المكونات:
3 كوب دقيق، 2 كوب ماء دافيء
2 م ك سكر، 1 م ك خميرة فورية
قليل من الملح، قرفة مطحونة، زيت للتحمير
شيرا أو سكر مسحون
الخطوات:
في وعاء عميق يخلط الدقيق وبقية المكونات الجافة
يضاف الماء الدافيء ويعجن جيدا
يغطي الوعاء ويترك في مكان دافئ حتى تتخمر العجينة
يصب الزيت في صاج عميق ويوضع علي النار ليسخن
تعجنن مرة اخري عجن خفيف لاخراج الهواء
يؤخذ من العجينة بأطراف الاصابع وتوضع في الزيت
مع مراعاة ان تكون بنفس الشكل والمقاس
تقلب قطع اللقيمات في الزيت حتى تصبح ذهبية
تخرج وتوضع علي ورق ماص حتى تبرد
توضع في القطر لمدة 3 دقائق تقريبا
وتوضع في مصفي للتخلص من القطر الزائد
وتقدم
يم يم .. تسلم هالديات ..
شهيتيني على هالصباح ><
ينفعكن ويكبركن ان شا الله
Mashaa Allah.shaklaha 100%. can u show us the cup u used to measure the flour and the water.
Jasak Allah khairn.
شكرا ليك ام اصيل
بالنسبة للمعيار بستخدم كباية العصير (شب)
انا حاضرة لاي لاستفسار
لك التحية
اختى بدى اعرف بعد طلعتيها من الزيت حاطيتها فين شو هاد القطر والله محتاجه تفسير؟؟؟
مرحب بيك
القطر بقصد بيهو الشيرا
يا سمسماية غلبتك معاي اليومين دي…أعفي لي….لكن أنا عندي مشكلة حقيقية مع اللقيمات (دي غير مشكلة الكنافة (; ) …. كل ما اعملها في كم واحدة كده بيطرشقوا ويطيروا لي الزيت …غلبني أعرف المشكلة شنو !!! لمن اتعقدت وخليتها كلو كلو مع اني بحبها مع شاي الصباح وبفضلها على البسكويت…تفتكري المشكلة وين ؟؟؟؟ و شكرا مقدما
ما في اي غلبة ام لينه
بتعجنيها كيف؟ حربيها بطريقتي دي
بعدين احتما يديك بتكون فيها موية بتنزل علي الزيت
لكن جربيها ربي يستر عليك
انا حاضرة للاستفسار ياستي ولا يهمك
:)
دخلت وقلت أعاتبك اني ما جاوبتي على استفساري ..ولقيتك رديتي من بدري…يا ستي والله مشكورة.. غايتو أظني بعجنها قوية شوية …أختي عملتها عندي زي العجب ما حصل أي شئ …شفتي العوارض دي.. المهم المرة الجاية ح اتبع خطواتك بالحتة وأوريك…..سلام
خمس نجمات
ان شاء الله تكوني طبقتيها يا ام لينة
تسلمي ومشكورة علي النجمات
نعم وعشان كده قلت خمس نجمات…. مع شاي الصباح كانت ابداع… أضفت لمسة أم أماسي (ملعقة كبيرة نشأ بطاطس) ….. أول مرة يا سمسماية من زمن ما تطير الزيت … شكرا
ام لينا ياعسل تسلمي لي ام اماسي يارب
جميله حاطبقها واديك رايي بس انشاءالله تظبط
عندي مشكلة لما احاول اقلبها ترجع مرة تانيه
تسلم يدك ^_^
سمسماية ياعسل…لي سنييين بفتش في وصفة مضبوطه و سهلة للقيمات…ياداب وصفتك ضبطت…شكرا يا عسسسسسسسسل :)
والله والله انتي انسانة مميزة جد جد
ربنا يديكي لما يرضيكي
تسلمي اخت سمسماية وتسلم ايدك علي كل الوصفات والمجهود الكبير … عندي مشكلة انا وزوجي بنحب اللقيمات مووووت لكن دايما لما اعملها بتشرب زيت كتير يعني اكتر من اللازم وانا عارفة وشايفة كتير لقيمات بتتعمل ما بكون فيها زيت !!! اعمل شنو
صباح الخير الاخت سمسم انا دائما بشتغل بالمقادير المعروفه والان عجنته الزلابيه سؤالى هل بتضبط معاى لاني ما بعرف كوب الشب معاك ليلى من البحرين وانا معجبه شديد بكل وصفاتك دائما بطبقها ربي يحفظك وانشاء الله اكون صديقتك ولكى التحيه
كباية الشب دي كباية العصير الكبيرة
ماشاء الله حاجة رائعة ربنا يحفظك ويخليك والله استفدت منك كثيرا
تسلم يدك دائما مبدعة ورائعة