك التحية
اوووووووووووووو ماشاءالله انا دايما بعمل التقليه لكن ماكنت بحب طعم الويكه هسى خلاص بعد تتحمر طعم ولا اروع تسلم الايادى والقلب الطيب وفعلا كما قالت واحده من الاخوات انا بعرف اطبخ لكن بقيت لو مارجعت للمدونه مابطبخ
السلام عليكم
رمضان مبارك
شكرا على الوصفة ناوية اجربها ان شاء الله… بس عندي سؤالين .. ليه
مافي طماطم في الوصفةلانو حسب علمي بطعم زيادة…
وملعقتين صلصة ما شوية؟؟
وشكرا تسلم الايادي يا سمسم
شكرا حبيبتي ع الوصفه انا بامريكا ومامتوفر بصل مجفف ممكن أحمر بصل عادي بتظبط ولالا
تظبط ونص