المقادير:
3 كوب دقيق، 1 كوب سكر، 2 بيض
½ كوب سمن (جامد) او صباع زبدة (113) جرام، 1 م ص باكنج بودر
2 م ص فانيليا،¼ م ص ملح
½ كوب فول سوداني مجروش (اختياري)
استخدمت المقادير مرتين مرة باضافة الفول ومرة بدون اضافة
الطريقة:
بسكويت بالفول السوداني
ينخل الدقيق ويضاف الملح والباكنج بودر
يخفق الزبد حتي يصبح كريمي ثم يضاف السكر مع الاستمرار في الخفق
يضاف البيض والفانيليا ويخفق بسرعة اقل حتي يختلط المزيج
يضاف الفول السوداني (ان اخترتيه) ثم الدقيق وتعجن جيدا
تقسم العجينة الي 4 اجزاء وتوضع في الثلاجة لمدة ½ ساعة
حتي يسهل قطعها، بنثر دقيق وتفرد العجينة وتشكل حسب الرغبة وتخبز
بسكويت بدون الفول
نفس الخطوات السايقة
ولكن في هذه المرة فردت العجينة داخل الكيس وادخلتها الثلاجة
اخرجتها بدأت في تقطيعها وكان رفعها سهل جدا واحتفظت بشكل القالب
التزيين:
صلصة الكاكاو
استخدمت 2 م ك كاكاو، 2 م ك سكر ناعم، قطرات ماء
اضفت الماء بالتدريج حتي حصلت علي القوام المطلوب
حلوي السكر(المارنج):
بياض بيضة، ½ 1 كوب سكر ناعم، ½ م ص عصير ليمون
يخفق بياض البيض حتي تحصل علي رغوة يضاف عصير الليمو ن
و السكر بالتدريج مع الخفق حتى نحصل علي مزيج ابيض متماسك
يمكن اضافة الالوان حسب الذوق
ملاحظات هامة
يفصل البياض من الصفار جيدا
يراعي ان تكون درجة حرارة البيض بدرجة حرارة الغرفة
يستعمل المارنج في الحال للتغطيات
تسلمى فتحتى نفسى لى عمل الخبيز
تسلمي
ماشاء الله خبيز رووعة وكل سنة وانتي طيبة ياسماسم
وانت طيبة يا ايمان
سلمت يداك يا مبدعة
كيف يا هنوها واخبارك كيف?
اتمني انك تكوني كويسه
هوما كيفك مشتااااااقين
اختفيتي مرة وحدة
كل سنة وانت طيبة
ربي يسلمك والله اشرقت صفحات المدونة
اشتقت لك
كل سنة وانت طيبة يحفظك وعيلتك ان شاء الله
تسلم افكارك……بالنسبة لبسكويت الفول السوداني ممكن استبدل الفول؟ماهي الخيارات؟ماعدمناك
تسلمي يا صباح الاشراق
ممكن تستخدمي الجوز (عين الجمل)
تسلمى يا مبدعة ماشاء الله خبيز رووعة
ربي يسلمك
تسلمى يا مصباح علاء الدين بسم الله ما شاء الله تبارك الرحمن
قمة فى الذوق والابداع الله لا يحرمنا منك ومن ابداعك ويحقق كل امانيك ويمتعك بالصحة والعافية ويسترك دنيا واخرة ياسمية يا بت محجوب حققتى كل امنايتنا الله يجزيك الجنة .
تسلمي يا ام صفوة ومشكورة للدعوات
ربنا يتقبل ان شاء الله
وكل سنة وانت طيبة
كل عام وانت بخير وتسلم ايدك
كل سنة وانت طيبة
مقدار السمن لو ممكن بي الكوب العادي
نص كوب سمن
وكل سنة وانت طيبة
انا عايزه معاك واحده………….
انتي يا عسووووول سلمت يداكي
رووووووعه ياأحلي سمسم
كل سنه وانتي وأهلك وعشيرتك طيبين
والسنه الجايه كده نبارك ليك في بيتك أن شاألله
يديكي العافيه
يديك العافية ويعااااافيك يا هوما
مشتااااااقين عديييل
وكل سنة وانت طيبة
روووووووووعة يا سمسماية و يديك العافية و بيت في الصافية وقصر في الجنة و يعليك كمان و كمان و السنة الجاية ناكله في بيتك امين يارب العالمين
ربي يعافيك يا زينة يعطيك حتي يرضيك
بيت اركويت دا مالو ياهناية
جنس حالة البحر بيرفض الزيادة؟؟؟؟ و بعدين بيتك و سيد بيتك………امين ………….و بيت الستين و الله حلو باهله يا حلوييييييييييييين
:)
السلام عليكم ورحمة الله وبركاته
حبيبتي سمية ربنا يجزيك الجنة ويجعل ما تقدمه في ميزان
حسناتك
وعليكم السلام ورحمة الله
تسلمي منتى غاليتي
ومشكورة وكل سنة وانت طيبة
ماشاءالله عليكي تسلمي يا سمسمايه سؤاااال الشياله الرهيبه دي من وين لاني بفتش على حاجه زي دي …………..
تسلمي الشيالة دي من ابوظبي
روعه والله
الف شكر لك
تسلم
رووووعه واكثر من روعه
الله يعطيك العافيه
والله شئ الله لايضرك
سلمت يدآكِ ^_^
مرورك الاروع
يا غالية سؤال لو ممكن
طريقة لصقهما ببعضهما البعض استخدمتى المربى ام نفس مزيج التزيين
الاشكال الصغيرة مزيج التزييين
اما الكبيرة استخدمت المربي
ما شاء الله
شكلهم
شهي …يممممم
تسلم :)
وانتي طيبه ياحبيبه وعساكم من عواده ومشكوره ياحبيبه علي الرد
:) تسلمي
تسلمي ياسوما خبيز ولا حتى الجاهز ما بلحقوا٠٠٠ ما شاء الله٠ ل سنة و انت طيبة٠
وانت طيبة ان شاء الله
السلام عليكم ورحمه الله كيفك يا سمسمايه دي اول مره اراسلك واسفه على التاخير لاني من زمان بتابعك ولك الفضل على مطبخي عاجزه كلماتي عن شكرك ودعواتي لك بالصحه والعافيه وكل سنه وانت طيبه وابدعتي في اشكال الخبيز الحلوه دي واقبليني صديقه جديده مع اني قديمه
وعليكم السلام ورحمة الله
يسعدني جدا متابعتدك للمدونة وشكزرة علي الدعوات ربنا يقبل
وانا فخورة بصداقتك يا ام ايلاف
والبيت بيتك والكل هنا اخوات غاليات
ان شاء الله تتواصلي معانا دايما
:)
تسلمي روعه بس ممكن اعرف الاشكال بمكنه البتفور ممكن الاشكال العاديه
بالمكبس العجينة دي تحديدا بتكون قوية عليهو ممكن تقللي الدقيق شوية وتخليها ناعمة زي حقت البتفور
تسلم الايادي الرايعة سمسماية
تسلمي يالغلا
تسلمي ومشكورة عندي سؤالين الاول السمن جامد ولا عادي السؤال الثاني السكر مسحون ولا عادي( بعيد عنك دي اول مرة اعمل اشكال وطولي بالك معاي عندي حاجاااااات كتيرة مابعرفها)
ايوة السمن جامد زي سمن البتي فور
لكن السكر خشن ممكن تعملي المسحون لكن قللي الكمية السكر
حضر اصابع السمك…
موضوع اثار اهتمامي لذلك وضعت تنبيه له في مدونتي :)…
تسلم اليد الي صنعت وبارك الله فيك اختي العزيزة سوف اجرب غداً وارسل التعليق ولكي جزيل شكري
بالتوفيق يا سارة ان شاء الله
اتوقع شئ جميل منك
:)
سمسم طبعآ ياعسل انا عمري ماعملت خبيز عشان مستجدا في المطبخ وهسي عاوزة اعمل زي حقك بس ربنا يستر ماافشل واتفضح مع اهل راجلي _ عندي استفسار ممكن احط باكنج باودر الي بالفانيليا ولأ لازم فانيليا لوحدها
ان شاء الله ما تفشلي
العجنة فيها باكنج بودر عشان يكون هش
والفانيليا للنكهة
اتبعي المقادير والخطوات بدقة
اشكرك علي الرد بس تاني عندي سؤال التزيين الاداة المستخدمة شنو|؟وجزاك الله الجنة
استخدمت كيس عادي (اكياس الكيلو) وضعت فيها وقصيت
فتحة صغيرة واخرجت الهوا وربطت الكيس
واستخدمتو بعد داك
ولو عندك اكياس الاقماع متوفرة ممكن تستخدميها
او بطريقة عمل كيس الحنة لو بتعرفي برضو ممكن
:)
مشكورة يا غالية فتح الله عليك وعلي والديك دنيا واخرة
بجد شي كثير لزيز .. يسلمو ايديكي ^^
سأكون من المتآبعين دوماً عزيزتي : )
اهلا بيك
وخليك قريبة
سمسم طلع شوية قوية بس ريحتو رهيبه هسي طلعتو من الفرن تفتكري دي بداية مبشرا؟ _ وثانكس علي ردك وعيد مبارك وعساك من عواده _ وناس اركويت احلا ناس
خليهو يبرد وتذوقيه ما ح يكون قوي بس يبرد
وانت بخير…. وناس بلدي احلي ناس
شكرا ليك كتير برضو بستفسر عن حلوي السكر بعد ما اعملو وازين بيهو الخبيز ارجعوا الفرم والله البيض اخليهو ني ما بفرق والشكل اعملو خفيف والا تقيل زي بتاع الكعك
لا تاني ما بيدخل الفرن
وخليهو وسط ما يكون تخين ولا خفيف شديد
ان شاء الله ما نعدمك – اصلاً من بعدك اقبل ووووووين وانا افكاري كلها من عندك . تسلم البطن الجابتك بالجد
واللة كلو شي تمام والاشكال رهيبة لكن انا لحدي الان ماخبزتة لاني لسة ماكملت شغل البيت وكل يوم جري الاسواق لكن شكلي بخبز بعد العيد لانو هنا في الغربة مافارقة اذا كان بعدة او قبلو ههههههههه انشاءاللة بعد العيد بنزل ليك الحاجات العملتها وكل سنة وانتي طيبة
طبقت الاشكال الطعم تمام لكن عندي مشكلتين الاولي طلعت تخينة (يكون من الفرد)التانية الشكل بطلع كبير يعني حجمو بزيد السبب شنو|؟
احتمال زدتي الباكنج بودر او القطاعات كبيرة فاقل زيادة بتظهر بالاضافة الي الفرد
بمعني الفرد لوكان مناسب والقطاعات حجمها كويس ما بتظهر الزيادة
لو تلاحظي الاشكال العملتها ليكم ما فيها مشكله
اشكرك علي الاهتمام لو تكرمتي عايزة اعرف زمن العجينة في التلاجة وفرني مافيهو زر لتخفيض الحرارة اعمل شنو عشان مايحمر لانو العملتو طلع احمر
الزمن نص ساعة اقل شئ
بالنسبة للفرن فقط المراقبة هي الحل
ممكن تولعى الفرن وقبل ما يسخن شديد تدخلي الخبيز وتراقبيهو
اول ما يستوي او يبدأ يحمر تطلعيهو من الفرن
:)
كل عام وانت بخير وتقبل الله الصيام والقيام ونتمني لك الصحة والعافية ودوام التوفيق
سمسماية كل سنة وانتى طيبة
فى بديل لخليط التزيين ده ؟ما بحب البيض النئ ،قبل كده جربت عملت الكريمة السائلة خفقتها وزينت بيها ،المرة دى عملتها الكريمة رفضت تجف وخربت الخبيز ،عندك فكرة اكون غلطت فى شنو ؟لكى شكرى على ابداعاتك
وانت طيبة يا نوسة
اعتقد الكريمة كانت سائلة لو كنت عملتيها سميكة كانت جفت لانو كمية السائل بتكون قليلة وبسرعة تجف
المهم ممكن تعملي حلوي السكر بشراب الذرة بدل بياض البيض
الطريقة:
كوب سكر نااااعم + 2 م ص حليب + 2 م ص شراب الذرة
تخفق كل المكونات حتي الحصول علي مزيج لزج واذا حسيتي انو تقيل اضيفي قليل من شراب الذرة وبعد دا ممكن تلوينه حسب الذوق
ازيك يانوسة كيفك ليك وحشة سبحان الله دخلت صدفة مطبخ سمسماية الرائعة بافتش في اشكال خبيز لقيت اسمك ياحليل الزمان وينك انتي اخر وقت اتلاقينا فيه في بحري الختمية كنتي في ابوظبي اذا قريتي كلامي ده وريني طريقة اتصل بيك انا لبني جميل والله ياسمسماية مطبخك حلو علي وجدت فيه صديقة من سنين مااتلاقينا لو كنتي نوسة عطا من الخرطوم بحري ردي علي وبكرة كان الله حيانا بادخل مدونة سمسماية العسلاية واشوف هل لقيت ردك
والله انتى زولة رائعة ،وانا بجد سعيدة بمعرفتك واتمنى فى المستقبل نتعارف اكتر ،معظم الشيفات الكبار فى مواقعهم ولا يهتموا يردوا على الناس ،بجد انتى زولة حلوة واتمنى لكى التوفيق دائما ونراكى مشهورة فى المجال ده انشاء الله
والله انت الرائعة يانوسة
انت برااااك قلتي الشيفات الكبار لكن يا ستي انا هااااااويه
وان شاء الله ما اقصر معااااااكم وتلقي اسئلتكم اجابات عندي
مودتي :)
السلام عليكم
سمسمايه يعطيك الله العافيه
عندي سؤال مقدار الملعقه الكبيره هل هو ملعقه الاكل
او اكبر ؟
وعليكم السلام ورحمة الله
ربي يعافيك ام محمد
م ك هي ملعقة الاكل
تسلمي علي الاتحاف الراقي سلمت يداك
عندي سوال ؟؟؟
الاشكال زينتيها بي شنو؟؟ يعني الصلصة وصعتيها في شنو وزينتي بية .
وجزاك الله كل خير
استخدمت اكياس النايلون الصغيرة
لكن لو بتعرفي تعملي زى كيس الحنة بيكون تمام
كمان لو عندك الاقماع الصغيرة واكياسها خير وبركة
تحياتي
تسلمي علي الافادة ياغالية
وان شاء الله اطبقو واريكم لية
وباجد ماقصرتي في ميزان حسناتك ان شاء الله
السلام عليكم يا سمسمايه,,,,,,,,,,,بالجد انا محظوووووووووووووظه شديييييييييييييييد لانى لقيت مدونتك دى خصوصا انى فى غربه مااااااااااابتتخيلى لياتو دلرجه ياريت تقبلينى صديقه واتعبك شويه بالاسئله مشكووووووووووووووووووره
السلام عليكم يا سمسمايه,,,,,,,,,,,بالجد انا محظوووووووووووووظه شديييييييييييييييد لانى لقيت مدونتك دى خصوصا انى فى غربه مااااااااااابتتخيلى لياتو درجه عجبتنى المدونه ……..ياريت تقبلينى صديقه واتعبك شويه بالاسئله مشكووووووووووووووووووره…..
انت من دخلتي هنا اصبحتي وحدة مننا يعني ست بيت عدييييييييل واس سؤال انا وزواري في خدمتك الكل بيساعد بعضه
:)
تسلمى والله…….البتى فور عشان يكون مظبووووووط احسن اخلى العجنه فى الثلاجه ولا اعملو طوالى؟؟؟؟؟
لا بتعملي طوالي يا ام مصطفي
لانه في التلاجة بيبقي قاسي علي المكبس \لكن لوعايزاهتعمليه بالقطاعات احسن يدخل التلاجة عشات يبقي ساهل
دمتي
السلام عليكم ………شكلك مشغووووووووولة ان شاء الله تكونى بالف خير وعافيه ….جعل لك الله هذه المدونه فى ميزان الحسنات ……اميييييييييين
شويه شغلة كدا والمدونة برضو كانت معصلجة معاي ما كنت قادرة ارد
لكن الحمد لله المشكلة اتحلت
دعواتكم ما تحصل ليها حاجة
تمام ايديكي العافية
ياااااااااااااااااااارب يحفظك ويزيدك من عندو ويديك الدايراهو كلو اميييييييين……ويكفيك شر العين والحسد…….قال رسول الله (ص)كل صاحب نعمه محسود فأقضو حوائجكم بالكتمان ربنا يبعت ليك البيتعامل معاك بنيه طيبه يااااااااااااااارب ومااااااااايحرمنا لمساتك الرااااااااائعه ماشاء الله تبارك الله…………
ربنا يبعد عننا الحسد والحاسدين يا ام مصطفي
تسلمي
والله ما شاءالله علي بروفايلكم جمييييييل كنت متحيرة اعمل خبيز كيف,قمت فتشت علي قوقل الظريف فرد لي بمدونتكم الاجمل
اهلا اماني
والله قوقل ما مقصر معاي وان شاء الله كل ما تبحثي عن شي تلاقيه هنا ويجيبك قوقل :)
الشكل حلو بس كنتة عاوزة اقترح عليكي انوا تعملي خبيز يون شكل الخبيزة مثلا زى سبت الورد وتختي علية كريمة وتسبتي حلاوة اسمارت علي الكريمة يبقي شكلوا كانوا ورد
الفكرة حلوة يا ام قنوان وان شاء الله احاول اطبقها واكون ستوعبت الفكرة صاح
لك الود
الأخت العزيزة سمسماية بالجد اشكال جميلة جدا ….أنا كنت مستصعبة الاشكال دي لما بشوفها في المحلات ، لكن شكرا ليكي كتير وريتيني الطريقة الرائعة دي …ربنا يباركك كتير
الاخت سمسماية ربنا يديك العافية ويوفقك بالجد انا استفدته منك كثير وده كلة يرجع لامانتك وحبك للخير خصوصا ونحن فى بلد الغربة انا عملتة الاشكال بالزبدة لكن طلعت قاسية شديد يعنى لازم اعملة بدقيق الذرة ولا السبب شنو ؟
وينك يا سمسماية الظاهر مشغولة
موجودة رديت عليك بهناك في سؤالك الاول بتلاقي الرد
سمسماية ياعسسسل معليش بتعبك معاى انا مالقيت الرد على سؤالى عن الاشكال ياريت اعرف الرد لانى عوزة اجربة ثانى
سمسماية ياعسسسل معليش بتعبك معاى انا مالقيت الرد على سؤالى عن الاشكال ياريت اعرف الرد لانى عايزة اجربة ثانى
ربي يسلم ان عمرو
شوفي يا غالية اول شئ لازم الزبدة تضربيها شديد لحدي ما تكون زي الكريمة
تانيا السكر لو زاد بيكون قوي والدقيق برضو لوزاد بيكون قوي ونوع الباكنج بودر
بالنسبة للدقيق لانه نوعه بيختلف فدايما تتضيق ثلاث ارباع الكمية وتشوفي اذا بتتشكل معاك
تكتفي بالكمية دي بس اذا حسيتي محتاجة دقيق اضيفي لو البيض كبير حجمه كفاية واحدة
لانه الزبدة فيها كمية ماء لكن لو عملتي السمن بيختلف
بعدين الفول بيأثر في هشاشة الخبيز بس ما كتير
جربي نص المقادير وشوفي بيطلع معاك شنو
اي سؤال حاضرة
تسلمي والله وربنا يحفظك ويديك العافية والله بالجد انا استفدت
يديك العافيه
رهيب
السلام عليكم انا طالبة والقراية شاغلاني ما بعرف اعمل شئ لكن امي ما معاها حد غيري لازم اساعدها ياريت توريني طريقة الخبيز
ربنايوفقك ان شاء الله شوفي الرابط دا
http://simsimaya.wordpress.com/%d8%aa%d8%b4%d9%83%d9%8a%d9%84%d8%a7%d8%aa-%d9%85%d9%86-%d8%a7%d9%84%d8%ae%d8%a8%d8%a7%d8%a6%d8%b2-%d9%84%d9%84%d8%b9%d9%8a%d8%af/
لو سمحت انتي خليتي المارنج ينشف لو خليتيهو ينشف كيف نشفتي ؟؟؟
استعملتي الكوب المعياري والملاعق المعياريه صح عشان عايزه اسوي وهي مظبوط
صح …. الكوب والملاعق المعيارية
تسلم يداك اختى سمسمايه ,بالصدفه دخلت مدونتك وحقيقه اعجبت بها جدا خصوصا نحن فى الغربه نحب نعمل الاكلات السودانيه والان حضرت الى السودان اجازه واخبرت اخواتى ليتابعوا جديد المطبخ معك واليوم فى جوله لعمل خبائز العيد فجزاكى الله الف خير ونفع بك اخواتك فى كل مكان وكل عام وانتى والاخوات بخير وتقبل الله من الجميع
تسلمى يارائعة حقيقى حواء السودانية بوتقة من الابداع
ابداع ياسمسماية انا معجبة بك كثيرا اتمنى من الله ان يوفقك فى كل حياتك زى ما افيدتينا كثير جدا جدا
اود المشاركة