الفسيخ علي الطريقة السودانية
المقادير:
فسيخ، بصلة متوسطة مقطعة شرايح رفيعة،م ص ثوم مفروم،
م ك صلصلة، قليل من الزيت،فول سوداني مطحون،
فلفل اخضر، فلفل اسود، كزبرة، عصير طماطم، عصير ليمون
الطريقة:
يغسل الفسيخ جيدا ثم يفرم بالمفرمة اليدوية
للتخلص من الشوك
يشوح البصل والثوم في الزيت
حتى يذبل البصل ويميل الى الاصفرار
يضاف الفسيخ الى البصل ويقلب
ثم يضاف الفلفل الاخضر بعد نزع البذر
يضاف عصير الطماطم والصلصة يقلب
يترك علي نار متوسطة لمدة 20 قيقة او حتى ينضج
يذاب الفول السوداني ثم يضاف الى الفسيخ
تضاف البهارات وعصير الليمون وقليل من الثوم ويقلب جيدا
يغطي القدر ويترك على نا هادئة لمدة 5-7 دقائق
يقدم مع الخبز والبصل الابيض والشطة
ويمكن ان يقدم مع القراصة السودانية
قربت ادخل يدي في الصحن لكن الشاشه منعتني
تسلمي ع الفسيخ السمح دي .. لكن فيه حلاة طعم
امممممممممممم
للاسف ماعندنا فسيخ عشان نعملمو …
بارك الله فيكي
ممكن تستعملى التونة بتكون جميلة كمان… مش نفس الطعم ولكن بتكون حلوة كمان
جربتها التونة وعملتها ذي الفسيخ وفعلا لذيذة بس الفسيخ مميز
بس الفسيخ المصري طعمه مخلتف تماما عن السوداني
ده حتي المصري مجفف وبعد يتعمل بتطلع في ريحه مش حلوه خالص ..
بس لما تجرب السوداني عمرك ماحاتاكل فسيخ مصري مره تانيه
عشرة على عشرة ام سارة
المشكلة إننا لما بناكل الفسيخ فى مصر بناكله من باب التغيير والإبتعاد عن الخضار المطبوخ بالصلصة والبهارات لكن بالشكل دة (هو ممكن يكون طعمه مختلف وجميل) هايكون أكلة تقيلة أوى مش مجرد فسيخ وبصل أخضر وعيش بلدى (بالردة) وليمون زى ما بنعمل هنا.
بس مايمنعش نجرب الطعم دة ,وشكراً على المجهود والتوضيح المفصل بالصور.
يعني ايه يذاب الفول السوداني هندوبه في ايه يا سمسمايه
يذاب في الماء يا اخت كوكي
:)
رووعه بالجد طريقتك وكمان تشهى انو الواحد ياكل فسيخ كل يوم ماشاءالله عليكى تسلم يدك وبالتوفيق دايما
تسلمي ام احمد
:)
انا طبعا من محبي الفسيخ وشكرا علي الوصفة
ياسمسماية اذا جبت الفسيخ صحيح وعايزة افرمة واحتف بة جاهز في الثلاجة الخطوات شنو واكون ممنونةمعليش في كلمة احتف في حرف ناقص تمية من عندك هههههه عندي خسران
غايتو ياسمسمه الله يديك العافيه تشحتفي فينا سااااي
شهيتينا شديد في الفسيخ , ما شاء الله مبالغة
سلامات يا سمسمايه الوصفه جميله خالص شكرا جزيلا
لما طبقتها فرمتا الفسيخ بالمفرمه وبرضو بعد الطبخ طلع فيهو شوك .. ما عرفتا الغلط وين افيديييينى
تسلمى
بيكون مصفي المفرمة الخارجي اخرامه كبيرة لو ناعمة ما بيكون في شوك
انا كوالي بعمل كدا ما بيكون فيهو شوك
شكرا على الرد .. وفعلا المصفى اخرامو كبيره اصلها المفرمه جديده وانا لاحظتا انها مختلفه..
يمي والله شهيتينا الفسيخ
لكن اه من وين اجيبوا
رنوش ربنا يرد غربتكم
ان شاء الله
مودتي
السلام عليكم ياعسل الفسيخ ابدااااااااااااااع عملتو والتطبيق في ملف التعريف نزلية
شغلك تمااااااام
لقيتي الفسيخ وين ؟ عندكم الاسواق موجود؟
اللة جاني من السودان انتي ناسية انحنا ناس الجبنة والفسيخ لكن جاني من منطقة اسمها الدرادر في النيل الابيض انتي عارفة جاني كتير بقيت اعمل تقلية السمك منو اعملها بالتونة واضيف ليها ملعقتين فسيخ طعم لايقاوم كانو سمك طازج
تسلم ايدك لكن خسارة انا بره السودان وما عندنا رايك شنو ترسليه لى واكون شاكرة
طوالي ما عندك مشكلة يصلك بالدي اتش ال
لك التحية
رائع تسلمي الايادي يا غاليه وان شاء الله اعملوا واجي اديك خبر
الاخت سمية
اولا اشكرك جزيل الشكر على مجهودك الانتى بتبزليه لاجلنا ولفائدة المراة السودانية . بالجد بالجد انا معجبة جداً بوصفاتك الرهيبة والمميزة والبتديك احساس انوا الزول قاعد جوة المطبخ .
بالنسبة للفسيخ انا نفسى اكون متميزة فيه .. جبتو وفرمتو ذى ماقالت الاخت طلع فيه شوك ماناعم . وفعلا اخرام المكنة كبير كيف اقدر اتحصل على اخرام صغيرة تطلع لى عجينة ناعمة خالية من الشوك وزوجى بحبوا شديد نفسى اعرفوا واظبطوا وماهى افضل انواع الفسيخ احجاموا يعنى المتوسط ولا الصغير شديد .
معليش الليلة طولت عليك ..
بالنسبة لى (بل ) الفسيخ بالماء اديه كم يوم عشان يتبل ويخف الملح الفيه ؟
وشكرا ربنا يديك العافية ويحقق كل الامانى
السلام عليكم اختي بنت النيل
يا ستي لا شكر علي واجب وانا حاضرة ان شاء الله
تعرفي انه المفرمة اليدوية هي احسن لانه فتحاتها بتكون صغيرة
لكن لو عندك مصفي الخضار بعد ما تفرمي الفسيخ حليهو بي موية بسيطة ما تكوت تقيلة عشات القوام بعدين
وصفيه بالمصفي والاخرانه صغيرة
بعدين ما ببل الفيسخ بالموية بغسلوا طوالة بس بخلي الموية كتيرة لحدي الملح ما ينزل منه
والفسيخ بعتمد علي نوع انا بفضل الحجم المتوسط لان الكبير لحنه بيكون شوية مسيخ
ان شاء الله اكون افدتك
ملاحظه ياسمسم …ممكن يتعمل بنفس الطريقه بس بالتونه وبيطلع طعمو حلو بدون رائحه هههههههههههههه
اهلا منهل فعلا بالتونة بتعمل وانا عملته كتير تحايل لما ما يكون الفسيخ موجود :( ويطلع في راسي اعمل فسيخ بس في فرق بسيط في الطعم
مودتي :)
جد جد نفسي في فسيخ كل مرة افتح و اشوف الفسيخ هههههههههههههه
و فسيخ التونة ما وااااااااااااااااقع لي
سلام زينة ….انا لي اسبوع بفتح صفحة الفسيخ وسلطة الاسود بصورة يومية…وهسه قررت اجرب فسيخ التونة ده عسى ولعل يشفي غليلي…..
ان شاء الله يا ام لينة بيمشي الحال بس الفسيخ الاصلي لا يعلي عليه وزي ما قالت زينة فسيخ التونة ما بيقع للزول في حضرة الفسيخ
عملتها قبيل للفطور و طلعت لذيذة لكن…. مااااااااا زي الفسيخ…
الله يفتح عليك يارب شكرا خالص
عملتو لي لي ضيوف طالبنو طلب وطلع رهيب ودعيت ليك دعا وانشاله في ميزان حسناتك اصلي برة السودان ومعاك ما محتاجة كل يوم اتصل علي امي ربنا اديك العافية
شكرا على الوصفة الجميلة اختي
حقيقة الشعب السوداني شعب عظيم وفنان
وله فنون في الطبخ تجعلنا مذهولين..
بما أني عذوبي ه عذابي
قررت تجربة وصفتك هنا
وهي ممتازة جدا.. والنتيجة أمامي الان .. اتفضلو معي
تسلم
بالهنا ان شاء الله
معاكم ابو عمارجزاك الله الف خير بس عندي اضافة للاخوات عن خلط الفسيخ نحن في القرن 21 عشرين واي شي في متناول اليد اذهبن السوق واي واحد عندو مفرمة تفرم الفسيخ تخلي ليك زي الزبادي ،،،،وشكر ا
الف شكر على الطريقة مع انه الان اصبح الفسيخ يعبأ فى عبوات كبودرة وطبعا يطبخ بذات الطريقة ,,
لكن هنالك طريقة لطبخ الفسيخ دون فرمه اى ان الفسيخة كاملة وبكل شوكها ..
ياخى طعمه لذيذ بشكل رغم مشاكل الشوك ومخاطر ابتلاع شوكة … ههههههههه
ممكن تدينا طريقة الطهى للفسيخ بكامل هيئته دون فرمه او تكسير اوصاله ؟؟؟
شكرا علي وصفه الفسيخ الجميله ,انا بجيني الفسيخ جاهز من السودان بقولوا لي اعملي ليهو دكوة ولصله بس ما بطلع سمح ما عارفه المشكله وين .نفسي في الفسيخ الكامل بدون فرم رهييييييييييييب احييي ممممم
وااله شهيتين الفسيخ ياسمسمه يا مبدعه في الجو العجيب ده
جزاك الله خير كان نفسي اتعلمو من زماااااااااااااان
يلا جربي واديما رايك
بوركت
حاجربو في اقرب وقت
تسلمي
تحياتى اختى سمسماية وجميع الاخوات اول مرة ادخل الموقع وبالجد تسلم ايدك وجزيتى خيرا اليوم جربتة سلطة التونة كانت روعة .بالنسبة للاخوات البرة وبيسالوا عن الفسيخ ممكن يكون بدلو الساردين (مش التونة )ويتعمل بنفس الطريقة بس مابحتاج نار كتير نفس الطعم مافى فرق
نشكورة علي المعلومة تعرفي انا جربت التونة بس الساردين اول مرة
سماسم عندي جردل فسيخ عايزة احتفظ بيهو جاهز ماعارفة بعد الفرم احمصة بزيت وشمار وكسبرة ولا كيف ارجو الافادة
يا ستي انا لما اجيب الفيسخ بالجردل اول شئ بغسله عادي بموية من الماسورة وبخليه لاحدي ما ينزل الموية ويجف بعدين بفرمه واقسمه في برطمان مقاس الطبخة وبدخله الفريزر يجمد بشيل برطمان لما احتاجه واعمله :)
انت لو عايزة تعمليه قلبيه في زيت لحدي ما يجف اضيف ليه كزبرة ولما يبرد ختيه في البرطمان وعلي الفريزر
مبالغة امبارح قمت من النوم وعلي المطبخ عديل اول شي عجنت عجين القراصة وبعد داك بديت اعمل الفسيخ زي ماقلتي ولما خلص كانت القراصة جاهزة والله منن شدت ماطلع حلو اتصلت براجلي يستاذن نص ساعة من الشغل عشان يجي يفطر معانا. اللة يديكي العافية وصفاتك مظبوووووووطة بالميزان
ﻓﺴﻴﺦ ﺭﻫﻴﺐ . ﻟﻮ ﺳﻤﺤﺘﻲ ﺩﺍﻳﺮﻩ ﻃﺮﻳﻘﻪ ﻋﻤﻞ ﺍﻟﻜﺒﺪﺓ ﺍﻟﺴﻮﺩﺍﻧﻴﻪ ﻣﻴﻪ ﺍﻟﻤﻴﻪ :-)
وحاتك إنتي يا الغالية طبقت وصفتك كما هي، فما كان من أصدقائي الخواجات إلا أن تركوا لي المنزل وأقل واحد فيهم قال لي عليك اللعنة. ولكن بعد إنتهاء الطبخ تلذذت بالطعم الشهي ثم خرجت للتدخين، وعندما عدت وجدتهم يلحسون في الحلة وأقل واحد فيهم يقول that was awesome
هههههههه
كنت تقول ليهم عليكم اللعنة كملتو عليّ الفسيخ
ان شاء الله صحة وعافية عليك
فعلا اثناء الطبخ الريحة بتكون قوية لكن السمك في الاصل ريحتو قوية من قبل ما يبقي فسيخ
انت لقيتو وين في البلد ديك؟
ياخي كروس ويند دا راح فين ما قال ليك لقي الفسيخ وين في بلدو داك و ان كان ما بعرف بلدو داك هو نفس بلدي و لا لا … علي اي حال تعلمت عمل كل الطبائخ ا لخبائز و غيرو منك …. اصلو انا بمجرد من اتزوجت و بقيت زولة مسؤلة يعني طبيخ و ما عليهو … هب مشيت لبلد الافرنج ههههههه … تحياتي لكي و جزاك الله الف خير
طريقة رائعة مافي كلام تسلم يدك ياستي
طريقة جميلة ^_^ لكن!!!!كم مقدار الفسيخ؟؟؟
رووووووووعه
سلام سميه اليوم عملت دمعه الدجاج ع طريقتك وكانت أول مرة وعملت الفسيخ بجد روووعة تسلم ايدك
اليوم جربتو وطلللع رهييييييب تسلم يدك
شكرأ جدآ ..كنت ابحث عن طريقة تحضير وجبه فسيخ
كلام مرتب ..واضح وبسيط .. لك التحية
روعه وطريقه شرح واضحه جدا تسلمي من كل شر
شكرا جزيلا وسلمت يداك 😍😍😍