المكونات:
2 كوب دقيق، 2 م ص باكنج بودر، 1 م ص ملح
½ كوب زبدة، 2 بيص، 3 م ك فلفل حار مفروم
¼ كوب جبنة قشوان مقطعة صغير،
للوجه
1 بيضة، م ك زيت، سمسم
الخطوات:
يقلب الفلفل الحار مع ½ م ك زبدة علي النار لمدة دقيقتين
ترفع من النار وبنثر عليها قليل من الدقيق وتترك لتبرد
يخلط الدقيق والملح والباكنج بودر جيدا
يخفق البيض والزبد جيدا تم يضاف الدقيق تدريجيا
يضاف الفلفل الحار والجبنة وتعجن جيدا
تفرد العجينة وتقطع حسب الرغية
يدهن الوجه بخليط البيض والزيت وينثر قليل من السمسم
تخيز في فرن متوسط الحرارة
والله الليلة ذكرتيتيني المطعم الباكستاني الجنبنا اشترينا حلويات طلعت كلها قرون شطة
تسلمي سمسم
ههههه
قلت نطلع شوية من السكر لانو رمضان والعيد سكر كتيييييير
:)
شكلها كده طعمها مجنون…. ابداع والله لكن يا سمسماية بصراحة عاوزة أسأل من بدري وخجلانة تضحكي علي ..الجبنة القشوان دي شنو؟ ):
ليه لضحك ؟
الجبنة القشوان نوع من انواع الجبن بتكون مطبخة في شكلها تشبه الموزريلا بس طعمها فيه اختلاف
ممكن تستخدي الشيدر
:)
عندي سؤال ياام لينا انتي من وين
تسلمى يا سمسم اممممممممممم المالح لى غرام معاه
بجربها واقوليك
تسلمي
مستنياااااااك
سمسم داير وصيه منك ومن الاخوات وقتى كله ضايع فى المطبخ اها انتوا فى المعتاد بتعملوا شنو وتخزنوا شنوا فى الفريزر ساعدونى بافكاركم
مشكورين
سلام ونجي ..فعلا الوقت كلو ضايع في المطبخ …نحن بنحب الطبايخ عشان كده بجهز شوربة ودمعة (من غير صلصة) وبقسمهم في أوعية بلاستيك في الفريزر… مرات كتيرة بجهز الكفتة واجمدها …وغالبا برضو بجهز اللحمة المفرومة (عصاج)للفطاير… واللحوم المحمرة والدجاج بطعمهم واجمدهم الى حين استخدامهم….برضو بحب اعمل الطعمية من الصفر فبجهز العجين بس ما بضع البيكنج باودر الا لمن اقرب ارميها واقسمه في اكياس في الفريزر…بعمل برضو سلطة أسود بالطحينة بكمية (ما كتيرة خالص) وبخليها في التلاجة وكذلك الحمص. ان شاء الله أكون أفدتك وكمان عاوزين نسمع من الاخوات عشان نستفيد منهن.
الحربم ديل ما قصرن معاك
بضيف ممكن تعملي الكفتة ةتلفيها ترصيها وتدخليها الفرن ولما تجمد تختيها في كيس نايلون
برضو الفطائر والسمبوسة بنفس الطريقة ولما تجي تعمليها لو بالفرن خليها تسيح ولو بالزيت عشر دقائق والزيت يكون حار لانو ح يبرد اول ما ترمي الفطائر
وبالنسبة للحوم ممكن توضبيها وتتبليها حسب ما انت ناوية تعمليها
وتجمديها بعيد عن بعضها ولما تجمد تخنيها في كيس عشان يكون سهل ان نسيح وتكتب علي الكيس عشان تعرفيها
لو تذكرت حاجو بجي تااني
تسلمى حبيبتى سمسم والله افكار جميله ممكن اطبقها اكيد حتوفر على
انا الفريزر عندى ما فيه حاجه جاهزه كلو نى ههههههههههه
عشان كدا اظن تعبانه
شكرا يا عسل
ونشوف باقى الشابات كمان
سلام سماسم ابداااااااااااع يعني ما شاء الله ما ملحقين حاجة انت تجري و نحنا ورااااااااااااك بي مساااااااااافة اه ا اه نفسنا اتقطع هههههههههههههههههههه
تسلمي يا زنزونه قربي المسااااااافة بالتطبيق هههههههههههه
ونجي سلالالالالالالالالالالالام ام لينا ما قصرت و برضو كمان ممكن تعجني عجينة الفطاير و تخليها بالفريزر لوقت الزنقة و الضيوف الغير متوقعينو برضو سبكة التقلية و النعيميةو ممكن تحشي المحشي و تخليه بالفريزر و الله ما فضل لينا غير نقطع السلطة و نخليها في الفريزر ههههههههههه من عدم الوقت
م لينا شكرا يا غاليه ما قصرتى بجرب وكيد حتجيب نتيجه
انا شغاله واجبه واجبه
ههههههههه
اهلا زينه شفتى الشقاوه دى كيف الحاجه الوحيده المرتاحه منها قشير الثوم وهرسه
لقيت نوع مجمد
المحشى لما تطلعيه من الفريزر لاحظت الرز بيكون مفتفت ما حلو المشكله منى ولا عادى بيكون كدا
يا سمسماية على ذكر المحشي …منتظرين منك وصفة سمسماوية للمحشي باي نوع من انواع الخضار … ودمتي
ان شاء الله يا ام لينه
فصل الشتاء بتطلع كتير من انواغ الخضار
ان شاء الله اعملو ليكم
مرحبا سمسماية وربنا يديك الفاعية مطبخك رهيب انا مشتركة جديدة عايزة اسالك ممكمن بدل جبنة قشوان اسخدم جبنة شنو ؟؟
اول اهلا بيك
ممكن الجبنة الشيدر ياستي زي ما ام لينه قالت
سلام أم تبيان ومرحب بيك….سمسماية كانت قالت لي في سؤال سابق (فوق) انو ممكن نستخدم الجبنة الشيدر….ودمتي
ايوة كدا خلوكم معاااااي في الخط وساعدوني بالرد علي الاخوات
دمتي
تسلمي يا سمسماية .. يا رايعة .. انا بحب الحاجات الغريبة زي دي .. سهله و جميلة .. ح اطبقها و اقول ليكي
الله يوفقك كل طبخاتك روعه روعه انا نسيت مواقع كثيره على النت الا موقعك دايم لم اجي اكتب طبخات اتذكر موقعك وادخل على طول ليكي اول شي
انت صراحه اقوى شي
الله يديم عليك الصحه والعافيه ويكفيك شر الحساد امين
تسلمي ياغالية دا من ذوقك
السلام عليكم طبعا اكتشفت الموقع ده و ماشاءالله عليك يا سمسمايه موقعك اكثر من رائع جربت من عندك الفطير السوداني وكنت ما بعرف اعمله مع اني بحبه جدا وطلع حاجه جميله كل الاهل هنا اعجبوا بيه ورغم اني بدرس طلبه سياحه وفنادق في المعهد العالي للتربيه النوعيه عمل الحلويات الا انه مطبخنا السوداني يكسب بارك الله فيكي ودمتي