المقادير:
الخضروات المطلوبة:
طماطم، كوسا، باذنجان،فلفل اخضر،
الحشوة:
½ كيلو لحم مفروم، كوب ارز مصري، ملح
1 م ك صلصة، م ص كزبرة، م ص شمار،ثوم مفروم
¼ م ص فلفل أسود،بقدونس مفروم، بصلة صغيرة مفرومة
2 م ك زيت او سمن (سمن +زيت)
الخطوات:
لتحضير الحشوة
يرفع الارز مع قليل من الماء علي النار لمدة 5 دقائق يترك ليبرد
ثم يضاف الي اللحم المفروم ويضاف البصل والثوم والبقدونس ويخلط جيدا
تضاف الصلصة والبهارات والملح تقربيا 2 م ص او حسب الرغبة
وتخلط جيدا حتي تمزج ثم يضاف م ك سمن وم ك زيت وتخلط داخل المكونات
تغطي الحشوة لحين الفراغ من اعداد الخضار
نقوم بتفريغ محتوي الخصروات بحذر شديد حتي لا نحدث شق في اي قطعة
يغسل مرة ثانية ويترك حتي يجف الماء
توضع الحشوة داخل كيس ويبفتح من الجنب ليساعدنا في حشو الخضار
تحشي جميع القطع وترفع علي النار في ¼ كوب زيت عدا محشي الطماطم
تقلب في الزيت حتي تتشوح من كل الجهات
لاعداد الصلصة نفروم لب الطماطم المفرغ ويضاف له م ك صلصة
م ص توم وقليل من الملح والفلفل ومقدار كوب ماء
تضاف الصلصة للخضار ويترك حتي يغلي تم تخفض النارويغطي
عندما يبدأ في النضوج نضيف محشي الطماطم وتغي حتي تستوي تماما
يممممممممممي يشهي حركه الكيس رووووعه بس غريبه لما نجضتي الرز ليه ما نجضتي اللحمه
وتسلمي علي ابداعاتك
الارز ما نجضتو بس بوختو ساكت عشان ما ينفش بيعدين
وخلط اللحمة بدون انجضها لاني عاوزة الطعم يختلط كلو مع بعض
لانو ما عايزين طعم القيمة عايزين طعم المحشي وبعدين الحشوة
بتكون متماسكة
مودتي
تسلم ايدك ياسمسمنا
سماسم يديك العافية ان شاء الله
:)
الله يسعدك سمسومتنا الظاهر إنتي مش شاطرة في الطبخ بس كمان بتقري الأفكار وبتحسي بإحتياجاتنا ناويه أعمل محشي ومجهزة اللازم حأجرب طريقتك الحلوة وأوافيك بالنتائج
وانت كمان
ان شاء الله تكوني عملت المحشي وعجبك يا بت العافية
روعة سمسمايا تسلم ايدك يا قمرايه
ربي يسلمك يا غالية :)
تسلم الايادى ياسمسمايه ,شهيتينى المحشى لمل حاجربو بوريك
نيسو تسلمي … منتظرااااك
تسلم الايادى
شكرا ام مصطفي
تسلم ايديك يامبدعة ناوية اعمل محشى بكرة ان شاءالله حاجرب طريقتك دى واديك النتيجة شهيتبنى
سوما أها ما جيتينا راااجعة
مشكوووووره حبيبتي من جد رووووووووووووعه,, ياريت خلطة البسبوسه والبسيمه
ان شاء الله ام علي ح اعملهم ليك
Teslam eedeek ya simsimaya ana leeya imkin gareeb al sana min ma sibta al sudan ma akalta ma7shee la2no kol ma ba3meela bitafshal ma3ai wa bijad bijad ya3ni ma tetsawaree fara7atni gador sheno al 6ab5a dee
teslam eedeek mara tanya wa talta wa rab3a kaman lol!
تسلمي يا سارة وان شاء الله ربنا يرد غربتكم
وان شاء الله المرة دي تعمليه وينج معااااااااااااك
مرحب بيك
تحياتي يا سمسم وكيف انت تمام شغل معلمين رهيب والله منك نستفيد صراحه ده عمل خير كون انك تقدمي للناس الفائده والمساعده تستاهلي تكريم على جهودك لخدمه الناس ويا حبذا لو شفناك في الشاشه من ضمن النساء المميزات تقديرا لك ولكن دعواتي دائما لك بالصحه والعافيه والتقدم وربنا يحفظ هل الايادي
ربنا يتقبل ان شاء الله منا ومنكم صالح الاعمال يا ام ايلاف
وياستي الشاشة دي ما لينا خلينا كدا احسن
وما في احلي من كدا
بس دعواااااااااااااتكم
بجد خطييرة تسلم الايادي
تسلمي يا دينا :)
الاخت سمسماية
تحياتي
تسلم ايدك ويا حبذا لو شفناك في الشاشه من ضمن النساء المميزات كما قالت الاخت ام ايلاف
لكي الف الف تحية
ماجدولين الغالية صديقة مدونتي كيفك والله لما القاك زرتي المدونة وتركت تعليق بكون مبسوووووووطة
وانا بشكركم علي شعوركم الحلو دا بس زي ما قلت لام ايلام خلوني هنا احسن :)
والله شكلو يشهى عدييييييييل…اكيد ح اجربو لانى بموووووووووت فى المحشى…وكل ما اعملو ما يظبط معاى…لحدى ما بقيت ما بعملو…بس بعد الشفتو ده اكيد ح اعملو..تسلم الايادى يا عسل
ام براء ان شاء الله بعد كدا يظبط معاك
ورينا خبرك
رهيب ياسمسمايه
تسلمي رباب :)
جوعتينا يا سمية … طبعا من اكتر الاكلات اللي بحبها من غير منازع المحشي تسلم ايدك
شيماء شخصيا في مطبخنا مرحب بيك
المحشي دا حبيب الجماهير
تسلمي شيماء
والله جميل بس المشكلة بحبو ومابنفع معاى و العيال مابيكلو بس معتمذين على النواشف
ليه ما بينفع معاك؟
لحمة ورز وخضاار ولو عندك مصران الفلفلية صعبة بس الباقي ما فيه مشكلة وممكن تعملي بالبطاطس والقرع الصغار البشبه في شكله البادنجان لكن لونه اخضر
ربنا يشفيك
المحشى طلع خطييييييييييير…تسلم ايدك…هسى رفعنا الصينية ما فضلنا فيهو شى…يا عسل انت ربنا يديك العافية…والله اتكيفته شديد…الراجل زتو اتكيف
ان شاء الله دايما متكيفين يا ام براءة
وانا هسي برضو اتكيفت منك وعشاااانك لا ضبط معاااااك
ان شاء الله بالهنا
تسلم ايديك ياسمسوم وربنا يرزقك من حيث لاتحتسبين
ويديك كل النفسك فيهو ..
طبعا يادوب انتبهت لي موضوع انه اللحمه ماتنضج براها عشان طعمها مايكون زي القيمه هاجرب واوريك باذن الله
بس ان شاءالله اللحمه تنضج عشان انا عروس ولسه
جديده بالمطبخ مايقوموا يضحكوا علي لواللحمه مانضجت
ربنا يرزقك بمحمد المجتبي ان شاء الكريم
بالنسبة للحمة المفرومة من السهولة انها تستوي وما بتحتاج ابدا لوقت طويل يعني فترة استواء الخضار كافية جدا عشان تنضج وان شاء الله مافي حد ح يضحك عليك بس امسكي في الوصفة بحزافيرها لحدي ما يدك تمشي علي الطبيخ بعد داك ممكن تخترعي وصفاتك البتخصك
دمتي
اللهم آمين ياكريم
هسي شغاله فيها ياسمسومه وان شاءالله تظبط
الله يسهل عليك كل امر يارب العالمين
أكيد بالعزم والاصرار بيظبط يا ام الفارس القادم
ننتظر التقرير
:)
خلصت المحشي وطلع رهييييييييييييييييييييييييييييييييييييب
حتي اتغدينا منه ولما جاء وقت العشاء اتعشينا منه برضو
شفتي الرهااااااااااابه الله يحفظك ياسمسوم وييسر لك كل امر يارب العالمين
اااااااه ونسيت اقول ليك كمان الليله عملت الكنافه بالقشطه بطريقتك وطلعت حاجه ماااااتخلص لدرجة انا ماصدقت قلت امكن اشتروها من بره وانا ماواعيييه
100/100 مش قلت ليك كلو بالاصرار والعزيمة بيطلع حلو يا حلو
سلام سماسم والله انا يادوب اكتشفت موقعك دا والله بالجد رهيب ربنا يحفظك انشاءالله عندي سؤال بالنسبة لي محشي الملفوف او الكروم بيتحمر برضو ولا بس بنخدو في الصلصة بس
مرحب بيك يا سرورة الدار دارك والمطبخ وست المطبخ تحت امرك
محشي الملفوف ما بيتحمر في الزيت ياسرورة
تسلمي يا عسل وشكرا ليك على الرد يديك الصحة والعافية انشاءالله
الامارات
سمسماية ازيك واخبارك والله يادوب اكتشفت موقعك بالجد رهيب ربنا يحفظك انشاءالله بسأل من محشي الكروك او الملفوف كيف نعملو
السلام عليكم
ماشاء الله عليكى رهيبه وربنا يحفظك من العين
دايما كنت ابحث عن موقع المطبخ السودانى
صدقينى اى صديقه باعرفها اعطيها الموقع السمسايه نفتخر بالاخت السودانيهمع التقدم الى الامام وشكرا
ياريت تطرح لينا اكلات خليجيه وشكرا
سمسومه ناشاء
الله عليك خطيييييييييرة ربنا يحفظك😘
waaw it looks so ymmy god bless you
والله اني بحبك لاني اتعلمت منك حاجات كثيره 000لانو اختك اتزوجت واغتربت من الاهل قبل ماتتعلم الطبيخ لكن كنت انت الام والاخت الكبيره 00وانا ساكنه مع نسابتي لكن الحمدلله انسترت انا دايما برجع لمدونتك هي المرجع الاساسي
ان شاء الله ربنا يسعدك يا ام اواب
ويرد غربتك يسعدني ان اكون لك الام والاخت فلا تترددي بطلب العون مني او من زوار مطبخي
:)
سلام سمسماية وبقية الصديقات انا جديييدة علي المدونة واول ما جربت عملت محشي وطلع رهييييب تسلمي يا سمسم
نرحب بيك ام هبوية والبيت بيتك وتسلمي يا حبيبة
ما شاءالله عليكي ربنا يحفظك ويخليك وصفاتك اقل ما توصف بانها رائعة هذا اقل وصف …جد استفدت كثير جداً من وصفاتك تسلمي ان شاءالله
ربي يسلمك رحوبة ومشكورة علي ذوقك
تسلم ايدك ياسمسمايه ،وربنا يديك الصحة والعافية
ربي يسلمك فوز :)
تسلمي يا سمسومه انا عاوزه اعرف الطماطم ما نقلبه في الزيت نهائي واقلب بقيه الخضار بجميع الجيهات
الطماطم بدون نقلبه في الزيت
لكن ماتقولي لي مامحشي
تحية طيبة
الله يخليك لينا يا رايعة
لدي طلب حاولت مع الطعمية ولطنني فشلت يا اما تكون مليانة زيت يا اما تكون سوداء يا اما تكون من داخل نية اريد طعمية جميلة وهشه ولونها جميل ارجوك ساعديني
ام سامي
أم سامي اول شئ الطعمية بتعتمد علي نوع الكبكبي الجيد يكون جديد
تاني شئ اللون الاسود مرات بيكون من الكزبرة او السشمار الاخضر او البقدونس
احسن حاجة تحشيه ناعم وتضيفيه بعد تفرمي الطعمية وتجي تعمليها لانه المادة الخضراء
لو طلعت موية بتخليها سوداء
الباكنج بودر برضو النعية الجيدة بتخليها هشة ومقرمشه جيبي اضانك اقول ليك سر :)
في ناس بتضيف ليها شوية (شوية) نشادر :)
غايتو انا عملت المحشي يادوب هسه بحزافيره ودي حتكون المره الاولبي وربنا يسهل
السلام عليكم ورحمة الله وبركاته
ماشا الله تبارك الله والله روعة وربنا يحفظك ويحميك وانا خلاص جهزت
الحاجات ان شا الله حاعمله باكر وتسلم يداك ويطول عمرك يارب وحا اوريك بعد ما اطبق دى
حسة رسالة شكر لانو زمن ساكة المحشى
منتظراااااك
السلام عليكم ورحمة الله تعالى وبركاتة
يصراحة انا وجدت الموقع دا بالصدفة ومن شدة اعجابى وافتخارى بة جعلتة من اول المفضلات لدى ومهما قلت ما حا اوفيك حقك يا رائعة يجد انت فخر للمرأة السودانية و كنز للتراث السودانى الاصيل وملاذ لكل من ابتعد عن حضن الوطن الغالى بما تقدمية من اطباق تشرف فلك الصحة والعافية والتوفيق دوما
ان شاء الله اكون قدر المسئولية
تسلمي
تسلمى انشاء الله
حاجه تشرف شكرا ليك
وينكم ياشيفات
السلام عليكم…. عندي سؤال هل من الضروري احمر الخضار بعد ما احشيه؟ بعمل نكهه ولا كيف؟
ايوة بيعطي نكهة وبيستوي اسرع
السلام عليكم يا اخوات ويا اخت سمسماية بالاخص ليك كل الشكر والتقدير والله انا لقيت الصفحة دي بالصدفة بس بالجد احلي صدفة والله استفدت كتير. وبالنسبة للمحشي ابدا ما بظبت معاي لاني بخلي الرز ينضج تماما وبحمر الطماطم عشان كده الحكاية بتجوط والحشوة بتطلع برة وحالة صعبة بس ان شاء الله ح اجرب طريقتك وليك كل الشكر والتقدير
عملتة المحشي وحسة في النار
السلام عليكم شكرا ليك ياسمسم على الوصفات الرائعة دى طبعا احنا برة البلد وخبرتنا بتقل بمرور الزمن بس انا من يوم ماعرفت موقعك دة وبقيتى انتى رفيقتى الاولى وطوالى معاى فى كل اكلاتى واسة المحشى فى النار الحمد لله بقى يظبط بعد ماعرفتك فلك كل الشكر والتقدير والوفاء
تسلمي ان شاء الله وانا حاضرة
السلام عليكم انا بسال من المحشي بالطريقة المصرية ما فيهو زيت كتير رايك شنو يا سمسماية يا مستشارتنا بالذات الناس العندهم كوليسترول ودايرين حاجة خفيفة ونفسهم في المحشي؟
المحشي ما محشي مشكوووووووووووووورة ياسمسماية والله بندعيلك دايم انا شخصيا لما رأسي يكون ضارب بفتح صفحتك وتجيني الافكار ان شاء الله في ميزان حسناتك
السلام عليكم ياغاليه انا اشد المجنونين بيك اوي وبحس بيك عن طريق وصفاتك الحلوه ربنا يخليك لينا
جزاك الله خير يا عسل بس عندى سوال المحشى بياخد كم فى النار لحدى ما ينجض لانى مره عملتو طلع الرز لين شديد شكلى خليتو فى النار زياده عن اللزوم
تسلمي ايدك ياسمسمه
معناها اللحمه المفرومه تكون نيه بدون ما نشوحها في زيت مش ؟؟؟ وتسلمي ماعدمناك يا غاليه
بالطريقة جي ها ن ارجع المرة بيت ابوها ياااخ الله يديك العافية والله ظبط ظبطه بزيت الزيتون محشي رهيب شكر لليك
جننتينى ياعسل والله الابكره اجيب خضار المحشى لكن حاتعب فيهو وبسرعه يخلص لانو شكلو جنااااااااااااااان والله انت فخر لنا
فى ناس بختو معاه بصل صغار ده ليهو اثر فى النكهه
علي المطبببخ طوالي قايمة اعملوو
رائع
شهيتونا و نحن برمضان
جزاك الله خير سمسمايه