المكونات:
½ كيلو لحم ضأن مقطع قطع متوسطة، 4 بصلات صغار
أو (1 كبيرة)،+ بصلة متوسطة(للأرز)
ورقة غار، 3حبات هبهان، ملح، 1 م ص صلصة، ثوم مفروم،كزبرة
فلفل اسود، 1 م ك فول سوداني مطحون، 2 كوب أرز بسمتي
(ينقع في ماء دافي ربع ساعة)،
الخطوات:
تغسل اللحم وترفع علي النار ونضع الغار والهبهان والملح
والبصل تغطي وتترك علي نار منخفضة حتى تتشرب جيدا
يضاف اليها مقدار الماء (5-6 اكواب) وتترك حتي تستوي
عندما تستوي الشوربة تترك لتبرد وترفع قطع اللحم بعيد
تصفي الشوربة وتغطي
ويغسل الارز جيد ويوضع في مصفي ليتخلص من الماء
تقطع البصلة الي حلقات رفيعة وتقلب في قليل من الزيت حتي تذبل
يضاف الارز ويقلب ثم يضاف اليه 2 كوب شوربة +2 كوب ماء
ثم يضاف اليه قليل من الملح ويترك حتي يغلي ثم تخفض النار حتي يستوي
في صاج عميق يوضعب قليل من زيت ويترك يسخن وتوضع قطع اللحم
وتقلب حتي تبدأ في الاحمرار
في ¼ كوب ماء نذوب الصلصة ويضاف ¼ م ص ثوم مفروم
وملح وفلفل وكزبرة وتضاف الي اللحم وتترك حتي تتشرب مع التقليب
حتي تتشرب الخلطة بالتساوي
يذوب الفول السوداني ويضاف الي الشوربة
في مقلاة نضع قليقل من الزيت و2 م ص ثوم حتي يصبح ذهبي
وتطفي بها الشوربة
عند التقديم ندفئ الشوربة ويقطع الخبز
ثم ترش قطع الخبز بالشوربة ويراعي ان لا تكون كثيرة
يوضع الارز فوق الخبز ثم قطع اللحم
وبالهنا
لكن ما شوربة ………..حااااااااااااااااااجة كدة تسلم الايادي
هه كنت قايلة نفسي بعرف أعمل شوربة نظام اسهل حاجة وكدة لكن طلعتيني بيشش يامبدعة تسلم يدك_أمس زوجي متعشي بي كوارع فقال لي عاوزك المرة الجاية تعمليها لي أنا واصحابي قلت ليهو ماااابعرف قال لي بعد سمسماية دي تاني مافي حاجة إسمها مابتعرفي_بقيت ورطانة مافي طريقة زحلقة بعد دا
الله يعيني عليه ويعينك علينا
ويقدرني علي التطبيق
شكرا كتير للاستجابة السريعة وانا بالمناسبة داخلة با سم حاتم لكن انا اسمى سلافة يعنى علشان تاخدى راحتك فى التعامل معاى يعنى انا ماراجل والله واحدة ست فانا داخلة بايميلو كل الحاصل
تسلمي يا سمسم
نحنبنحبها وناكلها كتير وطريقتي كالاتي
بحمر البصلة وبختاللحمة والموية ومعاه التوم والبهارات وطماطمة سالمة وحبة صلصة وبخليهم لممممما يتسبكو بعداك بعمل قدحه توم وتطلع رهيبة
بس اول مرة اسمع بالدكوة معاه ف النار شكلها بشهي انا غالبا ما بختها ف صحن براها
بطريقتك دي نحن بناكلها بالفطير الرهيفة بس ما بنعمل القدحة فوقها والتوم بنعمله لما تستوي ما من البداية
بالفطيرة طيبة ولذيذة
شكرا
اممممم نسيت اقول ليك كمان نحن مابنحب الرز وبنرش مكعبات بطاطس محمرة ف الوش بدل الرز اتمنى تعجبك
المرة الجاية نجرب البطاطس فكرته حلوة يا قمر
دمتي
مشهية و لذيذة … الله يخليكي لينا
حاجة عجيبة طبعا انا مشهورة بالشوربة لكن دي لمن شفتها اصبحت تلميزة صغييييييييييييييييييرة
هههههههههه ضحكتيني :)
انشاءاللة دايما مبسوطة ورايقة وضاحكة وربي يسعدك دنيا واخرة
بس في غلط في الرابط مكتوبه في روابط الوصفات سلطه اسود و هنا سليقه
نرجو التعديل
تمّ التعديل مشكور اخي وبارك الله فيك
فتة زي الفتة
جااااااااااااااري التطبيق
تسلم ايدك يا عسل
فته مجنونه تسلم يدك
الله عليك طبعا انا بتوحم بيها.وكمان معاها صحن شطة خدرا بي دكوة بتكون مبالغة.تسلمي
تسلمي كتير بالجد ي ناس سمسمايه انا استفدتا منكم كتير وراجلي بفضل ربنا وبفضلكم بقت يادوب تعجبوا طبخاتي شكرا كتير
والله ياخي الله يعطيكن العافيه نجي السودان يكلونا ليها سليقه بيضاء ونفتش ليها في النت تصعبوها علينا
روعه .بس اضفتي حاجات جديده
هسي ي سمسمه يختي بقين النسوان يعملن اللحمه المفرومه والزبيب للرشوشه وبتطلع عجيبه
اللحم المفروم والزبيب مع الارز يعني ولا كيف
السلام عليكم
طبعا اول مرة اشوف طبخاتك وعجبتني حرفيا فكرتك وجاري التنفيذ