المكونات:
2 كوب زبادي (علبة متوسطة)، 2 م ك نشأ
2 م ك مطحون الأرز، ¼ كوب ماء، م ص ملح
3 م ك دقيق كسرة
(اضافة دقيق الكسرة يقرب الطعم والشكل لتبدو كعصيدة العجين)
الخطوات:
يوضع الزبادي في وعاء عميق وتضاف المقادير الجافة
ويحرك بمضرب السلك حتي يتجانس
يضاف الماء ويمزج جيدا
يرفع علي نار متوسطة مع التحريك المستمر
حتي يصبح ثقيل ويترك حتي يبدأ في الغليان
مع التحريك من وقت لآخر حتي يجمد وتبدأ في النضج
يختبر النضج بان تبلل اطراف الاصابع بالماء
وتوضع علي وجه الخليط فان لم يعلق الخليط تكون قد نضجت
يصب في قالب ممسوح بالزيت او عليه قليل من الماء
تترك حتي تبرد تماما ثم تقلب
يمكن ان تقدم مع ملاح التقلية أو النعيمية
او ملاح الروب او ملاح الروب الابيض
جميلة جميلة بالجد ودا شغل جامد جدا وبشري ساااااااااااااارة لكل المغتربات تسلم الايادي
تسلمي يا ام سارة
ملاح الروب الابيض ح ينزل بعد شوية
خليييييييييك قرييييييييييييبة
:)
قاااااااااعدة وشوف بالله النسوان اتلقطن كيفن التقول شمن ريحة العصيدة المدونة قبل شوية كان فيها2هسي 7 وقابل للزيادة هههههههه
ههههههههههههه
بيكون حدثوهن بالملاح في النار دا
ريحة السمنة البلدية شاااااااايلة
:)
ايه المفاجات الحلوه دي ؟
شفتي ياام ساره النشأ عمل في عصيدة الزبادي شنو؟
وااااااااو اخر حلاوه وطعامه
تسلم ايدك ياسمسمه
عاد يا ام اماسي بعد الطعامة دي وحموضة الروب جيبي صحن اللقيمات نحلي بية خشمنا
شكرا يا سمسمايه على العصيده وفعلا شكلها يشهى انشاء الله اجربها خاصة وانى مغتربة وبمووووووووت فى العصيدة
مرحب نوسة
يا رب تعجبك وتدعي لي
وربنا ان شاء الله يرد غربتكم
:)
انا غايتو ياام ساره معدتي مليييييتها مرررره بالملاح والعصيده ومااابقدر اكل لقيمات هسي00 وانتي كمان شكلك مليتيها فل من الملاح والعصيده وده ماحايخليك تتذوقي طعم الللقيمات 000اها عشان كده قلت اخليهو لبكره الصباح نشرب بيهو الشاي سوا ولا رايك شنو؟
جزاك الله خير والله
بس دقيق الكسرة دا اجيبو من وين انا في الدمام
يا ستي ممكن تستبدليه بدقيق ابيض 2-½2 م ك
دقيق الكسرة هنا للشكل والطعم
حتي تحسي انه ما من الزبادي
حتي طعم الزبادي بيخف شديد
نسأل ام اماسي لو موجود في السعودية
نديك خبر
:)
ام احمد ام سارة قالت الدقيق موجود في الطواحين
كل انواع الدقيق موجودة حتى الفيتريتة
اسألي منه
:)
بختى والله كمان ماعندى حاجات رمضان لى هسع بس بى افكارك وابداعك الفسيخ يبقى شربات تسلمى والله والله يخليك لى يارب
غاليتي ربي يحفظك من كل شر
ههههههههه واللة انتي دمك شربات
ياسمسماية انتي بتقصدي بدقيق الكسرة العيش الابيض المطحون في الطاحونة اذا كان راااااااااااااااااااااقد عندنا في الطواحين حتي الفيتريتة والقمح والردة والدخن وكل انواع الحبوب موجودة في السعودية يا ام احمد
سمسماية السمسم تشكري يا غالية انا كان اخدت الصورة من غير صوت لكن كده وضحت تماااااااااااام كتر خيرك كتير
تعليقي ماظهر ليه عملتي لي حظر ولاشنو ههههههههه
انا بقدر برضو يا ستنا
ده الكلام التمام والله عاد وقعتي لي في جرح اصلها ما كان بتظبط معي لكن بعد المقادير دي تاني خلاص يديكي العافيه يا عسل
اقول حبيبتي بمناسبه اللقيمات يا ريت لو تديني مقدار مظبوط كده كمان وياريت البتتعمل بالنشا
تسلمي يا غادة كيقك ؟
اللقيمات عندي في المدونة علي الرابط
http://simsimaya.wordpress.com/2009/07/11/%d8%a7%d9%84%d9%84%d9%82%d9%8a%d9%85%d8%a7%d8%aa-%d8%a7%d9%88-%d8%a7%d9%84%d8%b2%d9%84%d8%a7%d8%a8%d9%8a%d8%a9/
وبرضو ممكن تزوري صفحة الروابط بتلقي الوصفة بسهولة
بمجرد الضغط علي الصورة
http://simsimaya.wordpress.com/%D8%B1%D9%88%D8%A7%D8%A8%D8%B7-%D8%A7%D9%84%D9%88%D8%B5%D9%81%D8%A7%D8%AA/
كتبت تعليق طويل عريض بس اختفي
محراب ادتني بعض التفاصيل لكن كده اكتملت الصورة تسلمي يا اروع سمسمة
ربي يسلك هنوها
وان شاء الله تصومي وتوتا بالحلو خليكم من المر ههههههههههه
تتويا برضوا اهلك ما جابوا ليكى حاجات رمضان شكلنا صايميين عزابة يا توتة لا حلو ولامر هههههههههههه
تسلمي شديد على الحجات الحلوة دي
بس عايزة أسألك ممكن أستعمل
الدقيق العاديall purpose لأنو صعب شديد ألقى دقيق كسرة
ايوا ياجوجو ممكن تستخدمي الall purpose
شكرا لك و حاعمل تجربة قبل رمضان ؛-)
يا سلاااام يا سمسمة…والله انا جربت كم وصفة منك وظبطت معاى. لوعندك لى مقاديرلى عصيدتنا العادية البى خمار العجين دى اكون شاكرة والخمار زاتو بيتعمل كيف? معليش تعبتك لكن نحنا المغتربات ديل(قصدى الخايبات بس الزىى)هههه محتاجين كتييييير من التعلم الله يعين بسسسسس
اكيد يا ندي بعمل ليكم العصيدة العادية وبوريكم كيف تخليها نااااااااعمة من غير ما تكرضم وكلكع
مبالغة عملتها الليلة و مافي زول مصدق إنه دي أول مرة تسلمي شديد
والله فرحتيني بفرحك يا جوجو شفتي كيف التعلم ساهل بس الزول يلتزم بالكميات وبعد شوية ح تستعمل النظر بس
وتعتادي علي الحاجة من غير ما تعايني لي مقادير
:)
تسلمي ياسمسومه بجد العصيده دي كانت اكتر حاجه معذباني عمرها ماظبطت معاي بس ان شاءالله تظبط المره دي
شكرا ياسمسمة طوالى حا اعملها نفسى فيها وانتى شهيتينى يسلموووو على الطبق الجميل
salam simsimaya..shokran kateer 3ali al wa9fat al jameela..katar alah 5ereik
تسلمي يا ام ريان ويكتر خيرك انت كمان
m3lesh ya simsimaya, dgeg alkisrh gasdk yato ? dgeg algm7 ? wla alkhamar ? m3lesh
المقصود يا مروة دقيق الكسرة قبل التخمير لانو لو عندك دقيق مخمر اعملي بيه العصيدة احلي لكن لو عايزة تغيري ممكن تعمل المخمر بس ما يكون كتير
tslmi ya smsmaya ba 3ndi almkhmr le alasf, bs m3leeeesh brdo ma 3rfto yato dgeg alkisra, m3leeesh t3btk w ma td7ko 3ly
شكلك حاتجيني لي مشاكل مع زوجي لان بحب الاكل شديد لانو شاف الموقع
:) ربنا ما يجيب مشاكل ان شاء الله
hg
help ya naas. what is the nasha da.
da dageeg wa la shinu
النشا هو الكورن فلور
Shukran jazeelan
عصيده العجين بسوها كيف
http://simsimaya.wordpress.com/2010/08/12/%d8%b7%d8%b1%d9%8a%d9%82%d8%a9-%d8%b9%d9%85%d9%84-%d8%b9%d8%b5%d9%8a%d8%af%d8%a9-%d8%a7%d9%84%d8%b0%d8%b1%d8%a9/
سلام يا جماعة.. معليش سؤال غبي لكن مطحون الأرز ده شنو بالظبط وممكن أبدلو بحاجه تانية؟
دا الرز العادي دا بس بيكون مطحون ناااعم زي الدقيق
ممكن تستبدليه بالنشا اوالدقيق العادي
دقيق كسرة bgebo mn wain ana fe amrica blga hna esmo shno,o tsmli shdeeeeeeeeeeeeeed e
ماشالله عليك … فكره دقيق الكسره مع لقمه الزبادى ممتازه لانو بنعمل لقمه الزبادى … وطعمها مازى الاصليه … شكرا كتير
تسلمي على المجهود البتبذلي معانا يا سمسماية وعايزة استفسر بيعملو الخمار كيف قدرما حاولتة بتاعت الزبادي ما بتظبط معاي وزدتة النشا وبرضو مافي فايدة وعصيدة الخمار انا بعرف اعملة بس ما عارفة بيعملو الخمار كيف
سمسماية يا روعة تم تطبيق العصيدة للمرة التالثة اكثر من رائعة وساهلة جدا …اشكرك من صميم القلب ودعائي لك كل ما اطبخ من عندك
روعة يا سمسماية،،، ربنا يديك الصحة والعافية،،، ويحقق ليك كل ألفي مرادك،،، لولا وصفاتك الحلوة،،، لمتنأ جوعأ في الغربة،،،…
انا مغتربه وكنتا اخربني في العصيده لا بعرف اعمله ولا عندي دقيق لكن مره وحده من الاخوات ورتني البزبادي ومشت معاي كويس يعني بطظبط بالكورن والدقيق العادي ماعندنا دقيق الكسرة
سمسم ياجميل …. ….انت رهيبة بس في سؤال انتي لما تقولي علبة متوسطة زبادي بتقصدي كم جرام … ونفس السؤال للعلبة الكبيرة
الموسط 450 جرام
الكبير 900 جرام
العصيده روعه اكلاتك كلها حلوه تسلم يدك لازم اجربها
السلام عليكم سمسماية مشكورة علي وصفاتك الجميلة
سؤال الكوب هنا الكوب المعياري بالنسبة للزبادي والماء
وعليكم السلام
الكوب المعياري
كنتا بفتش لي علي طريقه ساهله وأخيرا الحمدلله لقيتها ربنا يخليك ويحفظك من كل شر
شكراً على الوصفة ..كنت محتاجة ليها فعلاً
رمضان كريم عليك وعلى الاسرة جميعهم وامة محمد اجمعين انتى غالية علينا ربنا اديك وارضيك ولسوف يعطيك ربنا فترضى
سمسمة
العصيدة شكلها روعة
لكن سؤال غبي شوية لما تقولي كبايتين زبادي في المقدار.. معناها 900 جرام زبادي صح؟ يعني علبة كبيرة تقريبا ولا انا فاهمة غلط؟
حلوووو ماشاءالله