المقادير:
الكيكة: 2 كوب دقيق،2 كوب سكر،¾ كوب كاكاو
2 م ص كربونات، ½ م ص ملح
1 كوب زيت، 1 كوب زبادي، ½ كوب ماء
3 بيضات، 1 م ص فانيليا، 2 م ك خل ابيض
صلصة الشيكولاتة: 1 كوب سكر، ½ كوب ماء
1 كوب كاكاو، 100 جرام زبدة، م ص فانيليا
الخطوات:
يخلط المقادير الجافة وتترك جانبا
وفي وعاء عميق يخفق المقادير السائلة جيدا
تخفف السرعة وتضاف المقادير الجافة قليلا قليلا
نحصل علي عجينة سائلة نوعا ما
تصب في قالب ممسوح ومنثور عليه دقيق
تخبز في فرن متوسط الحرارة
صلصة الشيكولاتة:
يوصع السكر والماء علي النار حتي يذوب السكر
تضاف الذبدة والكاكاو مع الاستمرار في التحريك
حتي تبدأ في الغليان وترفع عن النار مع التقليب من وقت لآخر
تخفق بمضرب الكهربائي وسوف تلاحظي نوعمة ووتجانس
تترك الكيكة حتي تبرد تماما ثم توضع في الثلاجة لمدة ½ ساعة
تقسم الي جزئين وتحشي بالكريمة البيضاء (دريم ويب)
يوضع الجزء العلوي تم تصب عليه صلصة الشيكولاتة
ماشاء الله تبارك الله
الله يحفظك ويغطي عليك
طبعا مبدعة اكيد كالعادة :)
طقطق بعض من مما عندك
ربي يسلمك من كل بلاء
am ask about the sugar is it plended or nromal?
thanks
السكر المضاف سكر خشن اخت نهلة
مودتي
باين عليها جميله لكن اذا انا عملت كوب سكر بدل2 حيغير من القوام شى وبرضو اذا خففت منسكر الصلصه
علي فكره البيض بالبطاطس عملتو طلع رهيب وعحب ضيوفي جدا وايضا طبقت عجينه ال10 دقائق مع النقانق واللحمه المفرومه وطاعت تحفه ربي يديكي العافيه
بس لما جيت اطبق مع الفطيره المفتوحه من فوق بعد الفرد والقطع لما جيت اطبقها علي بعض كبر ت الفتحه وما قدرت اسيطر عليها يا ريت تنوريني الله ينور طريقك ويوفقك
معليش دوختك
بالنسبة لسكر داخل الكيكة لا ما بيغير في القوام شئ
لكن بالنسبة للصلصة كمية السكر بتتحكم في قوام الصلصة
الحمد لله العجينة طلعت تما وشكلتيها كويس
بالنسبة للفطيرة المفتوة من فوق حاول خلي الفتحة ضيقة والطبقات جنب بعض مع الضغط علي الطبقة عشان تثبت
يا ستي وال يهمك
دعوتك دي براها بالدنيا
ماشاء الله تبارك الله
الله يحفظك ويغطي عليك
طبعا مبدعة اكيد كالعادة
what about the taste of backing soda
مرحب سارة
الكربونات طعمها ما بيظهر
لانو طعم الكاكاو اقوي
مودتي
ربنا يحفظك من كل شر حاجة رهيييييييييييييبة اكيد بجربها بس خل ماعندى ينفع بدونه وعندى سمن ماعندى زبدة المية جرام بالكوب كم؟لك التحية
شكرا ام ساره
لوخل مافي ممكن عصير ليمون واحدة
امابالنسبةلتيديل الزبدة بالسمن ممكن مع تقليل الكمية شوية
لانوالزبدة فيها نسبة من اللبن صح؟
100 جرام بالتقريب بتاوي اقل من نص الكوب بقليل
واديني خبرك
مودتي
سلام يا سميه انا توتا بت اخت هناء اتمنى تقبلنى فى مدونتك الرائعه وشكرا ليك ودايما مبدعه
لوسمحتى بسال عن السكر ممكن اعمل 2 ونص السكر بتاع الكيكه وتانى الكربونات دى البكنج بودرد العادى صاح معليش حاتعبك بالاسئله ايديك العافيه
توتا حبيبتي الدار دارك
ممكن تعمل السكر 2 ونص لو بتحبي السكر كتير
والكربونات غير الباكنج بودر
الكربونات بيخليها خفيفة وشكلها فيهو مسامات اكتر
وبالمناسبة طعمه ما بيظهر مع الكاكاو
تعبي ولا يهمك
مودتي
تسلم الأيادي ..
^^
الكيكة جميلة ومشهية
تشكري وردة
:)
الكيكة شكلها جميل وطعمها حيكون احلى واحلى لاني بموت في الشكولاتة تسلم يدك
والله طعمها عجبيب جدا
بس تجربيها ما تخليها تاني
مودتي
ياسمسماية الكاكاو السادة ولا الموجود فية سكر والرد سريييييييييييييييع
الكاكاو سااادة
السلام عليكم
الكيكة طلعت حلوة ولا الكيك الجاهز….. بس في جزء صغير مسك في الصينية مع اني مسحتها كويس ورشيتها بالدقيق..على كل قدرت أرقعها …..تسلمي
ان شاء الله بالهنا يا ام لينة
بيكون القالب قبل كدة مسك صح؟
المهم المرة الجاية لو قالب المونيوم اديهو ليفة لماع
ونشفيهو وادهني ورشي الدقيق
ما ح تمسك وتطلع ميه ميه
:)
really nice
مشكورة يا سمسماية …وان شاء الله أعمل بالوصية
امس عملتها طلعت عجيبة بس خزلنى الكاكاو حقى حامض شديد كويس انى انتبهت فى الكيكة عملت اربعة معالق كبيرة بس ادونى طعم جميل بس الصلصة سطها سواطة الطعم مر شديد بس غيرته عملت حليب محلى واضفت لية كاكاو للون بس يعنى بنى فاتح عشان هو مر شديد وطلعت ولا أروع ربنا يديكى العافية
ميه ميه
بتعرفي يا ام سارة اكتر حاجة بتعجبني شنو؟
التصرف السريع البيدي نتائج احلي من الاصل
كدا انت بتكوني اخدتي العلامة الكاملة
مع اكبر تحية
وطاااااااااااااالعة السلالم ما شاء الله
مودتي :)
فرحتينى انا كنت خايفة اكون راكبة الدودة ههههههههههههه
قصدى راكبة الثعبان هههههههههه
الثعبان ياتو؟ البيودي خانة البداية؟
لا سلالم بس
هههههههههههه
شكلها حلو بس انا بسال ليه مافيها بكنج باودر بصراحه انا خايفه اعملها وماتتنفخ وتخذلني
لا تخذلك لا لانو يا سارة فيها كربونات لو تلاحظي
والكربونات مفعولة معروف ما عايز كلام
توكلي وقوي قلبك
انتظرك
رهييييييييبه يا سمسه شكل جميل واكيد الطعم حلووووووو اكيد ح اعمله تسلم يدك وموفقه دايما يا رب
تسسلمي ام احمد
ان شاء الله تعجبك
شكلها لذيييذة ياسمسماية،،تسلم ايدك،،ممكن اعمل كيكة من غير بيض؟؟ان شاء الله القى وصفة عندك لكيكة وبسكويتات من غير بيض للناس العندهم حساسية من البيض،،تسلم ايدك تاني
[…] on شوربة العدسهاجر on المافن Muffinوردة on كيكة الشيكولاتةورقـ ملونـ on المافن Muffinام سارة on […]
ارجوك عاوزين نعرف الكوب المقصود في الوصفه دي هو الكوب الموجود في مقياس الخلاطه وكمان ايه الفرف بين الكوب والكاس والفنجان لانك كل وصفاتك مره كوب ومره كاس ومره فنجان معليش استحمليني عشان انا مستجده في المطبخ وحاب اتعلم منك يااستاذه يارائعه وكمان فكره الخل غريبه جدا ارجوكي ساعديني عشان انا نفسي اجربها
شوفي يا سارة كدي خلينا في الكيكة دي النفسك تجربيها
الكوب هما هو الكوب القياسي 250 مل
الاكواب القياسية بتلاقيها مجموعة من القياسات كوب وتص وربع وثلث كوب وكمان الملاعق كبيرة وصغيرة ونص وربع للصغيرة
لو ما موجود بتستخدمي الكاس وهو كاسه الجبنة السائلة الكبيرة
ولما اقول كوب (كاس) المعيار بيكون مليان للحافه (فل)
بالنسبة للتعليم طالما في رغبة بتصلي سريع ان شاء الله وانا والبنات هنا حاضرين للاستفسارات
:)
اما الخل فبيشيل ريحة زفارة البيض وخطيييييير كمان ما بتحسي انه فيها بيض
سميه كيكه رائعه ولا شك…. انا عندي وصفه تانيه بس عاوزه اجرب دي
وعندي ملحوظه ..ليه ما نضع السكر الباودر بدلا من السكر العادي في الصوص وكمان نضيف المكونات الجافه كلها خاصته وبعدين نضعه في حمام مائي انا في اعتقادي انو بنتلافي تاثير النار مباشره علي الصوص والكاكاو خاصه وفي الوقت نفسه بنلقي نتيجه اجمل …اديني رايك في كلامي مشكوره
تسلمي يا عفاف
طبعا طريقتك ممكنة بس طعم السكر غير لما يذوب في النار عن لما يكون مسحون وبعدين لما يبرد الصوص ما ح بتكتل السكر يكون مقرمش انت جربي الاثنين واعتمدي الاجمل
وياستي منكم نستفيد
ح اقوم اعملها هسى…شكلها رهيب وابو براءة وبراءة بيحبو كيكك الشوكلاته…انشاءالله تظبط معاى
بس ما عندى دريم ويب…شكلى ح اعملا بدونو…ولا فى بديل يا سمسة
لو ماعندك الكريمة ما ضروري لانها فقط للتزين ممكن تحشيها شيكولاتة وتغلفيها بالشيكولاتة ولو عندك لبن مركز ممكن تعملي بيه اشكال في سطح الكيكة …….. وخلاص
يا سمسمة صلصة الشوكلاته طلعت تقيلة شديد…ده يكون من شنووووووووو؟؟؟؟غايتو اتصرفته وخففتها بشوية مويه دافيه
السلام عليكم… طبعا الكيكه رهييييبه وان شاءالله حأجربها واعلق ليكي…
السلام عليكم يعطيك العافيه
كنت بدي اسالك انتي بتدهني قلبها بالكريمه و من فوق كمان بتدهنيا بالكريمه بعدين بتحطي عليها كمان الصوص
يديك العافية يا سميه
جربتها وطلعت مبالغة وبالاخص الصوص والله ماشاء الله ظبط ظبطة حيرنى فى روحى
انا اخدت الوصفة اليوم وحاجربها وحتنجح اكيد
كل الطبقناه منك مبالغة ياسمسومة الله يديك العافية يارائعة
ازيك ياسمسمايه0انا اول مره ارسل ليك بس والله انتى مبدعه جدا ما شاء الله ووصفاتك واضحه وبتطلع ظابطه جدا0واسلوبك فى الوصف والتصوير والرد ع الزوار رائع0واتعلمنا منك كتيير 0لكى منى كل الشكر والتقدير واتمنى اكون صديقه ليك
وصفتك جميلة وجربته وطلعت مظبوطة ربنا يحفظك ويسعدك يا رب
ممكن اعرف بتقعد كم في الفرن و على درجة حراره كم؟
شكلها حلوة انا اجربها واوريك حصل شنو
صلصلة الشوكلاتة ممكن استخدمها للكليرا؟
ممكن بس تكون تقيلة شوية
مشاء الله انتى روعه سمسماية الله يجزيكى كل خير بي بحب بسال من الخبائز لو امكن اسهل وصفه للعيد انا بعمل البتى فور والناعم ممكن تدينى حاجة خفيفه مودتى
هنا بتلاقي وصفات ممكن تستفيدي منها
http://simsimaya.wordpress.com/%d8%aa%d8%b4%d9%83%d9%8a%d9%84%d8%a7%d8%aa-%d9%85%d9%86-%d8%a7%d9%84%d8%ae%d8%a8%d8%a7%d8%a6%d8%b2-%d9%84%d9%84%d8%b9%d9%8a%d8%af/
بسل من الاشكال السهله عشان نفسى اعمل منها فى العيد ارجوكى ساعدينى مع العلم العيد دا ح اخبز انا امى ح تعاين بس هههههههههههه امتحان
وبسالك من الكنافه كيف يعملوها
وهنا كل الموصفات
http://simsimaya.wordpress.com/%d8%b1%d9%88%d8%a7%d8%a8%d8%b7-%d8%a7%d9%84%d9%88%d8%b5%d9%81%d8%a7%d8%aa/
كل سنة وانتى طيبة ياسمسماية …. عجبتنى كيكة الشكولاته بس ممكن اغير الزبدة بالسمن ؟ وبسأل برضو عن 100 جرام دى مقدار شنو بالاكواب
أقل من نص كوب بقليل
بتلاقي في السوبر ماركت صباع الزبدة الصغير 100 جرام
ممكتن بس الزبدة بتديها قوام احلي
برضو ياسمسمة بسأل عن البسبوسة حقتك عملتها وطلع طعمها حلو شديد بس مااتنفخت ذى حقت ماعرفت السبب ؟ ولك حبى وتقديرى
يمكن نوع الباكنج بودر
الله يحفظك سمية والله شكلك فنانة وانا بصراحة علاقتي مع المظبخ زيرووو وخطيبي بحب الاكل جدا ونفسي اتعلم منك ربنا يديك العافية….
كيف اخلي قوام الشوكلاتة اتقل .؟ لو حبيت استخدمها للكيلرا
تسلمي ياسماسماية ويديك العافية انا متابعة معاك من زمان وجربتة كتير من وصفاتك وكلها الحمد لله ظبطت
شكلها حلو حاجربها ان شاء الله وانا متابعة معاك من زمان وجربت كتير من وصفاتك وكلها نجحت معاي , يديك العافية .
جربت الوصفة بيحزافيرها بس الكيكة اتشققت معاي من فوق
سوسو بكون الفرن كان حر من فوق شديد و السطح بف قبل الداخل و لما الداخل بدأ النضج و الارتفاع بسبب الباكنج بودر تشققت بس اضبطي الفرن
سوسو بكون الفرن كان حر من فوق شديد و السطح بف قبل الداخل و لما الداخل بدأ النضج و الارتفاع بسبب الباكنج بودر تشققت بس اضبطي الفرن
ازيك يا سمسمايه ياعسل انا اول مره اشارك معاك وحالا ح اقوم اعمل الكيكه بس بستفسر انى اخليها فى الفرن كم دقيقه
مبدعه ياسمسماية
الكربونات دي شنو ..
شكلها حلو بس الماء بديل للحليب و100 جرام زبده تساوي كم بالكوب
أقل من نصف كوب بقلبل
هنويه ..عايزه اعرف الكريمه بتاعت تزين البتي فور بتتعمل وردات بالكيس وبتكون جافه
الكيكه حلوة
تسلمي
خاااااالتو سمسماية يدييييكي العافية شديييييد
ساعدتني فوووق ماتتصوري
انا طوالي عندي خوف من تجربة الطبق اول مره لكن معاكي كل شي سااااهل
وحأعتمد على اصنافك دي كلها في مائدة بيتي بإذن الله
انا عمري 23 سنه وزواجي قريب وبطبخ من زمان بس في أصناف ماعملتها وكنت بقول ماحأعملها عمري كلو زي الكمونية مثلا .. لكن بصراحه بعد شفتها عندك !! انا عندي استعداد اعملها من بكرا …
ساعدتيني كتييير شكرًا ليكي خالتو والله يسعدك دنيا وآخره يارب
السلام عليكم ورمضان كريم عليكم ان شاءالله
عندي صحبتي عملت الكيكة بس اتحرقت من تحت واتفرقعت من فوق ماعرفت المشكلة وين؟
معليش اتحرقت من فوق
وعليكم السلام اتحرقت لانها ولعت الفرن من فوق ولما تولعه من فوق السطح بستوي وتتقفل المسامات عشان كدا بتفرق :)
والله ياسمسمايه ماعارفه اقول ليك شنو والله انتي شكولااااااته …. طبعا جربتها وطلعت رهييييييبه ومقادريك ماشاءالله عليك مظبوطه , جربتا كم وصفه قبل كدا وماعجبتني هسي مامصدقه بالجد روووووعه الله يديك العافيه ……
Ana YA simsimaya jarrabta this cake (it was lovely) I got an indian friend she asked me to give her the recipe for this chocolate cake.. jazak ALLAH kheir – with you I am really confident Thanks
–
الكيكة دي روعة وكمان سهلة ..الله يديك العافية