المقادير:
3 كوب دقيق، ¼ كوب نشأ، ¼ كوب أرز مطحون
2 بيضة، 2 م ص باكنج بودر، م ص فانيليا، رشة ملح
½ كوب زيت، (¼ كوب + 3 م ك) ماء للعجن
زيت للقلي ،شيرا، جوز هند
الطريقة:
يخلط الدقيق، النشا، الارز، الباكنج بودر والملح جيدا
يمزج البيض والزيت والماء والفانيليا جيدا
يضاف الدقيق تدريجيا ويعجن حتي الحصول علي
جينة ملساء وتترك لمدة ½ ساعة
يرفع الزيت علي نار متوسطة في وعاء عميق ليسخن
تفرد العجينة بشكل طولي وتقطع شرائح متوسطة الطول
(كلما كانت الشرائح طويلة كان الشكل كبير)
تستخدم الشوكة الكبيرة في لف العجينة حولها
ويكون اللف تدريجي في البداية تلف بداية العجينة في اسنان الشوكة
وتوضع في الزيت وتبدئي في لف الشوكة ببطء حول العجينة
مع ملاحظة برم شريط العجين لتأخذ شكل العمة
يضغط طرف الشريط النهائي علي حافة الوعاء حتي يثبت طرفه
تسحب الشوكة وتترك ثم تقلب للجهة الاخري وترفع من الزيت
يترك يبرد ثم يصب عليه الشيرا وجوز الهند
ويقدم بالهنا
احم احم اول المعلقين اتحاد الفنانين بطلب اغنية امي الله يسلمك
المرة الجاية كبري القماش شويه طبعا فوق التصور تسلم الاياديتشبة الشباكية المغربية في طريقة اللف
تشبها ايوة بس الشباكية طريقة لفها غييير
طريقة لفها زي طريقة لف فطيرة الدبله الليبيه مش كده ياسمسمه
تقريبا يا ام اماسي لكن نحن بنلف الشريط وبعدين نلف الشوكة بتكون زي العمة
ام اماسي بعد تجي بتلقي الطاقية هههههه
يسلمووووووووووووووووو
تسلمي غادة غاليتي
وينك يا ام اماسي شوفي الفن والابداع المرة دي هسي كانت قاعدة فاتت وين ناديها ياسمسماية
تسلمي يا ام سارة
والله كلك ذوووووووق
ماشاء الله تبارك الرحمن , جميلة جدا لكن يأختي اليومين ديل بجهز للسفر عشان كدا تطبيق مافي بس بطبقها في السودان باذن الله بارك الله فيكي , ادعوا لي ربنا يسهل لي سفري
ربي يسهل عليك يا اميرة
وتجي تلاقي اهلك طيبين
:)
وااااااو ياسمسمه مباااااااالغه 00000
ياسمسمه انتي بتقري افكاري ولاشنو00000اقسم ليك بالله العظيم انا في مره ابتكرت نفس الوصفه دي وشكلتها بطريقة فطيرة الدبله بس مع اضافة مك دقيق تابيوكا + مك كستر وطلعت ياااااها زاتها زي حقتك دي هشششششه ومقرمشه بس ماااكنت عارفه اسمها عمة ترباس 000وتسسسسسلمي يارووووووعه
بتعرفي يا ام اماسي هنا بعملوها كبييرة وبعجينة الفطير العادي
ودا بيكون في فطور العريس
بس نحنا ناس البيوت خلينا نعملها قدر خشمنا
تسلمي سمسه علي المعلومه 00لاني طبعا طولت من السودان بقيت ماعارفه الجديد شنو؟
بس يا عسل عندي سؤال دائما الكعك الناعم بطلع عندي متشقق وقوي شوية ووالله انا بحبو كدا بس زوجي بحبو ناعم شديد وماعارفة السبب شنو ارجو الافادة , في ميزان حسناتك ان شاء الله
بتكوني بتكتري الدقيق والموية او اللبن مقارنة بالسمن
والباكنج بودر برضو بيكون شوية
شوفي الوصفة دي بتاعت الناعم
http://simsimaya.wordpress.com/2009/08/30/
غايتو ياام ساره معارفه اقول ليك شنو 0000بس الضحك قتلني00000انا جيت حصلت العمه قبل ماتكمل
ما شاء الله وجزاك الله كل خير
:)
ياسمسماية عتدي سعال الارز المطحون غسلتية اول من النشأ وجففتية بعدين طحنتية والطحن ناعم شديد ذي الدقيق
بااااااااااااااااالغتي يا سارة اظن انت ما مواكبة؟
قبل كم يوم مش قلت ليكم لقيتو مسحون ناعم ومعبأ
في السوبر ماركت تعبأ سودانية 100% وناعم شديد
عمة ترباس دي شكلها اخر موضة لفطور العريس انحنا ماحضرناها وبعدين في الاعراس بلفوها بشنو بس مايكون مفراكة ههههههه
ههههههههههههه
بيكون سون ليها شوكة كبيرة زي مقاصيصن الكبار ديلك
هههههههه
ياام ساره خففي علينا شويه قلبي وقف من الضحك
سمسمه وام ساره قلبي وقف من الضحك
ههههههههههههههههههههههه
والشيرا خفيفة ولاتقيلة
تقيلة يا ام سارة عشان ما بحب يطعطن ويبقي لين
يطعتن دي رايك فيها شنو؟ بتعرفيها؟ باقي معانا حناكيش
بظهرو شوية شوية خشمهم كبيير….. لا لا لا قصدي صغير
ههههههههههههههههههه
هههههههههههههههه
سمسمه وام ساره الله يديكم العافيه خليتونا نضحك برانا زي المجانين
ههههههههه واللة مافهمتة رغم اني ماحنكوشة لكن اقرب لطبوج هههههههه
هههههههههههه
برضو ما حنكوشة
عطن الشيء بالماء اي غمره بالماء
زي لما تبلي الهدوم في الصابون
نحن بني شايق بنقول عطنت الهدوم في الصابون
قاموس العامية من مطبخ سمسماية
ههههههههههههههه
هههههههههه
اتقطعتي مع عمة ترباس ياسمسم وعمة ترباس لغير الناطقيين باللهجة السودانية هي اكبر غطاء راس ههههههههه
لكن ماخايفة ترباس يطالب بحق الاسم ياسمسم
هسع ردمتي فوق راسي الحاجات اسوي شنو ولاشنو
برضو تسلمي
هنوها تسلمي والله مشتاااقة وملتاااااااااااعة
ياستي الاسم دا انا لقيت الحريم هنا يلوكن فوقو بس انا دخلتو العولمة … بالعكس حقو يديني حق الدعاية هههه
سوي شوية شوية والاجازة جاية بتكوني متفرغة للمطبخ وللتسمين هههههههه
دمتي غالية
اخر العمة اقصد اللفة احكمها كيف بحيث ماتنفر في الزيت تنفر دي حلوة مش
سويها عزبه هههههههههههه
الجزء الاخير بتدوسي خفيف علي حافة الصاج او الحاجة البتقلي فيها لحدي ما تاخد شكل القفلة وبعداك تسيبيها
شغلتها دايراك تتفرغي ليها بس
ننتظر تطبييييق
تشكري يا عسول نجرب ورانا ايه علي قولتك اجازة ونوم واكل
تسلمى سمسم عاد ماخليتى لترباس حاجة فضل لينا الملفحة وفليل العمة هههههههه
عمه ترباس دى بالجد تحفه يا سمسم وشكلها جديده حتى الوصفه اول مره اسمع فيها بس صراحه روعه عليها شويه بالمناسبه انتى والاخوات موتونى من الضحك والله ههههههههههه
ياسمسماية بدون بيض بتطلع تمام عشان عندي زول عندة حساسية
تنفع يا ام سارة اعملي حليب بمايعادل بيضتين مخفوقات
بيمشي الحال بس البيض بيخليها هشة
wllahi mubaaaaal3’a taslm eedik
ربي يسلمك من كل شر غاليتي
مودتي
سمسمة ازيك …عمة ترباس دي حلوه وحاجربها وبلاي المره الجاية اعملي لينا جضوم ترباس الحلوه دي هههه
سمسماية الرائعة شكرا ليك علي الحاجات الجذابة دي
najoota اهلا وسهلا
راااائعة طلتك علينا في المطبخ
ربي يديك العافية
وشكرا علي ذوقك
هذي مررره اعجبتني خطيرره ..
الله يسلم يدياتك على الطريقه ..~
بي يسلمك من كل شر حبيبتي
رووعة رووعة يا سمسماية- انا ضيفة جديدة من الامارات و لقيت الموقع الرهيب ده بالصدفة .. الله يخليكي و يطول في عمرك يا سمسماية
نحنا ما عندنا ضيوف
الكل سيد بيت يعني بمجرد ما دخلتي المدونة بقيتي ست البيت
والكل هنا اخوات عزيزات وحبايب يا ام اسيل
وياريت تتواصلي معانا في صفحة الزوار نفيد ونستفيد
دمتى اختي
mmmmmmmmmmmmmرهيييبه.ما شاء الله دقيق الرز نفس بتاع بسكويت اليانسون؟؟؟؟؟؟؟؟
lakn shklha 5teeer wana dayra ase agrba lakn ma3ndi dgyg alrz lazm a3mlo fyha wala fe bdeel argo alrd ya simsimaya lani nfse agrba sokrn
ممكن تستبدليه بالدقيق العادي يا رزان
taslmi ya simsimya enshallha ase gayma a3mlha
walhi 3amltha tl3t hlwa shdeed taslm yadk
رهيب عدييل بدون لف ودوران بس لو ممكن يا سمسماية اطلب لي طلب عاوزة فطير الكمون
ان شاء الله يا ام قنوان اعمل ليك الفطيرة
ياسلام ياسمسمايه من زمان واناعايزة الوصفه بتاعت عمة ترباس خلاص
تاهت ولقيناها وانشاء الله اجرب واخطرك بالنتيجه لكن بالجد انا متفائله
علشان جربت كثير من وصفاتك وظبتت معاى
طبعاً جربتها وطلعت حلوة شديد فى الطعم وكل ناس البيت عجبتهم وطبوها منى مرة اخرى لكن فى حاجة اللفة ماطلعت كبيرة يعنى العمه (راقدة مازى الورة) بالرغم من شريط العجين خليته طويل المشكله ويـن
تسلمي مها وبالهنا
بالنسبة لللفة عشان تيقة زي الوردة انت بتلفيها طبعا جوة الزيت وبراحة براحة ومتخلي العجينة مرة لفتها لي فوق ومرة لي تحت وعشان تبقي واقفة
لك التحية
بالهنا عليكم ان شاء الله
بالنسبة لللفة بتتلف داخل الزيت براحة براحة ومره اللفه بنكون لي فوق (اعلي) ومرة بتكون لي تحت وكانك بتلفي العجين عشان تكون زي الوردة او العمة
كالعادة يا سمسمةرائعة ومبدعة لكن عندي سؤال بالنسبة للرز هو دقيق رز ولا رز مطحون وممكن استغنى عنو ولا لا ولو استغنيت عنو ازيد كمية الدقيق وبالنسبة للف ممكن الفها بره وتاني احمره ولا لازم جوه الزيت وشكرا ليك كتيييييييييييييييييييييييييييير
تسلمي هاجر
المقصود ارز مطحون ناعم ويمكن استيداله بالدقيق العادي او النشأ
جربتها وطلعت رهيبه لكن اللفه مامظبوطه
عملته وماظبتة معاى ماعارفه المشكلة وين مع انى طبقت الوصفه.
عاد بالغتى فيها دى جماعتنا ماسمعو بيها بسويها واقشر بيها احى الغربه خلتنا ما مواكبين شى عمه شى طاقيه وجلابيه يجازى محنك ياسمسم الله يديك العافيه
تشبه الخشخاش فى اللف حلى جزائرى تسلم الاىادى
ي سلام مبدعه دايماا