المكونات:
بصل (3 متوسطات الحجم)، ربع فنجان زيت نباتى، ربع كيلو لحم الضأن،
1 م ك صلصة، 1 م ص ثوم مفروم، ملح ، فلفل كزبرة قليل من القرفة،
ربع كيلو رجلة (ربطة كبيرة)غسولة مفرومة بالسكين ناعم
½كوب عدس(ينقع فى الماء 10دقائق)
الخطوات:
يقطع البصل الى شرائح رفيعة ويحمر فى الزيت داخل قدر متوسط وعميق
تضاف الرجلة المفرومة والعدس
يضاف كوب من الماء وتقلب وتترك على النار
ويتم تحريكها من وقت لآخر ويمكن اضافة قليل من الما ان احتاج
ويضاف اللحم قبل ان يستوى العدس تماما
وتترك على النار مع الاستمرار فى التحريك حتي تستوي
نضيف الصلصة والبهارات والثوم
تترك الرجلة فى نار هادئة لتتسبك
وبالهنا
تسلمى على الوصفة
ويا حلاة ملاح الرجلة مع الكسرة
بس حبيت اضيف انو عندنا فى الغربة ما قاعدين نلقى الرجلة
وبنستخدم بدلا السبانخ
بنفرمو زى الرجلة و بدى نفس المذاق
شكلها رهييييييييييييييييييب
شكرا على الوصفة خليتيني أجرب أعمل أول ملاح رجلة في حياتي … ما شاء الله
طبيخ الرجلة من احلي الوصفات البحبها والعجب لو بات في الثلاجة
مع الكسرة رااااائع
دمتي ام لينا
:)
يممممممممممممم , أكلاتنا السودنية ما في زيها , شكرا على الوصفة
thank you very much..3yza a3ref lee7 3mlti alrejla qbl ala7ma
مرحب سوسو عملت الرجلة قبل اللحمة لانه الرجلة بتاخد وقت كتير في النار والمدة الطويلة دي بتهرد اللحمة بتخليها تتفتت
tslami ya3sal…
شكراااااا اديك العافية وينور ليك دربك
انا سمعت في ناس بضيفو حتة قرع للرجلة عشان يديها صفار ولون حلو من غير ما يغير ف الطعم
ايوة صاح في ناس بتضيف القرع بس انا ماجرت القرع معاها :)
هي بدون قرع لونها حلو اذا حمرتي البصلة كويس والصلصة ما تكون كتيرة :)
تسلمي ياسمسم يا فنانة على كل وصفاتك الرايعة ..
انا طريقتي للرجلة بخلي البصل يستوي على موية اللحمة على ناار هادية .. و قبل ما يستوي اللحم بضيف الرجلة الناعمة و العدس مبلول لساعة او اكتر عشان يستوي لي سرعة و الاهم بستبدل الموية بعصير طماطم مركز بعد ما اخلطه ف الخلاط مع ماجي و توم -الطماطم بديها طعم رهيب و لون و قوام…
آخر شئ بضع ملعقة الصلصة عشان ما تشرب لي السوائل كلها .. اول ما تتسبك ع نار هاادية و الزيت يطلع فوق و تعمل وش حلو .. بنزلها و بتطلع رررهيبة
انا اليوم أول مرة أعمل ملاح رجلة و طلع زابط شديد
جدا رائعه
اديكم العافية سمسماية وام ايهاب كنت مرعوبة من عمل الرجلة لكن الليلة شجعتونى وباذن الله رجلتى حتظبط ,,,,,,ربنا يحفظكم