المقادير:
العجينة:
2 كوب دقيق، 1 كوب حليب فاتر، م ك سكر
م ك خميرة، ملح، 1/2 م ص باكنج بودر
الحشوة:
لحم مفروم معصج، بصل مفروم، ثوم، فلفل اخضر
بقدونس مفروم ،جزر مبشور، جبنة (اي نوع)
بيضة مخفوقة للمسح، كمون اسود
الطريقة:
توضع مقادير العجينة الجافة في وعاء العجن
يضاف الحليب وتعجن جيدا
تكون لدينا عجينة لينة تترك حتى تتخمر
يوضع الصاج علي النار وتخبز العجينة
عن طريق اليد لتكون خفيفة
تكمل العجينة كلها لنبدأ المرحلة الثانية
تخلط جميع مكونات الحشوة
نحضر قوالب متوسطة
ونضع داخل القالب فطيرتين ويمسح بالبيض
كما بالصورة
توضع الحشوة داخل القالب على الفطيرة
توضع عليها الجبنة
تطوي الفطيرة علي الداخل وتمسح بالبيض
ويرش الكمون الاسود
تخبز في فرن متوسط الحرارة حتى يتحمر الوجه
[…] فطيرة باللحم الم… via مطبخ سمسماية by simsimaya on 5/5/09 […]
جربتها مرارا وتكرارا 00 كل مره بتطلع احلي من التانيه00
وكل من ذاقها اكد علي انه شغل 5 نجوم00
ومن شدة روعتها بقيت بعملها علي طووول00 وبقيت مميزه بيها عند الاهل والاصحاب داخله مارقه شايلاها معاي
عندي تطبيق ليها بالصور بنزله ليك قريب ان شاء الله وبقيت بحلم بيها في النوم (هههههه)
ربنا يقدرنا علي جزاك ياغاليه
والله انت يا ام اماسي بترفعي لي معنوياتي هههههههههههه
تسلمي يا ست الكل
ننتظر الصور
جربتها الليلة علي العشاء عملتها في صنية كبيرة وقطعتها ذي المطبق مربعات واللة عجيييييييييييييييييييييييبة واول مرة اعرف انو ام اماسي جربتها قولي ليها شنو الخيانات دي بالجد رهيبة
أم ساره العسل00 الفطيره دي اول طبق جربته من مطبخ سمسمايه ومن اليوم داك بقيت ماسكه فيهو قوي 00
ده واحد من اسباب سمنتي(هههههههههه) بعمله كتييير وباااااااااكل منه اكبر كميه00000ربنا يخلي لينا اختنا السكر سمسمه ويجعله ليها في ميزان حسناتها
مرات بمسح الوجه (بحليب + ملعقة قشطه )بدل البيض
مره عملتها مسكره00 الحشوه كانت ( جبنة شيدر مبشوره+ 2مك قشطه + 3 مك سكر مطحون + 2حبه كيري)
بعدما طلعتها من الفرن رشيت عليها سمن بلدي وعسل ابو اسد طلعت جنااااان
انتي عارفة انا عملتها ذي الفطير المشلتت دقيق وملح وباكنج باودر وموية وطرحها شديد وعملتها طبقات وممسحة بالزيت وطبقة محشية جبنة وطبقة لحمة وطبقتها مامسحتها من فوق رشيتها عديل بيض وحليب مع بعض مضروبات فيهم ملح ورشة كركم
شكلها يشهي بس للاسف العجنة ما اتظبطت لي ما عارفة لي مع اني عملتها بنفس الخطوات واتكسرت لي العجينة لما حاولت الفها ماعارفة السبب شنو ممكن يا سمسماية يا عسل توريني غلطت في شنو ؟؟؟لانو نفسي فيها وشرط تكون نفس حقتك هههههههه
الفطيرة دي يالجد شكلها خطييير انا حاجربها ان شاء الله واوريكم حيحصل شنو :)
جربتها مرتين كانت خطيييرة كل وحدة احلى من التانية وكمان بقيت اتفنن في شكلها ;) تسلمي يا سمسمة
ما شاء الله عليك أخت سمسماية والله قمة في الإبداع رفعتي رأسنا و المطبخ السوداني، حفظك الله ورعاك