بامية مفروكة
المكونات:
¼ كيلو لحم ضأن بعظم، ½ كيلو بامية (كبيرة) ، شبت (شمار أخضر)
1 م ص ثوم مهروس، بصلة كبيرة + صغيرة، ملح ، كزبرة ناشفة مطحونة
فلفل أسود، 1 مكعب ماجي، 3 حبات هبهان، ¼ م ص كربونات
الخطوات:
تقطع البصلة الكبيرة ويوضع مع اللحم ويرفع علي النار هادئة
يضاف الملح وحبات الهبهان حتي تتشرب جيدا
تعلي النار يضاف الماء حتي يغمر اللحم وتترك حتي تستوي
تغسل البامية وتترك ليجف الماء ثم تقطع حلقات رفيعة
يفرم الشبت والبصلة الصغيرة بالسكين ناعما
ينشل اللحم من الشوربة وحبات الهبهان
يضاف مكعب الماجي والبامية والبصل والكربونات الي الشوربة
(تقريبا مقدار الشوربة 4 اكواب) ويتحفظ بقية الشوربة
تترك حتي تبدأ في الغليان
وتخفض النار ويضاف الشبت
تترك حتي تستوي ثم تفرك بالمفراكة اليدوية
(يمكن استخدام الهراسة الكهربائية ولكن يراعي ان لاتصبح ناعمة)
يمكن اضافة الشوربة ان كان قوامها ثقيل
ثم يضاف التوم والفلفل والكزبرة والملح ان احتاج الامر وقطع اللحم
وتترك لمد 3 دقائق وترفع من علي النار
وتقدم مع الكسرو أو القراصة مع اضافة قليل من السمن البلدي
واااااااااااااااااو مبالغه شهيتني باليييييييييييييييل ده تسلم الايااادي
ربي يسلمك سماح
مشكورة :)
رهييييييييييييييبه تسلمي
تسلمي خنساء
ومرااااااحب :)
وكالعادة ابداااااع
عندي استفسار لو سمحتي
انو البامية بتطلع لونها مااخضر مثل هذه
انا بستعمل الخلاط لكن مابخليها تكون ناعمه
وثانيا بستعمل البيكنصودا
احتمال يكون عشان كدا لونها بيتغير
اهلا دكتورتنا كمية الكربونات وفترة النضوج هم البيخلو لونها ما يكون اخضر لو تلاحظي قطعت البامية رفيعة جدا علشان تستوي سريع وا تاخد وقت طويل علي النار والكربونات كانت بسيطة بالاضافة الي الشبت بديها خضرة اضافية
لك التحية :)
تسلم الايادى والله منظره جميل واكيد طعمه اجمل
ماجدولين كيفك أها الجديد دا كيف معاك؟ صراحة طعمها كان عجيب تمنيت كل زواري ياكلوها معاي
تسلمي يا غالية
سمسماية الحب كله
عملتها امس وطلعت روعة
يا رائعة جزاك الله عنا خير الجزاء
شهيه جدا والله انت مبدعه بجد وانا طبقت كثير من وصفاتك . لكن انا بضع كل المكونان مع بعض وعندما تنضج اللحمه والباميه تضاف الشمار ويفرك ثم تضاف القدحه ( مشتركه جديده )
اهلا ميمي كيفك طبعا طرق الطبخ مدارس انا اول مرة اعرف انها بتتعمل بالقدحة بتعليق الغالية عفاف بس نحن بنخلي علي الوش سمن بلدي
لكن اكيد المرة الجاية اعمل بالسمن القدحة واقول ليكم كيفالطعم طلع معاي
تسلمي :) ومرااااااااحب
ما شاء الله يا سميه شكلها شهي
احنا لسه هنا مع باميتنا الناعمه اللايوقه
بس بقيت اتحايل عليها زي ما قلتو لي
لوللاتي الغالية تمام مدام التحايل جاب نتيجة
بس البامية امبارح كانت عايزة ايام الجامعة ديك مع رباب وناس امنة بخيت
هههههههههه
ايام صعب ترجع تاني والله وطوالي ف بالي
انتي عارفه لسه معلق معاي الخبز ال كنتي بتجيبيهو …وقدر ما عملتو ما طلع زي خقك
الله حاجه تشهههههههي تسلمي لينا يااختي العزيزه
تسلم ايدك…حاجة تمام…انا بعملا طوالى وبتطلع حلوه…بس مختلفة شوية عن طريقتك…اكيد ح اجرب طريقتك المره الجاية…بس الكسرة دى رسليها لينا
تسلم الايادى اكيد طعم رهيب الله يخليك لينا ياغاليه
ابدعتي ماشاءالله الله يسلم اليدين دييل
طوالي قعد اجرب وصفاتك وكلها بتنجح الحمدلله
الله يحرم يدينك على النار
واخت ام اماسي تعليقاتك كتير بهتم اقراها لانك دايما بتلفتي نظرنا لحاجات مهمه
الله يسعدكم على البتقدموه لينا
ما قصرتو جد
تسلمي يا لزيزة ورايقة ان شاء الله دايما رايقة
والتحية للاخت ام اماسي
روعة والله لكن انا عندي البامية بتطلع لايوقة شديد يعني ذي الصمغ اعمل ليها شنو او السبب شنو
اهلا لموية شوفي يا غالية بيكون من نوع البامية فممكن بعد ما تقطعي البامية ختيها في موية معاها ملح مدة وبعدين ختيها في المصفي وصفي موية الملح واشطفيها تحت الماسورة لحدي ما اكبر كمية من اللايوق تكون طلعت جربيها واديني خبر
الباميه في النار والريحه ماشاءالله
حوافيكم بالصور بس بدون كسره هههههههه
يلا منتظرمل يا غالية الكسرة ح نجيبها نحن
والله ياسمسم ماعارفين نعمل ليك شنو ربنا يزيدك كمان وكمان
اهم حاجة يا منهل تكونوا مبسوطين دي امنيتي الاولي
لك التحية
والله ما عارفة اشكرك كيف امس جربتها وطلعت جنان لدرجة ماني مصدقة اني عملتها انا وزوجي انبسط كتير مشكور كتير
[…] […]
Alslam 3alkm lo mmkn 3yza 6bee5 aldma3a ma lagehav almog3
بالجد ياسمسماية حاجة روعة ربنا اخليك دي طبعا اول مشاركة لي
تسلمي
وجودك الاروع
سلام سمسماية
سلام سمسماية انا متزوجة لي سنة ويوم الجمعة اول مرة ح اعمل فيها البامية المفروكة بسال من البيكربونات هل بتكون بديل للكربونات ولاهم حاجة واحدة لان البلد الانا فيها مالقيت الا البيكربونات
سلام سمسماية هل البيكربونات بتكون بديل للكربونات
البيكربونات الصوديوم هي الكربونات يا ام احمد نحن بنقول ليها كربونات اختصارا
دمتي
MBAAAAAAALGA
تسلم ايدك يا عسل هسه قومنا من الغدا والملاح رهييييييييييييييييب قلت لازم ادخل اكتب تعليق
ربنا يسعدك دنيا وآخرة ويرضيك ويرضى عنك قولي آآآآآآآآآآآآآآآآآآآآآمين
السلام عليكم اختي سمسمايه جزاك اله خير باجد مباااالغه وانا واولادي وابوهم بحبو الباميه وبالمناسبه انا اتعرفت علي الموقع قريب بس حار حار بطبق الخبائز وحاجات الشلي دي بحبها تسلم ايدك وكتر الله خيرك ياست الحبايب
والله ما شاءالله تبارك الله ساهله وشكلها حلوه الله يخليكي لينا ياسمسمه
السلام عليكم سمسمة المبدعة ..
جربت الوصفة والطعم ممتاز بس مشكلتي بتطلع لي البامية ما (لايوقة) بمعنى آخر (مقطوعة)
وفي المرة التانية أضفت ويكة بس طعمها ظاهر !!!!
قلت اسألك أهل الخبرة ,,امكن اعرف السبب
وجزاك المولى خير
mash’allah gad aklik gameel shadeeeeed Allah yedeiki el sa7a ael 3afia insh’allah
ana bamooot fi 7aga ismaha Mola7 Khodra mafroooka, argo inik tanazli laina el 6areega wo mashkooora
يعطيك العافيه علي الطبخه الحلوه
دى باميه نصاح دى؟
مبااااااااالغه
ياسلااااااام عليك انا ميسون عروس جديدة مقيمة في السعودية ونفسي اعمل اكلة سودانية لزوجي وانا م بعرف اطبخ الاكلات السودانية مع العلم اني بحبها شديد خاصة القراصة بالبامية المفروكة الحمدلله انت ساعدتيني ع عملها شكرا ليك يا حبيبة
تسلمي يا غالية
ياسلااااااام عليك سمسمتنا يديك العافية انشاالله
ما شا الله عليك والله شهيتينا
انا من الصباح محتارة اعملها كيف وقلت مالي حل الا النت ودخلت والحمدلله لقيت صفحتك الرائعة دي وان شاء الله بكرة لو ربنا حيانا نعملها ع الغدا تسلم يدك وتسلم وصفاتك الجميلة دي
السلام عليكم ماهي كمية الكربونات بالتحديد وشكرا وكيف
حسب كمية الملاح المفروك وغالبا البامية مابتحتاج كربونات كتيرة بالذات لو قطعتيها ناعمة
كمبة الكربونات في الوصفة دي ربع ملعقة صغيرة(¼ م ص)
شكرًا لاهتمامك بالرد،طيب في ملاح الخضرة المفروكة الكربونات برضو ربع معلقة صغيرة، عشان أنا سمعت انو كمية الكربونات لها التأثير الاكبر في نجاح المفروك،ممكن طلب يا سوسة كنت عاوزة تورينا وصفة الكرواسة لأني ما لقيتها في موقعك وجزاك الله الف خير
انشاء الله تنفعكم ياسمساية بالجد شكلها رهيييييييبة الطريقة سهلة كنت منتظرة امي لما تجيني تعملها لي ماحصل عملتها انشاء الله اجربها ويارب تنجح
انشاء الله بالهنا ليكم ياسمسماية وتنفعكم يارب بالجد شكلها رهييييييييييييييييب ونفسي فيها وانا حامل كمان هههههههههه كنت منتظرة امي لما تجيني تعملها لي بس حسيت بانو الطريقة سهلة وممكن اجربها انشاء الله تنجح قولو امييييييين
بالهنا ليكم ياسمسماية بالجد شكلها رهيييييييييييبة ونفسي دخلت فيها وكمان انا حامل هههههههههه كنت منتظرة امي لما تجي تعملها لي بس حسيت انو الطريقة سهلة وممكن تتعمل عادي انشاء الله ح اجربها وبوريك يارب تظبط قولو امييييييييييييين
سلام سمسماية العسل والله جربت فكرتك يوم السبت كنت شايلة غداء وطلعت رهيبة نفس وصفتك وطلعت مبالغة كل الناس سالتنى عن السر ضحكت وقلت سمسماية العسل شكرا
وعليكم السلام
ان شاء الله صحة والحمد لله طلعت معاك لذيذة
دمتي غالية
انا رانيا من السعوديه الدمام جربتها جد مباااااااااااالغه تسلم ايدك وكمان اخدته عليها هديه من زوجي
اهلا رانيا
طالما طلعت معااااك لذيذة فعلا تستاهلي الهدية
ربي يسعدكم ان شاء الله
يا سلام عليك يا سمسمايه والله روعه اكلاتك أنا متزوجه لي سنتين اليوم اول مره اعمل ملاح ظابط بكره حاعزم حماتي عليه تسلمي حبيبه
جميييييييييييييييييل
رائعة إنتى
جميلة جداً…ح أجربها إن شاء الله
البامية رالبامية رهيبة شكرا ياسمسماية
السلام عليكم سمسماية يا روعة والله بالجد ساعدتينا كتير ورببنا يعطيك الصحة والعافية ودي اول مشاركة لي وربنا يحفظك لينا وتسلمي حبيبتي
وجربت البامية وما شاء الله طلعت رهييييييييييية تسلمي ياسكر
شكرا ليك كتيييييييير وتسلم الايادي
ودي اول مشاركة وانشا الله بكون علي تواصل معاكم وربنا يحفظك
سلام عليكم انشاء الله كلكم طيبات ومبسوطات جد عجبتنى الباميه يا سمسم تسلمى
روعه تسلمي كتير
سمسمايه إنتى عسل والله عسللللل وأنا شكلى حاتعلم الطبيخ على يدك عشان أخواتى بيقولو لى حتفضحينا لو عرستى هههههه
حأبقى أرهب منهم وأعلمم كمااااااااااااااااااااان ^_^
تسلم يدك يا ملكه
can I use frozen bameya for this ? because we don’t have fresh bameya :(
thank you very much for your efforts ..
مرحب سسماية مشكلتى بس لايوقه شديد وجربت غسلتها كم مره يكون السبب شنو
ماشاءالله
ربنا يحفظك
صباح الخير ياسمسمايه ماشاءالله وصفاتك رهيييييبه انا يادوب مبتديه ممكن توصفي لي طريقه الويكه .
وبرضوا عندي سوال عن الناعم كلو مااعملوا مابظبط معاي ممكن توصفي لي ألطريقه بي بساطه .
وجزاك الله الف خير