المقادير:
½ كيلو سمك فيليه،1 كوب خضار مشكل، 1 م ك كاري، 2 بصلة متوسطة مبشور
م ك ثوم مبشور، ¼ م ص فلفل حلو، 3 طماطم متوسط مفروم (منزوع القشرة)
1 م ص شمار، ½ م ص كزبرة، رشة قرفة وزنجبيل وفلفل اسود
1 م ص نشا، 1 م ك خل، عصير ليمونة، 1 م ص شطة(اختيارية)، ملح
الخطوات:
يغسل السمك جيدا ويوضع علي مصفي للتخلص من الماء
يقلب البصل في قليل من الزيت 3 دقائق ثم يضاف التوم ويقلب دقيقتين تقريبا
تم يضاف الكاري مع الاستمرار في التقليب لدقيقة اخري
يضاف الطمام المفروم ويترك ليغلي ثم تضاف البهارات والملح
يضاف الخضار المشكل ويقلب ويذاب النشا ويضاف مع التحريك حتي يبدأ في الغليان
ويترك ليستوي مع اضافة كوب ماء
وقبل ان يتم الخضار استوائه يضاف قطع السمك والخل ويغطي حتي يستوي معا
بعد نضوجه يضاف عصير اليمون ويرفع من النار
سلام سمسماية وكل الاخوات…. وصفة جميلة لعمل السمك ان شاءالله اجربها. دايما بحتار اطبخه كيف ! شكرا ليك ومشكورة برضو على المحشي الابداع وكمان الدونات بالرغم من اني مامن معجبيها الا انو بساطة الوصفة عجبتني وطبقتها و مافي داعي اقول ليك رهييييييبة…تسلمي
تسلمي يا ام لينة ويديك العافية
يستاهل الانتظار دا كلو وحكاية النشأ والخل دي اضافة جديدة والمنظر ماشاءاللة ربنا يحفظك
النشأ يا ام سارة بخلي الصوصو تقيل شوية ومتماسك
يا ام لينا مشتاقين والله انا طولت ماعلقت في المدونة لاني كسلانة من كتابة الايميل هههههه بس السمك اداني نشاط زيادة طاقة بس متابعة جيدة لكل مايدور في المدونة
بالاكتر والله يا ام سارة …افتقدتك لكن شايفاك ماشاءالله نشيطة في الفيس بوك….كيف اولادك? والله السمك شكله رهيب و انا ما بعرف اعمله غير محمر….سمسماية ربنا يديها العافية وانتي يا ام سارة كمان و عليك الله ما تنقطعي و رجعي ايام الونسة والنقاشات الجميلة….
ابداع ياسمسم
تسلم يداك دوما
سلام ياناس فوق
الله يسلمك يا هنوها ….
من ذوووووووووووقك يا هنوها
ما شاء الله يا سمسمايه ….انا بحب السمك باي طريقه
ولما يكون بكاري وشطه ورز دي قمة الروعه ….انا كنت بعمل شوية عرديب ….والنشا ده جديد بالنسبه لي
تحياتي
تسلمي ياهنو
والله يا ام لينة ام اماسي خلتني زي اليتيمة طولت الغيبة اشتقنا ليها يارب تعود تاني
والله صحي طولت نتمنى انها تكون بخير ….
masha allah ebdaaaaaaaaaaaaaaaaaaaaaaaaa eshte………..happy new years
وانت بالف خير وعافية ان شاء الله
كلك ذووووق يا ام مصطفي
ماشاء الله تبارك الله يا سمسماية …وصفاتك كلها ابداع
السمك ابدااااااااااااااااع سمسماية و شكله شهي جدا يديك العافية و الصحة
تعرفى يا سمسماية أنا ما حصل جربت السمك بخاف من الفشل شديد خصوصاً أبو الشباب بحب السمك ولسانوا لازع فخايفة من الجازفة بس شجعتينى أجربوا عند ماما لو نجح بعملوا ليه ولو فشلت ماما بتسترنى
الله يديك حتى يرضيك
ان شاء الله بينجح يا مي وبيكون من يدك اطعم
جميل يا سمسم انا من محبى السمك بكل اشكاله
ممكن طلب ياسمسم طريقه المحشى وبسال لو بيعملوا حله منفصله لكل نوع من الخضار
يا ونجي كنت نزلت المحشي قبل فترة
http://simsimaya.wordpress.com/2010/12/18/%d8%a7%d9%84%d9%85%d8%ad%d8%b4%d9%8a/
والله كلامك صاح يا حريم…شكلو يتاكل بالصحن القاعد فيهو ده…والله تسلمى يا سمسمة
ام براءة ربي يسلمك
الصحن وست الصحن تحت امرك
تسلمي ياسمسم بالجد عجبني وح اجربو
مشهي جدا مع الشتا ده ……….تسلم الايادي