حلي طبقات الكريمة
عندي كيك متبقي بايت اضفت اليه م ك كاكاو+ ½ كوب حليب + 2 م ك سمن
وخلط جيدا حتي حصلت علي عجينة
توضع في قاع قالب متحرك وتدخل فرن حرارته من الاعلي
تترك تبرد تم توضع في قاع قالب اكبر
نحتاج الي
علبة كبيرة+ علبة صغيرة بسكويت ويفر رول
نقوم برص رول الويفر حول الكيكة
الطبقة الاولي:
صفار 4 بيضات، ¹/³ كوب سكر، 1 م ك جلاتين
½ 1 كوب ماء، عود قرفة
يوضع الماء والقرفة علي النار
يخفق البيض والسكر والجلاتين ويضاف الي الماء
مع التحريك المستمر حتي يبدا في الغليان يرفع من النار
ويصفي ويترك حتي يبرد تماما
بياض 4 بيضات، ¹⁄³ كوب سكر، ½ كوب ماء
½ م ص كريم ترتار، ظرف كريم دريم ويب
يوضع السكر مع الماء علي النار حتى يذوب السكر
بخفق بياض اليبض وكريم الترتار حتي يتجمد
ثم يضاف السكر(دافئ) قليلا قليلا مع الاستمرار في الخفق
تم نضاف الكريمة مع الخفق
يضاف خليط بياض اليبض الى خليط السابق
ويقلب بخفة حتي يمتزج
يصب فوق القالب المعد برول الويفر
ويدخل الي الفريزر حتي يجمد
في هذه الفترة تجهز الطبقة الثانية والتي تتكون من
1 باكو جلي بنكهة المانجو، 1 ظرف كريمة دريم ويب، علبة قشدة
يعد الجلي كما مدون بالعلبة ويوضع في الفريزر ليبرد
ثم تضاف له الكريمة ويخلط الجميع جيدا
ثم تضاف القشدة مع الخفق
تضاف الي الطبقة الاولي بعد ان تجمد
بعد ان تستوي الطبقة نقوم كسر رول الويفر الزائد
ويرص علي وجه الحلي
ويرش عليه جوز الهند ويزين بالشيكولاتة
ويدخل الي الفريزر حتي يجمد
ثم تقدم
وااااااااااااااااااااااااااااااااااااااااااااااااااااو رهيب ربنا يحفظك
جميلة جميلة شديد ومشهية اديك العافية سمسمنا العسل
ياسمسماية معليش سؤال برة النص بس مالقيت الضلع بسأل الضلع فى الصلصة حقتة لبن بودره الفايدة منو شنو طعم ولاحاجة ثانية وممكن اعمل الضلع بالفرن بنفس التدبيلة ولا اضيف شوية زيت مع الصلصة وممكن بنفس النظام حق الضلع اعمل دجاج بالفرن
او لشئ الضلع هنا
الضلع
بعدين لبن البدة بيخلي لونو حلو لانو دسم
ممكن بالفرن يا ام سارة انا بعمل بالفرن مرات كتيرة
بس لو اللحم دسم ما بيحتاج زيت
والتتبيلة ممكن تملي بيها الدجاج
بتكون لذيذة كمان
اشتقنا لأم اماسي صح؟
مودتي
ما غريب عليك الابداع يا مبدعه
غادة مشكورة
:)
سسبحانه الخلقك يا بنت حواء يحرسك الله من خلقوا المهم يا سمسمايه المفروض التوثيق واسمع كلامى وما تندمى اررررجوك اسمعينى
تسلمي تسلمي يالحزينة
ان شاء الله يا لاحزينة
:)
rahybaaaaa
:)
حياك الله خالتي :)
مافي اجمل من كدة نفسي اكل منو حته والله
انا لسة منتظرة افكارك بخصوص القرقور وجربتا عجنة ال10 دقائق في البيتزا ابدااااع تسلم يدك
تسلمي يا اسلام
ان شاء الله متذكرة موضوع القرقور دا وفي القريب
:)
وااااااااااااااااااااااو دي شنو الحاجات الرهيييييييييييييييه دي 0000 ماشاءالله تبارك الله 00000جنننتينا يابت ياسكر 0000 الله يحميك 000 وتسلمي لينا ياست الكل 0000
ام ساره اكلتي وخليتيني ؟ ولا عندك لي حته في التلاجه
تسلمي يا ام اماسي
حقك محفوووووووووظ يا ستي
شفتي الصفحة الجديدة؟
:) :)
مبااااااالغه الصفحه الجديده والله فكره جهنميه الله يريحك زي ماريحتينا 000 المفضله بتاعتي طرشقت من وصفات سمسمايه 000 راصاها من اول للاخر وعلي قول ام ساره المفضله شدة ماملانه الا اركب ركشه عشان اصل للوصفه عموما ليك التحيه والف الف الف شكر ياغاليه
فكره جهنميه 000 الله يريحك زي ما ريحتينا 0000وتسلمي لينا يارب
شكلها تحفه وتهبل اللى يشوفها ياكلها كلها نقطه ضعفى الحلويات بس حاسه انها صعبه على وما اقدر اسويها بس اقدر اكل
تسلمي ام احمد
والله تستاهلي تجي لحد عندك حبيبتي
مشكوره سمسمه دايما ما بتقصرى وعشان كده عندى ليك وصفه الحلو التشيز كيك رهييييبه بس دسمه وكمان حلوه جدا للبيحبو الحلو مقدمه طويله صح المهم اولا نطحن بسكويت شاى عبوه كبيره ونسيح اصبع زبده صغير على نار هاديه ونخلط البسكويت مع الزبده ونرص الخلطه فى صينيه مفتوحه الجوانب نجيب الخلاط نكب اثنين علبه قشطه بوك مع اثنين ظرف دريم ويب مع واحد حليب نستله انا بستعمل ابو قوس مع سته حبات جبن كيرى مع واحد مغلف جلاتين بدون نكهه نزوبه فى نص فنجان شاى مويه ونخلط جيدا ونصبه على البسكويت ويدخل الفريزر حتى يجمد واخر شى نطلعه ونصب عليه علبه الكرز الجاهزه طبعا شكل خيال وطعم حلو وكده بيكون عندنا ثلاث طبقات للامانه الوصفه ما من اختراعى بس دايما بعمله وسويته قبل كم يوم روووووووعه نفس الجاهز واحلى كمان
تسلمي يا ام احمد
بتعرفي دايما الحلي بيكون دسم وسكر كتير
لا لو لقينا بنقع فوقو بعداك تانيب الضمير
ياريت لو تعزميني مع زينة
بس ما تكتري السكر
ام احمد اعملي الحلو و نحنا جاهزين ناكل……………حتى و لو بالصور ما مشكلة
جاهزييييييييين يلا ورح
ام احمد قالت تعااااااااااالوا ههههههههههههه
حشرت روحي طوالي
بس كده غالى والطلب رخيص اتفضلى عندى اعملو ليك طلب خاااص عديل كده مش صور ولاحاجه ما تنسى احنا سودانيين برضو
اتفضلى طوالى ياسمسمه معقول تقولى حشرتى نفسك ده الفضل كلو يرجع ليك انتى يا ست الكل اانتى القدمتيهو لينا ما شويه كتيييييييييييير الله يحقق كل امانيك الطيبه قولى اميييييييين
اميييييييييييييييييين يا ام احمد لي ليكم ان شاء الله
:)
الله يحفظك ويحميك ياااااااااااارب
وفرتى علينا مجهود كبير فى البحث واهم من ده كلو وصفات مضمونة مية المية اى حاجة اجربها تظبط من اول مرة والعجب الرقاق والله انتى المارد السحرى لا حول ولا قوة الا بالله وعينى باردة اللى بيحقق كل امانينا انا اصلا بحب المطبخ جدا ولقيت ضالتى هنا وتانىحا اعمل ليكم وجع face .
المارد السحري مرة وحدة كدا
ربنا يحفظك ويحفظ عيالك
والله ياريت تكوني متواصلة معانا هنا في مجموعة من نساء بلادي
بيتواجدو في صفحة الزوار
وخليك قريبة
اهلا وسهلا
كيفك ومشتاقين والله يا سمسم..عندى ليكى يا سمسمه وصفه مافن الشوكولا عملته اليوم وطلع اكتر من رايع وقلت لازم اقول ليكى كيف سويته…….وهو سهل وبسيط تعمليه وانتى مغمضه……المقادير واحد وتلات ارباع دقيق او كوبين انا عملت كوبين+اتنين ملعقه كبيره كاكاو+نص ملعقه صغيره بيكربونات صودا+تلات ارباع كوب سكر+واحد كوب حليب+تلت كوب زيت نباتى+بيضه+ملعقه صغيره فانيلا+اتنين ملعقه صغيره باكنج باودر ………………………..الطريقه نخلط المقادير الجافه اولا ثم نخلط المقادير السايله بالخلاط ثم باليد نخلط كل المقادير جيدا ونصب الخليط فى صينيه مدهونه بالزيت يخبز فى الفرن مدة 20 دقيقه وممكن نكب الخليط فى صينيه القوالب الصغيره انا اول جبت ورق الكب كيك ودخلته فى الصينيه فى كل قالب ختيت حبه وصبيت الخليط طلع نفس الجاهز ……وبعد يطلع من الفرن اخر شى للزينه نجهز صوص الشوكولا انا عملت تلات ملاعق كبيره كاكاو تلات ملاعق كبيره حليب سايل وملعقتين زيت وخلطتهم مع بعض خلط جيد بالملعقه وخليته فى التلاجه عشر دقايق وبعدين زينت القوالب الجميله بطبقه صوص خفيفه واخر شى رشه جوز هند واخر شى شكل ولا اروووووووووع وبالعافيه عليكم ويا ريت يا سمسمه لو جربتيهو…..بس ما تنسى ادينى رايك
تسلمي ام احمد
والله بصراحة كدا الموضوع مخمخ لي في راسي
يعني عاملاه عاملاه
وبدييييييييييك خبر
مودتي
يا اماحمد ياريت تنزلي وصفاتك في صفحة الزوار عشان نشوفة والوصفات البتنعمل وسيدة مغمض دي انا بحبها شديدههههههه وبالنسبة لصوص الشوكولاتة مافية سكر بس كاكاو وحليب
لازم سكر يا ام سارة لانو الكاكاو بيكون مر
الا اذا كان كاكاو فيه سكر ح نزيد شوية سكر ياااااااااا سكر
يعني ام احمد نست تكتب السكر
يا سمسم بشكر اهتمامك وكويس انو الوصفه عجبتك…يا ام ساره انا كمان بحب الوصفات البنعمله واحنا مغمضين هههههه بالنسبه للسكر ذى ما قالت سمسمه الكاكاو لازم نديه سكر لانه مر انا صراحه نسيت اكتب سكر لانه الكاكاو العندى ما كان صافى كان شويه محلى وبينشرب مع الحليب عادى بس زودت ملعقه واحده سكر …..يعنى السكر حسب الرغبه….يا سمسم عندى ليكى اضافه فى الوصفه انا بعد كتبت ليكى الوصفه مشيت المطبخ وزودت الصوص عملته قدر كوريه متوسطه ولانو عندى هنا اولادى يقولو لى فل شوكولاته شلت كل قطعه وغمستها فى الشوكلاته وبحركه سريعه ترفعيها مع ملاحظه انو الصوص بيكون سائل مش تقيييل.واخر شى تانى زينت برشه جوز هند بقت طعم رهيب وكمان خفيفه ..وكل الناس حيحبوها……..
السلام عليكم ماشاء الله تبارك الله تسلم ايديك مواكبه القديم والحديث وواجهه جميله نتشرف بها ربنا احفظك
تسلم اديادتك سمسماية بس سوال شنو هو ½ م ص كريم ترتار،