نوفمبر 20, 2026

مطبخ سمسماية

وصفات مكتوبة بحب

فتة شوربة لحم (سليقة)

فتة شوربة لحم (سليقة)

المكونات:

½ كيلو لحم ضأن مقطع قطع متوسطة، 4 بصلات صغار

أو (1 كبيرة)،+ بصلة متوسطة(للأرز)

ورقة غار، 3حبات هبهان، ملح، 1 م ص صلصة، ثوم مفروم،كزبرة

فلفل اسود، 1 م ك فول سوداني مطحون، 2 كوب أرز بسمتي

(ينقع في ماء دافي ربع ساعة)،

الخطوات:

تغسل اللحم وترفع علي النار ونضع الغار والهبهان والملح

والبصل تغطي وتترك علي نار منخفضة حتى تتشرب جيدا

يضاف اليها مقدار الماء (5-6 اكواب) وتترك حتي تستوي

عندما تستوي الشوربة تترك لتبرد وترفع قطع اللحم بعيد

تصفي الشوربة  وتغطي

ويغسل الارز جيد ويوضع في مصفي ليتخلص من الماء

تقطع البصلة الي حلقات رفيعة  وتقلب في قليل من الزيت حتي تذبل

يضاف الارز ويقلب ثم يضاف اليه 2 كوب شوربة +2 كوب ماء

ثم يضاف اليه قليل من الملح ويترك حتي يغلي ثم تخفض النار حتي يستوي

في صاج عميق يوضعب قليل من زيت ويترك يسخن وتوضع قطع اللحم

وتقلب حتي تبدأ في الاحمرار

في ¼ كوب ماء نذوب الصلصة ويضاف ¼ م ص ثوم مفروم

وملح وفلفل وكزبرة وتضاف الي اللحم وتترك حتي تتشرب مع التقليب

حتي تتشرب الخلطة بالتساوي

يذوب الفول السوداني ويضاف الي الشوربة

في مقلاة نضع قليقل من الزيت و2 م ص ثوم حتي يصبح ذهبي

وتطفي بها الشوربة

عند التقديم ندفئ الشوربة ويقطع الخبز

ثم ترش قطع الخبز بالشوربة ويراعي ان لا تكون كثيرة

يوضع الارز فوق الخبز ثم قطع اللحم

وبالهنا

Share: Facebook Twitter Linkedin
اترك تعليقاً

هه كنت قايلة نفسي بعرف أعمل شوربة نظام اسهل حاجة وكدة لكن طلعتيني بيشش يامبدعة تسلم يدك_أمس زوجي متعشي بي كوارع فقال لي عاوزك المرة الجاية تعمليها لي أنا واصحابي قلت ليهو ماااابعرف قال لي بعد سمسماية دي تاني مافي حاجة إسمها مابتعرفي_بقيت ورطانة مافي طريقة زحلقة بعد دا
الله يعيني عليه ويعينك علينا
ويقدرني علي التطبيق

شكرا كتير للاستجابة السريعة وانا بالمناسبة داخلة با سم حاتم لكن انا اسمى سلافة يعنى علشان تاخدى راحتك فى التعامل معاى يعنى انا ماراجل والله واحدة ست فانا داخلة بايميلو كل الحاصل

تسلمي يا سمسم
نحنبنحبها وناكلها كتير وطريقتي كالاتي
بحمر البصلة وبختاللحمة والموية ومعاه التوم والبهارات وطماطمة سالمة وحبة صلصة وبخليهم لممممما يتسبكو بعداك بعمل قدحه توم وتطلع رهيبة
بس اول مرة اسمع بالدكوة معاه ف النار شكلها بشهي انا غالبا ما بختها ف صحن براها

بطريقتك دي نحن بناكلها بالفطير الرهيفة بس ما بنعمل القدحة فوقها والتوم بنعمله لما تستوي ما من البداية
بالفطيرة طيبة ولذيذة

اممممم نسيت اقول ليك كمان نحن مابنحب الرز وبنرش مكعبات بطاطس محمرة ف الوش بدل الرز اتمنى تعجبك

حاجة عجيبة طبعا انا مشهورة بالشوربة لكن دي لمن شفتها اصبحت تلميزة صغييييييييييييييييييرة

تسلمي كتير بالجد ي ناس سمسمايه انا استفدتا منكم كتير وراجلي بفضل ربنا وبفضلكم بقت يادوب تعجبوا طبخاتي شكرا كتير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *