المقادير :
2كوب دقيق،بيضة،4/1 كوب زيت ذرة،4/1كوب ماء للعجن،
ملعقة صغيرة باكنج بودر،ذرة ملح، فانيليا، زيت للتحمير
الخطوات:
خلط الدقيق مع المقادير الجافة جيدا
تكسر البيضة ويضاف الزيت ويخلط الجميع
يضاف الماء قليلا قليلا ويعجن جيدا حتى تتكون عجينة ناعمة وطرية
تترك العجينة للتخمر لمدة 2/1 ساعة تقريبا
تفرد العجينة (يمكن استخدام ماكينة فرد العجين) وتقطع الى اجزاء مستطيلة
تحمر فى زيت غزير حتى يصبح اللون ذهبيا كما بالصورة
ويرش عليه السكر الناعم أو الشيرا
كل عام وانتم بخير ونتمنى منكم المزيد
رائع كروعتك
معقول الجمال ده كلو
بطبقه اليوم لانى زهجانة
بارك الله فيكم استفدت كتير من وصفاتكم الله يذيدكم علم ويقدرنا علي جزاكم
والله ياسمية الفطير دا شكلو كلو اسرار ام اماسى طلع سرها فية بتخت كاسترد وعندنا جارتنا دى خبيرة فى الفطير
لكن مابتقول سرها معاهو بس سمعت سمع قالو بتخت اندروس الفوار مع العجين ممكن الكلام دا لكن رغم كل الاسرار حقك لايشق له غبار عملتو كم مره حاجه رهيييييييييييييبة
تحياتي لك عزيزتي ام ساره بالنسبه للاندروس خطر جدا استعماله مع الطعام ولان زوجي طبيب وانا اخصائية تغذيه نعلم ان الدواء مفروض يتم تخزينه في درجة حرارة الغرفه(25درجه مئويه) وعند استعماله في القلي يتعرض لحراره عاااليه لذا لايجب استعماله ممكن يحل محله السفن اب وبرضو السفن اب مفروض مايتعرض للحراره لكن هو اخف وطأه من الدواء وماتنسي ياام ساره مع الكاسترد النشأ هههههه والله وصفتك بتكون روعه جربي وكلميني ولا رايك شنو ياسمسمايه
ياسمسمايه بديك سر للتحمير عشان الفطيره تكون متل الانبوب كلها مجوفه بالتساوي وانشاءالله تفهميني اولا الزيت يكون حار ماشديد طبعا واول ماترمي الفطيره خليها ثانيه وبسرعه دخلي الملعقه ولازم تكون( ملعقتك كبيره )تحت الفطيره واضريي الفطيره من تحت براحه وطوالي بتبدا تنفخ معاك ماتوقفي ضرب حتي تنتفخ كلها ياريت تكوني فهمتيني جربي وردي علي
يعنى بيتكم عيادة الله يعين اولادكم الكاسترد كم ملعقة انا عايزاه مقرمش كرم كرم ههههههههههه وينك ياسمية من عملتى بسكويت ام اماسى ماظهرتى منتظرين باقى الصور
اهلا ام ساره وام اماسي
موجودة والله
بس نقاشكم جدا اعجبني واستمتعت به
وان شاء الله ح ينزل بس مرات بكون مشغولة ومرات برجع من الشغل تعبانة حجات زي كدا
لكن ان شاء الله ح تنزل
برجع اعلق علي تعليقاتكم الفوق
مودتي
هههههههههههه والله موتيني من الضحك الله يديك العافيه ياام ساره ياستي مك كاستر+ مك نشأ + وصفة سمسايه والله كلامك عجيب وصح من يوم سمسمايه عملت البسكويت ماظهرت وينك ياسمسايه انا وام ساره شغالين نعمل في الكاستر والنشا وانتي مافي رد ليك لعل المانع خير
معليش نسيت المويه نصف كوب او اقل
يا سمسماية أول مرة ألقى الموقع ده كنت بفتش على الوصفة دي و طلع حاجة مبالغة …أقول ليك شنو بس …ابدعتي في كل شي وفي توثيق حاجاتنا السودانية الجميلة.
بركة الجتينا لانو زادت سعادتنا
شرا ليك يا ام لينه
دا من ذوقك والله
ان شاء الله تلقي عندنا اي شئ تحبيه
ولو ما لقيتي اطلبي وان شاء الله
طلبات مجاااااااااااااابة
:)
طيب ولو عاوزاه يكون لين شوي ما مقرمش اعمل شنو………..وشكرا على الفطير لي مدة افتش في طريقتو…
تسلمي
مرحب ميمو
لو ما عايزاهو يقرمش ما تفردي العجين شديد
خليهو شوية اسمك بس ما كتير عشان ما يكون مدبدب وكدا بيكون لين ما مقرمش
:)
الاستاذة سمسماية ارسل اليك تحياتي وكثير الشكر على وصفة الفطيرة السودانية انا بتمنى ان نتواصل فانا بشرفنى كثير بان نكون اصدقاء انا ما بشكر نفسى ولكن بشهادة الجميع نفسى حلو فى الطبخ بحب دايمن اعرف كل اكلة جديدة فاذا ارتي اي استشارة او اي مساعدة ما بتاخر عليك بتمنى انو نتعرف عن قرب فانا بتمنى انو عن طريقك اتعرف علي السودانيات الفى الدول العربية التانية لكي نرفه على بعضنا شوية فى الغربة بتمنى انو شوغلك يتطور اكثر فاكثر وشكرا
وانا اتمني ايضا ان نتبادل الخبرات
واي تعليق انا حاضرة وممكن تتواصلي معنا في الفيس بوك
http://www.facebook.com/group.php?gid=367324315943
السلام عليكم جميعا
اولا احييك ياسمسمايه علي المجهود الرائع والمقدر وعلي الاختيار الموفق للوصفات المهمه في مطبخنا، وصدقيني انا ختيت صفحتك في المفضلة عشان اصل ليها بسرعه، فانا بحب شغل المطبخ جدا و وصفاتك دي حا اجربه كلها انشاالله، واوريك النتائج.
اهلا بيك ام فاطمة وان شاء الله تلقي المدونة ذي ما تتواقعي
وصفاتها تعجبك وتظبط معااك
الله يعطيكم العافية
ويعافيك ان شاء الله يا ام عثمان
طبعا يا سمسمايه يا عسل جربته الفطييييييير وطلع ابداااااع تسلمي يا سكر وجزاك الله خيرا وبارك الله فيك والي الامام دائما وموفقه يا رب
تشكرااااااااااااااات يا ام آلاء
تسلمي وان شاء الله انت برضو موفقة
سلام وسنة سعيدة عليكم
جربتا الفطير واديت العجينة ملعقة كاسترد وطلع الطعم مبالغة، بس كان منفخ شديييييد مشروع كور واسطوانات، انقص الباكنج ولا اعمل شنو؟؟
ربي يسلمك
المقادير مظبوطة بس انت المرة الجاية افردي العجينة كويسما تخليها تخينة
كل سنة وانت طيبة
سمسم وينك ووينك يام اماسي وام سارة وكل الرائعين اخباركم شنو حتي الونسة الممتعة خليتوها وحشتووووووووووووووووووونا
موجودين يا لموية بس نقلنا الونسة في مطبخ سمسماية
موجودييييييييييين يا لموية انا اكتر شي بكون في سمسماية حقت الفيس بوك اذا عندك صفحة ادخلي معانا هناك الونسة مدورة والاكل 24 ساعة
http://www.facebook.com/group.php?gid=367324315943
السلام عليكم يااخواتي لو سمحتم دايرة وصفة السلطةالبيضاء
كيف يا شباب والله عجبني مجتمعكم وونستكم ياريت تقبلوني صديقة وانا بحب شغل المطبخ والتنويع شديد بالذات اكلاتنا السودانية الرائعة وبرضو بسال من السلطة البيضاء البي العجور وسلطة الجزر
تسلمي يا امهم وان شاء الله ح اعمل ليكم السلطة البيضاء بالطريعة الاصيلة وسلطه الجزر موجودة شوفي صفحة الروابط بتلاقيها
مودتي :)
ازيك ياسمسمايه ان شاءالله تكوني بخير
انا متابعه طوالي في مدونتك وجربتا كم حاجه منك وبسم الله ماشاءالله الله اكبر علي النتايج
لكن كنت بكسل عن التعليق لكن والله بس متابعاك بالدعوات ان شاءالله ربنا اديك الصحه والعافيه
طبعن اخر حاجه عملتا ليك الفطير بتاعك طبعن في الغربه دي لما عملتو وطلع فطيرنا ياهو زاتو وبي قرمشتو ماصدقتا يسلمو يارائعه علي الوصفات الرايعه.
جزيتي الجنان من المنان يارب.
السلام عليكم اخواتي …احب اشكرك يا اخت سمسمايه علي كل الوصفات الرائعه ..اريد ان اطلب منك طريقة عمل المخلل السوداني ..كل انواعه وخاصه مخلل الباذنجان
سمسمايه حبيبتى كيف اخبارك لوسمحتى عندنا عرس عليك الله لو تدينى مقادير الفطير بالكيلو واكون شاكره ليك كتير
انا عجنت الفطير وجيت اشكر الايادى العملت لينا الفطير وكتبت الله يجزاكم خير كتييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير
تسلم الأيادى السودانية الأصيلة ربنا يديك الف عافية
االسلام عليكم اخواتي انا نهله علي دينار اقيم بامريكا اعجبني الموقع واحب المشاركة
اهلا بيك وبمشاركاتك
العجينة ملمسا جميل يا سمسمايه وبعد التحمير شكلوا جميل قبل ما نرشو بالسكر تسلم يدك على الوصفه الحلوه دي وربنا يديك العافيه انشاءالله
شكرا يا سمسماية جزاك الله خيرا لقد استفدت من وصفاتك
شكرا جزيلا
رووووعة وتم الحفظ وسينفذ قريبا
انا ما قادرة اصدق كنت بفتش علي الوصفة دي من زمان وعجبني اكلك ووصفاتك تسلم إيدك ياسمسماية وربنا يديك العافية أنا حكون معاكم إن شاء الله في موقع الفيس بوك
تسلم الأيادي
تسلمى على الوصفة
تسلمى سمسماية الآن جارى التنفيذ
شكرا سمسمايه وصفه رائعه انا جربتها بس الفطير ما اتنفخ طلع مطبطب تفتكري الغلطه وين
سلام
سمسماية للأسف طلعتي مكبراها حبتين الفطير ما طلع فطيرنا المعروف هشاشة وطعم مميز .رك فطيرة شاي:-/ ياريت الاخوات المعلقات يكونن موضوعيات.
تسلمي كتييييييييير يا سمسمايه عملتو وطلع رهيييب ربنا يجزيك الجنه
Salamat
شكرالا وبارك الله فيكم
اسي عجنتو وح اقوم اقطعو بعد شوية .. بقيت مجنونة مطبخ كل يوم لازم اطبق وصفة من وصفاتك..بس انا مشكلتي بستعجل في الشغل بحب اصل للنتيجة النهائية سسسريع ودي مشكلة طبعاً
المهلة سمحة :)
علي قوووولك 😊
عملتو وطلع حلو بس ماكان مقرمش وبكرا شايلاهو ل صحبتي تسلمي سمسمايه.
تبارك الله ابداااع
سمسمايه الرائعه الله يكرمك الجنه علي كل ابداعاتك
علي فكره انا عرفت الموقع من صحبتي في المانيا ولقيت حاجات تجنن وكيكة الشكولاته واو واو واو تسسسلمي
ربنا يديك العافية ويكرمك
انا كنت في ورطة ولولا الموقع مع كنت اعرف اعمل أي شي شكرا اكتتتتتييييييييييييييييييير
تسلمي يا غالية
السلام عليكم ورحمة الل وبركاه
يا حبايبي انا بسـأل عن المشبك وليس الفطير ارجو الاسراع بالرد
وجزاكن الله خير
ما ضروري تندق لانه هذا الجزء هش وبيستوي سريع
سلام عليكم ربنا يديك العافيه سمسمايه على مجهودك وتسلمي والتوفيق يارب
4/1 ﻛﻮﺏ ﻣﺎﺀ ﻟﻠﻌﺠﻦ، يعني 4 كوب ول ربع كوب
ربع كوب
سلام عليكم سمسماية، اولا حابة أشكرك على الوصفات الجميلة و الذيذة بصراحة كم وصفة من موقعك طبقتها و النتيجة دايما روعة خصوصا وصفة الفطير دى ، لى سنتين مما اتعلمتها منك و حافظة الوصفة بس كل ما اجى اعملها برجع أشوفها تانى،بحب أشكرك تانى لانو احنا هنا فى الغربة بعيدين من امهاتنا فبنتعلم من النت و خصوصا منك جزاك الله خير و جعل كل ما علمتينا ليهو فى ميزان حسناتك 🌹🌹
السلام عليكم والله الموقع عجبني وتسلمي علي الوصفات الرهيبه دي.. ان شاءالله تنزلي لينا حاجات متنوعه ….
جزاك الله خير رهيييية ماشاء الله
السلام عليكم ورحمة الله
تسلم الايادي ماقصرتوا
هل ممكن اضافة السمن البلدي بدل الزيت في العجنة ؟
ارجو الرد سريعا
وماهي هي فائدة الكاسترد هنا
وعليكم السلام ورحمة الله
اكيد …. وبيدي طعم خرافي
السلام عليكم لو عاوزة المقادير دي لي كيلو ياسمسماية