المكونات:
دجاجة مقطعة ومنزوعة الجلد، 3 بصل متوسطة، ½1 كوب عصير طماطم
¼ كوب زيت،1 م ك صلصة، 1 م ص ثوم مفروم،ملح، كزبرة
قرفة، زنجبيل، شمار، فلفل اسود، ورق غار او( هبهان صحيح)
الخطوات:
يقطع البصل حلقات رفيعة ويضاف الزيت ويرفع علي النار
يقلب البصل حتي يبدأ كسب اللون الذهبي
يضاف ½1 كوب ماء
بعد ان تبدأ في الغليان تغطي وتتكرك علي نار هادية
حتي يستوي البصل ويذوب
بملعقة خشبية او بهراسة تحرك البصلة وسوف تصبح ناعمة
تضاف قطع الدجاج الي البصل وتقلب
عندما يتغير لون اللحم يضاف عصير الطماطم
وعندما يبدأ في الغليان تضاف البهارات عدا الثوم
تذوب الصلصة في كوب ماء وتضاف اليها
تخفض درجة الحرارة الي اقل درجة وتغطي
وتترك حتي يستوي اللحم مع ملاحظة ان لحم الدجاج يستوي اسرع
تنزع ورقة الغار من الدمعة
يضاف الثوم المفروم وتترك علي النار لمدة دقيقتين تقريبا
ترفع عن النار وتترك حتي تهدأ حرارتها
تسلم الايادي ماشا الله روعه
تسلمي ياروعة
بالجد جزاك الله خير أنا اتعلمت منك كتير وأي حاجة عملتها من وصفاتك طلعت حاجة إبداع لما بستغرب في روحي ، الدمعة أول مرة أعملها في حياتي وعجبت راجلي شديد، أنا مغتربة ومع اني بعرف أعمل أكل ظريف بس الأكل السوداني ما كنت بفهم فيهو حاجة والواحد بشتهي الحاجات دي وبعرف قيمتها في الغربة، ريحتيني الله يريحك :)
سمسماية سورى ح اطلع ليك برة دمعة الدجاج كدى ورين القراصة السمحة دى اعملها كيف؟؟؟
بالجد جزاك الله خيرًا يا أخت سمسماية :) موقعك ابداع وأكلك شكله شهي ويفتح النفس
أشكرك بجد لأنك طلعت الأكل السوداني بشكل جميل والكل يقدر يعمله حتى لو ماسوداني ..
والدمعة شهيتيني فيها شديد :) تسلم يديك يارب.
تسلمي سحر وشكرا علي ذوقك
العزيزة سمسماية سلااااااام و مشتاقين
كنت قايلة نفسي بعرف أعملها لكن جربت وصفتك دي الليلة وطلعت رهيبة ولونها أحححححمر جميل…. تسلم يدك
تسلم الايادي يا سمسمايه علي لاطباق الحلوه
كنت فاكرة روحي بعرف أعمل الدمعة لكن جربت طريقتك وطلعت ابداع تسلم ايدك وربنا يديكي ألفي مرادك إن شاء الله يا رب ، بس لو ممكن طلب ، ممكن مقادير القراصة دايماً ما بتزبط معاي
ااااااااااااااااه انا من اكلك رهييييييييييييييييييب
ماشاء الله عليك اكلك رهيب و عندك افكار رائعة… رنا يديك العافية و يجزيك احسن الجزاء
ياخي يديك العافية ياسمية سترتيني مع راجلي لانو كنت شايله
هم كبير لاني مابعرف ابو النوم في المطبخ زي ما انتي عارفة
ربنا يجزاكي بالخير كلو يا سمسماية ويديكي من وسع ويفتح عليكي زي ما فتحتي علي ربنا يوفقك انا عروس جديد وبليدة في المطبخ واهل راجلي جوني ووصفاتك انقزتني ربنا يديكي الف عافية
جزاك الله خير،،،، حاطبقها طوااااااااااااااااااالى
Toma
ماشاء الله عليك اكلك رهيب و عندك افكار رائعة… رنا يديك العافية و يجزيك احسن الجزاء
دمعتك بتجنن بتاخد العقل
سمسمه ياخطيييييرة والله دمعتك ابداااع تسلم يدك اها قراصة زى قراصتك دى بظبطوها كيف؟
صرااااااحه ابداع بس دايرين ملاح النعيميه
تسلمي النعيمية موجودة :)
http://simsimaya.wordpress.com/2008/06/07/%D8%A7%D9%84%D9%86%D8%B9%D9%8A%D9%85%D9%8A%D8%A9-%D8%B5%D9%81%D8%A9-%D8%B3%D9%88%D8%AF%D8%A7%D9%86%D9%8A%D8%A9-%D9%85%D9%85%D9%8A%D8%B2%D8%A9/
فنانه والله تسلم ايدك يارب ربنا اخليك
شكرا على الوصفات الجميلة…
عملتها و عجبت كل ناس البيت.
شكراً جزيلاً مطبخ سمسمايه انا كنت بعاني من الطبايخ الما مسبكه جزاك الله خير 💙