المكونات:
4 اكواب زبادي (علبة كبيرة)، بصلة متوسطة، 3 رأس توم
فلفل اسود حب، عود قرفة صغير، م ك ملح، 2 م ك دقيق
1- ½1 م ك مطحون الارز، م ك سمن بلدي
الخطوات:
يقشر البصل ويشقق علي ان تحتفظ البصلة بتماسكها
يشقق الثوم ويوضع الفلفل والقرفة في مصفي صغير
(يمكن استخدان شاشة نظيفة)
يخفق الزبادي بمضرب السلك جيدا
وتضاف الية البصل والفلفل والثوم
يغطي باحكام ويوضع في الثلاجة ليلية كاملة
في اليوم التالي ينزع الثوم والبهار من الزبادي وتترك البصلة
ويصب في وعاء عميق وتضاف المقادير الجافة
ويحرك حتي يمتزج
ويرفع علي نار هادئة مع التحريك المستمر
حتي يثقل قوامه ويترك لينضج مع التحريك من وقت لآخر
بعد ان يصل مرحلة النضج تنزع البصلة عن الملاح
تضاف اليه م ك سمن بلدي لاضافة نكهة مميزة
مع التحريك حتي تمتزج تماما ويترك دقايق قليلة
ويرفع عن النار مع التحريك بخفة حتي لا يجمد الوجه
ويستمر التحريك حتي يبرد
[…] ملاح الروب الأبيض […]
عزيزتي سمسماية الله يديك العافية وشكرا على الموقع الجميل والوصفات الرائعة مشاركة لأول مرة
ماشاءالله تبارك الله ماشاءالله تبارك الله ماشاءالله تبارك الله
لا أعرف كيف اصيغ لك شكري ايتها الزهرة المتفائلة
اترين صياغتها سهله كما صياغة التقارير والمذكرات الطويلة
ام اصيغها من الالف للياء ام من الياء للالف .
اصبحت جميع الحروف عاجزة عن تمثيل وترتيب الكلمات
ان اطال شكري في مدحك فلا تعجبي
فانه ليس من الغريب مدح المبدعين امثالك .
ام اماسي راسي بقي كبيييييييير
غلبني اشيلو
رقبتي ح تتكسر الحقوني
:)
ام اماسي ان عجزت الكلمات في مدح المبدعين كما تقولي
فاذا زال تعجبي من عجزها في وصفكم
اختي الغالية تبرهن الايام لي عن معدنك النفيس
واصالتك فقد تعلمت منك اشياء كثيرة
في المطبخ وخارجه
فلك التحية
ياريت لو تعرفي مكانتك عندنا ياسمسمه 00والله كان قلنا فيك الشعر كللللللله وكملناهو في مدحك يامبدعه00
وسلامتك من كسر الرقبه والشر بره وبعيد عليك ياستنا
ومعددننا انت نفضت غباره بعطاءك بابداعك واهتمامك ومعاملتك الراقيه التي تدل علي انك انسانه رااائعه بمعني الكلمه000نحن ماقدمنا ليك شئ بس كلامك ده من تواضعك 000 وياريت نقدر نجازيك
روووووووووووووووووعة اهادا دربي علية مدام فية بيت في الثلاجة وبكرة بعملوا تسلمي ياغالية
بس ما تبيتي معاهو في التلاجة يا ام سارة
ههههههههههههههههه
هههههههههه اللة يستر
حااكتبو في الدفتر طوالي وانفذوا في اقرب وقت ان شاءالله
طيب مطحون الارز دا ممكن اطن الارز بسمتي براي في البيت ولا بشتروه جاهز
معليش ياجماعة انا جديدة في المطبخ
تسلمي ياسمسمة
سا ام احمد الارز بيكون مطحون
ناس السعودية بيوروك بيكون وين
بيكتب علية أرز مطحون
وفي هالة العدم
تبلي الارز لحدي ما يبقي ابيض وتغسليه وتصفيه من الموية
وتخليه يجف تماما واسحنيهو ناااااعم
بينفع
بالجمبة
نحنا هنا بقي عندنا تصدقي؟
شرفتينا كثير لانضمامك معانا يا ام احمد وانشاء تستفيدي معانا واكيد سمسماية اول من تدخل بترد عليكي
وانا كمان سعيدة بالانضمام ليكم تسلمي ياام سارة
سمسمايه بعدكلام ام اماسي مااااااافي كلااااااااام
يا ام احمد دقيق الارز موجود بتلاقية موجود جنب السميد وجوز الهند والعبوة حقتة قدرهم ومكتوب علية دقيق الارز وفي واحد للحلويات دا فية نكهات مختلفة ومكتوب علية مسحوق الارز دا مايصلح للملاح لانة بغير نكهة الملاح لكن مسحوق الارز جميل ونكهة رهيبة في الفطير والحاجات المقرمشة وليكي التحية
سمسمايه عايزين ملاح الويكاب000000تسلم ايدك
ويكاااااب مرة وحدة ؟
والله وصيت للويكاب لما يجي بعكلو ليكم ان شاء الله
انشاءالله ماااااااانعدمك ياغاليه0000تسلمي لينا ياستنا
سمسماية ازيك ان شاءالله كويسه انا زايره جديده واتمني اواصل واستفيد منك لانه وصفاتك ساهله وفي متناول يدنا ربنا يغطيك .
ام التيمان الدار دارك ابقي جاي
هدفنا انها تكون في متناول اليد
ودي شهادة اعتز بيها
:)
مشكوووووووووووووورة وما قصرتي تمنياتي باليوفيق دائما.
اهلا تاتا
ربنا يوفق الجميع
وخليك قريبة معانا
مشكوووووووووووووورة وما قصرتي تمنياتي بالتوفيق دائما.
ازيك ي ست الناس يا سمسمايه
اها انا الليله دايره اكرب نصي واسوي ملاح الروب بس عندي استفسار الاول انو زوجي قال لي لو خليتي الزبادي البلد دي (انا برا السودان) يبيت ببقي مر شديد ومابتاكل (منظراتي كبير ههه)
وتانيا مابكب ليهو ويكه؟؟ عشان انا كنت بشوف خالاتي بكبو معاهو ويكه ياريت تفيديني سرييييييييييييع
غايتو حاجننك جن عشان انا جديده علي المطبخ وانتي وقعتي لي في جرح
ومشكوره الف مره
اهلا ام نور بالنسبة للزبادي انتي ح تخليهو يبيت جوة الثلاجة
بعدين الويكة في ناس بتعملها لو عايزاها اعمليها لكن رشه بس
وانا بفضل يكون بدون ويكة لانو الدقيق والارز بيأدو الغرض
:)
جنني زي ما عايزة
اقول ليك اقتراح لو الزبادي مر شديد
اتخلصي من الموية منه
تجيبي كيس قماش (بولستر) مثلا وتكبي الزبادي فيهو وتختي الكيس في مصفي فوق شئ عميقة وتدخليه التلاجة تخلي الموية تتصفي
بيبقي عندك خلاصة تقيلة ممكن بعد داك تضيفي حليب وتحركي بمضرب سلك لحدي ما تصلي القوام العايزاهو
ورمضان كريم
تحياتي
ياست الناس
طلع رهييييييييييييييييييب مبالغه لما انا اتخلعت انا بحبو شديد طبعا ملاح الروب دا تسلمي يارب ويديك العافيه
عملت برضو سلطه البازنجان وعملت البيض بالصلصه وعملت سلطه البطاطس والليله حاعمل البطاطس بالقشطه
ماعارفه اشكرك كيف اي شئ عملتو طلع احلي من التاني وعملت برضو البطاطس الحاره بالجد طلعت روعه
والله ماعارفه اشكرك كيف انت بالنسبه لي اصبحت زي اختي وربنا يديمك ويجعلو في ميزان حسناتك بركه الشهر الكريم دا
تسلمي ام نورة والله شرف لي ان اكون اختك ومبسوطة لانك جودتي الشغلة ودا معناها انت اصلا ست بيت تمام بس شوية ثقة
وتبقي ميه ميه
ورينا خبر البطاطس بالقشطة
اكلك روعة ياسمسماية لكن كيف طريقة الاشتراك
تسلمي يا ايمان عندنا صفحة للزوار ممكن تكتبي مشاركاتك فيها
مودتي
والله فتحت الصفحة بالصدفة كنت بفتش طريقة عمل المشبك
وسبحان الله لقيت وصفات بالجد روووووووووووعة شديد
تسلمي
تشكري
:)
شكرا يا سمسمة والله انا نفسي في ملاح الروب ده من زمن بس ما كنت عارف المنتدي ده كده حا اعمل ملاح اجدع مرة في ابوظبي ما تعمل زيه وحا اوريك النتيجة تسلمي يا غالية
ربي يسلم ان شاء الله
ننتظر النتيجة
انا سعيدة بالانضمام ليكم وبروعة وبساطة وصفاتك
ابداااااااااااع ولله ربنا يديك العافيه
بالمناسبه انا زعلانه منك شدييد
كتبت ليك فى كام موضوع واستشاره وما رديتى على
الف شكر
اللة يديك العافية يا سمسماية ام وضاح وودة
سلامات يا سمسمايه سؤالى هل صحيح ممكن اضع مرقة دجاج فى الوصفه .
المرقة نكهتها قوية انا بفضل انك ما تضيفيها
رهيييييييييييييييييييييييب تسلمي الرز لازم اغسلوا وانشفوا ياسمسمايه
تسلمى اكتير ياسمسمايه
تسلمي.هسة بعملو ويارب يظبط
دا حالتو ملاح روب وكان عملت كمونية تقولو شنو المرة الطباخة بختبروها بالكمونية
ماشاء الله انا بتعلم منك انشالله
شكرا ياسمسماية واللة الناس استفادت منك كتيروربنا يديك الصحة والعافية
أنا عزابي مقيم بالامارات،،، جديد،،،
كنت متعود في السودان علب اكل البيت الجاهز،،، وعمري ما فكرت يوم،، اني ح دخل المطبخ،، ولا حتا املح فول…حتا اتينا هنا للامارات،،
مملت من الوجبات الموجودة والبرياني وغيره…وأصبحت لأ اكل،، وتدهورت صحتي من كثرة شرب الشاي،،…
وفي يوم من الأيام (الجوعة حكمت)..دخلت النت،، كتبت في قوقل،،،..
احلا اكلات سودانية…اتتني عدة مواضيع ،،، هداني قلبي الا سمسمايا..
فدخلت ووجدت كل الاكلات السودانية وكيفية صنعها،،.
بصورة مبسطة وجميلة وواضحة بالصور،،..،
بدأت بسلطة الأسود،، جبت المقادير كلها،،، ولأول مرة ادخل المطبخ،،،
ومعي لابتوبي،،،.
اقرا من اللبتوب الخطوات وانفز بالحرف الواحد،،…
حتا انتهيت،، وكانت رائعة،،، روعة سمسماية،،،…
الله يديك العافية ياارب،، أنا مدين لك،، بالكثير،،، مهما كتبت لأ استطع ان اوفيك حقك،،،…أنا أصبحت طباخ جيد بفضل وصفاتك،،.
تعجبت صراحة،،، من صاحب الموقع،؟،، من سمسماية؟،،،
دخلت وقرأت القصة وكيف بدأت مع والدتها،، وكيف تعلمت،،
أصبت يألدهشة،، من زوق سمسمأية وحبهأ للخير،،،..
ربنأ يجعلوأ كلوأ في ميزأن ىحسنأتك.
وتسلم ايدك،،..علي الاكلات الطاعمة دي،،،…
يا ريت كل الرجال زيك..بس للأسف هم ما عيزين يتعلمو آى حاجه..و لو خلاااااااص أبدعو..بعملو القطر قام
تسلم ايدك يا سممسم والله استفدت منك كتتتتتتتتتتتتتير الله يحفظك لينا
تسلمي يدك ياسمسماية وربنا يجزيك عننا كل خير
عملتو يا سمسم وطلع رهييييييييييييييييييييييب … تسلم يدك والله وجزاك الله عنا كل خير
سؤال على الماشي …
ملاح الروب دا الا اعملو طازة ولاممكن اجهزو ويبيت في التلاجة واسخنو تاني يوم …
أحسن طااااااااااااااااااازة
شكرا
سمسماية
……………………….
عملت أحلى ملاح روب فى تاريخ العيله ههههههههه
الله يديك لمن يرضيك يااااااااااااا رب .. بيضتى وشى مع أخواتى ^_^
جزاك الله خير نفسي فيهو وﻻ انا وﻻ مرتي ما بنعرف نسويهو لكن من بكرة بدري بقوم عليهو
[…] او ملاح الروب او ملاح الروب الابيض […]
السلام عليكم سمسمه عندى ذياده على مملاح الروب انحنا فى السودان هنا عندنا الدكوه ((الفول الابيض)) بدى طعم روعه وبتقل الملاح بدل الرز المطحون وتسلمى كتيييييييييير
تسلم ايديك يا مبدعة
مافصرتى تحياتى
طريقه مميزه لعمل ملاح الروب