لحم ضأن مقطع لقطع متوسطة والكمية حسب الحاجة،
يوضع في صاج عميق ويرفع علي النار ويضاف له قليل من الزيت
ان كان اللحم سمين لا نحتاج الي الزيت
يضاف الملح، الكزبرة، شمار، فلفل،زنجبيل، و قليل من البهار المشكل
تغطي بغطاء بعد تقليب البهارات ويلاحظ انها لا تحتاج الي اضافة ماء
تترك علي نار منخفظة وتقلب من وقت الي أخر حتي تستوي
عندما يبدأ الماء يجف يضاف الثوم وعصير ليمونة
وتقلب حتي يجف الماء وتتحمر في زيتها
سمسماية كل سنة وانتي بالف خير وربنا يحقق لك جميع الامنيات
دي الشغل التمام حاجه ماتخلص نحن مستعدين للخروف مشكور علي المجهود
yummmmy
كل سنه وانتو طيبين سمسمايه وزينه وجميع البنات
شكرا يا سمسم كنت دايره اسأل من شيه الصاج واديكى حسيتى بى
والشربوت رائع وخارج من الشبه حجربه بس حضيف ليه حرجل
تسلمى
كل عام وانت بخير وربنا يحقق كل امنياتك والسنه الجايه بعرفه
اضافة الخل للشيه كيف؟؟
ممكن طبعا اذا بتحبي الحوادق لانه فيها عصير ليمون
Simsimaya please add spoon measurements to the spices. How much of each? thank you
عيد الاضحى على الابواب كل عام وانتي بخير أختي وشكراً على الوصفات دي وجاهزين لشية الصاج ههههه والله شكراً ليكي كثير وربنا يديكي العافية والصحة
لكن بدون مويه ما بتطلع قويه شويه؟
لا انها هي بتنزل مويه ما بتحتاج بتكون هشة
والله مشكورة جدا ياسمسمة… فصلي لينا البهار المشكل اذا سمحت!
البهار المشكل
البهار المشكل والذي يستخدم في تدبيل الاصناف في المطاعم الكبيرة
وهو صنف عالمي معتمد
المقادير:
كباب صيني (البهار الحلو)،هبهان،قرنفل،قرفة،فلفل اسود
لكل 2 م ك من الكباب الصيني 1 م ك من بقية الاصناف
تخلط جميعا ثم تطحن خشن نوعا ما
وتحفظ في علبة محكمة
تنبيه:
لا تتطحن البهارات بكمية كبير
لانه هنالك وصفات تحتاج الي ان يكون الحن جديد
تسلمي ياسمسماية وكل عام وانت بخير ودايما منورانا بالجديد
تسلمي والله….
والله العظيم احنا طلعنا مانسوان ورجالنا صابرين علينا ساكت افيدينا باالمزيد يارئعه
تسلمى تسلمى
جوعتينا تسلمي
تسلمي كتيييييييير
تسلم ايدك لكن هل يمكن اضافة بصلة صغيرة؟
تسلمي يا سمسماية … انا عروس جديده وتعبانة شديييييييد في المطبخ .. لكن والله ليك التحية والتقديييييييير اتعلمت منك كتييييييييير في ميزان حسناتك يارب
وصفتك لشية الصاج ممتازة شديييد وزابطة ،يديك العافيه يارب
وجزاك الله خير 😊
تسلمي ي سمسمايه شيه الصاج طلعت رهيبة بعد م عملتها
يديك العافيه وتسلم يمناك ماشالله تبارك الرحمن جيهه ونضافه وزوق وأكل حلو