المقادير:
2 كوب عدس، 2 مكعب ماجي، 1 م ص ملح
1 م ص شمار (كمون)،¼ كوب زيت زيتون
بصلة كبيرة مقطعة،بقدونس مفروم، خبر محمص
الطريقة:
في قدر يوضع العدس بعد غسله
يضاف اليه 3 اكواب ما ء ويرفع علي النار
يضاف البصل والماجي والزيت والملح والشمار
ويترك حتي يبدأ العدس يشرب الماء تم يضاف كوب ماء
ننتظر دقيقتين ويضاف كوب آخر ثم ننتظر دقيقتين ونضيف الكوب الثالث
عندما يبدأ في الغليان تخفض النار الي الآخر
ويترك ليستوي مع تحريكه كل فترة
بعد ان يستوي يرفع من النار ويترك ليبرد
نقوم بهرسه بالخلاط الكهربائي ناعماً
يضاف اليه كوب ما ويرفع علي النار حتي يبدأ في الغليان
يرفع من النار ويضاف البقدونس
يقطع الخبز وبحمص في قليل من الزيت
وعند التقديم يضاف الخبر علي الوجه
تسلم إيدك يا رب رهيييييييييييبة و مغرية جداً يا سمسمة …
عارفة يا سمسمة هنا السعوديات بيعملوها بطريقة لذيذة شديد بيسلقوا العدس عادى (وممكن تتقطع معاهو بصلة ) وبعدين بيحمروا بصلة على النار و بيضيفوا ليها طماطم وممكن مرقة والبهار حسب الزوق و بعد ما تتسبك بيضيفوه للعدس أنا جربتها كم مرة طعمها رهييييب
ام رنيم يديك العافية
طبعا العدس بكب انواعه حبيبنا
نجرب طريقتك وانت جربي الطريقة دى اكيد ح تعجبك
اعملي بروفة قبل رمضان ههههه
وان شاء الله تعتمديها
:)
العدس حلو شدييييد
تسلمي ايمو
يا سمسم اختيار موفق للوصفه دى اموووووووت فى العدس تسلم يدك
يا ام احمد العدس حبيب الكل
I love the 3adas.
بتعرفي يا امل لو لفيتو ممكن طول اليوم اكله
انا طبعا مامن انصار السيد العدس ولا عندي معاهو اي غرام بس عندي ناس بحبهم يموتو علية علشان كدا بجربها لرمضان لكن الماجي دي مامعانا بدونها بطلع كيف واذا عملتو ووضعتو في التلاجة ببغي تخين ولا بضل كما هو
الماجي دي اساسية يا ام سارة
والعدس كل ما كان فرش بيكون احلي
طبعا العدس بيتقل لما يكون في التلاجة لكن حسب سيولته الاولي
جربيهه بالماجي يا عسل لو ما بتعمل ليكم مشاكل
ابدااااااااااااااع
:)
انا ياسمسماية صاحبتة الفول قريييييييب دا لكن العدس ما اطن
ما مشكلة ياام سارة ما مشكلة (علي قول ولد اخوي)
احلي صحن فول بنزلو ليك
تسلمي ياعسل بس انحنا ناس لحم سااااااااي اعمامنا جزارين مابنحب البقوليات ههههههه
كميات من الاندهاش….تبارك الرحمن …شكلو خطييييييييييير .صحي يضع سرو في اضعف خلقو..لكن اكيد الروعة دي لانو من ايديك…تسلمي
تسلمي يا ام جنانا
فعلا يضع سره في اضعف خلقه
هههههههههههه
ووووووووووووووووووب يا شوربة العدس ابدااااااااع ما شاء الله تبارك الله تسلم ايديك و يحفظك من كل شر
شكلها خطيرة طيب مابنخت ليه قدحة او تتوم ساي
وممكن ااعمله فته ولا بس يتشرب لانو تقيل انا اسا خاتاه في النار
لا ما تقيل بيبدو كدا بس
لكن لو حسيتي تقيل زيدي موية
لانها بتشرب
جربتها قبل وفي رمضان كانت سيدة المائدة طعم ولا اروع رهييييييييييييييييبة انا المابحب العدس شربتة كورتين ههههههه خلي الناس الثانين
اهم حاجه انا بعملها للعدس القدحه
يعني تعملي الثوم المهروس في الزيت على النار لحدي مايحمروتضيفي ليهو العدس
منهل انا برضو بعمل القدحة شوفي الرابط
http://simsimaya.wordpress.com/2009/06/19/%d8%b9%d8%af%d8%b3-%d9%85%d8%b7%d8%a8%d9%88%d8%ae1/
واو جربت الوصفه و طلعت تحفه ما شا الله تشكرى كتير علي الوصفة