المقادير:
¾ كوب سكر ناعم، 3 بيضات،
200 جرام زبدة، ½2 كوب دقيق (او حسب العجنة)
فانيليا، ¼ م ص باكنج بودر
مربي، جوز هند (للتزيين)
الطريقة:
تُخفق الزبدة والسكر الناعم جيداً حتى يبيض لونها، ثم يُضاف
البيض و الڤانيليا يُخفق الخليط جيداً.
يُخلط الدقيق والبيكنج باودر، ثم يُضاف تدريجياً إلى خليط الزبدة
حتى تتجانس جميع المواد وتُشكل على هيئة كرة وتُترك لترتاح قليلاً في الثلاجة
يُشكل العجين باستخدام إما كيس حلواني أو بواسطة ماكينة البتي فور الخاصة
يُشكل بأشكال مختلفة ترص في صاج مدهون
وتخبز في فرن حرارته 180 درجة مئوية لمدة 20- 25 دقيقة.
يجب مراقبته حتى لا يحمر لونه كثيرا.
يترك يبرد ويمكن دهن جزء منه (الاشكال الصغيرة) بالمربي وترش بجوز الهند
روعه
رهيب
[…] بيتي فور […]
this is one of my favorate am going to try it …
صباحك عسل ياسمسمايه عندنا فى الدويم بسكويت فى العيد لازم يتعمل مع الاشكال الثانية اسمة المبشوره يعنى شى اساسى ذى الكعك
المقادير
ثلاثة بيضات
ك سكر
ك سمن
م ك باكنج باودر
فانيليا
ذرة ملح
دقيق حسب العجنة حتى تفك من اليد
مقادير التزين
كاكاو
لون احمر
فول مبروش
جوزهند
مربى فراولة المربى اذا سميكة حليها بملعقتين ماء فى الخلاط
الطريقة
نعجن المقادير الاولى البيض والسكر والسمن بالمضرب ثم نضيف باقى المقادير الاولى ونعجن حتى تفك العجينة من اليد
نجيب صنية ممسوحة وتطبط فيها العجينه ذى بسكويت اليانسون ونخلى جز ء من العجينة قدر مليت اليد ونمسح العجينه الموجوده فى الصنية بالمربى مسح فقط حتى تسبت الطبقة الثانيه من العجين نجى للعجين القسمناه نقسم العجينة الى اثنين واحدة نلونه باللون الاحمر واحدة بالكاكاو ونبشر عجينة الكاكاو بالمبشره ذى الموزريلا وبعدها نبشر عجينة اللون الاحمر ونرش فوقها الفول المبروش وجوز الهند وتوضع فى الفرن كلها تنضج مع بعض بعد تتحمر نقطعها مربعات للتقديم تكون مناسبه للتقديم
بالهناء
وصفة حلوة ان شاء الله ح اطبقها بس نحنا في البيت ما بنحب المربي
ح استبدل المربي بصلصة شيكولاتة واشوف العجين المبشور يكون لون شنو
حفظتها
مودتي
والله جميلة جدا بتديك احساس الكيك لكن هو بسكويت والطعم بين الهش والناشف
ياريت صنية الفرن تكون النوع المستطيله او المربعه وبالهناء
الالوان مع الشكولاته الابيض والاحمر والاصفر اكيد بالشوكولاته بتطلع رهيييييييييييييبة
البتي فور شكله رهيب تسلم ايدك سمسمايه انا بعمل البتي فور لكن بطلع لي هش كتيييير ولين شويه خاصه بعد ما يمكث اكثر من يوم والقصه دي محيراني شديد المهم ياسمسمايه عايزه اعرف السبب وكيفية معالجة المشكله وجزاك الله كل خير اما المبشوره ياام ساره عندي جيراني فلسطينيين علي طول بجيببوها لي وفعلا رائعه بمعني الكلمه واساسها المربي ومرات الطبقه اللي بعد المربي بعملوها علي شكل خطوط ويسلمو الايادي
البتي فور بيطلع هش ممكن يكون لسببين
1\ السمن بيخليهو هش ممكن تستخدمي الزبدة بدلا عن السمن او ممكن تخلكيهم مع بعض
2\ يمكن بتختي باكنج بودر كتير او البيض اذا شوية برضو بيكون هش قريب للغريبة
اما موضوع اللين بيكون من الرطوبة اذا عندكم رطوبة عالية بيخليهو لين
مودتي
نسيت اسالك ياام ساره الوصفه فيها كاستر ام لا ههههه
شكر كتيير لاهتمامك فعلا انا بستعمل السمن من غير اي اضافه والباكنج باودر رشه بسيطه جدا والجو فعلا رطب شديييد اما البيض بخت اتنين بس مع 2كوب دقيق + ك نشأ+ كوب سمن ولما يكون مامتوفر عندي بخت كوب كامل زبده انشاءالله بعمل بكلامك ويارب يزبط معاي واكرر شكري وتقديري
الاشكر علي واجب اختي
البيض بتعملي شوية عشان كدا ما تكتري النشا
لانو النشا معروف بخلي الخبائز هشة
اقول ليك زيدي البي ونقصي النشا مع زيادة الدقيق وشوفي\
مودتي
مشكوووووووره علي المعلومات القيمه دي اولا ماكنت عارفه انو النشأ بهشش الخبيز وبأذن الله بزيد بيضه تالته واعمل ربع كوب نشأ والباقي دقيق عموما لما اعمله بوريك النتيجه وربنا يجعل ليك كل ماتقدميه لنا من عطاء في ميزان حسناتك واكرر شكري
مشكوووووووورة ام اماسي
انتظرك
مودتي
عندي ليك هديه حلوه ادخلي علي pioneer womanعن طريق قوقل بعدها خشي علي وصفة الدونات وعايني باليسار بتلقي كتابه بالخط الاسود ادخلي عليall pw recipes وشوفي الابداع وبكرر شكري وتقديري ولما اعمل البتي فور علي طول بديك النتيجه
ابداااااااااااااااااااع
دي ماااااااااااهرة يا ام اماسي
لك الشكر
ياام اماسى المبشورة دى مافيها كاسترد الا كان تعملى مع الشاى ههههههههههه
والله العظيم انتي المبدعه وانتي ماهره اكتر منها لك التحيه
تحياتي ام ساره انا زمان عملت الشاي بالنشأ وطلع روعه بس كان ناقص تشربيهو معاي انتي وسمسمايه هههههههه
ههههههههههههههههههههههه
البتى فور رهيب ياسمسماية تسلمى
تسلمي سوما الله يخليك
رهييييييييييييييييييييب بس نفس الخلطة دى ممكن اقطعها بالقطاعات بدل المكبس وياريت لو نزلتى لينا صور تشكيل بتفورات بالقطاعات لو امكن يا غالية وكل سنة وانتى بالف الف خير يا وش الخير
ان شاء الله بكرة انزل ليكم اشكال القطاعة واوريكم التكنيك
وكيف تزيني الاشكال
السلام عليكم ورحمة الله وبركاته
واتمنى ان تنزلى المعاير البتعملي بيها
زى وصفات الكتب
ان شاء الله في الوصفات الجاية
لو عايزة اعمل سمن 200ج تعادل كم (شفتي الحالة الصعبة دي كل وصفة سؤال سامحينا)
ما شاء الله عليك
ياستي 200 جرام بيطلعوا معاك اقل من كوب بقليل
كوب يعنى كوبايه المويه الشوب ولا كيف يا سمسم
كل سنة وانت طيبة
والله شرفتينا يا ونجى
بالنسبة للكوب هو الكوب المعياري 250 مل
ياسلالالالام خلاص لقيت الوصفة مشكورة
تسلمى ياعسسسسسل بس ياريت لو امكن بيتفور الاشكال
beten bst5dm al corn flour
سلامات سمسم جزاك الله خير وتسلم يدك بس حابه اسال 200 جرام دي مقاسها بالكباية كيف ومشكورة
وعليكم السلام الكوب فيه 250 جرام زبدة
شوفي الرابط دا
http://simsimaya.wordpress.com/%d8%b4%d8%b1%d8%ad-%d9%88%d8%aa%d9%88%d8%b6%d9%8a%d8%ad/
او الرابط دا
http://www.facebook.com/notes/%D9%85%D8%B7%D8%A8%D8%AE-%D8%B3%D9%85%D8%B3%D9%85%D8%A7%D9%8A%D8%A9/%D8%A7%D9%84%D8%AA%D8%AD%D9%88%D9%8A%D9%84-%D9%84%D9%84%D9%82%D9%8A%D8%A7%D8%B3%D8%A7%D8%AA-%D8%A7%D9%84%D9%85%D8%B9%D9%8A%D8%A7%D8%B1%D9%8A%D8%A9/139625239430677
السلام عليكم
سلامات وصفاتك روعه بالمناسبه رايك شنو نعمل شغل سوي انا عندي درايه بالخبايز مابطاله
وصفة البتى فور رووووووووووووعة و طلعت ظابطة شديييييييييييييد تسلم ايدك
انا ناوية اخبز بتي فور اول مرة دايما بشتري بس بحتاج نسخن الفرن اول
عايزه اعرف الفرق بين دا وبين البيتفور البكون فيهو بيضه واحدة شنو ؟؟ يسلمو
وعايزه وصفة ل بتيفور الشوكلاتة خالص مابظبط معاي
يعطيك العافيه اختنا سمسمايه انا من المتابعين واستفدت كتير من مطبخك عندي طلب لو امكن تنزلي لينا طريقة تزيين الخبايز بالتفصيل قبل العيد
الجرامات مامعروف ممكن تقيس لينابالملعقةالكبيرةاوالكوب وايضازمن البتي فورفي الثلاحةمامحدد
تسلم الايادي وشكرا على المعلومات القيمة وجعل الله ايامكم كلها اعيادا
شكرا ليك كتيير بسئل من ال لانكشير