المكونات:
½ كيلو باذنجان،1 م ص صلصة، 1 طماطم كبيرة
1 بصلة خضراء صغيرة، فلفل اخضر صغيرة، 1 م ص ثوم مفروم
4 م ك فول سوداني مطحون، فلفل أسود،
1 م ص شطة (اختياري) ملح، ملح ليمون، عصير ليمون
الخطوات:
يقطع الباذنجان المكعبات متوسطة ويترك مدة حتي لا يشرب الزيت
يقلي في زيت غزير حتي يتحمر
يترك الباذنجان حتي يتخلص من الزيت ويمكن وضعه في ورق ماص
يفرم الطماطم ويرفع علي النار وتضاف الصلصة ويترك حتي يتسبك
بشوكة تكسر الباذنجان جيدا وتضاف الي الصلصة علي النار
تخلط جيدا ثم يضاف الملح والفلفل والشطة وملح اليمون وعصير الليمون
ثم ترفع من النار
يذوب الفول في قليل من الماء ويراعي ان يكون ثقيل
يفرم البصل الاخضر والفلفل بالسكين ناعما
ثم يضاف الي السلطة ويقلب
من زمان وانا نفسي اعرف الطريقة دي ………..تسلم ايديك ياعمة
ويلا خلاص عرفتي الطريقة اعملي ودينا معااك :)
يا الله كانك قريتي افكاري…. لي كم يوم نفسي فيها وناوية اعملها.. كويس لحقتيني بالوصفة قبل ما انظر براي …..والله شكلها شهي جدا تسلم ايدك.
دا اسمه ائتلاف القلوب يا غالية اعمليها واكليها ما تجوعي علينا الضيوف الجداد :)
تسلمي يا ستهم يامبدعة تشكري
ربي يسلمك لموية :)
غايتو يا سميه حتى التقليدي عندك ما تقليدي يديكي العافيه يا رب وكل سنه وانتي طيبه
تسلمي غادة علي الكلام الحلو المشجع دا :)
الله يوفقك ياعسل هل تصدقى انا الاسبوع الفات كنت بفتش فى موقعك عنها لانى بحبها لكن مابعرف اضبطها لكن هسة جاها بلى نشكرك كتير على جهودك وربنا يوفقك كمان وكمان
شيري ربنا يسلمك الحمد لله انه نزلتها بس طلب صغير لو في حاجة ما لقيتيها اكتبيها وان شاء الله انا اعملها ليكم :)
ما شاء الله تسلمي، سلطه زوجي المفضله أكيد حجرب طريقتك شكلها جميل وشهي، ممكن أضيف زبادي بدل الفول علشان بنتي عندها حساسيه، مشكورة يا سمسمة
طبعا يا ناهد بالزبادي بتكون ابداع بس ما بستحمل تقعد في التلاجة لانها بتخمر سريع فاذا عملتي الزبادي اعملي في كمية بسيطة قدركم والباقي خليه بدون زبادي لو عملتيها كتيرة :) بحبها بالزبادي
سمسماية يديك العافية شهيتنا الاسود و ابو الاسود ههههههههه
تسلمي يا زنزون ستفي الشنط وتعالي طيراااان (طيران القطرية) هههههههههههه
يا سلام بالجد ما شفت زول بيعملها بالطريقة الجميلة دي قبل كدة … يسلموا الايادي و من يد ما نعدمها ان شاء الله
اهل بيك يا راحيل وتسلمي ان شاء الله ياريت تجربيها جدا طعمها مميز ولذيذ
:)
اكييييييييييييد حأجربها ، شهيتيني ليها
سلطه رهيبه جدا والعجب كمان لو اضفتي ليها حبة ماجي وملعقة طحينه وزيت سمسم من فوق
الله يديك العافيه
سمسماية ياعسل
مشكورة علي المجهود الكبير حقيقة الله يعطيك الف عافية
وانا في انتظار قطعة كلير
الله يفتح عليك يا سمسم تصدقى قبل فتره كان عندنا مناسبه وجابتها واحده بس لما لحقت اسألها عن الطريقه
شكرا لك
صلطه بتجنن تسلم ايدك .بس ياريت تعملي لينا المشاوي شيش الكباب والطاووووووق ………………………..معليش انت كريمه ونحنا نستاهل
فاطمة ماجدولين ونجى سارة ام براءة واشراقة لكن التحية وان شاء الله يا سارة اعمل ليكم الشيش كباب والشيش طاووق ونتظرة التطبيق :)
لكن فعلا حاجة ما تخلص…دى ما بقت قديمة دى جديدة لنج…واول مرة اعرف الطريقة دى واكييييييييييييد ح اطبقا واديك الخبر…تسلمى يا ست البنات
الموقع جميل ليه لانه بسيط ومامعقد الدخول ساهل الوصفات اكثرمن رائعه تسلمى والى الامام
الاخت سمسماية السلام عليكم عندي وصفة ثانية لعمل سلطة هي في الطعم غريبة من سلطة الاسود ودايما احنا بنعملة عشان في ناس بيكون عندهم حساسية من الاسود وبرضو لاني ما بعرف اختار الاسود وغالبا ما بيطلع مر وبتبوظ السلطة عشان كدا بدل الاسود بستعمل الكوسة وبرضو بستعملة لانها ما بتحتاج زيت يعني ما بحمر الكوسة عشان اقلل نسبة الزيت وهي كلاتي
نصف كيلو كوسة و3 جزرات متوسطات وممكن كمان بطاطس اذا وجد وفليفلة خضراء وبصل اخضر وملعقتين زبادي وثوم وشوية بهار وخل
بنقطع الكوسة والبطاطس وبنختم في اناء شوية موية تكون غامراهم ومعاهم ملعقة واحدة بنقطي الاناء لحدي ما المويت تشرب حتلقي الكوسة نجضت حتجي تهريسيها بالشوكة وبعدين تختي ليها ملعقة صلصة طماطة وتخليها شوي في النار بعدين تختي عليها دكوة وتخليها برضو شوية بعدين تنزليها من الناروتقطعي فيها الفليفلة وبصل اخضر وملعقتين زبادي وما تنسي الليمون والخل ولو ناس البيت بياكلوا شطة شوية شطة وبعد ماتجي تقدميها تبشري الجزر وتختي عليها من فوق وبالهنا
مشكورة علي مشاركتنا وصفتك يا غالية وان شاء الله اجربها بي طريقتك
انا بقلي الالكوسه مثل البازنجان وبعملها سلطة بدون بطاطس لكن بسلق البازنجان بنفس الطريقة واعملها سلطة بس ما جربت الكوسا بالطريقة دي
تحيتي
معليش كلمة زيت اتمسحت ملعقة واحدة زيت
ياسلام عزيزتي ام قنوان اليوم عملت وصفتك وطلعت تماااااام الله يديك العافيه ويجزيك كل خير
شجعتينا اعمل بنفس طريقة ام قنوان
تسلمي يا رائعة وانا من محبي السلطات وعجبتني شدييييييييييييييد انشاالله اطبقه ذي ما طبقت كيكة الشكولاتة وطلعت جميييييييييييلة وناويا للبيتزا كمان تسلم اديك وربنا يسعدك
ابداااااااع تسلم الايادى
تسلم يدك يا سمسماية يا مبدعة
جربت وصفه السلطه السوداء دى وطلعت ابدااااع يا سسيمايه تسلمى وتسلم ابدك ,, بس جربتها من غير شطه لانه زوجى ما بحبها
انا كمان جربت الوصفة وطلعت لذييييذة ..تسلم ايدينك ياسماسم وربنا يجعل مدونتك دي في موازين حسناتك يااااارب
الله يبارك فيك ويديك العافية يا سمسماية الوصفة من اول مرة طلعت رهيييبة جدا. تسلم ايدك
والله ياجماعة انا مصرية نوبية وكان نفسى فى اكلات سودانية لانها تشبه الاكل النوبى مشكورين وبالعافية عليكم
جزاك الله كل خير.. وربنا يحفظك.. وإنت رآئعة
انا من موحبي الاسود من بعد عداوه في الصغر وحجرب وصفتك ياغاليه مشكوره
تسلم ايدكـ ياسمسمة انا عملتها الليلة جد رهييييييييييييييبة
انا بقول ابداع شوية عليها ، الكلام ده لكل الوصفات وأنا والله بخيله بالرد لأني لما أجي ارد ألقى الأخوات ماخلو شئ ، والله انا بشكرك والشكر شويه عليكي الله يخليكي ويديكي ألفي مرادك وفي ميزان حسناتك. ياست البنات
التوم متين نعملو ياسمسماية ؟
الثوم مع الفول في الاخير
سمية شكرا كتير انا في سويسرا وحابة اعملها كوجبة لنهاية العام الدراسي كل بلد يعمل وجبة واخترتها انا اكييييييد حاتعجبهم
.حلوة خالص
تحياتي لكم
عملتها الليلة وطلعت حلوووووه شديد بس في خطوة نسيتها هههه لما اضفت الاسود للصلصة ماختيتو في النار هاها
تسلم يدك علي الحاجات الحلوة والافكار النيرة
يسلمو والله وصفات روعه يديك العافيه
تسملي ي سمسمة
تسلمي يا سمسمة كل عام وكل الاهل بالسودان بالف الف خير ونلقاكم طيبين
تسلم يدك جربتها طلعت حلوه من زمان كنت نفسي أتعلم الوصفه ده شكرا
تسلم الايادي وسلام لكل الاهل الطيبين وشكرا على الوصفات الرائعة
تسلم ايدك وصفة روعة بس نفسي اعرف سلطة الكوسا غلبتني
موجودة بالمدونة
شكرا على الوصفة