المقادير:
3م ك بصل مجفف مطحون ناعما،2 م ك لحم العجل المجفف ومطحون ناعما
2 كاس زبادى (زنة الكاس 500 جم)،3 م ك دقيق
3 م ك فول سودانى مطحون ناعما (تحميص خفيف)
3م ك زيت ملح، فلفل،ملقعة سمن بلدى (او زبدة)
الطريقة:
فى قدر يوضع البصل واللحم وكوب من الماء على النار
حتى يبدأ فى الغليان ويضاف الملح والفلفل ويترك لمدة 3 دقائق
يخلط الدقيق مع الزبادى جيدا ثم يضاف الى الخليط
ويحرك حتي يغلظ قوامه ويبدا فى الغليان (يمكن اضافة 1/4 م ص ويكة)
تخفض النار ويترك لمدة 7 دقائق
يذاب الفول بقليل من الماء ويضاف اليه مع التحريك لمدة 2 دقيقة
تضاف السمن ويرفع من على النار
يقلب كل دقيقة حتى تهدا حرارته (حتى لا تتكون طبقة جامدة عل السطح )
ويمكن ان يقدم بالكسرة السودانية
السلام عليكم ورحمة الله وبركاته الفاضلة سمسماية لك الشكر على الابداع بالمشاركة الطيبة
بهذه الوصفة الجميلة لملاح الروب وانشاء الله ينير دربك ويجعلكى زخراً سامى لاهل السودان
كم كنت سعيداً لقرات الوصفة كم هى بمثابة تعريف للعالم أجمع ولك الود.
وعليكم السلام اخى الفاضل فواد
اشكر اخى على كلماتك الرقيقة
ان شاء الله اكون قدر المسئولية
دمت بحفظ الله
سمسماية ياعسل الله يجزيك خير..
الروب ابداع اول مرة اعملوا من خلال وصفتك ,تانيا الفطائر تجنن .
انا متابعاك دوما .
بصراحه ملاح الروب روعه ما شا الله تسلم ايدك يا سمسمايه
بس عندي سوال انا في غربه وما عندي شرموط او لحمه مجففه هل ممكن اعملو بلحمه طازجه…؟ وشكرا مقدما
اهلا اسماء
ياستي انا امبارح عملتو من غير لحمة ولا شئ
وطعمو طلع رااائع حتي ناس البيت ما لاحظو الفرق
بالنسبة للبصل اصلا ما محتاجة تحمريها خليها بيضاء عشان اللون يكون ابيض
الصورة الفيها الحلة والبصلة واللحمة والموية دي اللون دا جا من الشرموط ما تحمير البصلة
مودتي
و عندي سوال تاني
هل البصل المجفف لازم يكون محمر من قبل ولا يمكن اعملو ببصل مجفف ما محمر …؟ و اسفه علي الاطاله .. جزيتي خيرا
سمسماية يا ذوق تم التطبيق بكل سهولة ونجاح ..والله يسعد ايامك ..اصبح عندي الان 7 اصناف من ملاحات الروب والتقلية يعني كل جمعة هههههه شكل وبدون تكلفة الله يبارك في عمرك
حقيقي طلع لذيذ وطاعم بدون لحم عشان ما متوفر عندنا
سلام عليكم سمسمايه
عملت ملاح الروب بس طلع ما ضابظ خالص لانو الزبادي فطير .. ممكن توريني اعمل شنو للزباردي عشان يبقي حامض ..؟ لانو انا في امريكا والزباردي كلو البتباع فطير ولو اشتريتو وتركت يتخمر لمده كم يوم بلقاهو بدأ يعمل صوفين يعني بصوفين وريحتو بتيقي غريبه
وعليكم السلام اسماء
الجو عندكم الايام دي كيف بارد ولا حار؟
لو الجو سخن ممكن تعملي في البيت
جيبي حليب رطل مثلا ويكون دافي بس وتضيفي ليهو م ك زبادي
وتخليهو برة لحدي ما يروب ويبقي مر
ولو عندكم جبنة بيضاء زي حقتنا الفي السودان ممن تضيفي ليه جبنة
بيبق مر
او لو عندك الدقيق بتاع الكسرة الخمير برضو ممكن تضيفي منو بسيط للزبادي وتخليهو ليلة برة
سمسماية يا رائعة ..ساترانا في الغربة الله يجزيك خير محل ما تقبلي…
بسال لو الزبادى فطيير ممكن اديو حببببت ملح ليمون
شكرا ليكي يا سمسمه .. المره الجايه حأحاول اعمل بواحده من الطرق القلتيها دي
دي وصفة اصليه بعملوها اهل زوجي بس ماادوني سرها والسر عرفتو من عندك هههههههه تسلمي
ملاح الروب دا تحديدا من واصفاتي الخاصة بطريقتي السمسماوية
في طريقه تانية لملاح الروب البتعمل في الاعراس
جاهزة عندي بنزلها ليكم
بس دا طعمو غييييير
حق الاعراس دا عايزنو قبل رمضان لانو بدون لحمة مفرومه ولونة ابيض ناصع مع السمن حاجة عجيبة
[…] او ملاح الروب او ملاح الروب الابيض […]
الوصفة دي ابداع وسريعة ولذييييذة ….اول مرة أعمله وأتذوقه …تسلم ايدك
ma shaa allh
والله جزال الله خير بالجد ما قصرتي معانا
حبوبتى الله يرحمها كانت بتعمل الكرارة دة والله قمة فى الروعة وقدر ما اوصفها مافى زول فهمنى تسلمى لى ياسمسماية يارايعة