نوفمبر 20, 2026

مطبخ سمسماية

وصفات مكتوبة بحب

دونات Donuts

دونات Donuts

المقادير:

½2 كوب دقيق، ¼ كوب سكر، 2 م ك زبدة

¾ كوب حليب دافئ، 1 م ص خميرة،  ¼ م ص ملح،

2 بيضة، فانيليا

الخطوات:

توضع الخميرة و ½ م ص سكر في كوب صغير

ويضا لها قليل من الحليب الدافئ لتتضاعف

يضاف السكر والملح للدقيق ويخلط جيدا

يخفق البيض والفانيليا والحليب حتي يمتزج ثم تضاف الخميرة والزبدة

يضاف الدقيق علي دفعات ويعجن الجميع للحصول علي عجينة متوسطة

تعجن العجينة جيدا حتي تصبح ملساء وتغطي وتترك لترتاح ½ ساعة

تفرد العجينة وتقطع بقالب دائري ويفضل ان يكون املس

تفرغ دائرة العجينة وترص فوق قطعة قماش وتغطي وتترك لمدة ½ ساعة

في زيت غزير حار تقلي قطع الدونات حتي تتحمر وتقلب وترفع من الزيت

تترك حتي تبرد

وتزيين بصوص الشيكولاتة ويمكن ان تغمس في الشيرا وينثر عليها سكر وقرفة

Share: Facebook Twitter Linkedin
اترك تعليقاً

جميله وشهيه انا كان جربتها بطريقه الشيف رمزي بس بتدخل الفرن كمان نجرب حقتك متاكده انها حلوه من شكلها

كلام مافيهو كلام يا سمسم انا والله لى مدة عايزة أسألك من قطاعات الدونات هنا فى السودان القاها وين ….. دايماً معذبنك

تسلمي؛ لو تلاحظي انا استخدمت قطاعة دائرية عادية ووخرمتها بي اداة ازالة بذور التفاح

بالنسبة لقطاعة الدونات والله ما لاقتني هنا في السودان
بس ولو مرة لقيتها ان شاء الله بكلمك
لكن لحدي ما تلقيها ممكن تستعملي القطاعان الموجدة عندك
🙂

عجبتني طريقة والشكل بس اعملها راح اشوف الطعمه شهية متل الصور ولا لا..بس ضروري تنقلى بالفرن مابيمشي الحال كأخف لدسم القلي..شكرا حياتي

ماشاء الله ياسمسماية شغلك كل تمام انا مابظهر معاى روابط الوصفات ياسمسماية المشكلة شنو وشكرا

حاجربا اول ما امشي البيت الليلة دي انشاءالله
بالمناسبة امس جربت المافن وطلع خطيييييييييييير وجبت منه لناس الشغل وكلهم شالو الوصفة

سؤال ياسمسمايه اسم الشكولا الهملتيها فوق الدونيت شنو ؟؟؟؟ عندك وصفه تانيه بالكورن فلور بس من غير دقيق او لناس حساسيه القمح …..دمتى بالف خير وعافيه

سمسماية سلامات
بالمناسبة امس قرات المدونه وقلت لازم اجربها وبعدين اعلق علي الوصفه طبعا طلعت تحفه وطعمها لذيذ وناس البيت عجبتم جدا وطلعت في نظرهم بخترع اشيا جميلة طبعا طبقت عدة اشيا من المدونه وطلعت مظبوطه جدا
شكرا لك يااستاذة

السلام عليكم جربتها وطلعت جميلة شديد بس بعد كم مرة وعجبت قنوان وابوقنوان بس عاوزة اسالك سؤال بعيد شوية عن الدونات عاوزة اسال عن محسن الكيك وكيف بستعملة لانوا امي لمن ختتة في الكيك طلعت تقيلة وما اترفعت بس عاوزة اعرف بستعملة كيف هو ومهشش الكيك وتسلمي

رهيب فعلا مابشرب الزيت جربتا وصفات النت كلها شي بالبطاطس شي بي لبن بدرة مانفعت كلها زيتها انقط لكن دي فتحت وشي مع ابو الشباب تسلمي

انا جربتو الليله وعملتا نص الكميه
يا سمسم اسمحي لي اقول ليك كدا
🙂 حتى صوص الشوكلاته والحمد
لله ظبتت معاي من اول مرة ربنا يديك
العافيه وشاي المغرب الليلة معانا
اتفضلوا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *