المقادير
كوب دقيق،3/4 كوب سميد، م ك باكنج بودر، 2 كوب ماء، م ص ملح
القطائف المالحة
المقادير :
المقادير الاساسية،ثوم مطحون ،فلفل،
الحشوة:
فرانكفورت مقطع قطع صغيرة، بصل مقطع قطع صفيرة،م ص ثوم
فلفل اخضر مقطع، طماطم مقطع، ملعقة جبنة سائلة، بهارات
الطريقة:
تخلط جميع المقادير فى وعاء عميق
اضفت قليل من الثوم المطحون وقليل من الفلفل للعجينة
توضع مقلاة على النار لتسخن
يصب العجين عليها ويترك يستوى
الحشوة :
في مقلاه يوضع الفرانكفورت مع قليل من الزيت ويقلب
تضاف الخضروات والملح والبهارات ويقلب لمدة 2 دقيقة
تضاف الجبنة ويخلط الجميع جيدا
توضع الحشوت فى القرص وتطوى مع الضغط على الاطراف
يوقد الفرن مسبقا ترص فى صينية الفرن،
تترك حتى تصبح ذهبية
القطائف الحلوة
المقادير:
المقادير الاساسية، 1/4 كوب سكر
شيرا (قطر)
الحشوة:
فول سودانى مطحون خشن، جوز هند، سكر
الطريقة:
خلط جميع المقادير فى وعاء عميقويضاف السكر
تخلط مقادير الحشوة
تكمل بقية الخطوات
تخرج من الفرن وتترك لتبرد وترص فى طبق التقديم
يضاف اليها قليل من القطر ويرش عليها جوز الهند
يا أخت سمسماية
والله انتي مبدعة جد….كل حاجة انا بحبها ونفسي اعملها براي وبي طريقة بسيطة لقيتك عاملاها .. ما شاء الله ربنا يجزيك كل خير واحسان…دمتي دائما
:)
انا حابة اسالك يا سمسم ما هو الفرانكفورت
ياستي الفرانكفورت هو السجق وبالعامية السجوك
السلام عليكم,,بالجد مشكوره جدا علي الوصفات الله يديك العافيه..انا جربت الفطايف الحلوه وما عارفه ليه مسكت لي في الطوه مع العلم انها تيفال حاسه انو السكر هو السبب وتاني حاجه عايزه اعرف بتقفليها كيف؟؟بتحطي علي الاطراف حاجه تلينها وتضغطيها؟؟؟معليش اذا طولت عليك
وعليكم السلام تغريد
بالنسبة للقطايف احتمال زدتي السكر لانو الكمية قليلة ما بتخليها تمسك بالنسبة للقفل بطويها وبضغط علي الاطراف وبتقفل سريع ما بتحتاج لاشئ.
الفرانكفورت هو الهوت دوق تمام
ما شاء الله عليك وربنا يديم عليك هذه النعمة
عاوزة اسال عن السميد قاصدة بيه شنو
سارة السميد هو السمولينا
ازيكم لو سمحتي سمسم ممكن احمرا بالزيت (ماشغالا بي موضوع الرجيم خالص )
ليه بالزيت يعني؟
شوفي زيت غزير ما بينفع ختي م سمن (مدام موضوع الرجيم دا ما شايلاهو ه) في طوة وقلب القطع لحد ما تتحمر من الجهتين لانهها اصلا مستوية بس نحن عايزيم لون والسمن بيديها مكهة مميزة
دمتي بخير
تسقط كل الشعارات المرفوعة مش كدا يازينا جربتا البالسمن تحفة~الحياة احلي مع سمسماية دا الشعار الجديد
ههههههههههههههه مع سمسماية فعلا نحنا احلى و مع الرجيم ضعنااااااااااااااااااااااااااااااااااااااااااا
تسلمى يا سمسماية على الابداعات .. ربى يديك الف عافية ..بس لو سمحتى يعنى ممكن احشيها بالقشطة بدل الفول اصلى ما بحبو ؟؟
ربي يسلمك
ممكن تحشيها قشطة بالعكس طعمها بيكون احلي
طلعت رهييييبه سمسايه الله يديك العافيه لكن ماقدرت اقفلا بعد حشيتا مافى حاجه اقفل بيها؟
لو ضغطي عليها بطرف اصبعك بتقفل معاك
تسلمي سمسيه اقترح عليك ادخال بعض الوجبات لزيادة ونقصان الوزن و كمان ادخال وجبات لبعض الامراض كمريض السكري ارتفاع الضغط. القصور الكلوي
تسلمي يا غالية
صعبتيها :) بس احاول ان شاء الله
الغاليه سمسمايه تسلمي على الابداع الدائم في وصفاتك ,, انا نفس العجينه بحشيها سبانخ مع بصله وملعقتين بشمل وبضربهم في الخلاط احشيهم وارصهم في الصينيه وباقي البشمل بخت فيه معلقة ص صلصه وعلى طووول فوق الحشوات وترش بالموزريلا وتدخل الفرن حاجه ما تخلص جربيها يا عسل واديني رأيك :)
تسلمي ان شاء الله
اكيد ح اجربها وديك خبر
thank you