معمول التمر
المكونات:
العجينة:
3 كوب دقيق سميد (سمولينا)، (¼1 كوب +½1 م ك) زبدة،
½ م ص محلب مطحون، 4 م ك لبن بدرة، 1 م ص خميرة
½ م ص سكر، ½ كوب ماء دافئ
الحشوة:
2 كوب عجوة(تقريباً)، 2 م ك زبدة، 1 م ص شمار،
1 م ص يانسون، ½1 م ص قرفة، ¼ م ص محلب مطحون
4 م ك ماء الزهر
الخطوات:
يرفع الزبد علي النار حتي يذوب، يخلط الدقيق والمحلب
ثم يضاف الزبد ويعجن (استخدام العجانة يسهل العمل)
تغطي العجينة وتترك لمدة 4 ساعات تقريبا
تخلط جميع مكونات الحشوة وتكور الي كرات صغيرة
بعد مرور فترة الـ 4 ساعات نضع الخميرة والسكر مع الماء
وتترك حتي تتضاف الخميرة
تضاف الخميرة الي عجينة السميد وتعجن مرة أخري جيداً حتي
تتماسك العجينة وتصبح سهلة في التشكيل
يؤخد جزء من العجينة وتفرد علي راحة اليد وتوضع كرة
العجوة وتقفل جيداويضغط عليها ويمكن ان ينقش عليها
او يمكن استخدام قالب المعمول
تدخل فرن متوسط الحرارة حتي يشقر لونه
يترك ليبرد ثم يرش عليه قليل من السكرالمطحون
تسلم ايدك بالجد ابدااااااااااع ربنا يوفقك يا سمسمايه بس ممكن تنزلي صورة للقطاعه عجبني شكل المعمول
المعمول في الصورة دا باليد عملتة كرات بعدين ضغط عليه ببالاصبع وعملت نقوش بالنقاش بتاعب الكعك
تسلم يدك وكل سنة وانت بألف خير
السلام عليكم ورحمة الله …مشتاقين يا سمسماية رمضان مبارك و عيد سعيد….ما شاء الله عليك شغلك كما عهدناك ما بنقدر ذاتو نعلق تعليق مناسب …تسلم يدك وان شاء الله أجربه.
السلام عليكم كل سنه وانتو بالف خير وسلمت يمناك علي كل الوصفات دي يا سمسمايه. عندي سؤال ممكن بدل الزبده تكون سمنه لو سمحتي تردي لي سرييييع جزيت خيرا.
ممكن يا غالية
ياسمسماية وين انتى منتظرين الجديد
مشكورة كتير على المجهود الرائع ومشاركتنا في الافكار والطرق السهلة والمفيدة انا جربت بدقيق سميد (سيقا) وطلعت مفتتة ما قدرت اشكلها وما قدرت اعرف الاشكال شنو مع العلم اني كنت دقيقة في المقادير
تسلمي يا غالية
المشكلة بتكون في السميد مرات بتكون خشنة يعني الناعم مثل حق ناس ويتا كويس
او دا زاتو اديه شوية سحن بالسحان وتاني شئ المرحلة بتاعت الخميرة عايزة عجن شديد لما يتماسك
بقدر استغني عن المحلب ماعندي الا دلكة *-*
O:
المجلب بيديه طعم مميز بس لو ما عندك وما بتقدري تجيبي ان شاء الله وقية من العطارة :) خليه
العطار وين ياحبيبة انا الدقيق الا بالدقشنري محلب دا الااخش ليهو مدرسة
تسلمي علي الاستجابة
الشمار العادي دا ياسمسماية؟؟ بتاع الفول ؟
أيون
حاضر (وش مستغرب) !!
والله انا عندي ضعف نظر وبلبس نضارات المشكلة بقيت ماقادرة اطلع من المدونة دي خاااالص وعيوني بقت تتعبني شديد بس الظاهر ادمنتها تصدقي اني بقيت انوم بيها ^_^
:)
ما شاء الله