الخبز التوست (العيش-الرغيف)
المقادير:
6 أكواب دقيق،½ كوب حليب،¼كوب زيت
½1 كوب ماء دافئ، 1م ك خميرة،1 م ص سكر، 1 م ص ملح
الخطوات:
توضع الخمير مع السكر ويصب عليها ¼كوب ماء وتترك لترتفع
يوضع الدقيق والملح ويضاف الزيت والحليب والخميرة والماء
ونبدأ في خلط المكونات والعجن الجيد سوف تحسوا ان الماء قليل
ولكن استمري في العجن وسوف تجدي ان العجينة بدأت تتماسك
بعد ان تتكون عجينة توضع في سطح مسنوي وتعجن من 5-7 دقائق
حتي تصبح العجينة رخوة وملساء وسوف تحسوا انها صارت مثل القطن
توضع في اناء به قليل من الزيت وتغطي وتترك لتتضاعف
(تقريبا ½1 ساعة ومع ملاحظة انها تعتمد علي الجو)
تقطع العجينة الي اجزاء ويفرد كل جزء ويلف ويوضع في القوالب المستطيلة
ويمكن ان تشكل كما تحبون وتتحكموا في وزن الخبز
تترك مرة اخري حتي ترتفع
وتحبز في فرن متوسط الحرارة
مساءك فل ياسمسمة:الطريقة سهلة ورهيبه إنشاءالله حأجربه.وربنا يحفظك من كل حاسد.
مافي اي كلام نقولو غير انك في منتهى الروعه
ألف شكر على الوصفة الفنانه.. بس عندي استفسار لو سمحتي… انا حاسه الكميّه كبيرة، وانا اسرتي صغيرة.. لو قسمته المقادير دي النص، العجنه بتظبط؟ رأيك شنو؟
حاجة ما تخلص…ربنا يعطيك العافية ويوفقك ويرزقك…يا عسلنا انت يا سمسمتنا
شكرررررا سمسمة
على الابداع والفن دائما رائعة
ياريت لو عملتي لينا (أم علي وحلا الطبقات )من يدك لأنو مابيظبط معاي
ان شاء الله في اقرب فرصة
سمسماية مبدعة كالعادة رب يديم الصحة و العافية و الابداع
و يبهج ايامك
يا هو ده الخبز وللا بلاش
يرحمنا من خبز الخليج الزي الورق ده
تسلم ايدك يا عسل
مبروك علي الاستايل الجديد حق المدونة شكلة في قمة الابداع واللون ساحر وجزاب والرغيف مافي كلام فنانة بت فنانة
سمسماية ياعسل
ماشاء الله التوست احلي من كدي مافي تسلم الايادي
روعة ياسمسماية هايل
azyk ya smsmaya w allahy ana estfdta mnk ktyr khsosn eno ana jdyda ly sns kda fy almtbkh tslmy w ya ryt Tgblyny sdyga jdyda…om mohamed
سمسمايه التوست رهيب انا نفسي اعمل العيش في البيت ,, ياريت لو تنزلي لينا وصفه بدقيق القمح ( اختك صحيه نوعا ما ) وياريت تردي علي يا جميل
thanks allot for every thing you did for us
لكن لو ما ندى قوالب ممكن اعمله مدور
ممكن
سمسمة لو سمحتي ممكن استبدل الدقيق الابيض بي بوني وطلب سغير كدا لوسمحتي عازة افكار لي سندوتشات المدرسة مروة دخلت ليها اسبوعين وخلاص كملت افكاري ماعايزة اقداها بي انواع معينة معزبنك معانا
شكرا سمسمة انا ياداب شفت الوصفة لو لقيت فكرة اللبن بتنفع والا مابتنفع
طريقتك ممتازة فى صنع العيش وكل الاطباق الاخرى
بعد ما أضيف السكر وربع كوب الماء والخميرة ما فهمت الخميرة ترتفع كيف ؟