المكونات:-
1 كيلو دقيق قمح (الدقيق الكامل) ، 7 كوب ماء للعجن، تمر مكسور (بلح)،
1 م ص شمار، 1 م ص كزبرة، ½1 م ص حبة البركة ،
1 م ص حلبة(تحمص اولا ثم تسحن ناعما) ،½1 م ص قرفة،
1 م ص هبهان، ملح، ¼ كوب عجين كسرة، سمن بلدي
الطريقة:
يخلط الملح والدقيق ويعجن بالماء ويضاف عجين الكسرة
يترك لمدة ليله كاملة
يوضع البلح فى قدر على النار مع قليل من الماء حتى يصبح لينا
يترك ليبرد ثم ينزع النوي يوضع جانبا حتي الاستخدام
تجهز البهارات (تحمص الحلبة قبل طحنها)ويضاف التمر المستوي للعجين ويخلط جيدا
ثم تضاف البهارات ويغطي ويترك مدة لاتقل عن 10 دقائق
يوضع الصاج على نار متوسطة ويترك حتي يسخن
ويصب عليه قليل من السمن ثم يصب مقدار من العجين (كما مبين فى الصورة)
ويرش عليه قليل من السمن ثم تقلب للوجه الثاني
تتابع بقية العجين بهذه الطريقة.
تؤكل قراصة التمر (البلح) مع الشاى او الحليب
بالهنا
كانت تخبز فى الماضى لتذويد المسافرين الى اماكن بعيدة وتتميز بامكانية حفظها لفترة .
تسلم ايديكي انا من زمن مشتهياها الله يبارك فيكي
يا سلاااام…. ممكن أعمل عجوة ( ناعمة أو خشنة) بدل البلح ؟
ليه؟ ما في بلح ولا شنو ْْ
لو مافي ممكن عجوة لكن تكون مقطعة قطع كبيرة شوية
لانو الناعمة ما بتنفع يا ام لينة
وكمان لو بلح بتبقي ميه ميه
ما دايما بيكون عندي…. خلاص ح أجرب بي العجوة الخشنة لكن الليلة يوم كيكة الشيكولاتة بعد أعملها ح أديك التقرير… شكرا على الرد
سمسوم مافهمت الخطوه الاولي يعني اكب في العجين روب قدر شنو وبعد مااكب ليه الروب اسيبه ليوم كامل بره الثلاجه يخمر لوامكن وضحي لي النقطه دي واكون ممنونتك
علي حسب الروب لو مر او ما مر المهم نحناج لطعم مزمزة والكمية تقديرية تقريبا وتخليه ليلة بره التلاجة عشات يخمر
(ما عندك عجين مر؟) :)
ربنا يرد غربتكم يا ام مجتبي
انا طبعا بعملها بالبلح لكن من غير بهارات بس شويه ملح وشويه سكر وبقدمها مع الشاىلكن اجرب بتاعت البهارات
بالبهارات وبنفس الطريقة طعمها فريد جربيها وايني رأيك