المقادير:
3 بيضات،¾ كوب سكر، ½ كوب زبدة باردة
1 م ك كاكاو، 2 م ك نشأ، 2 م ص باكنج بودر
¾1 كوب دقيق، فانيليا، رشة ملح
الطريقة:
تخلط كل المقادير الجافة عدا السكر
تخفق الزبدة والسكر والبيض والفانيليا
حتي يصبح القوام كريمي
ثم يضاف خليط الدقيق بالتدريج حتي تنتهي الكمية
استخدمت ماكينة الوافل بدلا عن ماكينة الويفر
والاخيرة بها اشكال جميلة ويكون سمك الويفر اقل
ولكن بهذه الطريقة ايضا رائع
تسخن ماكينة الوافل في درجة متوسطة
يصب مقدار من العجينة ويترك حتي ينضج
كمية العجينة قليلة للحصول علي
قطع متوسطة من بسكويت الويفر
ياسمسمه هووووووووي بعد شويه انا بجيك جوه مطبخك ده وبقرمش الدنيا كلها 0000جننتينا 000000وحيرتينا 0000 وجوعتينا 0000وشهيتينا 000وخليتينا ماعارفين نقول شنو زاتنا؟
حفظك الله ورعاك
والله يارييييييييييت تجي جوة مطبخي
اول شي بقالدك وسلم عليك وبعدين بخليك تعملي العايزاهو
انا زعلانة عشان ماعندي ماكينة تلعبو بنفسي التعبانة كدا مخاصماكم لمدة 3دقائق
عمل لايقاوم بكرة كان اللة اداني العافية بمشي بشتريها
عشان حركاتكم دي
ياالله ياسمسمه دمعتي عيوني00 والله انا لو فضلت اسلم عليك سنه مااببل الشوق وتسلمي ياعيوني
ياام ساره موتيني من الضحك اتجهجهتي جنس جهجهه 00 انا باذن الله بكره بجري جري وبشتري الماكينه وتسلم لينا سمسمه
لو ممكن عايزه طريقه الدونات بتاعت الماكينه وبرضو الكيك بتاع الماكينه وجزاك الله كل خير
سرورة مرحب بيك اختي
طلباتك اوامر
دونات بماكينة الدونات
المقادير
كوبين دقيق كويتي
اربع حبات بيض
ملعقة صغيرة بكنج بودر
ملعقة فانيليا
نص كوب زيت
نص كوب سكر
كوب حليب او اربع ملاعق حليب جاف مع كوب ماء
في الخلاط او في العجانة نخفق البيض مع السكر والفانيليا ثم نضيف الزيت والحليب
ننخل الدقيق مع البكنج بودر مع رشة ملح
نضيفهم الي الخليط السابق في الخلاط تدريجيا حتي يمتزج كل الخليط
نجهز الة الدونات ونجعلها ساخنة
بملعقة بلاستيكية نبدا بالغرف بكمية مناسبة فى كل فتحة ولانجعل الخليط يسيل نغلق الالة حتي تنضج حبات الدونات
نخرجها برفق ونحفظها فى اناء بلاستيكي
نجهز التغطية
شكولاتة في حمام مائي نغمس طرف الدونات في الشكولاتة .
وبالهناء والشفاء
تسلمى ياحبيبه والله يديك العافيه ويزيد حب الناس ليك
توتا العسل لك التحية
وربي يعافيك ويعطيك حتي يرضيك
السلام عليكم ورحمة الله تعالى وبركاته
اخواتي العزيزات الراقيات ، انا مشتركة جديدة معاكم في المدونة دي لوتسمحلي الاخت سمسماية بكدة ……….. بصراحة انا زيكم مهتمة جدا بمجال الطبخ وتجريب الوصفات الجديدة ……… ودخلت المدونة هنا بالصدفة كنت بتش علي وصفة مزبوطة للفطير السوداني …….. وطبعا فرحت جدا لما لقيتها هنا في المدونة المميزة والممتازة دي ……. وفرحت اكتر واتشديت ليها لما قريت كلماتكم البتعبر عن بنات راقيات ومميزات وبيحبو الحياة و” ايجابيات” …….. ودي اكتر حاجة شجعتني اني اشترك هنا واشارككم بمعلوماتي المتواضعة عن المطبخ ………. فياريت لوتسمحولي اني اكون اخت ليكم في الله وانشاءالله حتلقوني هنا طوالي بعد كدة ……. لانو الواحد مابيصدق يتعرف ليهو على ناس مايحس انو بيضيع وقتو لما يتكلم معاهم ويتونس ونسة هادفة ويفرق على روحو في الزمن الصعب دة ………. وأكييييييييييد بخص بكلامي دة كلو الاخت سمسمايا طبعا لانها هي صاحبة الفضل في اني اعرف انو لسة الدنيا بخير من خلال المدونة دي ………… اجمل الامنيات بالتوفيق ليكم في حياتكم ……….و…. إلى لقاء …………
تحفة يا سمسمة بس الماكينة دى ألقاها وين
تسلمي يا كوثر
الماكينة موجودة لو انت برة السودان بتلاقيها بكثرة فى المولات
انت وين بالضبط عشان الحريم ديل يقولن ليك
:)
السلام عليكم
طريقتي في الويفر كاس دقيق كاس نشا كأس زيت
نصف كأس سكر بودرة نصف م ض باكنج بودر 6بيض
فانيليا
وعليكم السلام زكية
نجرب طريقتك شايفه النشأ كتير
بيكون هش صح؟
والله ياسمسماية استفدت منك كتيير وجربت معظم الوصفات وخاصة الخبائز ومشكورة وجزاك الله خير
الويفر طلع لين ماهش وتخين وعملت كل المقادير بدقة .اعمل شنو. بللللللللللللللللليز ردي انتي او احد المشاركات لاني عايزة اعملوا الان وشكرا
أهلا لموية كل سنة وانت طيبة
غريبة انه طلع قوي المهم ممكن تقللي كمية الدقيق خليها كوب وثلث الي كوب ونص
بمعني جربي كوب وثلث واعملي وحدة اذا مشي الحال اوكي والا زيدي باقي الدقيق
وشوف بيطلع معاك ايش …. دايما كمية الدقيق هي البتأثر
في الاول لما يطلع بيكون رطب شوية خليهو لما يجف
ان شاء الله تتوفقي
السلام عليكم اخت سمسماية اهنيك علي مدونتك الرائعة ولو سمحتي دايراك توصفي لي بسكويت النشادر
بكل مقاديره وطريقة عمله لانه بعمله كل مرة بيطلع لي تخين
لو سمحتي توصفي لي واكون شاكرة ليك
وعليكم السلام ورحمة الله
لقيتي البسكويت مش
:)
سلااااااااااااااااااااام على سمسمه زي قلت ليك ليه الفخر انك سودانيه جدددددددددددددعه مرسي خالص بس ممكن احشي الوفر واحطهم طبقتين علي بعض ولا اكده احلى
تسلمي يا غالية
الويفراحلي يكون بشكلة دا واذا حشيتي ح يكون سميك وتاني ح ياخد حشوة
اكثر لانة السطح ما مستوي كدا بيكون دسم لكن لو ممكن تقطعيها صغيرة وتجربي
بس انا بفضل يكون بدون حشو لانه طعمة مميز
شكرا سمسمة وربنا يجعله في ميزان حسناتك جد انا استفدت كتير من مطبخك ده …ممكن لو ما عاوزة كاكاو ابدل محلة دقيق ولا نشاء ولا ايه ؟
ممكن طبعا تستبدلية بالدقيق بنفس الكمية
ربنا يتقبل ان شاء الله
واللة انا بدعي ليك من قلبي بالصحة والعافية والتوفييق مشششششششششكورة
مشكورة :)
شكرا ليك كتير ياسمسمة
وربنا يديك العافية
عملت الويفر… في البداية كان هش ومقرمش بعد مسافة كده بقى مرطب مع انو خليتو مكشوف
السبب ممكن يكون شنو ؟
تسلمي يا فطوم بالنسبة للرطوبة علي حسب يمكن المكان الانت فيهو مرطب او في مطر
لو خليتيه كاشف وجف كويس العلبة البتحفظي فيها خلي في القاعدة مناديل ورق تمتص الرطوبة وفوق البسكويت برضو واقفليها
السلام عليكم
انا عملت الويفر بنفس طريقتك وبماكينة الوافل ويصراحة طلع روعة اشكرك عزيزتى الغالية ورينا ما يحرمنا منك ومن ابداعاتك وانا كنت ماخدة طريقة منال العالم لكن يصراحة ما حا اعمله تانى الا يطريقتك
وتسلمى
انا بشكركم كتيييييييييييير اخواتي بس عايزه انضم ليكم
\
اهلا وسهلا بيك
سلامات سمسمايه
مشكووووووووره كتييير
دايره اعرف عجينة الويفر دى بكبوها كب ولا بفردوها ولا كيف بتعاملو معاها
بكبوها يا ميمي بسي ما تكبي العجين كتير عشان ما يرفع ليك الغطاء
انت بببتكوني بعملي العجين كتير
السلام عليكم انا بشكركم كتيييييييييييير اخواتي بس عايزه انضم ليكم
بجد المدوانة روعة وفيها حاجات مبالغة
اهنيك سمسمة علي مدونتك الرائعة ولو سمحتي دايراك توريني يعني شنو نشا
شكرا ليكي كتير وصفاتك روعة
عايزة افضل نوع سمنة لعمل الاشكال والبتي فور انا بستخدم اصيل وفي زبدة في الحلواني من ناس كابو استخدمتها مرة لكن عايزة اشوف رايك سمسمة وشكرا ليك علي الوصفات الروعة
ي سمسمة سؤال هو الفرق بين الوافل و الويفر شنو!!
الفرق كبير الوافل بيكون سميك بتأكل مع العسل والزبدةاو النوتيلا اما الويفر بسكوت وعنده ماكينة مخصوص بتخليه رفيع ممكن يتحشى بكريمة الزبدة حقت البسكويت المحشى او بيتلف قراطيس للآبسكريم