المقادير:
8 م ك نشأ، 4 م ك كاسترد اصفر، 4 م ك دقيق ارز مطحون جاهز
12 مك دقيق عادي ، 4 بيض، كوب سكر مطحون، 2 م ك خل،
½ كوب زيت، م ك باكنج باودر، 2 م ك لبن بودرة، فانيليا،
م ك حبة البركة، م ك يانسون
الخطوات:
في وعاء عميق يخفق البيض والزيت والسكر والفانيليا حتي يصبح الخليط متجانس
يخلط الباكنج بودر واليانسون وحبة البركة والدقيق بانواعه جيدا
ويضاف الي خليك البيض حتى تتكون عجينة ملساء
يصب الخليط في صينية ويخبز في فرن متوسط الحرارة حتى يحمر الوجه
يخرج ويترك حتى تهدأ حرارته وقطع الي اجزاء حسب الرغبة
يرص في صينية ويدخل الي الفرن حتى يحمر من الجهات الأخري
وصفة الاخت ام اماسي
شكلها جميل جدا ماشاءالله عليك ياسميه مبدعة كالعاده
تمام ياام اماسى كلك زوق ياسمية ياريت تخلى صفحة للتعارف وعشان اى واحدة عندها افكار تقولة وانتى عليكى التطبيق حتى تعم الفائدة ولارايكم شنو؟
تسلمي ام سارة
والله فكرتك جميلة وان شاء الله بحاول اعمل صفحة هنا
رغم اني عملت صفحة في الفيس بوك للمناقشات والتجارب
لكن ان شاء الله ح تكون في صفحة مخصصة لوصفاتكم
بكم استمر
مودتي
تسلم ايدك يا سمسايه والله فرحت جدا بتطبيقك للوصفه وشكلها رهيب مررررره وشكرا لام ساره وياريت متل ماقالت يكون عندنا صفحه للتعارف ونقدم فيها كل ماهو جميل لاننا نملك الكثير من الوصفات الرائعه ولانجد الا سمسايه الرائعه لتقوم بتطبيقها لكم مني كل التحايا
تسلمي ام اماسي
وزي ما قلت لـ ام سارة ح تكون في صفحة لوصفاتكم
وممكن تمروا علي الصفحة في الفيس بوك
http://www.facebook.com/group.php?gid=367324315943
ياسمسايه بالنسبه لتحمير البسكويت انا في البدايه بعلي الفرن 200 درجه مئويه وقبل ماادخلها الفرن بثواني بوطي الفرن 180 درجه اي متوسط الحراره وبخليها نصف استواء ثم اقطعها وارجعها الفرن علي درجه واطيه جدا واخليها تتحمر براحتها بولع الفرن من فوق بس ولما تتحمر بقلبها لوجها التاني وبحمرها من فوق كمان لونها بكون اصفر جميل وفاااتح ولك شكري وتقديري
برضو بستخدم طريقة تخفيض الحرارة عشان اللون
بس بحب اللون الذهبي في البسكوتات وبعض الخبائز
لانو بيدي طعم غييييييير
جدا يسعدني تواصلكم معي
بكم ولكم استمر
مودتي
ماشا الله عيك وكل مره بقول ربنا يحميك ومزيد من الابداع
ماشاءالله قمه في الروعه والابداع شغل مرتب وجميل ومنتظرين المزيد من وصفاتك الرائعه وياريت ياسمسمايه تعملي لينا الرقاق بتاع رمضان وربنا يوفقك في كل خطوه
انا من المعجبين جدا بموقعك ومطبخك يا سمسمايةوجربت العديد من وصفاتك ونالت اعجاب جميع افراد الاسرة واهمهم رب الاسرةكل وصفاتك جميله وطريقة عرضك اجمل وانشاء الله نتواصل مع بعض واوريكم وصفاتي ونستفيد من بعض ومزيد من التقدم والابداع يا سمسماية
ام رهف العسل اهلا بيك
وشهادتكم دي وسام علي صدري
يسعدني التعاونك معكم اخوات، وصديقات مدونتي
انتظر مشاركاتك
مودتي
لاتعليق ربنا يحفظ امس كان جهازى خسران يادووووووووووووب شفت الابداع
والله فقدتك قلت سارة دي دخلت ليها في شوال نشا وكاستر ولا شنو؟
ههههههههههههه
ليك وحشة
اهلين وسهلين واللة انا كمان فقدتكم انتى وام اماسى وامس اليوم طوييييييييييييييييييييييل كأنة سنة شكلى ادمنتة الموقع طبعا ام اماسى انفردت بيكى بتكون لاخلت كاسترد ولانشأ هههههههههههههههه
والله مبرووووووووووك ياام اماسى دخلتى العولمة ظهرت ليكى وصفة على النت ههههههههه وشكرا ياسمية على التواصل
ياام اماسى انتى من وين فى السودان
عزيزتي ام ساره تحياتي بالمناسبه عندي وصفات كتيره علي النت باسماء والقاب مختلفه العولمه دي من 9 سنين انا دخلتها بس الان سعيده القي الزيكم من اهلي لاني كنت متعوده اشارك في منتديات ومواقع عربيه وانجليزيه كمان ولو دخلتي النت باسم ام اماسي بتلقي الكتير من مشاركاتي ولا فخر ده غير الاسماء الثانيه المشاركه بيها لك تحياتي
بس وصفاتي في النت كلها نشا وكاستر ههههههه
ماشاء الله ياسمسم ابداع واناقة ليست بجديدة عليك
ومشكورة ام اماسي
ونصيحتي لك ام اماسي اركزي علي لقب واحد وابدعي
وترفعوا الراس يا بنات بلدي
تسلموا
مشكووووووره هنوها علي الكلام الحلو البفرح القلوب ربنا يجعل ليك السعاده والفرح في كل خطوه
هنوها اضاءة الصفحة
ياصاحبة الاناقة والابداع يا انت
ما شاء الله ام اماسي وام سارة حريم تماااااااااااااام
تسلم ايدك ياسمسم انتى وام اماسى ومزيد من التفوق ومنتظرين الكتير
سمسمايه نفسي اعرف سر الخل شنو في الوصفه
مرحب افراح
استخدام الخل ذي الليمون في بعض الوصفات زي البسكويت والخبائز بيشيل ريحة البيض
وفي بعض الوصفات زي الكيك بيخلي البيض متماسك وبي كدا الكيكة بتكون منفوخة لانو بستخدم كبديل لكريم الترتار
سلام سمسماية
والله ده علم تقيل …. أنا جبت كريم الترتار ده قبل سنة عشان وصفة معينة وبعد داك ما عرفت الباقي أعملو بيهو شنو..!! طيب وظيفة دقيق الأرز في الوصفة دي شنو؟
عندي سؤال تاني: لمن تقولي ملعقة كبيرة تقصدي ال tablespoon ؟ وهكذا الملعقة الصغيرة…..
مرحب لينه
دقيق الارز بيدي طعم ووبيخلي مقرمش
بالنسبة للسؤال الثاني فعلا اقصد ما ذكرتي
مودتي
معليش السؤال جاء متاخر الملعقة الكبيرة دى مقصود بيها حقت الشاى الكبيرة ولاحقت الشوربة وياريت الرد سررررررررررررررريع
ام ساره
انت القياسات المعيارية ما عندك؟
اختفي رجلك لحدي بنده :) ْْ بتلاقيها
ولحدي ما تمشي المقصود
ملعقة الاكل مش الشوربة
بس بتكون ممسوحة
:)
ههههههههههه واللة امس كنت فى السوق ماجبتهم مشيت اشوف قوالب الشابورة بس لقيت خفااااااااااااف ورخااااااااااص لكن برجع تانى وبجيب الملاعق معاى
ياسمسماية عملت بسكويت اليانسون2 وطلع رهيب بس السكر كثير ممكن اعمل نصف كوب عشان مع الشاى
طبعا السكر دا بيعتمد علي المذاق
لو حسيتي الكوب كتير ممكن ينقص
اما الملح في الوصفة مافي بس
برضو تبع المذاق
مع أنى ما حسيت انو محتاج ملح
:)
ياسمسماية البسكويت دا مافية ذرة ملح
لوشفتى ملف التعريف حقى كلو اكل ومطبخك نمرة واحد فى الملف
شكرا على الرد
تسلمى يارااااااائعه عملتو وطلع رهيييييييب اديت منو جارتى الماليزيه عجبها شديييييييد وريتها ما شاء الله تبارك الله ابداعاتك فى المدونه ……ربى يحفظك واسرتك ياااااااارب
تسلمي يا ام مصطفي
ويديك العافية المثلها مافي
سلام للجميع
امس عملتا اليانسون2 وزى ما قلتى يا سمسماية لقيت العجينة لييييينة فزدتا المقادير منى عندى، لكن طلع 100%
سؤال: الملعقة المستخدمة المعيارية؟؟
تسلمو كلكم وفى ميزات حسناتكم يا رب
الملعقة المستخدة هي المعيارية يا ام شهد
سمسمة سلامات…عاوزه اعملو الليلة عشان ابو براءة بيريدو شديد…انا دايما بعمل الاول والليلة عاوزه اجرب 2…بس ما عندى دقيق رز…عندى ممكن اطحنو واستعملو؟؟؟ولا اخت بدلو دقيق؟؟؟ما تتأخرى عليا فى الرد…معليش تقلت عليك…
ممكن تطحنيه وكمان بعدين بيكون فيه قمشة لان ما حيكون زي الجاهز
وبرضو ممكن تستبدليه بالدقيق
سؤال تانى …التطبيق انزلو كيف فى التطبيقات؟؟
نزلبهو في الفيس بوك وانا بجيبه هنا
والله شغل جميل جدا سمسمايه تسلمي
تسلمي يا اماني ان شاء الله
allllaaaah…min zaman w ana bafattish 3la wasfat baskaweet alyansoon ..allaila di 7a amshi a3malo ..taslami ya simsimaya…..7ajatik raaaw3aa…..
يا سلااااااااااااااااااام عليك ماشاءالله ربنا يحفظك بي الجد انت روووووووووووووووووعه
يا سمسمايه عايزة أشكرك على الخدمة القدمتيها لي، لحدي حسي عملته الكعك الناعم وأم علي وبسكويت اليانسون وعصيدة الزبادي، وكل حاجه أحلى وأرقى من القباله.. ربنا يديك الصحه والعافية ويريح بالك زي ما ريحتي بالي… بس دايرا أسئلك في عصيدة الزبادي، طلعت كويسة وطعمها حلو وأي حاجه، بس صاحبتي بتعملا وبتطلع معاها زي الجلي كدا وما بتتكسر بسهولة، لكن جميييله وفيها خجخجه وباونس ، بتاعتي مافيها أي حركه و بحس بيها رخييمه .. ممكن تفيدني اطلعا أقرب للجلي كيف؟
والله شكلو مشهي جدا وعاوزه امشي اعملو بس عندي استفسار ما بنعمل نشادر؟؟ لانو عندي وصفه فيها نشادر
بدون نشادر يا غالية فقط باكنج بودر
ياسمسماية والله ابداع عديل كده انا زعلانة اني ماعرفتكم من زمان
سمسمايه حبيبتي تســـــــــــــــــــــلمي على الوصفه الجميله امس شفتها وجربتها في نفس اليوم ( متحمسه هههههههه ) وطلعت جميييله ربنا يخليكي ويحقق ليك جميييع امنياتك وعجبت ابو الشباب شديد وقرر انو ما يشتري بسكويت جاهز تاني ,,الله يوفقك دنيا واخره
يسلمو غالية معليش جات متاخرة بس اكتشفة مدونتك فى رمضان وربنا يجزيك خير
اليوم تطبقتة البسكويت وطلع عجييييييييييييييييييييييييييييييب
سلام سمسمايه حابه اسألك اذا ماعندي دقيق رز ممكن اطحن رز واكمل المقادير اذا اي ياتو نوع رز مصري ولا بسمتي الله يخليك ردي لي سريع عشان عايزه اعملو
معاك زائره جديده والله كل وصفاتك حلوه شديد انا عملت الكعك الناعم وطلع رهيب جدا واليوم عملت بسكوت اليانسون واديت جارتي يمنية وعجبها شديد بدليل طلبت من المقادير تسلم يدك وربنا يحفظك لينا بس حبيت سوال بالنسبه للمقادير انا عندى كل المقاسات ممكن اى وصفه استخدم هذه المقاسات امانه رد علي والف شكر ليك
تسلمي يا غالية اكيد ممكن تستخدميها
سلام عليكم سمسمايه وشكرا كثير كثير على وصفاتك الرائعة وجزاك الله عنا كل خير ممكن لو تكرمتى فى هذه الوصفه ان توضحى لى ماذا تعنى كلمة م ك تقصدى مك اى كبايه مك ام ماذا لو سمحتى ارسلى لى ردك مشكورة
وعليكم السلام ورحمة الله
(م) ملعقة (ك) كبيرة
(ص) صغيرة
:)
البسكويت شكله رهيب. شكرًا ياسمسم بالمناسبة انتى سودانية؟
تسلمي
انا سودانية 100%
سمسم انتى سودانية؟