حمص(كبكبي)،بصل، ثوم، فلفل اخضر
بيضة، ملح، فلفل، كزبرة،بقدونس مفروم
باكنج بودر، سمسم محمص
زيت غزير للقلي
الخطوات:
ينقع الحمص في الماء لمدة 10 ساعات
يغسل ويصفي من الماء
يقطع البصل والفلفل والثوم
يفرم الحمص ناعم
يفرم الخضار
ويخلط مع الجميع
يضاف الملح والكزبرة والفلفل والبقدونس والبيضة
يضاف السمسم والباكنج بودر
ويخلط الجميع
وتترك من 10-15 دقيقة
تشكل اقراص وتقلي وفي الزيت
وتقدم
هيييييييبه
رهيييييبه
يمي يمي جنااااااان
واااااااااااااااااااااااااااو الطعمية سودانية………نكهة سودانية رائعة تسلمي سمسماية يا رائعة
انا كنت فاكرة الواحد يستنى شوية بعد التتبيل بس يأجل الباكنج باودر لغاية اللحظة الأخيرة قبل التحمير مباشرة”… وللا شنو!!!؟
كلامك صاح يا لبني بس دا بيكون في الكمية الكبيرة
عشان الباكنج بودر ما يقعد كتير في العجين بيخليهو يجيب موية
عشان كدا تقسمي منو وتعملي حبة حبة
بس في الكمية الصغيرة يعني في رميتين بتتنتهي الكمية ما بحتاج
:)
ايمو اسيا زينة
ربي يسلمكم من كل شر
تسلم اليد الصنعته
راااااااااائعة وعلي فكرة الطعمية دي عقدتي الوحيدة مابقاومها بس في السعودية طعمها غير تطلع من نفسك المطاعم السودانية مابعملوها حلوة واللة اشتهينا حقت السودان تسلمي
تسلمي يا ام سارة
تعرفي انا بحبها لدرجة بعيدة ممكن في الغدا اكلها :)
رهييييييبه ياسمسمه عايزه ليها خبز حاااار ورشة جبنه سودانيه وكباية بيبسي باااارد ممممممممممممم 0000تجننننننننن000
تسلم ايدك ياعسل
ياسمسمه انا بضيف ليها 2 مك كستر (والله مابمزح) بتخليها رهييييييبه بس ماتضحكي فيني هههههههه
ههههههههههههههه
والله ضحكنت تعفي لي
لكن الكاستر عند معذباهو عذاب شديد
لكن بجرب فيها الكاستر
:)
هههههههههههه انا داخلة اضحك بس
هههههههه طبعا انا كنت خايفه من ام ساره000انا شايله معاي نشا وكستر للسودان مع انه البلد مليااااااانه لكن ماعايزه امشي ويدي فاضيه
مرات بسلق الجذر وبعجن الطعميه بموية الجذر وببشر فيها جذر فريش بتكون مغذيه وجميله
تسلمي غاليتي سمسمه
يا سمسم والله مافى احلى من كده تسلم يدك
تسلمي ام احمد
مشتااااااااااااقين
sim sim
wallahi ana breedk llah keda okl mrah i log in to see the (6b7’at you posted tslm yadek ya 3zezti
رائعه سلمت اياديك
ياسميه حصل جربتي البطاطس المسلوقه مع الطعميه؟
جربيها واديني رايك يعني وصفتك دي ضيفي ليها بطاطس صغيره مسلوقه ومهروسه وملعقه كبيره دقيق وتكون العجينه لينه شويه دخليها التلاجه تتماسك شويه واقليها بتطلع رائعه
[جنااان يسلمو
رهيييييييييييييييييييييييييييييييييييييييييييييييييييييييييييييييبة
سلامات يا سمسمايه تسلم الايادي وربنا يديك العافيه علي المجهود الجبار ده
لو سمحتي ممكن المقادير بالتفصيل للطعميه لانو نحن تعلمجيه لسه
والله قلت افتح اي حاجة واتذكر زكرياتنا الجميلة انا وسمية وام اماسي وزينة بديت اقرأ في التعليقات وبضحك من جوة قلبي كأنكم معاي في البيت افتقدتكم كتيييييييييييير بس موجودين في القلب دايما
السلام عليكم عزيزتى أنا عملت طعميه وإتفتفتت فى الزيت لمن رميته هل إذا الكبكبى قديم بأثر فى الطعميه ولا أكون كترت البيض لأنى ما كترت الباكنج باودر عشان لو من الكبكبى أرميه وأجيب واحد تانى لأنو طول معاى
وعليكم السلام
غالبا من الكبكبي والبيض بيخليها تماسكة ما بيفتتها
وبرضو لو الزيت بارد بتتفتت لكم برجح نوعية الكبكبي
معليش سؤال غريب، الكبكبي و الخضار بتفرميها بشنو؟
بستخدم محضرة الطعام (الفود بروسيسر)
تسلمى يا سمسماية
سؤال سريع : السمسم المحمص يعنى شنو و بعمله كيف ؟ ولكى شكرى
السمسم العادي دا بتقلي او تحمصي في النار لحدث ما يشقر لونه
تسلم يدك ياأستاذه وحقيقه انا عروس اتعلمت منك حاجات ربنا يزيدك يارب
سلامات عملتها ام طلعت رهيبة النوع الفي الغدا اتكل داك
سلام وشكرآ على الاجتهاد جربتها رهيبه تسلم الافكار والايادي
مرحباً سمسمايه يا اختى بسالك ليش يطلع في الزيت زي رغوه الصابون وكمان بسال فيه كثير يعملوا بدون بيض وما تتفتت معهم ليش يتفتت في الزيت
اهلا وسهلا
بالنسبة للزيت في نوع زيت بيعمل رغوة والبيض لو في الحاجات البتتغلف بالدقيق والبيض برضو بيطلع رغوة وفعلا في ناس ما بتعمل بيض وبتطلع برضوة حلوة لكن اهم حاجة نوع الكبكبي …. في نوع جيد ولما تفرميه بيكون متماسك وفي نوع بيكون قديم لما تفرميه بيكون ما لامي ودا هو البيتفتت في الزيت وبرضو لو قعد كتير في الفريزر
سمسماية تسلمي على وصفاتك الرائعة ويديك العافية وربنا يجزيك كل خير..بس عندي تعليق بسيط على الطعمية سمعت انو لمن تفرمي مع الكبكبي حاجة خضراء(كزبرة او بقدونس او شمار) بخلي الطعمية سوداء بعد التحمير مابكون لونها فاتح عشان كدا يفضل اضافتها لمن تجي ترمي الطعمية مع البيض والحاجات التانية..ولكي تحياتي
تسلمي
يا سمسم انت يا ظريف تسلم اديك والله يديك العافيه
بس لو اتكرمت ممكن المقادير ولو بالتقريب انا عافه انو على حسب الشخص ما يخب زياده بصل ولا كد ….بس انا ما حصل عملتها وعاوزه مقدار ابدا بيه بكره رمضان كل ينه وانتتم طيبين وتسلمي يا ستهم
الطعمية جميلة جدا ومشهية يسلمو الايادي …. بس حبيب اسال هل ممكن تتعمل بالفول المقشور ولا مامكن ؟؟ ولو بتتعمل ياريت الطريقة .. وشكرا علي الوصفات الجميلة دي
طبعا ممكن بالفول المقشور والباقي نفس بقية المكونات
وبالفول احلي واطعم
زمان الوالدة الله يرحمها كانت بتعملها لينا بالفول المقشور
رهيييييييييبة يسلمو ايديك
رائعه حقا