المكونات:
2 كوب دقيق، 1 كوب لبن خاثر، ¼ كوب زبدة زائبة (باردة)
3 بيضات مفصولة،م ص كربونات، ½ م ص ملح
2-3 م ك سكر،م ص قرفة مطحونة،م ص فانيليا
الخطوات:
لعمل اللبن الخاثر نحتاج الي كوب حليب يضاف اليه م ك خل ابيض
يترك لمدة 10 دقائق
يخفق بياض البيض حتى يجمد
ينخل الدقيق والملح والكربونات
يخف صفار البيض والسكر واللبن والفانيليا والقرفة والزبدة جيدا
يضاف الدقيق تدريجيا حتى تنتهي كمية الدقيق
يضاف بياض البيض ويقلب بخفة
تسخن ماكينة الوافل في درجة متوسطة
يصب مقدار من العجينة ويترك حتي ينضج
يترك ليبرد ويقدم
يمكن اضافة نقاط من الشيرة عليها
سمسم يا ملهمتي الليلة اقوم علي الماكينة وانفض عنها الغبار
طريقتي اقرب للكيكة العادية بس بتكون تخينة شوية
بعدين شوية جوزهند فوق الشيرة يعطي نكهة
وشغلك كل الجمال يا مبدعة
دمتي عزيزة علي قلبي
ملهمة عدييييييل كدا
ياستي تسلمي ويسلم قلبك
يا كل العز
تسلمي يا مبدعه
تسلمي غادة
ويسلم حضورك
والله عجييييييييييييييييييييب اها والماعندو ماكينة الوافل ف خيار تاني
ههههههههه
يواصل في الرجيييم يا ام سارة
بندة قريب منك امشي جيبي وحدة :)
مودتي
حمدا لله على السلامة يا أم سارة … الماعندو ماكينة وافل أحسن يواصل ريجيم (:
هههههههههههه
عسل عدييييييل يا ام لينة
رديت عليها زي ردك :)
واللة موتيني من الضحك ياام لينة اللة يسلمك كيف اخباركم
أم سارة ظريفة دايما بحس بيها بتتجهجه مع كل وصفة جديدة …. أسمعي يا أم سارة هسه قلت لأم أماسي الواحد ما يحرم نفسه من حاجة وياخد من كل بستان زهرة … أفتكر ده حل وسط .. وبعد ده زي ما قالت ليك سمسماية تمشي تجيبي الماكينة من بنده .
والله ماااااااقصرتي فينا00 ياسيدة العطاء 00تعطي وتعطي ولاتنتظرين منا الجزاء 00ترسمين اجمل فن للطهي وتسطرينه باناملك البيضاء000ياسمسمه يارائعه لك منا كل التقدير والوفاء 0000دمتي لينا ياغاليه
حاااااااجه رهيييييييبه وتسلم الايادي يارب
الله الله ..الوافل طلع مواهب وفنون
قربت تبقي شاعرة يا ام لينه
ههههههههههههه
اللبن الخاثر ياسمسمه سره عجيييييب في عمل الخبايز والبسكويتات والكيك 00عندنا جارتنا في السودان بتييع خبايز للاعراس تحححححححفه وسرها اللبن الخاثر في الكعك والمنين00 وكمان جمادة اللبن بعدما تجمعها بكميات بتخلطها وبتضيفها لمقاديرها 000 وخبايزها مااااذقت زيها ابدا 000 ومشكوووووووره علي الوصفه الرائعه
كلام صح عجييييب
لكن جمادة اللبن انا بلمها بعملها سمن
بسيحها مع قرفة حبه حلبة وتديها نكهة كدا ما عادية
وبعمل بيها الخبيز والعجب الكعك
بيكون مميز ودا سر الكعك (الصاقعة)اخذت من الوالدة الله ريحمها
اي يزول ياكل منو بيقول لي نفس النكهة كعك أمك
ربنا يتولاها برحمته :(
الله يرحم والدتك ووالدتي وجميع أموات المسلمين والمسلمات …..زي ما بقولوا المصريين اللي خلف ما ماتش وربنا يقدرنا نعمل ليهم الصدقات الجارية وندعو ليهم…
وااااااااو ياسمسمه اسرارك صاقعه 000اضافة الحلبه دي ماعارفاها لكن خالتي الله يرحمها كانت بتعمل سمن بالجماده تحففففه بس من غير حلبه بتغليها بالمويه وبتعمل بيها كعك العجميه رووووعه 00 ربنا يتولاهم برحمته ويسكنهم فسيح جناته امين
بالمناسبه ياسمسمه العائله فيها شعراء كتار 00لكن اختك شعرها مرات ونسه ساااااي000 لكن غايتو مرات بضبط شوييييه كده و بجي مع الرنه 00 ومرات بخرم شويه (هههههههههه)
يعني الكلام المدوزن دا ما جايباهو من بعيد
يلا كدا يوم بدل الوصفة اينا دندنه
:)
هههههههه موتيني من الضحك ياام لينا 00اختك (شاعره )بتكتب شعر الحبوبات الله يرحمهم وبغفر ليهم 00وتسلمي
الله يرحم الجميع الاحياء والاموات _ يأخ نفسي ارجع السودان بس بي دخولي عندكم حسيت نفسي في السودان عشان الغربه عذاب وزهجت خلاص من الوحدة وجفا ناس بلدي في الغربه _ وياسمسمة ربنا يحفظك وماننحرم من طبخك _ وتحياتي لأم سارة و ام لينا و ام اماسي _وتقبلو مروري
ام بودي مرحب بيك
والله يسعدنا انك تكوني متواصلة معانا
ما شاء الله مجموعة رائعة من الاخوات الزول بيكسر الروتين بيحس
في بلدو مع اهلو وناسو
وخايك معانا
هسي ام اماسي وبقية العقد الفريد يجو يرحبو بيك
؛
السلام عليكم و الله اتحفتينا . بس داير اسال ممكن بعد التسخين امسحوها بي شوكلاته او مربة فراولة ؟
موقع روعة تسلم الايادي