المقادير:
6 بيضات، 1 كوب سكر، 1 كوب دقيق، ½ كوب نشأ،
½1 م ص باكنج بودر، 1 م ص فانيليا، 1 م ص خل
الخطوات:
يمسح صينة قطرها 10 ” بقليل من السمن وينثر عليها القليل من الدقيق
ويوزع علي القاعدة والجنبات جيدا حتي نتفادي التصاق الكيك
ينخل الدقيق والنشأ والباكنج بودر بمنخل سلك
يخفق البيض ويراعي ان لا يكون بارد (يخرج من الثلاجة قبل وقت كافي)
يضاف الفانيليا والخل مع الاستمرار في الخفق حتي يصبح كثيف
يضاف السكر بالتدريج قليلا قليلا مع الاستمرار في الخفق حتي تنتهي الكمية
عندما تذوب حبيبات السكر يمكنك التوقف عن الخفق
نبدأ في اضافة الدقيق المنخول علي 3_4 دفعات
وبملعقة خشبية او بلاستيكية وبخف وباتجاه واحد نمزج الدقيق في خليط البيض
ونتأكد من امتزاجه قبل اضافة الدفعة الأخري من الدقيق
ويدخل الفرن (لا بد من تسخين الفرن قبل فترة) في الرف الاوسط
علي درجة حرارة متوسطة حتي تستوي وتتحمر من الاعلي
حاولي بقدر الامكان عدم فتح الفرن قبل استواء الكيك حتي لا يهبط
بعد اخراجها من الفرن تترك لمدة 5 دقائق ثم تقلب علي رف سلك
(سوف تلاحظي ان اطراف الكيكة انكمشت قليلا عن حافة الصينية)
ثم يعاد قلبها علي وجهها مرة اخري لان الطبقة العليا رقيقة
يمكن تقديمها مع الشاي دون اضافة اي شيء
او يمكنك حشوها و تزيينها بصوص الشيكولاتة اوالكريمة
او اي نوع من انواع التغليف
tslam eydeek ana moshtrka jdeeda ajbtny kol atbageeg bltwfeeg anshala
رووووووووووووووعة ما شاء الله ، لا زبدة ولا حليب إقتصادية مررررررررررررة
تسلمى شدييييييييييييييييد.. بس سؤال الكباية المستخدمة ياتو كباية؟؟؟ و هل ممكن استغنى عن النشا بدقيق بس؟؟؟
الكباية المعيارية 250 مل او كباية الشاي ام أضان
استعملي النشأ اذا حابة تغيري اضيفي ربع دقيق بدل نص النشا لانه الدقيق اتقل
تسلم إيدك علي الروعة دي_الخل دا للريحة البيض ولا حاجة تانية؟ وهل ممكن أستغني عنو وأضيف بدلو معلقة فانيليا تانية ولا بخرب الوصفة؟؟؟
ممكن تشيله برا هو عشان الريحة بس بيطيرها
والله مبااااالغه ما عارقه اقول ليكي شنو تسلمي تسلمي تسلمي
تسلم يدك ياا ست النسوااان
حاجة جميلة ياعسل تسلم ايدك سوف اطبقها ومتاكدة من النتيجة مائة بالمائة كل الوصفات التي عملهتا كانت مظبوعه معي شكرا شكرا شكرا لك
سمسماية ياوردة في بستان الابداع مشكور يامبدعه وتسلم ايدك وتسلمي لنا
طيب ياغاليه لما لبدا اضيف الدقيق اوقف المضرب الكهربا واصوت بالملعقه ولا عادي امزج الدقيق مع باقي الخلطه بالمضرب
اقري الوصفة كويس قلت ليكم بملعقة خشب اوبلاستيك او ملعقة عادية
بتحركي بخفة وفي اتجاه واحد
ما شاء الله عليك .دايما مبدعة.في ذمتك اكلتوها كلها ولا حقنا محفوظ؟
مبالغة مافي اي كلام وكمان بحب اتقانك ونظامك تسلمي
سلامات يا مدام سمسمايه يا رائعه , صراحه دي اول مشاركه لي في الموقع , لكن ما حتكون الاخيره .اعجبتك كتير باكلاتك ونفعتني كتير وانا في غربه , جزاك الله خير وما نتحرم من وصفاتك الرائعه … الكيكه عملتها وطلعت مبالغه..
الخنساء مرحبااااااااابك يا غالية
وان شاء الله ربنا يرد غربتكم
ولاي استفسااااااااااااااار النسوان الهنا وانا حاااااااااااااضرين
:)
تسلمى يار ائعه
انا عندي مشكله عويصه مع الكيك هو دايما الكيكه بترتفع في النص بس وبالاطراف هابطه مع العلم اني لا افتح الفرن ابدا قيل 50 دقيقه والفرن اللي معي كهربا ارجوكي ويين المشكله لاني اتعقدت منها
ممكن اضيف للكيك محسن كيك لانو موجود عندي وماعارفه استعملو كيف واحفظوا ووين في التلاجه ولا بره مع العلم انو شكلو ذي العجينه ما بودره ولو استعملتو في الكيكه دي المقدار كم ومشكوره كتير
ما دايما بنحتاج نستخدم محسن الكيك انا ولا مرة عملته بس اذا عايزة تعملية بيكفي ربع ملعقة
في الغالب هو بيعمل عمل كريم الترتار بيخلي البيض متماسك وما بيرج بعد يبقي كثيف
اما موضوع انتفاخ الكيكة من النص دا بيكون في الكيك الفيهو مادة دهنية انتي لاوزم توزعي العجينة كويس وبرضو ما تكون تخينة عشان بسهولة تتمدد بالتاوس في القالب
ومرات بيكون من الفرن اذا الحرارة ما موزعة كويس
عذاااااااااااااااااااااااااااااااااااااااااااااب و بس
شكرا علي الرد بس يعني اضع المحسن مع البيض والفانيليا
لو سمحتي اخت سمسمة
بستفسر عن كريمة التارتار وهي شنو وهل موجودة في السودان وتحت ياتو مسمى
لريم الترتار موجود في السودان في علبة تشبه علبة البانج بودر وانا لقيتها في الحاوي في العمارات
خ انزل ليك صورة العلبة بعد شوية
مبالغه يا سمسمايه شكرا كتير علي الوصفاات
تسلم الأيادى دائماً مبدعة
ما شاء الله عليك يا سمسماية مالح وسكر جايبة فيهو مية من مية …ربنا يحفظك…. ان شاء الله ربنا يسهل وأقدر أجرب كل الوصفات الجديدة النزلتيها.
مي و ام لينة ربنا يديكم العافية
سلامات دى المشاركة التانية لى فى الموقع وماحتكون الاخيرة طبعا لانو بالجد استفت منك كتير فى حاجات كتيرة عرفت طريقة عملا منك وانا فى غربة بس كنت عايزة اسالك سؤال درجة حرارة الفرن كم للكيكة
الله يسلمك ام محمد
درجة الحرارة 75-80 وبتقعد تقريبا 25-30 دقيقة بس لازم تراقبيها عشان تاني تضبطي زمن بالتحديد
وبتاخد كم دقيقة فى الفرن
لكي مني كل شكر وتقدير
شكرا ليك كتير عملتها وطلعت رهيبة حتى صحبتى حبتا واديتا الموقع بتاعك بالجد شكرا ليك كتير
رهييييييييييبه والله بس انا دائما الكيكه بتهبط معاي ياريت توريني السبب علما بانني اقوم بفصل البياض وشكرا كتير
فاطمة اهم حاجة انك تغربلي الادقيق عشان يدخل الهوا وبعدين لما تخلط الدقيق مع البيض الحرحة تكون خفيفة وفي اتجاه واحد وتحاول الملعقة ما تطلع من الخليط ولما تنتهي لازم الفرن يكون ساخن واثناء النضوج ما تفتحي الفرن الا تستوي
مودتي
جزاك الله خيرا يااختي وانشاءالله اعمل بنصايحك
بس ياريت تعملي لينا بلح الشام السوداني والمعمول ولك منا خالص الشكر
ان شاء الله يا فاطمة بلح الشام والمعمول
تسلم ايديك اختي سميه
بس حبيت اسأل عن السكر مطحون ولا عادي؟؟؟
لكي كل الشكر والتقدير
تسلمي ام رنيم السكر عادي يا حبيبة
انا ياست سمسماية صفحتك ما بتزهر لى الا عن طريق اللينك بتاع كيكة الشوكلاتة.بس انا جربت الوصفة بتاعت كيكة الاسفنجية و نجحت معاى بس اطرافها شوية قوية ما عرفت المشكلة شنو يا ريت تفيدينى و ياريت كمان اتضيفينى.مشكورة شديد
ليه غريبة المفروض تظهر معاك طوالي دا رابط المدونة
http://simsimaya.wordpress.com
ومجرد دخولك انت بقيتي من ناس المطبخ
بالنسبة للكيكة قوية ولا جافة؟ اذا جافة بتكوني خلتيها اكثر في الفرن عشان كدا جفت الاطراف لكن كان ممكن لما تبرد تغطيها كويس ان شاء الله بي كيس نايلون لترجعي بتلاقي الجفاف رااح
مودتي :)
الاخت سمية شكرا علي الووصفة الرائعة عملت الكيكة لكن ما طلعت سمحة ما عارفة امكن المشكلة في الفرن ولا في حاجة ثانية بالرغم من اني ختيتة في درجة85 لكن مشكلتة انها ما خفيفة ثقيلة
ابنتي العزيزه اليوم عملت الكيكه بحلة الضغط وطلعت رهيبه جدا بس اضفت نص كوب زيت وعلبة زبادي وربع ملعقه صغيره كربونات الصوديوم شكرا كتير ياسمحه السودان سميتك سمحة السودان لاني بشوف فيك سماحة بنات السودان الغالي
عذرا للازعاج والبري الكتير
اليوم مساهرين وفرحانين بمناسبة الانتهاء من الامتحانات بالجامعه عملت للاولاد الكيكه الاسفنجيه وطلعت حلوه جدا (المقادير بالاكواب المعياريه)
عملت الكيكه الاسفنجيه بنفس مقاديرك بس غيرت فيها شويه وضبطت معاي ميه بالميه وهي كالتالي
6 بيضات، 1 كوب سكر، كوب ونص دقيق، 2 م ك نشأ،
6 مك زيت و م ص فانيليا
نضع البيض والسكر علي حمام مائي علي نار هااادئه ونخفق حتي يسخن الخليط نضرب مدة 3 دقائق وننزله من النار وننخل من فوق ليه الدقيق والنشا ونمزج برفق من فوق لتحت واحنا مستمرين في الخفق نضيف الزيت ونخلط بشوييييش وندخله الفرن علي درجة 165 درجه مئويه بتاخد معاك ساعه واستمتعي باحلي كيكه اسفنجيه
وكمان عملت كيكة الشيفون وطلعت رهيييبه لو عايزين المقادير بنزلها ليكم
لا ما في ازعاج ربنا يوفق عيالك ان شاء الله
بالنسبة لكيكة الشيفون عندي مقادير ليها لكن ممكن تكتبي مقاديرك في مشاركات الزوار يا غالية
:)
الكيكه شكلها رهيب جدا لكن طريقة العمل التي ذكرتيها غير صحيحه لان نجاح الاسفنجيه مرتبط بفصل البياض عن الصفار وضرب الصفارجيدا مع السكر وضرب البياض مع قليل من السكر وكريم الترتار ثم اضافة الدقيق مع التحريك بخفه
انا الان بالولايات المتحده وقمت بعمل دورات مكثفه في الطبخ واقوم بادارة كبري المحلات بالولايات المتحده (يعني اخواتك السودانيات مااااساهلات )
اضافه الي ذلك مقدار النشا (نص كوب ) كبير جدا مقارنه مع كمية السكر والدقيق وهذه هي المقادير الصحيحه للاسفنجيه
6 بيضات
120جم سكر
120 جم طحين
30 جم نشا
ارجو وضع المقادير بصوره صحيحه حتي يستفيد الزوار ولك منا كل التقدير
أم اية ربنا يوفقك في شغلك ان شاء الله واكيد اي زول بيصقل موهبته بالكورسات لازم يكون ما ساااهل وبعدين متأكدين من شطارة السودانيات في اي شئ
بالنسبة للكيكة الطريقة صحيحة 100 بالمية والنتيجة الطريقة ظاهرة في الصور يا حبيبة ولكن ممكن تقول في طريقة اخري وانا جربت طريقة فصل الصفار وفي الكيكة الاسفنجية حتي انه بتحسي بشكل زلال البيض (فقاعات صغيرة مميزة) في سطح الكيكة
بالنسبة للنشا الكمية ما كبيرة وهي بتعادل 40 جرام تقريباً
هنالك مقادير وطرق متنوعة لصناعة قالب الكيك الاسفنجي يمكنكي تجربة هذه الطريقة ونري ان كنتي تغيرين رأيك :)
مداخلة صغيرة و هي انا جربت الكيكة بمقادير سمسماية و نحت مية بالمية و كانت روووووووووووووووعة و انا نزلتها في قروب سمسماية في الفيس بوك
وان شاء الله اطبق طريقة ام اية كمان و ان شاء الله تظبط و انزلها بالقروب
عزيزتي المبدعه سمسمايه شكرا للرد الجميل طبعا انا ماجربت الكيكه لكن باذن الله ساقوم بتجربتها واوريك النتيجه
والشكر الجزيل للاخت zeena وانا في انتظار تطبيقك
تحياتي واحترامي
تسسسسسسسلمى ياسمسمايه بجد اى حاجه جربتها ظبطت معايا اكيد ما زى بتاعتك بس نجحت بذات الكيكه دى كنت زمان احاولها بكل الطرق مابتظبط بس اخيرا نجحت واى حاجه اجربها من طرقك بتنجح ..جزاك الله كل خير وتسلمى والى الامام
تسلميييييييييييييييييييييييييييييييييييييي يا ستي والله استفدت كثيرا واي حاجة جربتها طلعت مظبوطة
سلام ياسمسمايه عرفت موقعك من صديقه بالقاهره نحن مجموعه فى دراسه تقريبا بدخل يوميا استفدت كتير بالذات وانا خبرتى فى المطبخ ضعيفه واخواتى ماهرات وامى استاذه فيهولكن شكلى بعد معرفت موقعك حا انافس د/منى
السلام عليكم..
والله ياسمسماية عاااااااجزة عن اختيار كلمات الشكر والتقدير..بالجد انت انسانة رااااائعة ومبدعة..الله يجزيك خير الجزاء على جهدك الطيب..أنا يااااااادووووب مبتدئة في المطبخ وكمان مغتربة وما كنت متخيلة الاقي مدونة سودانية…الله يجزيك الجنة ويحقق كل ماتتمنين واجمل..
teslami kateer kateer wa ana alyom amalta alkeka wa beljad talaat hilwa wa di awel mara fi hayati tatla helwa atmana leek kul alsaada wa hata akhlagik alalia fi gibol afkar alakhwat beljad inti ragia jidan allah maak
ربنا يوفق ان شاء الله
الكباية بتاعة الدقيق بتساوى كم بالجرام
سلام سمسماية الرائعه:)…..الكيكة الاسفنجية دي ابتني عدييييييييل هههههه…الصراحة حاولت طرق كتيره ال ب5 بيضات والب 6 بيضات و10 بيضات….بفصل البيض وبدون فصله…لمن أفصله بتطلع الأسوأ….جربت وصفتك طلعت كويسه بس ما زي حقتك….يعني ارتفاعها ما عالي شديد جايز نص ارتفاع حقتك الفي الصورة لكن اسفنجيه و لذييييييذه:) …
فالسؤال الأول ليه ما بتطلع عاااااااااااليه معااااي :””(
والسؤال التاني:دايما الخلطة بتكون ماشه فل ال فل والبيض عالي و فاتح و رهييييب….بس أدخل الدقيق…بتحصل المأساة :”( مع اني بدخلو بالتدريج لكن لما أجي أصب الخلطة في صينية الفرن بلقا الدقيق ملكلك في حتات و ملبك في القعر :( ودايما وانا بضيف الدقيق بكون عندي رعب أنو الملعقة ما تطلع لبرا العجين عشان الهوا ما يمرق!فلما تقولي أخلط الدقيق بخفة بقوم بضرب الخليط براااااااااااااااحه و لما أجي أصب بلقي الدقيق لكلك في حتات…..
معلش على الإطالة لكن أرجو تنقذوووووونيييييييي …
السؤال2:كيف أضيف الدقيق مضبوك بحيث أنو ما يلكلك و ما يتدردم!هه
و لك الشكر يا سمسم
تسلمي فاطمة
بالنسبة للكيكة الاسفنجية لما تضيفي الدقيق خليه في مصفي سلك وارشي علي دفعات مع تقليب الدقيق ( افضل بملعقة خشبية) في البيض في انجاه واحد بشرط ما تطلعي الملعقة من العجين لانه الطريقة دي بنخلي الهواء الجوة يطلع والعجينة بتبقي زي ما حكيتي
وبخفة يعني براحة بطريقة دائرية ولانه الدقيق موزع بالمصفي ما ح يتكتل معاك
تانية حجم الصينية يكون مناسب مع حجم الخليط
ماشاءالله تسلم يدك يا مبدعة
ya semsemya mafe zait or samn
0
الكيكه جميله زيك مع انو ماجربتها بس قريب حاعملها ولازم تعرفي انا افشل مره في المطبخ ونفسي اتعلمنك ياغاليه يديك الف عافيه مع حبيجم
تسلمي ياست الحريم والله اكلاتك ولا اي اكلات تسلم ايدينك
اسي كيكتي في الفرن شاااااامة ريحتها هههههههههههههههههههه شكلها رهيبة والله
تسلم ايدك ياعسلنا والله
عملتا الكيكة وشكلها رهيبا شامة ريحتها اسي ههههههههههههه
لما تقلبني حاجة طوالي بدخل الموق وكمان لمايكون جايني ناس فجاءة بجرب اكلاتك السريعة الخفيفة
وكمان راجلي بحبها والله ياسمسماية ماحوجتينانا حاجة هنا في غربة برطانيا
تسلمي يا حبيبة وربي يحفظك ويخلي ليك عيالك وابوعيالك
دعواتكم
تسلمي لينا انتي والله ويدك الصحة والعافية
خطيره ياسمسمايه تسلم يدك
رااااااااااااااااااائع ياسمسمة
والنيولوك رهيب
مودتي وتقديري
تسلمى يا سمسمايه انا مشكلتى انى بلاقى فراغات الكيكة كتيرة ولونها اصفر وبتهبط منى ومش عارفه اية السبب ممكن تساعدينى وكمان الكريمة عاوزة طريقة حلوة لكريمة دريم البودرة بحسها مش حلوة زى المحلات
ممكن اعمل منو في الكب كيك وازينو شكرا
سلام وياجماعه عندي سؤال تعسفي النشا هو الكورن فلور
الكيكه رايعه تسلم يدك. ياريت تعمل لينا كب كيك. ومشكوه كتير
سمسمايه ممكن استغنى عن النشا لأنو ما بلقاها في استراليا
ياخنساء النشا ياهو الكورن فلور وياسمسم اكيد حاجرب كيكتك وانفس بيها