المقادير:
5 كوب دقيق، ½ كوب سكر، ¹⁄3 كوب زيت
2 م ك لبن بدرة، 1 م ك خميرة/ 1 م ك كاستر
½ م ص ملح، ا بيضة
½1 كوب ماء دافئ
الطريقة:
توضع جميع المقادير الجافة في وعاء وتخلط
يمزج البيض والزيت جيدا ثم يضاف الي الدقيق
ويعجن حتى نحصل علي عجينة مثل فتات الخبز
يضاف الماء وتعجن جيدا
ويستمر في العجن لمدة 10-15 دقيقة
حتي تصبح العجينة متماسكة وناعمة
تترك لتتخمر وتتضاعف لمدة ساعة تقريبا
وتقسم حسب حجم القوالب
وتترك مرة اخري لمدة ½ ساعة
تخبز في فرن متوسط الحرارة حتى تصبح ذهبية
تترك لتبرد ثم تقطع شرائح وترص علي الجهة الاخري
وتخبز حتى يحمر الجوانب
روعة يا سمية
ومتاكدة الطعم كمان روعة زي الشكل…
ده اسهل بالنسبة لي من خميرة اللبن
ححاول قريب اعمله باذن الله
تسلم ايدك
طقطق سلااااااااام كبير كيفك
تسلمي
فعلا ساهل خميرة اللبن صعبة بس حلو بيها
ربي يسلمك
:)
سلام ياسمسويا العسل والله اول مره امبارح ادخل صدفة الموقع وعجبنى شديييييد بس عند مشكلة مقيسا الكوب المعيارى يعنى كباية العصير وياتو واحده لانى عملت كعك وطلع ناشف شديد وعملت كوب كبير زبادى + 1ونص سمن وباكنج بادور + دقيق المخصوص كله وطلع ناشف
والله يا سمسمه الله يديك العافيه من دربي ده ماشه اعمل القرقوش الرهيب ده
لا حول ولاقوة الا بالله 000 بسم الله 00 ماشاءالله تبارك الله 0000 والله ماقادره اعبر ليك 000شويه كده وتجننينا ياسمسمايه0000حااااااااااااااااااااااااااااااااااااااااااااااااااااااجه رووووووووووووووووووووووووووووعه و ربنا يحفظك 000 يااااااااااااااااااااااااابت دي شابوره جاهزه عديييييييل 000 اجري بيها جري علي بيت حواء – ولك 000بسرعه بسرعه بسرعه000 اولادي من صراخي قعدو يضحكو علي 0000
ماشاءالله 000 ماشاءالله 000 ماشاءالله صدقيني ماقادره اعبر !!!!!!!!!!!!!!!!!!!!!!
عشان خاطري اجري بيها جري علي بيت حواء لانو بكره بلطشوها منك 000 واكتبي تحت الوصفه لااحلل بنقل وصفاتي الابذكر اسمي ارجووووووووووك يااختي ويسلمو هاليدين
ياسمسمايه الدقيق بالكوب المعياري ولا بالكوب العادي 000 والعجينه بتفرديها وتلفيها ولا بتنزليها علي طول في الصينيه
وياريت تختي لينا صور المقادير في الوصفه000 البيضه كبيره ولا صغيره 000ومشكوووووره علي الوصفه الرائعه
القياس بالكوب المعياري
والملاعق المعيارية يا ام اماسي
بعدين البيضة متوسطة :)
لما العجينة تتضاعفت
نزلتها علي سطح مستوي بدون ما اعجنها
وقسمتها بالسكين حسب حجم القوالب
مودتي
سارة بنتى زمان لكلمة وووب علينا بتقول مووووووووووووووووب علينا والليلة انا من الدهشة بقول موووووووووووووووووووووووووب علينا شى مميز وشى رهيب وعمل منظم وجميل وحقيقى ماخليتى فى الشابورة الجاهزة حاجة ماشاءاللة تبارك الرحمن وتسلم الايادى
لكن للاسف القالب الصغير هذا ماعندى لكن اكيد بشترية
كده ريحتيني خالص من خميرة ابو عديس يا احلي سمسماية في الدنيا وكالعادة شغل بشبه صاحبتوا عسل ومرتب
تسلمي يا ست البنات يا راقية واصيلة
شايفة ام ام اماسي وام سارة انفعلوا انفعال شديد طبعا نحن تجاوزنا حد الدهشة مع السمسماية ووقفنا عند الانبهار والاعجاب الامحدود (فلسفة وكدة )هههههههههه
برجع بتطبيق او بدونه
مودتي دوما والامنيات
حنين المهيره 00تحياتي حاولت كم ازورك في البلوك بتاعك لكن الصفحه ماااااافتحت معاي000 كان نفسي اشوف وصفاتك ونستفيد منك000ويااختي حنين المهيره
يقول الفيلسوف الإنجليزي سلي Sully: «إن الفن هو إنتاج موضوع له صفة البقاء أو إحداث فعل عابر سريع الزوال، يكون من شأنه توليد لذة إيجابية لدى صاحبه من جهة، وإثارة انطباعات ملائمة لدى عدد معين من النظارة المستمعين من جهة أخرى، بمجرد ان يلمح الإنسان الجمال في شيء ما، ينبثق نور غريب من داخله ونحن راينا الروعه والابداع فانببثقت الدهشه من دواخلنا
وفن الاخت سمسمايه باق ومتجدد ونحن النظاره والقارئين
اكيييييد حايثير فينا الدهشه والانفعال والجنون والصراخ ههههههههه
تسلمي عزيزتي سمسمايه 00وريحتيني لاني بفضل اشتغل بالاكواب المعياريه لان مقاديرها مضبوطه ميه الميه وتسلمي لينا
ياأم أماسى يابت ياخطيرة شنو الكلام الكبار كبار دا واللة مرات الواحد بكون محتاج كلام ذى دا وبالنسبة لحنين المهيرة انا كمان مافتحت معاى حاولت كم مرة بس للاسف مافتحت
بالنسبه للقوالب ياام ساره ماتشتري اي نوع انا جربت كتير وفي النهايه بتتخدش وتصدي اشتري فقط المكتوب عليها
prestige برستيج من هايبر بنده او كارفور غاليه شويه لكن من جودتها وبعد عمر طوييييييييل بورثورها الاحفاد 00و
واللّة ماعارفة ابدا من وين يا سماسم يارايعةوالاخوات الكريمات ما خلو حاجة نقولة ربنا يحفظك ويخليك لينا يا مبدعة سؤالى ياسماسم لو ماعندى مثلا قوالب ممكن اقطعها وارصهم زى خميرة العدس ولا ما ممكن //مع خالص ودى وحبى ليك يا مبدعة وربنا يحفظك يارب
ياام ساره 00سمسمايه من ابداعها خلتنا نقول كلام الفلاسفه
عليك وصفة القرقوش دي مش بتستاهل الفلاسفه ذاتهم يمدحوها 000بالنسبه لموقع حنين المهيره امكن فيهو مشكله ياريت تجددو لينا عشان نقدر نتواصل معاها 000 وياام ساره انا من زمان بفتش لوصفة الشابوره وجربت الكتييييييييير لكن ماضبطت معاي بالمستوي ده عموما تعالي نجربها سوا وبعداك ندي سمسمايه النتيجه 000 ولك التحيه
علي حسب خبرتي الطويله بالقرقوش ومن كثرة تجاربي وبعد اذنك سمسمايه ممكن اجيب علي سؤال الاخت سميه حسن000المعجنات اللي فيها بيض وانا هنا بقصد القراقيش والشابوره من الافضل ان تختيها قطعه واااحده وتجي بعداك تقطعيها شرايح رفيعه لانها بتكون هشه جدا000ممكن القطعه الكبيره تحطيها في وسط صينية الفرن بتاعك زي صينية سمسمايه الكبيره اللي ظاهره في الصوره علي شرط ان تكون لصيقه بجوانب الصينيه وتخليها تخمر وترتفع بتاخد شكل ذي سنام الابل وتدخليها بعداك الفرن وبعدما تبرد تقطعيها بشكل مائل ثم تحمص بعد ذلك00اسامه السيد عمل قبل كده خبز الفايش 1-2 شوفي طريقته بالفيديو وطبقيها بتطلع روووعه انا مرات بعمل اليانسون بالطريقه وبتكون روعه000ممكن تعمليها بنفس طريقة قرقوش العدس لكن بتطلع شويييه تخينه والله اعلم00و ياريت اكون افدتك
الاخت سميه حسن شوفي طريقة بيسكاتي اليانسون وتقريبا قريبه للطريقه بتاعة القرقوش اللي انا بقصدها ليك في حالة عدم وجود الصواني بتاعة خبز التوست
http://yumarama.com/blog/1810/biscotti-treats/
شكرا ليك كتير ام اماسي على التوضيح وبركة الجيتى عشان عاوزة اطلع منك الكتير وبالمناسبة جربتة اليانسون بتاعك وطلع ابداع وشكر ا شكرا ليك يالذيذة
ياام اماس اللّة يديك العافية ويخليك على الموقع الجميل دة انا عاوزة اصاحبك اية رايك لانو انا بصراحة مهوسة مهوسة مطبخ وياريت نستفيد من بعضنا والفضل كلو يرجع للرايعة سماسم واللّة ما تتخيلى انى سعيدة قدر شنو انو انضميت لسمسماية وصحبات سمسماية المخلصات والواحد يا دوب اتنفس من باقى المنتديات عشان كنا محصورين بالهجات المختلفة وتشكرات مرة تانية
تسسسسسسسسسسسلمي غاليتي سميه حسن000 وانا جاهزه تحت اي لحظه عيوني لبنات بلدي الحنان000 وفرحتيني بتطبيقك لبسكويت اليانسون 000 ولا شكر علي واجب ياست الذوق
ياسلااااااااااااااااااام اختي سميه حسن انا حاكون سعيده جدا بصداقتك والحمدلله ربنا سخر لينا منزل سمسمايه الرائع ده عشان نفيد ونستفيد وعشان نلتقي باخوات رائعات مثلكن000وانا اكثثثثثثثثثثثثثثر سعاده بصداقتكم 000 وانشاءالله حتلقيني دوما اخت مخلصه افيدكم بكل ماعندي واستفيد منكم كمان 000 وليك مني الف الف الف تحيه
هايبر بندة جنبى خطوات وبصل عندو اها بكم القالب
ام سارة لو عندك قالب الكيك الممفتوح من النص
زي حلة الكيك ممكن تعملي فيهو
نحنا ما عايزين نشتري للوصفة لو ما عندنا نشوف البديل
والقالب دا بيديك نفس السكل بس علي اسطواني
او
في الينبة المدورة العادية بتاعة الكيك
بس لما تقطعيه قطعيه مثل الكيك مثلثات بس خليها رفيعة
:)
شكرا ليك يا ام اماسي
ما شاء الله ردودك ميه ميه
الموضوع ما محتاج استئذان
دمتي غاليتي
تسلمي عزيزتي سمسمايه اهتمامك وترحيبك بينا بفرحنا كتييير ومشكووووووره 00حفظك الله
ام ساره القوالب طبعا احجامها مختلفه وتتفاوت اسعارها من 40 – 70 ريال وامكن اكتر شويه
ياسمسمايه المغتربين ديل مروقييين خلي ام ساره تشتري سااااي وكمان ماشاءالله البلد ملياااااانه بكل شئ علي قول السودانييين هو المافي شنو؟ اي شئ تختيهو في راسك بتلقيهو في اقرب محل وبارخص الاسعار0000 والقوالب دي رهيبه في عمل الكيك وكيكة الكريم كراميل والحلي صدقيني وجودها مهههههم 00000
بالمناسبه ياسمسمايه المعجنات من النوع ده ماعايزه ليها صينيه تقيله لانو من تحت مابتنضج وبتعرق وبتكون معجنه انا جربت قبل كده اعمل المعجنات بقوالب الكيك وما ضبطت معاي نضجت من فوق ومن تحت لقيتها معجنه الكيك ممكن يتحمل اي صينيه لان عجينة الكيك سائله اما المعجنات فقط في صواني الفرن او الصواني المخصصه للمعجنات غايتو كلامي ده عن تجربه 000 والله اعلم 000 مع خالص تحياتي
احتمال وانت مجربة
بس القرقوش ما زي الفطائر لانو الفطائر حشوتها بتخلي
العجينة لينة شوية رغم اني مرة عملتها قوالب الكب كيك
وكانت تمام
بس عجينة القرقوش لما تخمر بتبقي خفيفة
وان شاء الله اجرب واوريك بالتطبيق العملي
مودتي
شكرا لورد بريس :)
الذي
عرفني بمدنتك اللطيفة
سأتابع ان شاء الله
اخوك
عبدالوهاب
مرحب بيك اخي
:)
ماشا الله وبدعو ليك من قلبى تسلمى وربنا يحفظك ياحبيبه
ياستي انتي المعلمه ونحن تلاميذك وتسلمي 00
مشكورات ياستات على الردود ياسمية القالب المفتوح من النصف دا عندى معاه مشكلة اشتريت واحد كل ما اضع فية الكيك يطلع عجين من النص وقلت امكن المشكلة فى نوع القالب اخذت حق جارتى نوع اخر برضو نفس الحركة عايزة اعرف المشكلة وين؟
مرحبا سماسم كيف حالك….
عملت يا ستي القرقوش مرتين
وبصراحة عجبني المرة الاولى عشان كده عملته في التانية…
لكن اضفت عليه حوالي ملعقة صغيرة يانسون وزيها كمون اسود
وتاني مرة اضفت نقاط خل بسيطة للبيض لاني عندي عقدة البيض حقيقة…
وطلع بصراحة ولا اروع من كده في الطعم…
لكن عندي نلاحظات عايزة اسالك يمكن اقدر اتجنبها في المرات الجاية….
اولا العجين عندي ما اختمر بنفس المقدار اللي عندك
يا دوب نفخ شي بسيط خالص…
ما بعرف هل خميرتي مثلا ما صالحة او اني عملت شي غير نافع في العجن…
والنقطة التانية وهي الاهم بالنسبة لي
ان القرقوش طلع قاااااااااسي خالص خالص
مقرمش صحيح لكن قساوته مزعجة
كل من جربه عل على القساوة حقته…
فعايزة اسالك لو في مجال اني اخلي القرقوش هش شوية …
حتى لما حاولت اقلل من عرض التقطيع واقلل فترة التحميص في الفرن ما زالت المشكلة قائمة عندي…
دليني الله يرضى عليك :)
سلامات طقطق
الاضافات حلوة ما فيها مشكلة وبتدي نكهة وبعدين البيض ما بيظهر
لكن انت بتكوني موسوسة :)
يلا نجي لي النقط الثانية وهم سببهم واحد التخمير يعني لازم الخميرة تكون شغالة كويس عشان ترتفع العجينة البتكوني عجنتيها كويس لما تبقي ملساء في يدك وتسبيها تتضتعف لو نضاعفت بيكون هنا المشكلة
غيري الخميرة واعمليهه تاني لانو بالطريقة دي هش لو تلاحظي شكلها كيف بعد تستوي ظاهر عليها الهشاشة وبعدين سمك الشريحة او التحميص ما ليهم علاقة.
يعني مشكلتك في الخميرة
ان شاء الله اكون افدتك
مودتي
:)
خير يا سماسم
حجرب ان شاء الله الخميرة لحالها واشوف هل هي صالحة ولا لا…
وحابدلها واجرب تاني
لانو بصراحة اعجبني جدا جدا جدا
تسلم ايديكي حبيبة
مشاء الله تبارك الله دى شنو الحاجات الرهيبة دى والله انا طلعتا بس بعرف اقطع العيش . تسلم اياديكم وتبدعونا بالمزيد .بالمناسبة انا اخت ام اماسى
ام ريم حبيبتي نورتينا شدييييييد في مطبخنا العامر000 يللا خليك معانا وشدي الهمه و ورينا حاجاتك الحلوه000امشي علي صفحة مشاركات الزوار وشاركينا 000 وورينا وصفاتك الحلوه ناس دجاج كنتاكي وكده (هههههههههه)
وناس وصفات الدجاج المسحب بتاع الكورنيش0000يلا شدي الهمه
ياسمسمه عايزه اضيف حتة تعليق للاخت طقطق لانها شكت من قساوة وجفاف القرقوش
عشان القرقوش يكون مقررمش و هش التزمي بالاتي
1- اضافة الباكنج باودر مهم جدا جدا جدا
2-زودي كمية الزيت بتدي هشاشه00 ونقصان الزيت بتخليهو يكون قاااااسي
اتبعي طريقة العجن في الفيديو بتخلي القرقوش تحححححححفه
وسلام
[…] القرقوش2 […]
سلام عليكم
مشكوره على الموقع الرائع
عملت القرقرش وطلع رهيب بس في ريحة الزفاره بتاعت البيض
ياترى السبب شنو
غريبة يظهر ريحة زفارة؟ لانو ابيض ما كتير
كدي خليهو يبرد ويجف اكيد الريحة ح تروح
او احتمال ختيتي في بالك البيض ح تطلع معهو ريحة :)
المهم انا عملتو مافي ريحة
ممكن المره الجاية تعملي فيه فانيليا
والله قمة الروعة ربنا يجعلها في ميزان حسناتك مشكوره جداً جداً ياسمسمة .
تسلمي يا الغلا
السلام عليكم ورحمة الله وبركاته
ماشاء الله عليك وربنا يحفظك
عايزة اعرف الدقيق 5 كوب يساوى كيلو اما اقل و معيار الكوب
كيف
وعليكم السلام ورحمة الله وبركاته
استخدم الكوب المعياري (250) مل لذلك والـ(5) اكواب اقل من الكيلو
تقريبا يساوي فنجان شاي اللبن وبيكون مليان وممسوح
السلام عليكم ورحمة الله وبركاته
جزاك الله خيرا واتمني ماتقدميه ان يكون في ميزان حسناتك
نفسى فى قرقوش لى زمن وبتاع السعودية ده ماحبيت نكهته قلت لاختى جوير فى نيويورك ورينى طريقته قالت لى شوفى سمسماية وحااقوم اجربه واكيد حايطلع ظريف مادام من موقع سمسماية
مرحب كمون من ريحة الحبايب انت نشيلك جوة العين
ان شاء الله يظبط معااااااااااااك
thank u very much 4 perfect describtion and perfect deserts. taslam edek. ur sister mona from holland.
السلام عليكم ورحمة الله وبركاته
عملت الوصفة طلعت رهييييية
طبعا تسلم الافكار اول مرة اقتنع بوصفة قرقوش مع انى لسه ما جربته بس مقدار الزيت تلت كوب ولا تلاتة اكواب رجاء الرد سريع مع خالص شكرى
اهلا هاجر
ثلث كوب يا غالية
تسلمى يارائعه قرقوش الخميره جربتوا طلع روعه والكعك برضو تسلمى,سؤالى ليك هل ممكن نفس العجينه دى اشكلها ذى القرقوش ارجو الافاده ولكى تحياتى
تسلمي، طبعا يا هدي ممكن تشكليه زي ما عيزة
وممكن تضيفي ليه كمون اسود برضو
:)
اشكرك علي الوصفات الجميلة .
ممكن ترسلي لي وصفة لي بتي فور مزين بالكريمة تكون بالصورة والمقادير وياحبذا لو وصفتي لينا نوع الكريمة المستخدمة في البتي فور ومقادير الكريمة
رزاز شوفي الرابط دا
http://simsimaya.wordpress.com/2010/09/03/%d8%a7%d8%b4%d9%83%d8%a7%d9%84-%d9%84%d8%ae%d8%a8%d9%8a%d8%b2-%d8%a7%d9%84%d8%b9%d9%8a%d8%af/
سلام أخت سميه بجد انا شاكره شديد علي الطريقه القرقوش دي بس انا جربته وماطلع ظابط معاي
ام علوية كيفك
ليه ما ظبط رغم انه سهل وكتير بنات جربوه وظبط
المهم احنمال من العجن هو بيحتاج انك تعجني العجينة مدة عشان تدخلي الهوا وهو بيساعد في انتفاخ العجين بعدين
رد
ما شاء الله تبارك الله شغلك مرتب ومنظم وجمييييييييييل ربنا يحميييييييييييك ويحفظك يا رب طبعا جربتو طلع رهييييييييييييب تسلمي يا غاليه
على قول اهلنا تاهت لقيناها …………….من زمان وانا بفتش على موقع يتحفني بالمأكولات السودانية الطيبة ………بس والله ما صدقت لما صادفت هذا الموقع الشهادة لله فيهو كل ماهو مطلوب وبالزيادة ……..وصار لي اكثر من ساعة وانا اتصفح فيه بك اندهاش وسرور .أقول اشكرك فهذا قليييييييييييييييييييل.بس أقول جزاك الله خيرا وربنا يوفقك ويحقق مناك في الدنيا والآخرة. ياااااااااااااااااااااااااااااااااااااااااااااااااااارب
اختي ام محمد اتمني اكون فعلا قدرت ابرز الاكلات السودانية كما هي بطعمها المميز وشكلها الشهي وان شاء الله ربنا يقدرني اقدم كمان وكمان لك التحية :)
سلام سمسماية كيف مع الحر دا ان شاء الله تمام . بالنسبة لعجنة القرقوش دى تنفع اعمل بيها القرقوش ذى الاصابع ولا لا وشكرا على الحاجات الرهيب دى
ربي يسلمكطبعا ينفع تعمليها اصابع
السلام عليكم انا عارفه انك عملتيه رائع شكل و طعم بس انا لما قطعتو اتفت ماعارفه ليه
رائعة اريد القريوش
ازيكم يا احلى ناس كيف احوالكم سمسماية طريقة القرقوش دى ممكن اعملها على شكل صوابع لانو اولادى بحبو على شكل اصابع
اهلا طبعا ممكن تعملي صوابع ربنا يحفظ ليك عيااالك
رووووووووووووووعة
انا بؤضو اتفتت لي يا سمسمايه ما عارفه ليه
الله يديك العافية ياسمسماية جربته واتظبط معاى تمام ..القالب الاول اتفتفت استعجلت فى التقطيع قبل ما يبرد يلا القالب التانى انتظرته يبرد والنتيجة جميلة جميلة ..الله يخليك ويديك العافية والله بافخر بيك فى المجتمع وبدى روابط الوصفات للجنسيات الاخرى لما يسألونى من اكلنا باديهم المنتدى بكل قلب قوى الله لايحرمنا منك ويأجرك خير يارب.
يديك العافيه ياسمسمايه بجد ساعدتينا كتير -انا جربت الوصفه دي بس الخميرة الفوريه مانفخت العجين الحل شنو؟
اكيد بيكون من طريقة التخمير يعني السائل كان حار فقتل الخميرة أو
الخميرة ذاتها ما كانت كويسة ياريت تجربي الخميرة اولا لازم تتضاعف عشان تتأكدي من جودتها
سلام عليكم يااخت سمسماية ربنا يجعلوا في ميزان حسناتك انشاءالله انا جربتا الوصفة دي مع اختلاف بسيط عملتاها كانها خميرة لبن واضافت ليها كمون وبرمتها نفس الخميرة لانو الجو بارد عندنا وخفت الخميرة ماتنجح لي وظبطت معاي وشغال فيها من رمضان ماوقفتها
تسلمي ماجدة وبالهنا عليكم
شفته بهناااك مبالغة
سلام ياسمسم ياعسل ممكن اعرف الكوب المستخدم يعنى الكوبا لمعيارى معليش بس ياريت بالصورة لانى لاحظت حاجتى كلها بتفشل بسبب المقادير
حبيت اشكرك على الوصفات الرائعة ومدونتك من اجمل المدونات اللى شفتها فى مجال الطبخ
وجربت وصفات كتير منها ونجحت الحمد لله فجزاك الله عنا الف خير
انا جربت وصفة القرقوش اللى بدون بيض واليوم جربت الوصفة اعلاه والعجنة حسيت انها مظبوط
ان شاء الله اكمله وخبرك بالنتيجة
ماشاء الله ياسمسماية القرقوش طلع رهيييييب ولاحظت انه بفك بسرعه من بعضه لانى عملته صوابع
اكتر من العجينة اللى بدون بيض
تسلم ايديك على الوصفات الحلوة يارب
مشكورة ياسمسماية انا جربتو وطلع ابداااع
الحقونييييييييييييييييييييي المطبخ خلاص كرهتو عمي عايزة لي حاجات سهلة وسريعة
السلام عليكم ياسمسماية ممكن اعرف طريقة الناعم المحشي بالجوزهند انا سمعت انو بتعمل بالكريمة والجوز بس مابعرف كيف
ماشاء الله … ممكن اعملوا صوابع ويتفكفك من بعض وندخله تاني ؟ ارجو الرد
ممكن
شكرا على الوصفات الرائعه واتمنى لكم التقدم
سمسماية عادي نستخدم العجينة دي في هبز التوست لو سمحتي