المكونات:
2 كوب سكر، 2 كوب فول صحيح، 1كوب فول مدروش
2 م ك ماء، 1 م ص كربونات، 1 م ص سمن
(الفول بدون ملح)
الخطوات:
يوضع السكر في وعاء عميق علي النار حتي يذوب
تضاف الماء والسمن يترك حتي يمتزج
يضاف الفول الصحيح ويحرك
تضاف الكربونات ويحرك حتي يمتزج جيدا
يضاف الفول المدروش ويخلط جيدا
تصبي الخليط في صينية مدهونة استعملت ورق الذبدة
ويفرد بالنشاب بعد مسحه بقليل من الزيت للحصول علي السمك المطلوب
يقسم عرضيا بسكين حاد ويترك يبرد ثم يكسر حسب الذوق
كالعادة
رهيبة :)
[…] حلاوة فولية via مطبخ سمسماية by simsimaya on 4/18/10 […]
تسلم يدك ياغالية والله رهيبه اولادى بحبوها شديد اكيد بجربها السكر دا بودره؟لكن كملى جميلك واعملى لينا حلاوة مولد السمسمية والفوليه حقت الدقيق وشكرا ليك يارائعة
ربي يسلمك ام سارة
السكر خشن البدرة بيحرق سريع في النار
ان شاء الله طلباتكم اوامر اختي
جربت حلاوة فولية طلعت رهيبة وحاولت اتشاطر واعمل سمسمية لكن ماطلعت ذى حلاوة مولد طلع لونها احمر وفيها حموضة لانى عملت السكر كرميل ياريت تورينى اعملها كيف ؟لك الشكر
كلام حلو يا ام ساره
وبعدين لازم الزول يجرب وتجربة بتعلم الواحد صح؟
وان شاء الله اعمل ليكم السمسمية
حقت المولد والعاديو
سؤال بر النص
انتي معنا هنا في السودان ولا بره
مودتي
انا ياستى مقيمة فى جدة لكن انا من الدويم ولاية النيل الابيض
اهلا باهل الدويم امضينا فترة طويلة في بخت الرضا
كان يعمل ابي في المناهج التربوية
ودرست في نهر عنجة
وجزء من المتوسطة في الاميرية بنات
سمية
مودتي
بخت الرضا درست فيها الجامعه والاميريه درست فيها الثانوى انا ماحضرت المتوسطة انا الدفعة الثالثة من ناس ثامنه على العموم لينا الشرف بزيارتك للدويم وانشاءالله تتكرر تانى واكون هناك وربنا يحفظك
ماشاءالله ماشاءالله ماشاءالله عليك ياسيدة المطبخ السوداني والعالمي ربنات يحفظك وجزاك الله خير لاننا استفدنا من وصفاتك كثيرا وتستاهلي تكوني اول شيف بتلفزيون السودان لاننا حقيقة بنفتقر لهذا الابداع
تسلمى يا سمسماية زى ماقلت ليك أنا جديدة فى المدونة بتاعتك الرايعة دى و على طول بديت أجرب أى حاجة بديت بحلاوة الفولية لأنى بحبها شديد من زمان لكن ما كنت بعملها بالطريقة دى لكن بالجد تسلم إيدك و على قول الأخوات منتظرين حلاوة السمسمية
سلام ي ست البيت
عملت الفوليه اسه ومستنياها تبرد بس ممكن اعرف ليه الكربونات؟ عشان عملت لي رغوه كدا فدايره اعرف فايدتها شنو؟ وبعد تبرد نوريك الطعم كيف
ربي يسلمك
الكربونات اول شيئ بتخلي الفول والسكر يمتوجوا مع بعض
وثانيا بتكون هشة ويتدي طعم مالح مع حلاوة
تسلمي انتظرك
طلعت رهييبه
والله اكلتها لما لساني ورم هههههههههههههههه
تسلمي ي اعز اخت ويديك العافيه
بالهنا ان شاء الله
تسلم الايادى سمعت عنك كتيير من اختى ام ريم لو عرفتيها بس اول مرة اشوف مدونتك من خلال الفولية البحبها شديد وحبيت انقلا لى الموقع المشتركة فيه ..
جزاك الله خير
يا اخت ام ريم انتي قصدك ام ريم اخت ام اماسي وا واحدة ثانية اذا كان هي ياريت تساليها عن ام اماسي هي بخير وجات من السودان ولا لا اكون ممنونة
عاجزه عن الوصف ربنا يحفظك يااااارب ماشاء الله تبارك الله
علقت قبل ما اجرب كان عندى فول ما عارفه اعمل بيهو شنو وبعد ما قريت ونفذت الله يبارك فيك ذكرتينى الابتدائى بالفوليه ……يا سلاااااام عليك طلعت مظبوطه لكن بتنشف شديد كيف اقطعها مظبوبط
تسلمي انت بعد تفرديها في ورق الذبدة السمك العايزاه حدديها بالسكين دي ما في الصور ولما تبرد بتكسر معاك بسهولة
معليش الرد متأخر
مشكوووووووووووووووره على الاهتمام والرد………
جميله جدا جدا وشغل محترفين
الوصفه بتكون احلي لوقمتي باضافة نص كوي CORN SYRUP
والبديل ليهو العسل ده بخلي حلوي الفوليه تكون متماسكه ومامقرمشه شديد
شكرا للابداع
تسلمي ام آية بالنسبة لـ CORN SYRUP غير متوفر عندنا هنا عشان كدا بنمشي الحال بالموجود وبنجتهد يطلع باحسن طعم وشكل :)
تسلمي يامبدعه
اليوم عملت ال peanut brittle بمقاديرك وطلعت حلوه جدا بس قمت باضافة شوية عسل مع السكر وادتني تنيجه حلوه
بالنسبه للكورن سيرب مهم جدا في كثير من الوصفات اتمني ان تبحثي عنه بشده وتقومي باضافته لبعض الوصفات وتشوفي الروعه وشكرا مره اخري
السلام عليكم يا سمسمة بصراحة وصفاتك شكلها كلها قمة فى الروعة انا اول مرة ادخل المطبخ بتاعك بس اندهشت وعندى رغبة اجرب كل الوصفات بالجد انت رائعة
سمية حلاوة فولية شكلها رهيييييييييب ذكرتينا ايام الابتدائي,الكربونات دي ياها بيكربونات الصوديوم؟
كانت ايام الابتدائي احلي ايام مع الفولية والسمسمية والدقة
ايوة هي بيكربونات الصوديوم
الرايعة سمسمايةو بقية الأخوات
انا فتشت البقالات الكبيرة في الخرطوم و ما لاقية ورق الزبدة
دلوني لو سمحتوا
موجود ورق الزبدة فى بقالة الاحسان شاؤع الزعيم الازهرى قبل ما تصلى صينية الملتقى وانتى ماشة شرق بتكون على يدك الشمال وفاتحة حنوب
تقتل تقتل ما قدرت ما أعلق ومستنيه متين زوجي يجيب لي فول وأعملها
معليش اتلخمت مع الفولية ونسيت أقول تسسسسسسسسسسلم ايدك ومتشوقة للسمسمية بتاعت المولد وباقي الحلاوات
ودمتي بصحة وعافية
ام جاسم
تسلم ايديكي انا عملتها بس فيها مرارة ياترى ده من ايه
يمكن السكر حرق منك
او الكربونات عملتيها كثيرة
والله كنت عاوزة اعرف حلاوة المولد بتتعمل كيف والحمد لله الليلة عرفتها جزاك الله خيرا ياستى
يديكي الف عافية يا مبدعة ..
حلاوة لذيذة جدا..
وصفاتك كلها اي واحدة اروع من التانية..
بس لو سمحت تنزلي لينا وصفة الفولية بتاعت المولد الملونة و الهشة ديك!!
في ناس بيقولو عليها ( هريسة)
و لك مني كل الشكر
الفول لازم محمص؟؟