المقادير:
عبوة قلاش،
للحشو:
1 كوب سمولينا، ½ كوب دقيق، ½ كوب سكر، ½ كوب زبادي
½ كوب فول سوداني مجروش، ⅓ كوب سمن، فانيليا
½ م ص باكنج بودر، ⅛ م ص كربونات
سمن دافي لمسح الجلاش
الشيرا:
كوب سكر، ½1 كوب ماء، عصير ليمون
نقاط من روح الورد أو الزهر او الاثنين معاً
الخطوات:
اولا ترفع الشيرا علي النار وتترك حتي يغلظ قوامها ثم تترك لتبرد
يخلط الدقيق والسكر والفول المجروش والفانيليا والباكنج بودر والكربونات جيدا
ترفع السمن علي النار ويضاف السمولينا ويقلب حتي يبدأ لونة يتغير عندما يتجانس لونه ويتوحد يرفع من علي النار ويترك ليبرد تماما
(سوف تتذوقوا طعم مميز للسمولبنا بهذه الطريقة)
يضاف الي خليط الدقيق ويقلب حتي يمتزج ثم يضاف الزبادي بالتدريج
مع الاستمرار في العجن حتي تتكون عجينة قابلة للتشكيل
تفرد عجينة القلاش وتغطي بقطعة رطبه حتي لا تجف
يؤخد طبقة واحدة وتمسح بالكامل بالسمن ويصنع اصابع من عجينة السمولينا
وتوضع طرف طبقة القلاش ثم تلف كالعصا وتوضع في صينية الفرن
عندما تكتمل الكمية يمسح وجهها بالسمن وتقطع علي شكل اصابع
وتدخل الفرن حتي تتحمر ثم تخرج ويضاف لها الشيرا الباردة
(وضعت قليل من الشيرا لان الحشوة بها سكر)
وتترك حتي تبرد
ان احتاجت يمكنك اضافة قليل من الشيرا مرة اخري
هذه الوصفة من وصفاتي الخاصة احتهدت فيها
حتي تخرج بهذه المذاق الرائع
Perfect perfect perfect I loved I will make it as soon as possible
تسلمي ام بسمة بالجد سوف تتذوقي طعم جديد ورااااائع
وح تدعي ليّ :)
In shallah ya 3sl tslm iydk
مبتكره …..تسلمي سمسمايتنا
سلام سمسماية …حمدا لله على سلامة ضيوفك …ويا بختهم بي ابداعاتك…. ما شاء الله ابدعتي وعذبتينا بي الصور دي … عندي بف باستري ممكن اجربها بيها تفتكري؟ تسلمي وتحياتي
ممكن استخدام البف باستري بس لا تحتاج الي دهن او مسح بالسمن تحشي وتلف او يقفل الطرفين بالضغط ويقلب الجزء الملتصق علي الصينية حتي لا تنفتح
خطيييييييييييييييييييييييييييييييييييييييره الله يحفظك
تسلمي يا غالية :)
روووووووووعه ماشا الله تسلم الايادى
رااااااااائعة مشاركتك يا تويتا
:)
مبدعه كما عودتينا دايمايديكي العافيه
منكم استمد افكاري :)
تسلمي سمسماية و تسلم كل ايامك بالجد ابداااااااااااااااااااااااااااااع يا غلا
ربي يسلمك بازوينة ويديك الصحة والعاااااافية
:)
رهيبه يا سمسم طريقه جديده واكيد لذيذه
بالهنا عليكم وعلينا
سلام عليكم يااحلى ناس وارقى سمسماية مشاءالله دشنو الابداع دا والله جوعتنا عديل كدة ممكن اطلب منك طلب ؟ ممكن تورنى وصفة المينى اكلير المحشىبالكريمة وووجه مغطى بالشكلاتا وشكلو مدور كدة ياريت تكونى فهمتى قصدى لانو بموت فيهو بس ماعارفة طريقتو
سمسماية ياغالية
تحياتي شكلها جميل وتشهي سوف انفذها يوم الجمعة ان شاء الله تسلم الايادي وانا بضم صوتي الي الاخت ام ريم في وصفة الكلير
سلااااااااااااامات يا سمسماية مدة طويلة من علقت على إبداعاتك وكل مرة بفتح النت سريييييع ألقى إبداع جديد روووووووووووووووووعة بالجد روعة تسلم إيدك
حاجة فوق التصور ذوق وفن وابداع انتي رائئئئئئئئئئئئئئئئعة تسلم يدك
تخريمة مشتاقين يا ام لينة ماتجي عندنا بهناك في الفيس بوك بكون سعيدة بوجودك وتحية لكل الموجودين في المدونة القدام والجداد
تسلمي يا أم سارة ووالله بالاكتر …. وأنا كمان بتبسط لما ألقاك كاتبة تعليق ..ونستكم في الفيس بوك حلوة وشايفة في ابداعات كتيرة من أخوات بهناك وطبقت البسيمة كانت منزلاها واحدة وطلعت ابداع وليها حق زينة تغني ليها (البسيمة القلبي رادها) …… وبعدين يا أم سارة سمسماية طلعت عارفة ذوقك تمام …يوم افتقدت تعليقك على وصفة مالحة وبعدين سمسماية قالت لي أم سارة دي بتحب السكريات وفعلا هسه أول ما شفتي البقلاوة دي ظهرتي…تسلمي وخليك مواصلة دائما
تسلمى يا سماسم ربى يديك العافية ويحفظك ودايما تمتعينا بجديدك الرائع والمبتكر يا ست البنات
سلاماات ياسيدة الابداع
انا نفسى اعملها لكن ما عندنا سمن ولا سمولينا ولا قلاش
غايتو احنا هنا بنتعذب اى شى ما متوفر
ممكن نعمل حشوة تانيه لكن ممكن الواحد يعمل عجينة القلاش دى بالبيت ؟؟؟
ياميمي انتي وين لو ديل كلهم مافي اعملي قراصة هههههههه بمزح بس اكيد انتي في الاقاليم لانو انحنا الحاجات دي مابنشوفها الا في العاصمة
سؤال اخر يا سمسماية ممكن نستخدم البقسماط بدل السمولينا؟؟
ههههههه والله انا يام ساره فى الصين شى مافى وشى اسمو بالصينى ما معروف
اضحكك اكتر يام ساره هسى مشتاقه لى لفول بزيت سمسم وطعميه وكسره بى خدره مفروكه الللللللللللله
مبالغة لكن والله ابداع جوعتينا وخربتي الريجيم
ده شنو يا جماعة لكن الاصابع دى ما فاتتنى…خطرة يا سمسمة…انا بموووووووووت فى الحاجات الحلوة دى ما بقدر والله…اكييييييييييد التطبيق ح يكون قريب…تسلمى يا غالية
ازيكم وكيف الاحوال انشاء الله كلو شى فى محلو وينكم لاحس لاخبر ممكن سؤال ضرورى سمعتا انو مديدة الحلبة ممكن بدل الجردقة استعمل الكربونات ممكن تورونى قدر شنو المقدار ضرووووووووووووووووووورى
أيوة ممكن تعملي الكربونات بس في بتكون شوية لانه الكربونات طعمها قوي …. المقدار الموجود في المدونة علي للرابط http://simsimaya.wordpress.com/2008/08/02/%d9%85%d8%af%d9%8a%d8%af%d8%a9-%d8%a7%d9%84%d8%ad%d9%84%d8%a8%d8%a9/
بتعملي ليه نص ملعقة صغيرة
رهيييييييييييييييييييييييييييييييبة
شكرا سمسوم وربنا يحلي كلل ايامك ان شاءالله
انا الايام دي بتوحم علي بسيمه ومابعرف اعملها اخخخخخخخخ
فاخبروني بها ارجوكم
صراحه حاجه ما تخلص قبل كم يوم عملت باااسطه وكنت لافه في المدونه بفتش طريقه ليها ومالقيييت
لكين استني تطبيقي بكرا باذن الله
تخريمه <<<<الرجيم ببدا شهر اربعه لااازم نجرب الحاجات قبل داااك ههههههههه
1 كوب سمولينا، ؟؟؟ يعني شوو ممكن توضحين واذا في صورة بيكون افضل لاني حابة اجربها
السمولينا هي السميد ياندي
السلام عليكم ورحمة الله وبركاته
أخيتي سماسم كيفك
عند اضافة الدقيق ما بتضعيه في النار .
ربنا يجزيكي الجنة
لا الدقيق لا نضعه في النا سوف ينضج في الفرن
تسلمي يا سمسماية على الوصفات الشهية أنا أول مرة أدخل مطبخك وبصراحة عجبني شديييييييد بس طالباك طلب لو سمحتي ممكن وصفة كعك العيد، كعكنا السوداني؟ تسلمي والله يديك العافية.
تسلمي ام احمد
بالنسبة للكعك موجود علي الرابط
http://simsimaya.wordpress.com/2009/08/30/%d8%a7%d9%84%d9%86%d8%a7%d8%b9%d9%80%d9%80%d9%80%d9%80%d9%80%d9%80%d9%80%d9%80%d9%85-%d8%a3%d9%88-%d8%a7%d9%84%d9%83%d8%b9%d9%832/
وتاني في وصفة للكعك وانت ممكن تدخلي صفحة الروابط بتلاقي صور الوصفات ما عليك الا تنقري علي الصورة
http://simsimaya.wordpress.com/%d8%b1%d9%88%d8%a7%d8%a8%d8%b7-%d8%a7%d9%84%d9%88%d8%b5%d9%81%d8%a7%d8%aa/
عملتها يا سمسمة وطلعت ابدااااااااااااااااااااااااااااع…ربنا ينولك الفى بالك ويرزقك….تسلمى يا ست الناس كلهم…ابو الشباب لمن ما عرف ينضم…هههههههههههه
بالعافية عليكم يا ذوق واكيد روعة زيك يا غالية
allah ye3thik assahah awel ma shoufte alwasfah jarabtha tawwwali bass 3awadte alfoule asodani bi ghoze alhinde wazabadi bi alhalib
liano makanoushe andi wa9taha bil bit shokran
تسلمي يا غالية
باين عليك ماهرة :)
بالهنا
goooood
انت فنانه ماشالله عليك
شكرا ليك كتير يا استاذه على الوصفات الرائعة …. امبارح عملت الباسطة لكن ما عارفة ليه ما ظبطت معاي!!! الحشوة طلعت قوية شديد :( امكن لاني ما لقيت الكربونات و عملت بدالها ملعقة باكنج بودر (دبل) … ولا اكون خليت السامولينا في النار اكتر من اللازم!! ارجوا المساعدة
احتمال من قوام الحشوة وبرضو الكربونات
تسلم ايديك ياسمسم ماشالله طبقت الوصفه بالحرف اي زول بيسال من الحشوه الله يديك العافيه واسي صحبتي طلبت مني اعملها ليهم بس عندي استفسار الحشوه كانت كويسه بس شوي قوي وفي صورك هنا شكلها يعني ظاهر بسبوسه بس حقتي دي لونا اسود كدا مقرمش طلعت شنو عملت غلط نفس المكونات اتبعتها انا محتاره
اذا حزفت الدقيق بياثر في الوصفة لاني حاسة انة الدقيق حايكون نيئ ارجو الرد للافادة وبسال كمان عن ام اماسي هل هي موجودة معاكم علي الفيس باسم غير ام اماسي لاني حبيتها من غير ماشوفها وكنت متابعة ونستكم انتوا الثلاثة ومعاكم ام سارة زمااااااان واستمتعنا واستفدنا كثير جزاكم الله خيرا وجعلها في ميزان حسناتكم
ماشاء الله تبارك الله …جربت الوصفة دى وطلعت طعمها جنااااااااااااااااااااااان وقدر ما تخيلت طعمها برضو ما اتخيلتو يكوووون بالروووعة والجمال دة ….تسسسلم الايادى يا استاذتنا المبدعة وربنا يحفظك
تسلم ايدك،وصفات جميله ورائعه ، وصفات الحلويات والمالح وانا شخصياً بتابع شغلك وبطبقها وبتزبط معاي..بارك الله فيك ويخليك لينا
مباااالغة شكلها ساى حاجة عجيبة ربنا يديك ألف عافية يا سمسماية
جربتها و طلعت لزيزة شدييييييد , تسلمى يا سمسماية .
سميمايه عاوزاك تساعديني . بعمل البقلاوه اصابع بس بتطلع ناشفه شديد. بيعملو شنو عشان بعد تنضج تكون هشه ماقويه. سمعت ناس بيمسحوها بالقشطه
يا سمسم أنا عملتها بس الحشوه بتطلع بره القلاش ما عارفه ليه
اذا التزمتي بالمقادير المفروض العجينة تكون متماسكةوانتي بتغطي عليها لما تشكليها اصبع طويل لكل ورقةوتلفي عليها مع الشد علي اللف
شكرًا ليك ححاول اجربها تاني
تسلمي كتيييييير يا زوووق. أنا معجبة بوصفاتك شدييييييييد و اتعلمت و جربت منها كمان. . بس حابة اتواصل معاك أكتر لأني حابة اتعلم الطبخ علي ايديك يا ريت لو عندك صفحة في الواتس أو المسنجر تضيفيني فيها عشان اتواصل معاك اكتر.و مشكورة كتيييييير
ربي يسلمك
عندي حساب فيس بوك وهناك في صفحة للتواصل