المقادير:
2 كوب دقيق، ½1 كوب حليب، بيضة
¼ م ص باكنج بودر، ذرة ملح، فانيليا
زيت للقلي، سكر بدرة
الطريقة:
يخلط الدقيق والملح والباكنج بودر
يخفق البيض والحليب والفانيليا جيدا
يضاف الدقيق تدريجيا مع الاستمرار في الخفق
تتكون عجينة سائلة
تترك ربع ساعة
تستخدم القوالب المخصصة للمشبك
يوضع الزيت علي النار متوسطة حتي يسخن
يوضع القالي داخل الزيت ومن ثم داخل العجينة
يراعي ان لا يصل العجين الى اعلي القالب
حتى يسهل انزلاق الفطيرة
تترك حتي تصبح ذهبية
يرش بالسكر الناعم
يترك ليبرد
يقدم مرشوش بالسكر او الشيرا
المشبك حاجة روعة بس ياسمسماية عايزة اعرف طريقة الفطيرة بتاع العرس
وشكرا
ام عفراء
شكرا ام عفراء
الفطير علي الرابط
http://simsimaya.wordpress.com/2008/08/06/%d8%a7%d9%84%d9%81%d8%b7%d9%8a%d8%b1-%d8%a7%d9%84%d8%b3%d9%88%d8%af%d8%a7%d9%86%d9%8a/
والله يا سمسماية الله يديك العافية عارفة انا اتعلمتا منك كتير والزول في الغربة وبشتهي حاجات كتيرة من اكلاتنا السودانية المميزة
بس كنتا دايرة اعرف لية دايما المشبك بمسك لي في القالب ما بطلع في الزيت علي طول رغم اني زي ما قلتي بنزلا في الزيت الساخن اول وليك التحية
ربي يسلمك ويرد غربتكم
لا ما تنزل علي طول يتاخذ ثواني وتنزل بعد ما تبدأ تتماسك الا اذا ارتفع العجين للحواف العليا للقالب
وممكن تحركي القالب حركة خفيفة
مودتي
واللة انتى انسانه اكثر من رائعة وزكرتينا بالايام الخوالد ايام الطفوله بالمشبك دا ايام المدارس بس وين القى القالى دا انا فى جدة وانتى مقيمه وين بصراحة انا من المتابعين جدا ليكى اول باول للك التحية
تسلمي ام سارة
والله انا في السودان وهو هنا موجود وفيهو اشكال كثيرة
ممكن تسألي معارف اكيد بتلقيهو
ان شاء الله اعمل القرقور ةالباسطة
لبن مقنن يا سلام عليك
ان شاء الله اوريك كيف ممكن تقننهو
نحن بنشرب الشاي بالبن المقنن
تحياتي
ياريت تعملى لينا الباسطه والقرقور اكون شاكره كان عندك طريقةلتقنين اللبن ذى طعمم اللبن الموجود فى الشارع اكون ممتنة
رائع ياسمسم بس برضو بسالك ليه العجينة مابترضا تطلع من القالب التقليدى يعنى من القالب الاصلي بتطلع بس بتاع السودان جبته معاي من سوق امدرمان رفض يتعمل وزهجنى ومالقيت القالب الاصلي بتاع الشركة المهم في حل للقالب
مع مودتي
ملحوظة
الله يحفظك شغلك مرتب
هنوها تسلمي ام الروائع
يمكن القالب عاوز يسلك شوية … بمعنى سخينيه في الزيت شديد
وطلعي يبرد وبعدين استعمليهو كالعادة غمسي في الزيت وبعدين العجين ان شاء الله يظبط
مودتي
مشكورة تسلمي للرد السريع وحاوافيك بالنتائج
شكله بديييييييييييييع
والله اشتهيييييه !_!
thank you w ma shaalah
تسلم ايدك ياسمسليه انا بمووووووت في المشبك ربنا يجزيك كل خير بالمناسبه ماما مرات بتضيف ليهو من 1-2 مك كاسترد اصفر بديهو لون اصفر جميل وممكن تضيفي مك نشأ ولك منا كل التحايا والتقدير
تسلم ايدك ياسمسليه انا بمووووووت في المشبك ربنا يجزيك كل خير بالمناسبه ماما مرات بتضيف ليهو من 1-2 مك كاسترد اصفر بديهو لون اصفر جميل وممكن تضيفي مك نشأ وكمان عندنا هنا في السعوديه ( الرياض) دقيق اسمه التابيوكا صيني بضيف منه مك وبطلع فظيييع ياريت نوع الدقيق يكون متوفر في السودان وتطبقيهو وتشوفي الفرق
لك تحياتي
مرحب ام اماسي
فعلا النشا بيخبيهو هش
بس الدقيق دا ما لاقاني بس بسال منو
بس الدقيق دقيق عادي ولا نوع مخصص زي النشا مثلا؟
مودتي
الظاهر ياام اماسى عندكم غرام مع الكاسترد والنشأ انا مابحب طعمة لكن فعلا بدى الوصفات لون جميل ومشكورة على التواصل
مشكوره علي الرد عزيزتي سمسايه بالنسبه لدقبق التابيوكا هو تقريبا زي النشأ بس اقوي منه شويه لانه بدي المقالي المقرمشه هشاشه فظيعه وطبيعي ميه الميه لو سويتي بحث في قوقل بتعرفي عنه الكثير والكثير وسبحان الله ياأم ساره انا مشهوره جدا في العائله بصنع الحلويات وتعرفي سر من اسراري شنو ( النشأ والكاسترد) والله ده مابحت بيهو لاي زول ههههه وحأديك وصفه للقيمات تجنن وبرضو بالنشأ والكاسترد وحاتجني فيها تقريبا كل حلوياتي داخل فيها الكاسترد والنشا بس بمقادير معينه ولو طبقتيها بحذافيرها حاتشوفي الروعه والطعامه والف شكر ليكم
وكمان يسمسايه جربت وصفتك بتاعة فطير العرس روعه والمره الثانيه ضفت ليهو نشأ وكاسترد ودقيق تابيوكا كل اللي ذاقوه جنو عليه بس يام ساره ماتضحكي فيني ههههه
واديك معلومه يام ساره الكاسترد في المقالي اللي فيها بيض بشيل ريحة البيض نهائيا جربي واحكمي ولكم شكري
ههههههههههههههههههههه يارب تحببنى فية ذى ماحبيتة ياام اماسى الكاسترد
والله شكلك لذيذه جدا ودمك شربات ياام ساره سعدت جدددددا بمعرفتك وانشاءالله تحبيهو اكتر مني هههههههه و لو عايزه وصفة اللقيمات انا بديها لسمسايه وتطبقها وتشوفي الكاستر بيعمل ايه ههههه رايك شنو ياسمسايه
والله انا الاسعد بمعرفتك ومعرفة سمسمايه لانو الناس الزيكم ديل كنوز وسمسما يه بدلت حياتنا كليا وربنا يحفظكم انشاءاللة ومنتظرة ابداعاتكم انحنا العائلة كلها سكرى والواحد تكوسية بتلغى فى شوال سكر كيف مانكون شربات هههههههههههههههه
عملت المشبك ياسمسمايه لكن ماطلع لي من القالب وزعلت شدييد لاني بحب المشبك مووووت وكمان لما الاكل مايزبط معاي بتعب نفسيا لاني بعشششششق الطبيخ واضطريت اضع العجينه في لفريزر لكن باذن الله حاجرب اعملو كتيييير لمن يزبط معاي امكن القوالب ماكويسه عموما لن استسلم لما اجيب اخره دعواتك ربنا يسهل علي ولك تحياتي
ليه الزعل عاااادي كتير الزول ما بتظبط معاها حجات بس العزيمة
الاصرار
بعدين يمكن القالب دخلتيهو لى حد الحواف الفوق والعجينة بقت كان القالب لابسها
لو شخنتي القالب في الاول في الزيت مدة وطلعتيهو برد شوية
بديتي تعملي بنفسى الخطوات اكيد ح يطلع معاك
ما اظن من القوالب
كدي جربي تاني
محشتينا امبارح
مودتي
وكمان شفتها في اليوتيوب (how to make rosette cookies) وبرضو مانفع واتبعت كل نصايحك تسخين القالب وكل حرف ذكرتيهو طبقتو وكلو مانفع علي قول جارتي ( قوالبك مخستكه) بشوف قوالب اصليه وبجرب بيها بأذن الله بس دعواتك وسلام ياست الذوق والرقي
هلا هلا هلا بالغاليه سمسمايه والله وحشتوني انتو بالاكتر لكن امبارح كان عندنا امطار غزييييييره في الرياض شلت الحركه تماما لدرجة انو اجزو لناس المدارس اليوم الثلاثاء والاتصالات امس كانت مقطوعه عشان كده ماقدرت ادخل النت بالنسبه للمشبك القوالب بتاعتي شكلها ماكويسه عشان كده خذلتني والقالب مادخلته للحواف وسخنتهه شدييد ثم بردتو وعملت بنفس الخطوات ربنا يديك العافيه ماقصرتي معاي واشكرك علي اهتماااااااامك وحاجرب مره ومرتين ويارب يزبط وليك تحيه والللللللف سلام ومنتظرين حاجاتك الحلوه
:)
سلاااااام سمسمايه اليوم عملت المشبك وظظظظظظظظظبت معاي جبت قوالب جديده استيل اصلي وطلع روووعه وذودتها 2م ك دقيق + مك كاستر وطلع يممممممي تسلم ايددددددددك ياستنا
مشكوووووووووووره سمسمايه من زمان بدور عليهو يعطيك الف عافيه وتسلم ايدك
العفو اختي
وربي يعافيك
مودتي
انا بصراحه جربتو وبرضو ما ظبط معاي المهم بالجد المشكله من نوع القوالب ما كويسه لكن كمان هنا في السودان نلقي وين قوالب ممتازه
يا ستي انا اشتريت القوالب دي
من المعرض السوري
لو المعرض فنح امشي بتلاقيها
مودتي
بصراحة نفسي اتقن المشبك ح اجرب وصفتك وشكلها رااااااائع جدا
تسلم الايادي
مرحب ساره
جربي ياستي والتجربةوالتكرار هم البتخلوك
تتقني الحاجات
ورينا البيطلع معاك
:)
السلام عليكم الفاضله سمسمايه اسأل الله ان يجزيك خير الجزاء ويجعل كل هذه الخدمه اللتي تقدمينها في موازين اعمالك انا بشوف وبتابع بصمت بس المشبك هذا عملي حالة هستيريه هههههه كل يوم اجي اشوفه واطلع بس قررت ان شاء الله اعمله مع اني مش ضليعه في مسألة الحلويات
سؤالي للأخت اماسي انا سعوديه في الرياض انتي فين لقيتي القالب بتاع المشبك ياريت تقوليلي ع المحل واكون لك من الشاكرين..
تسلمي ام عبد الله
ربنا يتقبل ان شاء الله
وان شاء الاخت ام اماسي ترد عليك ونسمع نشوف احلي تطبيق
:)
سمسماية يا احلى زولة
يا ريت لو عندك اتصال مع ام اماسى تخليها تورينا جابت قالب المشبك من وين انا برضو فى الرياض
لكى تحياتى
نوسة كيفك
الايام دي ام اماسي المفروض تكون جات السودان
وان شاء الله لما تروق ترد عليك
واذا قابلتها بسألها وبديك خبر
:)
تسلمى يا احلى سمسماية وانا معاكى هنا وفى الفيس وحانتظر ردك
سمسماية كل سنة وانتى طيبة
حبيت ازكرك اسالى لى ام اماسى او ادينى ايميلها لو سمحتى ، بحثت بشدة ولم اجد قوالب المشبك
وانت طيبة يا نوسة
للاسف الشديد ام اماسي بعد ما رجعت من السودان
ما تواصلت معانا حاولت ارسال رسالة لها لكن ما في رد منها
اتمني انها تكون بخير
انا كمان فى الرياض السعودية وحانضم للمجموعة العايزة تعرف محل نشترى منه القالب الاصلى
يا سمسمايه انا جربته حاجات كتيره وكلها نجحت معاي وكانت ممتازه تسلم يدك لان احنا في غربه وبنشتهي اكلاتنا الطيبه
تسلمي اخت حنان وان شاء الله كل الوصفات تجربيها وتعجبك :)
رهييييييب شديد
عسولتنا سمسمه ربنا يفتحها عليك دنيا واخرا
اول مره اجرب اعمل مشبك طبعا لمن قريت ردود الناس
وخصوصا ام اماسي ماظبط معاها قلت يابت انسي الموضوع
لكن اليوم قلت اغامر واهو طلع مشبك ولافي الاحلام طلع فظيع
مبالغة ولافاكر في مشبك سمسمه ههههههه بمزح
والناس الماظبط معاها تعالوا اقيفو في لصف عشان اوريكم السر في العجنه
بالجد تسلمي ياغلي سمسمه
والله جميل لازم اجربه
السلام عليكم بحب مطبخك ياسمسمايه واتعلمت منك الكتير خصوصا عمه ترباس ظبطت وطلعت احلى عمه
ياريت تدينى طريقه بلح شام يكون من غير بيض ويكون زى حق المحلات فى السودان
طبعا البيض اساسي في بلح الشام وبيخليه خفيف
بس ان شاء الله القي ليك طريقة او مكون يغنينا عن البيض
سمسمايه حبيبتى انا عارفه البيض شيئ اساسى فى بلح الشام بعجينه الشو لكن فى بلح شام بتسوى جارتى من غير بيض بتسوى بى المبشره لكن رفضت تدينى الطريقه ومشكوره على الرد انا ساكنه فى القصيم ولقيت جهاز المشبك وجربتو وطلع رررهيييييييب وشلتو معاى كنت معزومه الكل انبهر والكل طلب الطريقه وكنت مبصوطه طبعا الراس كبر ودليتم على منتداك الرائع واسفه على الايطاله
يا سماح البتعمل علي المبشرة دا اسمه اصابع زينب وفعلا ما فيه بيض
اصابع زينب
المقادير
6 أكواب صغيرة سميد ناعم
2 كوب دقيق
ملعقة صغيرة خميرة
نصف كوب زيت نباتي
نصف كوب سمن أو زبدة
ماء دافيء للعجن
ـ (قطر) ( أو شربات)
زيت للقلي
الطريقة :
نحضر وعاء نضع فيه السميد و الدقيق
و يحركوا جيدا مع بعض ثم نضيف الخميرة و السمن والزيت النباتي , و نحرك جيدا ثم نضيف قليلا من الماء الدافيء ، و نعجن جيدا حتى تصبح عجينة لينة , نتركها ترتاح لمدة 10 دقائق .
ثم نبدأ بتقطيعها بشكل كره و نحولها الى شكل الاصبع , و نلفها على المبشره الناعمه .
و نحمي الزيت عالنار و نقلي حتى تحمر الأصابع و يصبح لونها ذهبي
وازا عايزه اى حاجه انا جاهزه ومشهوره بى الحلويات والكيك والكب كيك وعجينه السكر وانواع التورتات والجاتوهات والحلويات الشرقيه والغربيه والفطائر
عزيزتى سمسمايه كيف الحال انشاء الله بخير انا عندى حاجات كتيره وعايزه انزلها فى منتداك الرائع لكن ما عارفه انزل اكلاتى كيف عايزه انزل زى ام اماسى الله يجزاها خير عندى كيكات كتيره من صنع يدى وطريقه التزيين اى زول اشوفه يقول جاهزه
bismillah
ana iktachafte almaw9i3 amse haaaail jarabte al michabaka wa al kike al isfanji thil3o hailiiiiiine shokran kitiiiiire
oum amine
تسلمي يا غالية
وان شاء الله تعجبك بقية الوصفات
ولله انا من زمان بفتش لي الوصفه المظبوطه للمشبك ولمن عملتو طلع رهههههههههههههههههيب تسلم يدك ياسمسماااااااااااااااااااااااااااااايه
نفسي اعملو لكن ماعندي القالب ده بجيبوه من السودان بس مامكن استعمل اي حاجه تانيه بدلو
ماعندي القالب ده اعمل شنو
السلام عليكم اخت سمسماية وتسلم ايدك دايماً الليلة اول يوم اخش على الموقع وسعدت جداً بوصفاتك وبالقروب كله ورمضان كريم عليكم جميعاً
شقت مشبك من غير سكر بدرة بس كانه مسقى بالشيرة او العسل لكن ما عارقة الطريقة وكان جميل واتمنيت لو اعرف كيف ببتعمل
الحاجة التانية الفطائر البتتحمر في الزيت اتمنى لو تدينا وصفات ليها واكون شاكرة ومقدرة ليك كتير
اسعدك الله يا حبيبة
المشبك موجود والفطائر موجودة ادخلي صفحة الروابط بتلاقي طلبك
http://simsimaya.wordpress.com/%d8%b1%d9%88%d8%a7%d8%a8%d8%b7-%d8%a7%d9%84%d9%88%d8%b5%d9%81%d8%a7%d8%aa/
الف الف شكرا ياسمسماية الوصفة جمييييلة جدا وظبطط معااااي تمام وكل وصفاتك جميلة ومتقنه … الله يجزاك كل خييير ويحقق ليك كل البتتمنيه يارب عندي استشاره ممكن اعمل بدل السكر شيره مشكوووووره يامبدعه
تسلمي
طبعا ممكن
السلام عليكم …سمسماية يا غالية الليلة جربت المشبك وظبط معاي الحمد لله تسلم يدك وربنا يمتعك بالصحة والعافية يااارب
السلام عليكم. ياغاليه والله عملتو من أول مره طلع تحفه مع إضافة م ص كاستر بس عندي طلب صغير ممكن اعمل بدل مقدار اللبن ماء عشان بنتي عندها حساسيه من اللبن وعجبتا أشكال المشبك وما دايره احرمها وربنا يديك العافية
السلام عليكم ورحمة الله وبركاته
لو سمحتم تدلوني من فين اشتري هذا الجهاز حق المشبك
اذا احد عنده الجهاز يبيعه يقولوا وين
الله يجزاكم خير
انت ةين اصلا عايشه
لو في السودان بتلاقي في السوق متوفر
نهارك عافية
حاجربو الليلة انشاءالله
تسلم الايادي