الفول

الفول

ينقعمقدار من  الفول لمدة 12 ساعة ويغسل جيدا
اضافة 1 بلح (بنزع النوي) بتعطى لون وطعم
ويضاف الماء ويرفع علي النار
(استخدم حلة ضغط)
بعد  ان يستوي ينزع  البلح
ويضاف اليه عصير ليمون ليحتفظ بلونه الجميل

لتجهيز صحن الفول
راس ثوم  ناعم، 1/2 بصلة صغيرة
ملح، طماطم صغيرة مقطعة مكعبات صغيرة
ربع عجور مبشور ، مبشور جبنة بيضاء
شمار، زيت سمسم
الخطوات
يضاف الثوم و 1/2 البصلة (لاضافة النكهة)
والملح والطماطم والعجور وتخلط

ويضاف علي الوجه شمار وزيت سمسم
ومبشور الجبنة

15 thoughts on “الفول

  1. يا سلام عليك يا ست الكل قربت ادخل يدي لكن الشاشة حجزتني منه لول..شفتي يا سمسماية الفول دا الصحن الوحيد المامكن ارفضو و مستعده افطر و تغدى واتعشي فول سلمت يداك.

  2. والله ياسمسمايه خليتنى اعين للصحن وابكى انافى الصين بدرس
    نفسى فى فول بزيت سمسم لكن مافى فى الصين اااااااااااااااااااااااااا

  3. ماشاء الله فول معلمين بس لو عملتي معاهو طحينة او زبادي مع ليمونة وهو في النار حيكون مبالغة وتسلم الايادي

  4. السلام عليكم ياسمسماية انا@@سودانية وافتخر@@ صديقة جديدة لنج تعرفت على مدونتك قريب وماشاء الله تبارك الله مطبخك ابداع وشغللك نضيف قدمتي لينا خدمات عظيمة بدون اي مقابل انشاء ربنا يجعلها في ميزان حسناتك.

  5. والله ياسمسمة تعبت وان اجرب طريقتك في طبخ الفول ونهاااائي ماظبط عليييييييك الله وريني الفول نوعه شنو لأني تأكدت انو نوعية الفول حقي ما سمحة ياريييييت توزيني النوع قبل رمضان عشان يرسلوهو لي مع الحلو مر

    1. تسلمي يا هندود
      بالنسبة للفول ما بعرف اسماء ليه بس دائما الفول الحبته كبيرة
      لونه مائل للاخضر (بيكون جديد) دا هو الفول الطاعم وما فيه قشرة

اترك رد