المقادير:
1 كوب دقيق، 1كوب ماء، ½ كوب زبدة
¼ م ص ملح،4 بيضات
الحشوة:
مغلف كريمة خفق،فانيليا
التغليف:
¼ كوب شيكولاتة نصف حلوة(2 أوقية)، 2 م ك زبدة
اكوب سكر، 2 م ك ماء
الخطوات:
يرفع الماء والزبدة والملح علي النار حتي يغلي
يضاف الدقيق مع التحريك المستمر
عندما يمتزج جيدا يرفع عن النار ويترك ليبرد
يضاف البيض وحدة بعد الاخري مع التحريك
حتي يمتزج وتتكون عجينة متجانسة
يعبأ في كيس حلواني ويقطع في صينىة فرن عليها ورق زبدة
يخبر في درجة حرارة 450° ف ( ما يعادل232° م ) لمدة 15 دقيقة
ثم تخفض الحرارة الي 325° ف (ما يعادل163° م ) لمدة 20 دقيقة مع المراقبة
يترك ليبرد تماما ثم تشق كل قطعة من الاعلي وتعبء بالكريمة
تذوب الشيكولاتة والزبدة علي حمام مائي
ثم يضاف السكر حتي يذوب ثم تضاف الماء
وتترك حتي تبرد وتوزع علي الوجه
وتقدم
واااااااااااااااااااااااااااااااااو
:) :)
رهيييييييييييييب والله بس انا لسع عندى مشكله الكبايه (حقت الطقم)؟؟؟
بالنسبة للكوب ممكن تستخدمي كاس الجبنة السائلة (250) مل
او كوب الطقم :)
شغل محترفييييييين يسلمو دياتك يامبدعه
عندي ليك اضافه بسيطه اتمني ان تضاف للمدونه الجميله دي وهو عمل صفحه مخصصه لعمل الكيك والكب كيك وتزيين الكيك خطوه خطوه بالفوندان وطربقة عمل الورود وطريقة عمل المرينج السويسري والايطالي والفرنسي وطرق عمل الكيك الاسفنجي بشتي انواعه و والرويال ايسنج ,Butter icing
لانه ماشاءالله عليك شغلك كله متقن وجميل وعايزين مدونتك دي تبقي مدرسه حقيقيه للكل لك شكري وتقديري
كعادنك دايما رهييييييييييييبة يا سمسمة لكن مش ممكن أفتحها بجانب واحد بس أو من فوق بس وأحشيها
ام رنيم الحشوة وطريقة الحشو ممكن تتفنني فيهم زي ما عايزة لو فتحتيها بالجنبة ممكن وفي ناس وتملاها بالقمع بيدخلو القمع الصغير بالجنبة وبيفضوه جوة وبعدين بيعملو الشيكولا واو الكريمة فوق :)
ماشاء الله والله إبدااع ياسمسمة كالعادة
(لمااااااان غلط)
ههههه ام أماسي(كسترد) مشتاقين
ماشاءالله عليكي يارائعة
ربنا يخليكي لينا قولي آمين.
سمسماية عذاااااااااااااااااااااااااااااااب بس……….ما شاء الله الله يبارك فيك و يديك العافية و يحفظك
ماشاء الله تسلم يدك
ماشاءالله تبارك الله مبدعة مبدعة
جميله شديدو شكلو خطيييييييييييييييييييييره
الطريقه دا زي طريقة بلح الشام
تقريبا بس بلح الشام البيض بيكون بسيطه وبتقلي في الزيت وما بيكون منفوخ مثل الاكلير :)
من زمااااااااااان وانا نفسى اعملو…ماشاءالله يا سمسمة ربنا يحفظك شى تمام
و اللهي من زمان نفسي اعملو بس شو هو نوع الشوكلاته اللي علي الوجه اللي حطتيها
يا ستي اي نوع شيكولاتة خام نصف حلوة وبتضيفي الزبدة والسكر والماء السخن وبالماء بتتحكمي في سمك وقوامها
عندي ليكم مفاااااااجاه
الان اقوم بتسجيل (حلقات المطبخ )بقناة النيل الازرق وانشاءالله تشوفوها عن قريب وانشاءالله ياسميه تكوني معي في احدي الحلقات تحياتي للجميع
سمسماية انتى زولة مبدعه الله يديك الصحة والعافية والله مطبخك ده رجع لى ثقتى فى مطبخى واتعلمت منك حاجات كتيرة واستفدت جدا يا رب فى ميزان حسناتك وحاكون متابعه معاك ولى قدام يا غالية .
رلنا يديك العافية وخليك متابعة :)
ماشـــــــــــــــاء الله تبارك الله شغل معلمين بالله من زمان وانا نفسى اعملو لكن انشاء الله اطبق اليوم
ورينا خبرك ضبط ؟
ما شاء الله كنت ابحث عن ملاح التقليه واذا بي الاقيك واصنافك الرهييييييبة
سبحان كمية البساطة ساعدتى بدون ما تعرفى انا مين ولا تتطلبى اشتراك ا و اجر
انما اجرك عند الله يجزيكى خير جزاء
امين
ربنا يجزي الجميع الخير الكثير :)
دمتي
سمسماية المبدعة…عايزة مقادير البيتزا وطريقتها إذا أمكن
ياسلام عليك ياالكلك ذووق لما لقيت الوصفة فرحت شديد وطوالى عملتها كانت ماشة تمام بس بع ماتنضج وبلاحظ انها هبطت دا بعد ما اطلعها من الفرن ليه تفتكرى ردى على سريع لانى متشوقة تظبط معاى ولكى منى جزيل الشكر
مرحب ام ريم طبعا ضبط الحرارة مهم جدا لازم درجة الحرارة تكون علي مرحلتين
يمكن طلعتيها قبل ما تتحمر بتلاحظي قلت ليكم مع المراقبة يعني لما تتحمر وتنضج كويس ما بترجع تهبط جربيها تاني وان شاء الله المرة دي ح تكون تمام
وااااااو بالجد روعة تسلم الايادي … حلو فخم جدا جدا .. و اتفاجأت انو بالجد بسيط التحضير…ربنا يباركك يا سمسماية
عندي سؤال يا سمسمة … العجينة بتتنفخ داخل الفرن؟؟ لانو ما فيها مواد رافعة و حجم كيس الحلواني صغير شوية
طريقة صنع العجينة واضافة البيض تدريجيا هي البتخلي العجينة ترتفع وبتكون زي المقورة من جوة
عشان كدا اتقان العجينة وضبط الحرارة هما العنصرين الاساسايات في نجاحها وهي ساهلة اكيد ح تطلع معاك مضبوطة
:)
فعلا ياسمسماية كانت المشكلة فى انها لما طلعتها كانت بجية شوية ولكن لما قبيل عتها ووخلتها كل مرة على حرارة ظبط الف شكر لكى انشاء يكون كل دا فى ميزان حساناتك ( العلم مش الاكليرهههههههههههه) لكى منى كل الود
الحمد لله انه ضبط معاك اخيرا والله مبسوطة
معناها الحرارة هي الكانت السبب :)
تسلم الايادي سمسماية شكلها لذييذة،،بس عندي مشكلة مع القمع كل ما اجيب واحد يتفتح قبل ما اتم العجينة عايزة تدليني علي نوع كويس واجيبو من وين في الخرطوم؟،،
ربي يسلمك يا وردة
فعلا القمع مهم حق العجين غير حق الكريمة
بتلاقية في سوق امدرمان في محلات الخبائز شرق هزار مول
دمتي
هو كيس الحلواني هو نفسو كيس الكريمه و الا هادا غير
و غلبتك معايا
كيس الحلواني بيكون كبير شكله من برا قماش بي مبطن من جوة بكيس في احجام كبيرة ومتوسطة وصغيرة وممكن يستخدم الصغير والمتوسط للكريمة والكبير لبلح الشام والاكلير
عاشت الايادى يا ملكه ان شاء اللله حأجربو وبوريك
ان شاء الله لازم تتقيدي بالطريقة عشان يضبط بالذات درجة الحرارة
روووعة و تسلمي يا ررايعة …
ياسمسماية ممكن احمرة بالزيت ولابختلف المزاق
في الزيت لا لانه البيض كتير
لو تلاحظي قريب من بلح الشام بس هنا البيض اكتر والعجينة بتكون الين
ماشاءالله يا سمسماية
وربنا يحفظ من كل مكروه حاجة روعه شكل وطعم برنسيسه بحق وحقيقه مشكورة علي المجهود والابداع
تسلمي ماجدولين وين اختفيتي
لما نزلته كنت قايلاك اول وحدة ح تجي لطلبك :)
دمتي بخير
كنت مشغول شوية لكن اول مااتصفح النت اول حاجه بدخل مدونتك واشوف الجديد ودائما بجرب وصفاتك الرائعة …تسلمي ياغالية
السلام عليكم اولا انا فخورة بموقعك يا سمسماية موقع ممتاز والله انا بتعب تعب عشان احصل موقع لجامعة سودانية في النت لكن موقعك صراحة تستاهلي عليه 7 نجوم وعلى التنسيق والايات القرانية والصفحة الهادفة الخالية من الكلام الفاحش بالنسبة للوصفات برضو رائعة وممتاز ةانا جربت اكتر من واحدة شكرا ربنا يجازيك عنا الف خير
جربتة وطلع حاجة تحفة بمعنى الكلمة بجد انت كمان تحفة يابخت اهلك فيك عيني عليك باردة
تسلم ايديكى فعلا
بس عندى سؤال مش بتثقبيه وهو ساخن عشان يطلع البخار ومايعجنش جواه
لانى عملته وكان رائع بس طرى من جوه مابقاش مقرمش قالوا لى عشان ماشقيته وهو سخن يطلع البخار
ياريت تعرفينى
وعلى فكرة انا معاكى فى لك ومتابعاكى ماشاء الله تبارك الله عليكى
واحنا قرايب لانى نوبية
احبك فى الله
ما شاء الله سمسمايه الموقع كله يجنن
الله يبارك في عمرك وعملك
انا جربت الوصفه وكانت تمام زى وصفتك في كل شي لغاية لما دخل الفرن نفش بسيط لكن فضل معجن من جوه مش زي الاكلير بتاعك واول ما خرج هبط على طول مع ان الفرن كان على 180 ودرجة حرارة المطبخ كانت دافيه , تفتكري ايه السبب؟
وجزاك الله خير
مرحب ام ندي
المشكلة بتكون في درجة الحرارة لو تلاحظي تكون الحرارة عالية لمدة 15 دقيقة وبعدين بتخفض لمدة 20 دقيقة
فياريت تقيدي بدرجة الحرارة والزمن واكيد ح يطلع معاك ناجح
جزاك الله خيرا سمسمايه
وعلى فكره طعمه كان برضه حلو
وان شاء الله المره الجايه اظبط الحراره زى ما قلتي
شكرا لاهتمامك وعلى فكره انا جربت البريوش بطريقتك بالشوكولاه وطلع جنان , بارك الله فيك
راااااااااااااااااقي وما كلام بعد كده تسسسسسسسسسسسسسلمي
راقي وما في ارقي من كده تسلمي سمسم
تسلم الايادي وانشاالله يتجرب ربنا يحفظك
تسلم يديك وعينيك ولكن انا ما بعرف اعمل مثلها
يا سمسماية درجة الحرارة دي بالفهرنهايت؟
واااو رهيييب تسلم الايادى يااازوق والله خلتينا نحب المطبخ ورحعتى الثقه فينا جزاك عند الله
ياسمسمايه عايزه اعرف درجة الحراره لانو الفرن بتاعى اعلى درجة حراره 360 م
حاجة جميلة جداً.
lazem warag alzebda walla momkin min 3’ero?
لا ما لازم بس هو ما بيخلي الحاجات تمسك
ممكن تدهني الصينية كويس وترشي عليها شوية دقيق
السلام عليكم ورحمة الله وبركات ،الله يديكي العافية علي المجهود ويجعلو في ميزان حسناتك ،بالنسبة للحرارة أنا بعمل بفرن كهرباء النوع اليفتح فوق وتحت هل بينح فيهو الأكلير لأنو عجبني شدييييييييييييد وعايزة أعملوا ،بالمناسبة أنا معليش خشيت تووش أنا جديدة ومنى المكسريييييييين بمطبخك ويا ريت تقبليني صديقة .
وعليكم السلام ورحمة الله
اخت ام منار درجة الحرارة الموزونة اهم اسباب نجاح الاكلير لانة في مرحلة بنحتج لتخفيض الحرارة حتي لا يهبط
جد بيعقد يا سمسماية انا طالباك اكييييييييييييييييد اكلير رووووووووووووووووعة مثل هدا
الله يديك لمن يرضيكي يا سمسماية ،عملتو والحمد لله طلع رهيييييييييييييييييييييب وياستي الله يسلم أناملك
جدا مطبخك قمه فى الروووووووووعه تسلمى ياسمسمايه عند سؤال بسيط كدا قصدك مغلف الكريمه بتاع دريم ويب نخفقو ومعاهو فانيليا ولا شنو لو فى اضافه ياريت توضحى لينا اكتر ولك منى خالص الشكر
مرحب ام وعد
الكريمة ممكنتضيفي ليها اي منكه وتخفقيها زي ما مكنوب خلف المغلف
ايديك العافيه والله انتى مفخره للسودانيات بدون مبالغه حابه اعرف ورق الزبده هنا فى انا لقيت الورق الشمعى
تسلمي
في سوق امدرمان محلات الخبيز
رائعة انتي
ماشالله بدخل اتفرج بس مكسرني عديل مادايره اجربو عشلن ماخرب الصوره الفي راسي دي عليك الله انتي مامكيفك هههههه
السلام عليكم أخت سمسمايه في البداية احب أقول انتي رائعه بالجد ربنا يحفظك أنا معجبه بالموقع بتاعك وعايزه أكون واحده منكم إذا بتقبلوني أنا ام محمد وعندي سؤال إذا تكرمتي بالنسبة للاكلير كبايه ألمويه وكبايه الدقيق مقاس واحد قصدي بستعمل نفس الكوب ولا الكوب المقاس لكل واحد مختلف ومشكورة كتير يا مبدعه تحياتي
جمييييل يا سمسمايه يا مبدعه .. ممكن بدل الشوكولاته نوتيلا؟؟
ممكن يا غالية بس اكيد الطعم بيكون مختلف
ماشا الله وتسلم الايادي ربنا يزيدك كمان وكمان
شكرا
تسلم ايدك يا سمسماية ونحنا في فرنسا استفدنا منك كتيير لكي كل الشكر ,اما بالنسبة للاكلير اول مااطلع من الفرن يهبط مع ان درجة حرارة الفرن متوسطة ودرجة حرارة المطبخ كانت دافيه , وبكون مكموش
سمسمايه سلام عليكم
عملتو وطعمه حلو بس عندي ملاحظات ما عارفه صحة خطواتي
اولا الفرن450 ف سخن شديد وحمر قبل المده المطلوبه حتي ما اداني فرصه اخفض الحراره
تانيا كان فيه قرمشه كده هل ده صاح وللا المفروض يكون لين وطري
ثالثا الشوكولاته اضافة الكمية دي من السكر تماما بوظتها وبقت نااااااشفه واضافة الماء ماساعد اضريت اسيح كمية تانيه في حمام مائي واضفته ليها شوية كريمه سائله وملعقة قشطه عشان تدني النتيجه المطلوبه
ارجو الافاده ووفقك الله
وعليكم السلام
مرات انواع الافرات بتختلف عشان كدا المرة الجاية خفضي درجة الحرارة مع المراقبة
ايوة بيكون مقرمش من برا وطري من جوة
الشيكولاتة كان نص حلوة ولا حلوة؟ لانه لو حلوه دا بيكون السبب
دمتي