المقادير:
الكعك:
½3 كوب دقيق، 1 كوب سمن جامد
½ كوب حليب،1 م ك باكنج بودر
½ م ص ملح، ¼ م ص هبهان مطحون
الحشوة:
1 فنجان عجوة منزوعة النوي وناعمة،
1 ك سمسم محمص، م ك جوزهند مبشور
الطريقة:
يخلط الدقيق والملح والباكنج بودر والهبهان
تضاف السمن ويفرك بالاصابع حتي تخلط جيدا
يضاف الحليب ويعجن جيدا حتي تصبح العجينة ملساء
تغلف بنايلون وتوضع في الثلاجة ½ ساعة
في هذه الفتره تجهز الحشوة بخلط مقاديرها جيدا
وتفرد في نايلون بعد مسحه بقليل من السمن
(استخدمت الفويل ولكن النايلون افضل)
يفرد جزء من العجينة علي شكل مستطيل
نوضع الحشوة علي طوله وتلف مع الضغط جيدا
تقطع الي قطع متساوية بسكين
وترص في صينية الفرن
ويمكن نقش القطع بالمنقاش(افضل ذلك)
تخبز في فرن حار حتي تصبح ذهبية
وتترك لتبرد
ثم يضاف السكر المطحون (سكر+ قليل من مطحون الهبهان)
للقطع وترص في وعاء بغطاء محكم
هذا شكله عند التقديم
السلام عليكم جزاك الله خير علي شئ . وكل عام وانتي بالف خير .الكوب لمستخدم كوب معياري ولا شب واللبن دافي لا عادي
اهلا ام اسيل الكوب عو الشب
بالنسبة للكوب المعيارى استخدم كلمة كأس اذا كنت اقصده
واللبن يكون بارد لان السمن لو تلاحظين جامد
لك الشكر
يسلمووو هالديات سمسمايه ..
بس السكر المطحوون كثير ><
سلمت يداكي
عملتها مرتين المره الاولي طلعت كبار شديد
بس المره التانية طلعت مظبوطه
شكرا ليكي
بس عندي طلب لوسمحتي
عايزه اعرف انواع الكريما وطرق عملها بعض منها في البيت
وجزاكي الله كل خير
ربي يسلمك أم سارة
الحمد لله أنها طلعت مضبوطة معاك
بالنسبة لأنواع الكريمات إن شاء الله سأجيب طلبك
مودتي
سمسماية الله يديك العافية والله عملتو اليوم طلع رهيييييييييب بس انا لخبتا زبدة مع سمنة طلع حاجة ما تخلص يستاهلك:)
يستاهلك الخير ام احمد
كلك ذوق والله كلام دا دمع عيوني
فعلا الزبدة فيها نكهة عجيبة بالذات مع السمن النباتي\بس لو كانت سمن بلدي برضو ما بتدي الجنبك
بالهنا ويخلي ليك احمد واخوانه
مودتي
semsmayah taslm eydek wllahi ma sha2 allah wa9fa raheba
تسلمي عفاف
مشكوووووورة
ياسلااااام نفسي في جردل كعك من ايديك الحلوين 000 ممكن ترسليهو لي في الميل ههههه
ما يغلي عليك يا ام اماسي
أم أحمد قالت انها عملت جزء سمنة وجزء زبدة…هل يمكن استخدام الزبدة والاستغناء عن السمنة تماما؟ و الفرق شنو عموما في النتيجة عند استخدام أي منهما؟
نصييييييييييحه ليكم يااخواتي جربو الكعك السمسماوي ده والله العظيم اححححححححلي كعك وماااااااابتدو الجنبكم
انا عملته كتير جدا وطلع وااااااااو واعتمدته تماما 00000جربوووووووووهو وماحاتندمو
ياسلاااااااااااااااام عليكي ياسمسماية
حااجربو اكيد تسلم ايديك
ربي يسلمك يا ام امنية
وتن شا تجربيه ويعجبك كمان
سلمت يداك بنت عمي وخالي
ابدااااااااااع والله …انا جربتو وطلع رهيييييييييييييييييييييب
تسلمي كتير وماتحرمينا من جديد وصفاتك
الكعك وما ادراااااكم ما الكعك
ام امنية تسلمي وانت ما تحرمينا من طلتك
يا ريت تتواصلي مع الحريم
:)
انا قدام الكعك جرسة عدييييييييييل بس الله يصبرنا سااااااااااااكت
والعجب انا يازينه لما ازور الاهل والاصحاب ويقدمو لي الكعك بعمل فيها مجنونه عديييل بكمل الشياله كلها واقوم هههه000
لكن يازينه ماذقتي الكعك المصري بالسمن الفلاحي مووووووووووووووت في حياتي ماذقت مثل الكعك المصري
انشاءالله تمشي مصر عشان تشوفي الجرسه علي اصولها
الصيف الجاي ربنا يوعدك بالزياره لمصر طبعا الاكل عموما فيها عذاااااااااااااااااااب وكل شئ عنده طعم عجيييييييييب
0000ربنا يديك العمر والعافيه وتزوريها 000تحياتي
سمسمايه اعملي لينا كعك تاني ههههههههه
[…] كعك محشي […]
سلامات ي احلي زول
وكل سنه وانتو طيبين من اسه
انا الليله عايزة اعمل الكعك بس بسال دا كم مقدار؟ عشان اول مره عايزة اعمل حاجه بسيطه كتجربه
تانيا:العجوة مابتحتاج اي ملينات (مويه,نار….الخ) يعني حتكون لينه في الحشوة؟
وطلب اخير ياريت لو تورينا المخللات بتتعمل كيف
وانا بشكرك كتييييييييييييير علي رحابه صدرك معاي
والله ياسمسمايه بدعي ليك من جوة قلبي عشان بتتحمليني وبشكرك تاني
وانت طيبة يا ام نور يخلي ليك نور
كمية المقدار ما كبيرة ممكن تعمليها وتشوفي النتيجة
بالنسبة للعجوة ما بتحتاج لاي شئ بس تكون ناعمة لانو لو لينة بتأثر علي عشاشة الكعك لان العجينة ح تشرب ليونة العجوة وتبقي صلبة
ان شاء الله اعمل المخللات يا ام نورة
واطلبي زي ما تحبي انا حاااااااااااضرة
تسلم ايدك بس يا ريت توريني بالمقياس الكباية دي كم ؟؟؟
الكباية 250 مل
السلام عليكم
انا لما اعمل لكعك المحشى بعد ٣ يوم او اسبوع بالكتير حشوة العجوة بتبقى حجر وتنسف شديد عايزة اعرف ليه لو سمحتى
ماشاءالله تسلمى أخت سمساوية روعـــــــــــة جزاكِ الله خير
كباية العصير العادية يعني
ايوة هي مقاسها نفس مقاس الكوب المعياري 250 مل
والله لك العافية
ارجوع ان تعرفينا بعنوانك او رقم للاتصال عليكي حتي نتواصل معكي
سلامات سمساميه وكل سنه وانتى بالف خير وسلامه ,شكرا ليك كتير على الوصفات الحلوه ةالكعك الحلو .
الاخت الغالية سمسماية نفسى من زمان فى وصفة كعك عجوى. وصفتك دى تعبتنى و كسرت ضهرى لكن الكعك طلع رااائع فشكراً لك ايتها الرائعة،و كل سنة و انت طيبة. ام روان.
انا ست بيت ممتازه والحمدلله ودي شهاادة الجميع ” ورثة و الحمد لله “لكن دخلت علي الوب سايد وشكلك رهيبة وفنانة يكثر من امثالك يا سمسه وبنفخر يسك يا وطني ” لمن شوفت كلمة من السودان اتلبشت بكتب لسك من كندا يرد غربتنا الله \ بت الواعية
السلام عليكم يا سمسمايه انا جديده فى عمل المطبخ بس كل يوم بعمل حاجه من حاجاتك وبيقولو لى جميله (بس طبعا ما بتكون زى حقتك)واليوم عملته الناعم وطلع جميل بس هش شديد؟لكن طعمو حلو…انحنا اهلنا فى الدويم بقولو لي كعك العجوه دا(راحات)..ممكن تورينا وصفت الغريبه لو ممكن..وجزاك الله الف خير
تيلمي ماجدة ممكت المرة الجاية تنقصي السمن لانه انواع الدقيق بتختلف
الغريبة دا رابطها
http://www.facebook.com/notes/%D9%85%D8%B7%D8%A8%D8%AE-%D8%B3%D9%85%D8%B3%D9%85%D8%A7%D9%8A%D8%A9/%D9%85%D9%82%D8%A7%D8%AF%D9%8A%D8%B1-%D8%A7%D9%84%D8%BA%D8%B1%D9%8A%D8%A8%D8%A9/141095439283657
تسلم ايدك يا سمسمايه
انا جديده وحأكون سعيده جدا لو قبلتونى معاكم
انت في عيونا من جوة
اهلا وسهلا
تسلمى ياسمسماية انا من عشاق الكعك وان شاء الله اجربها اقبلونى معكم
تسلم يدك يااااارب
ماشاء الله ابداع برضو لواضفنا للحشوة زبده وقرفة ومستكة وشوية محلب
مساءالخير
سمسماية أنا عملت الكعك بتاعك طلع الطعم رهيييييييب والله حسّيت كأنو مشترياهو مش أنا العاملاهو بس العجينة ناااشفة تعبتني كتير في التشكيل ومشققة لكن البركة ف السكر غطي عليهو هههههههه
لوسمحتوا كيلو لبدقيقة فيه كم كباية مقاس 250 …وماعدمتكم يا اخواتي
تقريبا 8
سلمت يداك بنت عمي وخالي