المقادير:
1 كوب سمن جامد، ²/3 كوب سكر ناعم،
½2 كوب دقيق، 1بيضة، ¼ م ص باكنج بودر
½م ص فانيليا أو ماء ورد
الخطوات:
يوضع السكر والسمن الجامد ويخفق جيد حتي يصبح ابيض كريمي
تضاف البيضة والفانيليا مع الاستمرار في الحفق لمد 3 دقائق اخري
يخلط الباكنج بودر والدقيق ويضاف بالتدريج حتي تتكون عجينة ملساء
عبئ العجينة في كيس حلواني او مكبس البتي فور واختاري الوردة
او يمكنكي تشكيلها كما ترغبي
اقطعي العجينة علي شكل وردات متساوية تقريبا
يمكن تزيينها بعجينة بالكاكاو
تدخل الفرن علي درجة حرارة أقل من 170° م حتي يستوي
يترك ليبرد يمكن ان تلصق بالمربي او بصلصة الشيكولاتة
او تترك كما هي
الله عليك يا سمسماية كل مرة متحفانا بالوصفات اللذيذة والمنوعة انشاء الله اجربو في العيد وشكرا كتير
السلام عليكم حاجه رهيبه ماشا الله انا دخلت عشان اشوف الجديد وعجبني شديد وبكره انشا الله اعملو واليوم عملت الناعم على طريقتك وطلع رهيب لكن عندي اسبفسار علي العجينه البي الكاكاو ممكن استبدلها بالشوكلاته ولك ي جزيل الشكر
وعليكم السلام ورحمة الله ممكن طبعا استبدالها بالشيكولاته ح يكون اروع (مممممم :) ما اجمل الشيكولاته) بس ح تعمليها بعد ما يستوي ويبرد تماما
وكل سنة طيبة
تسلمي يا سمسماية بالجد ابدااااااااااااااااااااااع
شكرا ياسمسماية بس
كنت دايرة اعرف بالنسبة
لبسكويت النشادر
الكستر ممكن ولا يكون
بديل للبيض
انا صراحة ما جربت البسكويت بدون بيض ولكن الكستر بيديه لون ونكهة ويخليه خفيف بس لو عايزاهو بدون بيض بالاضافة للكاستر اضيفي كوب حليب يعني خليها كوبايتين عشان تستوعب الدقيق والعجينة ما تكون يابسة
شكرا يا سمسم كل سنه وانتى طيبه
شكرا ياسمسمة
عندي سؤال مهم _الوردات البيعملوها ناس الخبائز الجاهزة دي بنفس حلاوة السكر المذكورة عندك وللا دي كريمة؟ وكيف طريقتها
ناس الخبايز بيستعملو الكريمة العادية بتاعت تزيين الكيك بس بتاخد زكن طويل عشان تنشف
وانا ورداتي بالعجين بس معاها كاكاو
رهييييييييييييييييييييييييييييييييييبة والله بس ياريت لو تعرفينا كيف عملتي عجينة الكاكاكو,,,صديقة جديدة ومتابعة وجديدة علي المطبخ^_^
تسلم ايدك …..بس سؤال ما بتختا فيهو نشا ؟؟؟
روووووووووووعة ماشاء الله
مافى اى كلام يتقال ………..ربنا يحفظك
الوردات ما عندك يا سمسمة…صلصة الشوكولاته بتعمليه كيف؟؟؟
يا سلام روعة سمسه طبعا عملت الوردات امس وطلعت جميله الله يخليكي وكل سنة وانتي طيبة
سمسمة ياعسل كل سنة وانتي طيبة
والسنة الجاية زي ماعايزة
عملت الوردات وطلعت رهيبة بس لانو ماعندي كيس حلواني شكلتها بمكبس البيتفور
ربنا يخليكي
تسلمي سمسمة وسلمت يداك وكل عام انتي بالف عافية صحية سعيدة
بسكويت بشهى والله وحاعملوا لاولادى
salam simsima litawe amalte les petis fours tel3o raw3a allh yedike asa7ah
رهيييييييييييييبة
السمن يكون جامد يعني من الفريزر ولا في درجه حراره الغرفه؟؟ لانو انا جربت في درجه حراره الغرفه ولما جيت اشكلو بقمع الحلواني السمنه بقت تنزل براها :( انا هسي دخلتا العجنه التلاجه قلت عشان السمن يجمد وادخلها في فرن حار طوالي ما عارفه تصرفي ده سليم ولا لا؟؟ افيديني بالله وليك جزيل الشكر
تصرفت مع العجينة كويس
بس المفروض السمن يكون جامد يعني بارد وجامد في التلاجة ما الفريرزر
البيتفور مافيهو نشادر
طريقه تزين الوردات بعد الفرن وقبل الفرن
نفسى فى بسكويت نشادر يكون مظبوط يا راقيه
طلبك موجود يا غالية
http://simsimaya.wordpress.com/2008/06/19/%d8%a8%d8%b3%d9%83%d9%88%d9%8a%d8%aa-%d8%a7%d9%84%d8%b9%d9%8a%d8%af/
وياريت تقرئي كل التعليقات والردود عليها عشان تستفيدي من كل الاسئلة والاستفسارات
ما احلها ااااااااااا الطعم ماحدا بقدر يقاوم
شكرا كتير لى الوصفات وكل عام وانتم بخير
سمسمه انا بعد اضفت الدقيق ضربتو بالضرب والعجينه بقت قويه ومفتته وما بتتشكل.دى مشكله
دايما الدقيق بنضاف شوية شوية
ممكن تعملي صفار بيضة عليها نقطة خل وفانيليا وتضيفيها كمعالجة