نوفمبر 20, 2026

مطبخ سمسماية

وصفات مكتوبة بحب

ديبونيرز بيتزا

ديبونيرز بيتزا

المكونات:

½2 كوب دقيق، 1 م ك لبن بدرة، بيضة

2 م ص خميرة فورية، 1 م ص سكر، ½ م ص ملح

1 م ص باكنج بودر، ¼ م ص بدرة ثوم، ½ م ص بدرة بصل

¼ كوب زيت، ماء دافي للعجن

الحشوة:

كرات كفتة لحم، طماطم، بصل، مشروم، شرائح صغيرة لحم ستيك

جبنة شيدر، جبنة، موزريلا، بقدونس مفروم، كاتشب ، صوص بيتزا

الخطوات:

نقوم بعمل العجينة وعجنها جيدا حتي تصبح ناعمة ومطاطية

تغطي وتترك حتي تتخمر ويتضاعف حجمها

نجهز الكفتة حتي تستوي وقطع اللحم

تقطع الطماطم صغيرا والبصل

تفرد العجينة وتوضع في صينية ذات حواف مرتفعة قليلا

ترص كرات الكفتة علي حافة العجين

مع ترك مسافة بين كل قطعة واخري

وتطوي حافة العجينة علي كرات الكفتة مع الضغط بين القطع

توضع جبنة الموزريلا وقطع اللحم والبصل والمشروم والطماطم

يضاف البقدونس و الصوص فوق الحشوة

تم توزع بقية جبن الموزريلا والجبن الشيدر

وثم نضيف القليل من الكاتشب

تدخل الفرن حتي تستوي

وتقدم ساخنة

Share: Facebook Twitter Linkedin
اترك تعليقاً

حاجة ختيييييييييييييرة يا سمسمة…والتطبيق ح يكون فى اقرب وقت…ما اتخيلتها ساهلة…بس انتى اى حاجة بتخليها اسهل من الساهل زاتو…تسلم يدك…وبما انى اول واحدة تبقى حقتى برااااااااااااااااااى

والله تطبيق ساهل ….شكرا ليك سمسمايه علي الافكار المبتكره …. اتذكرت ايام الجامعه والhypothes بتاعة الاحصاء وتبسيطك ليها كنت قربت اتعقد منها هههههه

ما شاء الله . فنانه يا سسمسة.تسلم ايدك، إبداع إبداع إبداع. أولادي أصلاً مجانين أي نوع من البيتزا. مشكورة كتير، غداء الويكند إن شاء الله.

يا اخ مبالغة عديييييييييييل ما شاء الله تبارك الرحمن و بالهنا عليكم …………….زابدااااااااااااااااع

رووووووووووووعه بالجد ,, اهم شئ فيها الطريقه المبسطه الواضحه … مشكووووووووووره على كل الإبداعات اللي بتقدميها لينا ^_^

مباااااالغة ياسمسمة طبعا كان نفسي أعرف الشكل ده بيتعمل كيف مشكورررة علي كل إبداعاتك والله كل يوم بتفنن ل(بعلولي) دلع بعلي_تسلمي

تسلمي هندود الشايقية ويخلي ليك بعلوووولك 🙂
طريقتها ساهلة جدا ياريت تعمليها وتخليه يذوق احلي بيتزا من احلي هندود

عفوا طبعا دي أول مشاركات لي مع العلم إني متابعة لكل وصفاتك من زمان عندي سؤال ياسمسوم العجانة الكهربائية تصلح لعجن كل المعجنات ؟ حتى الكعك حقنا؟ يعني مابتتكسر لأنو العجينة قاسية

مرحب بيك شوفي العجانة عندها سعة وكمية عجينة بتعجنو حسب الحجم والسعة ودايما العجين القاسي شديد بيتعب الماكينة ياريت تقري الكتيب المعاها وتعرفي قدر شنو ممكن تستحمل

هندود انا عندي كينوود الكبيرة بعجن بيها الكعك عادي مرة مرة بوقفها بحركه شوية بالملعقة و بشغلها ثاني

البرنسيسه سمسماية
اخر ابداع وابتكار…. شئ مذهل قربت امد ايدي واسحب واحدة…… تسلمي وتسلم الايادي!

مشكورة أختي zeenaانا عملت كعك مرة واحدة وطلع رهييب لكن جاني تمزق من العجن وتبت منو عدييل بس بعد ردك دا حاجيب العجانة كينوود وياكعك جاك زول

مبااالغة الشكل والعجنة بسيطة وفكرة بودرة البصل والتوم عجيبةربنا يخليك لينا يا سمسمة يا سكرة

تنبيه: غير معروف

الله يعافيك
بتلاقيها في البقالات الكبيرة مع البهارات المطحونة جاهزة
في الخرطوم في العمارات سنتر الفي الرياض والمدينة الجديد
الانفال والوفاء كلهم بتلاقيها عندهم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *