المكونات
كيلو بلح منزوع النوى، 1/4 م ص كربونات،
1/2 م ص قرفة مطحونة أو هبهان،2 م ك سمن بلدى
الطريقة:
يغسل البلح جيدا ويترك لتصفية الماء
يوضع فى طنجرة ويضاف الكربونات ويغمر بالماء
ويرفع على النار حتى يستوى جيدا
(استخدمت طنجرة ضغط)
بعد ان يستوى جيد يهرس حتى يذوب البلح
ثم تتم تصفيته بمصفى الخضار للتخلص من القشرة وليصبح ناعما
توضع السمن فى وعاء عميق على النار
ثم تضاف مديدة البلح ويضاف القرفة او الهبهان
ويمكن اضافة قليل من السكر
وتترك على النار لمدة 10 دقائق
ثم تقدم دافئة
ويمكن اضافة جوز الهند على الوجه
شكرا
وقفت كثيرا هنا
كيف تؤكل هذه ؟
كم من الزمن توضع فى التلاجة
اذا اكلت في حينها تكون الذ واطيب
ولكن يمكن اتحفظ في الثلاجة لمدة يومين تقريبا
شكرا ليكي والله شكلها مغري
مامكن استخدم عجوه بدل البلح لانو نحنا فى الغربه ماعندنا بلح
اهلا املى الوحيد
طبعا ممكن تتعمل بالعجوة بس ما ح تاخد وقت كتير علي النار
وما بتحتاج الي كربونات زى البلح الجاف
جربيها وان شاء الله تتطلع احلي
بالعجوة بتتعمل وعلشان ماتتطلع حلوة شديد تتدوبى ملععقة كبيرة دقيق فى نصف كبايةشاى ونكبه فيها بعد تصفيتها ونتركه شوية على النار
شنو يا سماسم مادايرةليها دقيق ؟؟؟؟؟
اهلا ام مروة بيعتمد علي نوع البلح اذا البلح نوعة جاف
وما بيبقي مديدة متماسكة بدون اضافة بنضيف دقيق او نشا بنسبة بسيطة
yamy yamy
مصفى الخضار ده ياتو ده ؟؟
رهيييييييييييييييييييييييبة جد
تسلم الايادي لو ممكن طريقة مديدة الدحن لاني بحبها اكتر من البلح والحلبة
تسلم يدك أخت سمسمايه والله انا عروس وأتعلمت منك الكتييييييير مشكورة
تسلمي صراحة عملتها بس اللون كان باهت ماعجبني مع انو ما بحب الالوان الصحية ولا الجلي الاحمر بحس انو طعمها بتغير الحل شنو
لون شنو؟ المديدة؟ علاقة الالوان شنو بيها؟
اذا بتقصدي المديدة نوع البلح هو البيديك اللون الكاكاوي دا يعني مثلا التمودة ما زي البركاوي اللون قريب من الشيكولاته الداكنة
يعني ما فيها دقيق ؟
حسب الذوق في ناس بخت دقيق وانس نشأ لكن بنسبة صغيرة
اذا حسيت كدا بتطون عليكم تقيلة اعملي شوية ما كتير
سلام عليكم عملتها بس شكلي كترت المويه المهم صفيت المويه ولميتها امكن يعمل شربوت
عملتها بعجوة خليجيه ما طاعمه زي حقتنا طبعا سبحان الله
بس كالعاظه لمن اتزنقت انتي البتفكي زنقتي
٧ سنين معاكي
كل الحب والتقدير
كنت تعملي ليها شوية نشأ او كستر بتتلم ليك ناس كتير بتلمها بالكاستر بس نحن بنحبها كدا بدون وبتكون طاعمة وما بتحتاج لزيادة سكر