المكونات:
½ كيلو كنافة مجمدة، ²⁄3 كوب لبن بدرة، ¹⁄3 كوب دقيق
½1 كوب ماء، 2 م ك سكر،150 جرام زبدة
علبة قشطة، مقدار 2 كوب شيرا
الخطوات:
لعمل الحشوة يوضع اللبن والدقيق ةيضاف اليه الماء
يحرك جيدا ثم يرفع علي النار مع التحريك حتي يغلظ
قوامة وينضج ويضاف السكر و يرفع من النار
وتضاف القشطة ويخلط الجميع جيدا ويترك جانباُ
تذاب الزبدة علي النار
تفتت الكنافة الي اجزاء صغيرة وتضاف الزبدة الزائبة
وتخلط جيدا حتي تختلط الزبدة بالكنافة
في صينية ممسوحة يوضع نصف مقدار الكنافة مع الضغط
يدخل الفرن لتحمر من الاعلي فقط
وتخرج وتضاف القشطة وتوزع علي سطح الكنافة
يضاف الجزء الثاني مع الضغط الخفيف
تخبز في فرن متوسط الحرارة حتي تصبح ذهبية
تخرج الكنافة وتضاف الشيرا الباردة
وتترك حتي تتشرب وتبرد
تم تقدم
بالغتي …………شكلها رهيبة وأنا من زمان عندي عقدة مع الكنافة لانها بتطلع لي ناشفة و مفتتة ….ان شاء الله أطبقها وأوريك طلعت كيف….سلام
ماشاءالله تبارك الله حاااااااااااجه روووووعه بكره بسويها وتسلم اياديك وربنا يزيدك ويرزقك ويبارك ليك
والله انتي لو بستاهلي تتويج انا اتوجك ريئسة الطبخ العالمي ياخي عقدتينا عديل تسلم يدك اتمني بالجد انا بنصحك تفتحي معهد وانا اول المشتركين ربنا يسعدك زي ما بتسعيدينا علي الطبخات الحلوه
والله خجلتيني عديييييييييييييل كدا
:)
واااااااااااااااااااااااااااااااااااااااو انا من عشاق الكنافة بالقشطة بعملها يوميا فى رمضان بس بالقشطة الجاهزه لكن بجرب القشطة المطبوخة تسلم الايادى ياسمسماية جاتنى معلومة امس انو العجينة حقت الكنافة من الدقيق والملح والماء وجربتها ماظبطت
اهلا ام سارة
اذا ضبطي قوامها بيمشي حالها
تعجنيها وتصفيها عشان لو في دقيق ما ذاب
ةتخليها نص ساعة عشات تتماسك
وبعدين تعوسيها
جبتي الكوز من وين يا هناااااااية
امبارح كنت بتكلم عن عملها بس ما عندي الكوز
كنت عملتها ليك
بقول ليك بس ماتضحكى جبت علبة الزبادى وخرمتها من تحت بالشوكة وعوستها فى الطوة يعنى موضوعى كلو تعبان هههههههههههههههه لكن قولى لية المقادير عشان انا عجنتها بطريقة عشوائية
تسلم ايدك سمسم // يا ريت لوعارفة عجينة الكنافة دلينى لانو عندى الكوز ضرورى ياسمسم وتسلمى ياعسل
تسلمي كتير ياسمسماية طبق حلو زيك يارب ديما منوره النت بجديدك وبس
الاخت الفضلي سمسماية لك كل الحب و التقدير علي هذا الجهد المقدر عبر موقعكم المفيد الذي صار ملاذنا الاول والاخير كلما اشكل علينا طبق او خلطة …اسال الله ان يثيبكم به خيرا و اجرا..فقط ارجو ان توضحي مقادير الوصفات كتاية مع الارقام لتكون اكثر اضاحا
شكرا
مرحب ام احمد
يما عرفت قصدك … هل تقصدي اصور المقادير ولا شنو؟
معليش وضحي لي اكون شاكرة
مودتي
الشيره تقيله ولا خفيفه يعني من غير اجراج عاوزين نعرف مكوناتها… وكمان لما اسقي الطبقه العليا بالشيره بعد ماتطلع من الفرف الطبقه الي تحت ح تتشرب ولا اقلبها … ردي علي عشان ناويه اعملها بكره
سلام سارة
الشيرة بتكون متوسطة بمعني مقدار الماء بيساوي مقدار السكر أو (لكل كوب سكر كوب ماء) + م ص عصير ليمون
ولو عايزة فيه نكهة ممكن فانيليا او ماء ورد او زهر
بعدين ما بتحتاج تقلبيها هي براها ح تتشرب الشيرا ولو بتلاحظي الكنافة بتفك من الجنبات بتاعت الصيمية فالشيرا برضوا بتمزل بالجنبات ل تحت
:)
ياسارة بجاوب عليكي لحدي ماترد سمسماية الشيرة كوب سكر وكوب ماء وثلاثة نقاط ليمون وانا عندي اضافة ذرة ملح ذرة1ما اكتر عشان يظهر طعم السكر وعشان الكنافة مابتكون طاعمة شديد والشيرة بعملها خفيفة عشان الكنافة بتكون مقرمشة وبالنسبة للطبقة التحت ماتخافي الشيرة بتنزل عندها وبالهناء عليكم
والله انتو ناس عسل شكرا ياام ساره وشكرا ياسمسمايه وانا عملتها وطلعت رروعه ربنا يديكم العافيه والصحه جميعا يارب
بالهنا ان شاء الله يا سارة
طيب ياحبيبه الشيره تكون خفيفه ذي المويه يعني ماانتظرها لحدي ماتتقل في النار. ولا تقيله يعني اخليها في النار فتره طويله .ارجو التوضيح لانو عملتها وطلعت ناشفه مااتشربت مهما اذيد من الشيره……….احتمال لانو الشيره تقيله شويه لانو انا دخلتا الشيره التلاجه شويه عشان تكون تقيله ……….
انا محتاره…………ارجوكي افييديني
في الاول قبل نشوف الشيرة في حاجة مهمة لازم لما تكبي الشيرة تكون باردة (ما ضروري من التلاجة) بعد تعمليها تسيبيها تبرد والول ما الكنافة تطلعيها من الفرن تضيفي الشيرة وهي سخنة
بالنسبة للشيرة ثلاث انواع
تقيلة بيكون السكر ضعف الموية.
متوسطة بيكون السكر بساوي الموية.
خفيفة السكر نصف الموية.
اها يا ستى اليوم عملتها وطلعت حلوة شديد…تسلمى يا عسلنا
mashaAllah aklk kulu raheeb. Bs kont 3ayza asalik , and almagadeer alfeeha argam ma gayana wad7a, lbn albodrah tiltten
تسلمي يا سحر لبن البدرة ايوة 2/3 كوب
نفسياااااااااااااااااااااااااااااااااااااااااااااااااااات شكرا
سؤال لست الناس دايما الكنافه من فوق بتطلع ليا ناشفه ليه؟؟؟؟عملته كل الخطوات وجربته مليون طريقه وبرضو الحال ياهو الحال….المشكله وووووووووووووين؟؟؟
في الغالب الطبقه الفوق بتكون اقل ليونة من التحت
لكن لو حبيتها لينا بعد ما تسقيها بالسكر وتشرب ارجعي اقلبيها في صينية اكبر
وما ترفعي الصينية الاصلية خليها لما تتشرب ورجعيها (اعدليها :) )
سلامات ياسمسماية فكرة تدخل الفرن عشان تحمر وبعدها نصب الحشوه وتدخل مرة اخري كنت ائما اعملها كلها مرة واحدة اكيد الطريق دي هي الاجود شكرا لك
تسلمي ياسمسماية بس انا في بلد مافيهو لبن بودرة تصدقي
ينفع الحليب ؟؟؟وكم المقدار
علي فكرة انتي زولة رائعة بالجد وكل وصقاتك ممتازة تسلم ايدك
salam alikom
thaba9te koli nasaihike wi tel3ete haylah mashaallah 3aliki fananah shokran andi talab law samahti momkin tidini mokawinate alghorayiba asoudaniya plz
ربي يسلمك شوفي ارابط دا
http://www.facebook.com/note.php?note_id=141095439283657
bismi allah
shokran habibti mathirimsh minik andi alane 9:40 masaan hajarabha halan warod alik
رهييييييييبة ياسمسماية ماشالله عليكي انا ح اعملها الليلة
بمووووت في الكنافه تسلمي يا عسل ,, ما كنت قايله الحشوه بتتعمل بالطريقة دي عملتها مره بالقشطه وطبعت القشطه اختفت هههههههههه ع العموم تسلميلي
باين عليها وصفة جميلة وحجربها انا بحشي الكنافة بالقشطة بس بعمل علبتين ثلاتة بس شكلها كدة اخف
السلام عليكم
تشسسلم ايديك وربنا اعطيك الفى بالك يارب العالمين (انا صايمه) اصبحت المرجع بالنسبه لينا فى الغربه = عتدى سوالا هل 2/3 كوب البن البودره جافه ام سايله
وشكرا
وعليكم السلام
بدرة يا غالية
السلام عليكم
تسلم ايديك وربنا اعطيك الفى باللك يارب العالمين (انا صايمه) – لانك اصبحت الملاذ لينا
عندى سوال هل كوب لبن الحليب سلئا ام بودره جافه
وشكرا تسلمى
وعليكم السلام بدرة جاف يا غالية
جزاك اللة خير وكتر من امثالك لو ممكن ياغالية وصفة القراصة بالعسل والسمن هى موجودة بس مابتفتح وشكرا
تسلم ايدك بس ممكن افتفت الكنافه بالفود بروسيسر
معليش سميت فاطمه 2 عشان لقيت في اخت اسمها زي بس
تسلمى اختى فى الله